MS Dhoni Bike Collection: ಭಾರತದ ಯಾವುದೇ ಶೋರೂಮ್​ನಲ್ಲಿ ಇಷ್ಟು ಬೈಕ್ ಇರಲ್ಲ: ಧೋನಿಯ ಬೈಕ್ ಕಲೆಕ್ಷನ್ ಕಂಡು ವೆಂಕಿ ಶಾಕ್

ಧೋನಿಯ ಬೈಕ್ ಪ್ರೀತಿ ನಮಗೆಲ್ಲ ಗೊತ್ತೇ ಇದೆ, ಆದರೆ ಮೊದಲ ಬಾರಿಗೆ ಅವರ ಬಳಿ ಇರುವ ಬೈಕ್, ಕಾರುಗಳ ವಿಡಿಯೋ ಜಗತ್ತಿನ ಮುಂದೆ ಬಂದಿದೆ. ಭಾರತದ ಮಾಜಿ ಕ್ರಿಕೆಟಿಗರಾದ ವೆಂಕಟೇಶ್ ಪ್ರಸಾದ್ ಮತ್ತು ಸುನಿಲ್ ಜೋಶಿ ಧೋನಿ ಶೋರೂಮ್​ನ ವಿಡಿಯೋವನ್ನು ತೆರೆದಿಟ್ಟಿದ್ದಾರೆ.

MS Dhoni Bike Collection: ಭಾರತದ ಯಾವುದೇ ಶೋರೂಮ್​ನಲ್ಲಿ ಇಷ್ಟು ಬೈಕ್ ಇರಲ್ಲ: ಧೋನಿಯ ಬೈಕ್ ಕಲೆಕ್ಷನ್ ಕಂಡು ವೆಂಕಿ ಶಾಕ್
MS Dhoni Car, Bike collection

Updated on: Jul 18, 2023 | 1:17 PM

ಮುಖ್ಯಾಂಶಗಳು

  • ಭಾರತದ ಯಾವುದೇ ಶೋರೂಮ್​ನಲ್ಲಿ ಇಷ್ಟು ಬೈಕ್ ಇರಲ್ಲ
  • ಧೋನಿಯ ಬೈಕ್ ಕಲೆಕ್ಷನ್ ಕಂಡು ವೆಂಕಿ ಶಾಕ್
  • ಧೋನಿ ಬೈಕ್, ಕಾರುಗಳ ಕಲೆಕ್ಷರ್ ಇಲ್ಲಿದೆ

ಮಹೇಂದ್ರ ಸಿಂಗ್ ಧೋನಿ (MS Dhono) ಬಳಿ ಎಷ್ಟು ಬೈಕ್‌ಗಳಿವೆ?, ಧೋನಿ ಬಳಿ ಎಷ್ಟು ಕಾರುಗಳಿವೆ?, ಯಾವ್ಯಾವ ಬೈಕ್‌ಗಳಿವೆ?, ಯಾವ ವಾಹನಗಳಿವೆ? ಎಂಬ ಕುತೂಹಲ ಪ್ರತಿಯಬ್ಬ ಅಭಿಮಾನಿಗಳಿಗಿತ್ತು. ಇದೀಗ ಮೊಟ್ಟಮೊದಲ ಬಾರಿಗೆ ಎಂಎಸ್ ಧೋನಿಯ ಗ್ಯಾರೇಜ್ ಜಗತ್ತಿನ ಮುಂದೆ ಬಂದಿದೆ. ಧೋನಿ ಅವರ ಗ್ಯಾರೇಜ್‌ನಲ್ಲಿ ಇರುವಷ್ಟು ಬೈಕ್‌ಗಳು (Bikes) ಭಾರತದ ಯಾವುದೇ ಶೋರೂಂನಲ್ಲಿಲ್ಲ. ಇತ್ತೀಚಿನ ದಿನಗಳಲ್ಲಿ ರಸ್ತೆಯಲ್ಲಿ ಕಾಣದ ಕೆಲ ಕಾರುಗಳ ಸಂಗ್ರಹ ಧೋನಿ ಬಳಿಯಿದೆ. ಇದನ್ನು ಕಂಡು ಧೋನಿಯ ಅಭಿಮಾನಿಗಳು (Dhoni Fans) ಮಾತ್ರವಲ್ಲದೆ ಅನೇಕರು ಶಾಕ್ ಆಗಿದ್ದಾರೆ.

ಧೋನಿಯ ಬೈಕ್ ಪ್ರೀತಿ ನಮಗೆಲ್ಲ ಗೊತ್ತೇ ಇದೆ, ಆದರೆ ಮೊದಲ ಬಾರಿಗೆ ಅವರ ಬಳಿ ಇರುವ ಬೈಕ್, ಕಾರುಗಳ ವಿಡಿಯೋ ಜಗತ್ತಿನ ಮುಂದೆ ಬಂದಿದೆ. ಭಾರತದ ಮಾಜಿ ಕ್ರಿಕೆಟಿಗರಾದ ವೆಂಕಟೇಶ್ ಪ್ರಸಾದ್ ಮತ್ತು ಸುನಿಲ್ ಜೋಶಿ ಧೋನಿ ಶೋರೂಮ್​ನ ವಿಡಿಯೋವನ್ನು ತೆರೆದಿಟ್ಟಿದ್ದಾರೆ. 90 ರ ದಶಕದಲ್ಲಿ ಭಾರತ ಪರ ಆಡಿದ ಆಟಗಾರರು ರಾಂಚಿಗೆ ತೆರಳಿದ್ದ ಸಂದರ್ಭ ಧೋನಿಯ ಫಾರ್ಮ್ ಹೌಸ್​ಗೂ ಭೇಟಿ ನೀಡಿದ್ದಾರೆ. ಅಲ್ಲಿ ಧೋನಿ ಗ್ಯಾರೇಜ್ ನೋಡಿದ ವೆಂಕಿ ಹಾಗೂ ಜೋಶಿಗೆ ಶಾಕ್ ಆಗಿದೆ.

Loading...

RCB ಯಾಕೆ ಕಪ್ ಗೆಲ್ಲುತ್ತಿಲ್ಲ? ಯುಜ್ವೇಂದ್ರ ಚಹಲ್ ಉತ್ತರ ಹೀಗಿದೆ

 

ವೆಂಕಟೇಶ್ ಪ್ರಸಾದ್ ಅವರು ಒಂದು ನಿಮಿಷ 49 ಸೆಕಂಡ್​ಗಳ ವಿಡಿಯೋವನ್ನು ಹಂಚಿಕೊಂಡಿದ್ದು, ಇದರಲ್ಲಿ ಧೋನಿ ಅವರ ಪತ್ನಿ ಸಾಕ್ಷಿ, ಧೋನಿಯ ಫಾರ್ಮ್‌ಹೌಸ್‌ ತೋರಿಸುತ್ತಿರುವುದು ಸೆರೆ ಆಗಿದೆ. ಧೋನಿ ಬೈಕ್, ಕಾರುಗಳ ಕಲೆಕ್ಷರ್ ಇದರಲ್ಲಿದೆ. ಈ ಬಗ್ಗೆ ಬರೆದುಕೊಂಡಿರುವ ವೆಂಕಿ, “ಧೋನಿಯವರಲ್ಲಿ ನಾನು ನೋಡಿದ ಅದಮ್ಯ ಉತ್ಸಾಹ ಇದು. ಅಬ್ಬಾ ಏನು ಈ ಕಲೆಕ್ಷನ್. ಧೋನಿ ಒಬ್ಬ ದೊಡ್ಡ ಸಾಧಕ ಮತ್ತು ವಿಶೇಷವಾದ ವ್ಯಕ್ತಿ. ಇದು ಧೋನಿಯ ರಾಂಚಿ ಮನೆಯಲ್ಲಿ ಇರುವ ಬೈಕ್ ಮತ್ತು ಕಾರುಗಳ ಸಂಗ್ರಹದ ವಿಡಿಯೋದೆ,” ಎಂದು ಪ್ರಸಾದ್ ಟ್ವೀಟ್ ಮಾಡಿದ್ದಾರೆ.

ಧೋನಿ ಗ್ಯಾರೇಜ್‌ನಲ್ಲಿ ಹೊಸ ಮತ್ತು ಹಳೆಯ ಬೈಕ್‌ಗಳ ಸಂಗ್ರಹ ಕಂಡುಬಂದಿದೆ. ಪ್ರತಿಯೊಂದು ಬ್ರಾಂಡ್‌ನ ಬೈಕ್‌ಗಳು ಒಂದೊಂದು ವಿಶೇಷತೆ ಹೊಂದಿದೆಯಂತೆ. ಬೈಕ್‌ಗಳ ವ್ಯಾಪಕ ಸಂಗ್ರಹದ ಹೊರತಾಗಿ, ಧೋನಿ ವಿಂಟೇಜ್ ಕಾರುಗಳನ್ನು ಸಹ ಹೊಂದಿದ್ದಾರೆ. ಇವುಗಳಲ್ಲಿ ಕೆಲವು ಧೋನಿ ಆಮದು ಮಾಡಿಕೊಂಡ ಕಾರುಗಳಾಗಿದ್ದರೆ ಇನ್ನೂ ಕೆಲವು ಅವರು ಭಾರತೀಯ ಸೇನೆಯಿಂದ ಖರೀದಿಸಿದ್ದಾರೆ. ಪ್ರಮುಖ ವಿಚಾರ ಎಂದರೆ ಸ್ವತಃ ಧೋನಿ ಅವರೇ ಈ ಗ್ಯಾರೇಜ್‌ನಲ್ಲಿರುವ ಎಲ್ಲಾ ಬೈಕ್‌ಗಳನ್ನು ನೋಡಿಕೊಳ್ಳುತ್ತಾರೆ, ಅವುಗಳನ್ನು ಸರ್ವಿಸ್ ಮಾಡುತ್ತಾರೆ.

ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Vinay Bhat

Tv9 ಕನ್ನಡ ಡಿಜಿಟಲ್‌ನಲ್ಲಿ 2021ರ ಜುಲೈನಿಂದ ಕ್ರೀಡಾ ಹಾಗೂ ತಂತ್ರಜ್ಞಾನ ಪತ್ರಕರ್ತನಾಗಿ ಕೆಲಸ ಮಾಡುತ್ತಿದ್ದೇನೆ. ಡಿಜಿಟಲ್ ವಿಭಾಗದಲ್ಲಿ 6 ವರ್ಷ ಅನುಭವ. ಮೂಲತಃ ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತಂಗಡಿ ತಾಲೂಕಿನವ. ಕ್ರೀಡಾ ಸುದ್ದಿ, ಕ್ರೀಡಾ ಲೇಖನ, ಟೆಕ್ನಾಲಜಿ, ಸಿನಿಮಾ ಸುದ್ದಿ ಬರೆಯುವುದು ನನ್ನ ಆಸಕ್ತದಾಯಕ ವಿಷಯಗಳು.

Read More
Loading...
Unable to load recommendations.
Follow Us