ಮುಜುಗರದ ಸೋಲಿನಿಂದ ಹೊರಬಂದು ಯುಎಇ ವಿರುದ್ಧ ಟಿ20 ಸರಣಿ ಗೆದ್ದ ನ್ಯೂಜಿಲೆಂಡ್
UAE vs NZ: ಮೂರು ಪಂದ್ಯಗಳ ಟಿ20 ಸರಣಿಯ ಎರಡನೇ ಪಂದ್ಯದಲ್ಲಿ ಕ್ರಿಕೆಟ್ ಶಿಶು ಯುಎಇ ವಿರುದ್ಧ ಮುಜುಗರದ ಸೋಲನುಭವಿಸಿದ್ದ ಬಲಿಷ್ಠ ನ್ಯೂಜಿಲೆಂಡ್ ಕ್ರಿಕೆಟ್ ತಂಡ ಕೊನೆಗೂ ಟಿ20 ಸರಣಿಯಲ್ಲಿ 2-1 ಅಂತರದಿಂದ ವಶಪಡಿಸಿಕೊಳ್ಳುವಲ್ಲಿ ಯಶ
Updated on: Aug 21, 2023 | 8:46 AM
ಮೂರು ಪಂದ್ಯಗಳ ಟಿ20 ಸರಣಿಯ (T20 Series) ಎರಡನೇ ಪಂದ್ಯದಲ್ಲಿ ಕ್ರಿಕೆಟ್ ಶಿಶು ಯುಎಇ ವಿರುದ್ಧ ಮುಜುಗರದ ಸೋಲನುಭವಿಸಿದ್ದ ಬಲಿಷ್ಠ ನ್ಯೂಜಿಲೆಂಡ್ ಕ್ರಿಕೆಟ್ (United Arab Emirates vs New Zealand) ತಂಡ ಕೊನೆಗೂ ಟಿ20 ಸರಣಿಯಲ್ಲಿ 2-1 ಅಂತರದಿಂದ ವಶಪಡಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಆಗಸ್ಟ್ 20 ರಂದು ನಡೆದ ಮೂರನೇ ಮತ್ತು ಕೊನೆಯ ಟಿ20 ಪಂದ್ಯದಲ್ಲಿ ಯುಎಇ ತಂಡವನ್ನು 32 ರನ್ಗಳಿಂದ ಸೋಲಿಸುವುದರಲ್ಲಿ ಟಿಮ್ ಸೌಥಿ (Tim Southee) ನೇತೃತ್ವದ ಕಿವೀಸ್ ಬಳಗ ಯಶಸ್ವಿಯಾಯಿತು. ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ನ್ಯೂಜಿಲೆಂಡ್ ನಿಗದಿತ 20 ಓವರ್ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 166 ರನ್ ಕಲೆಹಾಕಿತು. ಈ ಗುರಿ ಬೆನ್ನಟ್ಟಿದ ಯುಎಇ 7 ವಿಕೆಟ್ ಕಳೆದುಕೊಂಡು 134 ರನ್ ಗಳಿಸಲಷ್ಟೇ ಶಕ್ತವಾಯಿತು.
ಯುಎಇ ವಿರುದ್ಧದ ಮೊದಲ ಟಿ20 ಪಂದ್ಯವನ್ನು 19 ರನ್ಗಳಿಂದ ಗೆದ್ದು ಬೀಗಿದ್ದ ಕಿವೀಸ್ ಪಡೆ 2ನೇ ಪಂದ್ಯದಲ್ಲಿ 7 ವಿಕೆಟ್ಗಳ ಹೀನಾಯ ಸೋಲು ಕಂಡಿತ್ತು. ಅದರಲ್ಲೂ ಕ್ರಿಕೆಟ್ನ ಶಿಶು ಎನಿಸಿಕೊಂಡಿರುವ ಯುಎಇ ವಿರುದ್ಧ ಬಲಿಷ್ಠ ನ್ಯೂಜಿಲೆಂಡ್ ಈ ರೀತಿಯ ಸೋಲು ಕಂಡಿದ್ದು, ಎಲ್ಲರಲ್ಲೂ ಅಚ್ಚರಿ ಮೂಡಿಸಿತ್ತು. ಇನ್ನೊಂದೆಡೆ ಬಲಿಷ್ಠ ಕಿವೀಸ್ ಪಡೆಯನ್ನು ಯುಎಇ ಮಣ್ಣಿಸಿದ್ದರಿಂದ ಮೂರನೇ ಟಿ20 ಪಂದ್ಯದ ಮೇಲೆ ಎ್ಲಲರ ಗಮನ ನೆಟ್ಟಿತ್ತು. ಮೂರನೇ ಟಿ20 ಪಂದ್ಯದಲ್ಲಿ ಟಾಸ್ ಗೆದ್ದ ಯುಎಇ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿತು.
UAE vs AFG: ಕೇವಲ 15 ಎಸೆತಗಳಲ್ಲಿ 74 ರನ್ ಚಚ್ಚಿದ ವಾಸಿಂ! ಯುಎಇ ಎದುರು ಸೋತ ಅಫ್ಘಾನಿಸ್ತಾನ
ಯುಂಗ್- ಚಾಪ್ನನ್ ಅರ್ಧಶತಕ
ಹೀಗಾಗಿ ಮೊದಲು ಬ್ಯಾಟಿಂಗ್ ಆರಂಭಿಸಿದ ಕಿವೀಸ್ ಪರ ವಿಲ್ ಯುಂಗ್ 56 ರನ್ ಮತ್ತು ಮಾರ್ಕ್ ಚಾಪ್ನನ್ 51 ರನ್ಗಳ ಇನ್ನಿಂಗ್ಸ್ ಆಡಿದರು. ಈ ಇಬ್ಬರನ್ನು ಹೊರತುಪಡಿಸಿ ಕೆಳಕ್ರಮಾಂಕದಲ್ಲಿ ಮಿಚೆಲ್ ಸ್ಯಾಂಟ್ನರ್ 20 ರನ್ಗಳ ಕೊಡುಗೆ ನೀಡಿದರು. ಈ ಮೂವರನ್ನು ಹೊರತುಪಡಿಸಿದರೆ ತಂಡದ ಮತ್ತ್ಯಾರು ಹೇಳಿಕೊಳ್ಳುವಂತಹ ಪ್ರದರ್ಶನ ನೀಡಲಿಲ್ಲ. ಹಾಗಾಗಿ ಕಿವೀಸ್ ಪಡೆ ಯುಎಇಗೆ 166 ರನ್ಗಳ ಟಾರ್ಗೆಟ್ ನೀಡಿತು. ಇನ್ನು ಯುಎಇ ಪರ ಬೌಲಿಂಗ್ನಲ್ಲಿ ಮಿಂಚಿದ ಜುನೈದ್ ಸಿದ್ದಿಕ್ ಮೂರು ವಿಕೆಟ್ ಪಡೆದು ಮಿಂಚಿದರೆ, ಕಳೆದ ಪಂದ್ಯದ ಹೀರೋ ಅಯಾನ್ ಅಫ್ಜಲ್ ಖಾನ್ ಇಂದು ವಿಕೆಟ್ ಪಡೆದರು.
ಕೈಕೊಟ್ಟ ಬ್ಯಾಟಿಂಗ್ ವಿಭಾಗ
ಇನ್ನು ಎರಡನೇ ಟಿ20 ಪಂದ್ಯದಲ್ಲಿ ಕಿವೀಸ್ ಪಡೆಯನ್ನು 7 ವಿಕೆಟ್ಗಳಿಂದ ಹೀನಾಯವಾಗಿ ಸೋಲಿಸಿದ್ದ ಯುಇಎ, ಈ ಪಂದ್ಯವನ್ನು ಗೆದ್ದು ಐತಿಹಾಸಿಕ ಸರಣಿಯನ್ನು ಕೈವಶ ಮಾಡಿಕೊಳ್ಳುವ ಇರಾದೆಯೊಂದಿಗೆ ಚೇಸಿಂಗ್ ಆರಂಭಿಸಿತು. ಆದರೆ ತಂಡಕ್ಕೆ ನಿರೀಕ್ಷಿತ ಆರಂಭ ಸಿಗಲಿಲ್ಲ. ತಂಡದ ಪರ ಆರಂಭಿಕರಾಗಿ ಕಣಕ್ಕಿಳಿದಿದ್ದ ನಾಯಕ ಮುಹಮ್ಮದ್ ವಾಸೆಮ್ ಕಠಿಣ ಮೊತ್ತವನ್ನು ಬೆನ್ನಟ್ಟುವಾಗ ಕೇವಲ ಎಂಟು ರನ್ಗಳಿಗೆ ಸುಸ್ತಾದರು.
He can bowl, he can bat, and he can SMASH them for SIXES 🔥🔥🔥Aayan Afzal Khan… pic.twitter.com/c3nTEieiR9
— UAE Cricket Official (@EmiratesCricket) August 20, 2023
ಮಿಂಚಿದ 17 ವರ್ಷದ ಅಯಾನ್
ನಾಯಕನೂ ಸೇರಿದಂತೆ ತಂಡದ ಟಾಪ್ ಆರ್ಡರ್ ಹಾಗೂ ಮಿಡಲ್ ಆರ್ಡರ್ ಗೆಲುವಿಗಾಗಿ ಶ್ರಮಿಸಲಿಲ್ಲ. ಆದರೆ ಕೆಳಕ್ರಮಾಂಕದಲ್ಲಿ ಗೆಲುವಿಗಾಗಿ ಏಕಾಂಗಿ ಹೋರಾಟ ನಡೆಸಿದ 17 ವರ್ಷದ ಅಯಾನ್ 36 ಎಸೆತಗಳಲ್ಲಿ 42 ರನ್ ಗಳಿಸುವ ಮೂಲಕ ತಮ್ಮ ಬ್ಯಾಟಿಂಗ್ ಕೌಶಲ್ಯವನ್ನು ಪ್ರದರ್ಶಿಸಿದರು. ಇನ್ನುಳಿದಂತೆ ಕಿವೀಸ್‌ನ ಪ್ರಭಾವಶಾಲಿ ಬೌಲಿಂಗ್‌ನ ವಿರುದ್ಧ ತತ್ತರಿಸಿದ ಯುಎಇ ಪಡೆ ಹೆಚ್ಚು ಹೊತ್ತು ಮೈದಾನದಲ್ಲಿ ನಿಲ್ಲಲಿಲ್ಲ. ಕಿವೀಸ್ ಪರ ಲಿಸ್ಟರ್ 35ರನ್ ನೀಡಿ ಮೂರು ವಿಕೆಟ್ ಪಡೆದರೆ, ಕೈಲ್ ಜೇಮಿಸನ್, ಮಿಚೆಲ್ ಸ್ಯಾಂಟ್ನರ್ ಮತ್ತು ಆದಿತ್ಯ ಅಶೋಕ್ ತಲಾ ಒಂದು ವಿಕೆಟ್ ಪಡೆದರು.
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
