Womens World Cup 2022: ಹಾಲಿ ಚಾಂಪಿಯನ್ ಇಂಗ್ಲೆಂಡ್​ಗೆ ಹ್ಯಾಟ್ರಿಕ್ ಸೋಲು! ದಕ್ಷಿಣ ಆಫ್ರಿಕಾಗೆ ಗೆಲುವು

2022 ರ ಮಹಿಳಾ ವಿಶ್ವಕಪ್‌ (Womens World Cup 2022)ನಲ್ಲಿ ಇಂಗ್ಲೆಂಡ್‌ನ ಕಳಪೆ ಪ್ರದರ್ಶನ ಮುಂದುವರಿದಿದೆ. ಹಿಂದಿನ ಟೂರ್ನಿಯಲ್ಲಿ ವಿಶ್ವ ಚಾಂಪಿಯನ್ ಆಗಿದ್ದ ಆಂಗ್ಲರ ತಂಡ ಟೂರ್ನಿಯಲ್ಲಿ ಸತತ ಮೂರನೇ ಸೋಲು ಎದುರಿಸಬೇಕಾಯಿತು. ಸೋಮವಾರ ನಡೆದ ರೋಚಕ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ 3 ವಿಕೆಟ್‌ಗಳಿಂದ ಇಂಗ್ಲೆಂಡ್ (South Africa Women vs England Women) ತಂಡವನ್ನು ಸೋಲಿಸಿತು. ತನ್ನ ಆಲ್ ರೌಂಡ್ ಪ್ರದರ್ಶನದಿಂದ ದಕ್ಷಿಣ ಆಫ್ರಿಕಾಕ್ಕೆ ಅಮೋಘ ಜಯ ತಂದುಕೊಟ್ಟ ಮರಿಜಾನ್ ಕ್ಯಾಪ್ ಇಂಗ್ಲೆಂಡ್ ಸೋಲಿಗೆ ಕಾರಣ. ಮರಿಜನ್ನೆ ಕಪ್ ಮೊದಲ 10 ಓವರ್‌ಗಳಲ್ಲಿ 45 ರನ್‌ಗಳಿಗೆ 5 ವಿಕೆಟ್ ಪಡೆದರು ಮತ್ತು ಆ ನಂತರ ಈ ಆಲ್‌ರೌಂಡರ್ ಕಷ್ಟದ ಸಂದರ್ಭದಲ್ಲಿ ಬ್ಯಾಟ್‌ನೊಂದಿಗೆ ಗಮನಾರ್ಹ ಕೊಡುಗೆ ನೀಡಿದರು. ಕ್ಯಾಪ್ 32 ರನ್ ಗಳ ಇನ್ನಿಂಗ್ಸ್ ಆಡಿದರು. ಈ ಟೂರ್ನಿಯಲ್ಲಿ ದಕ್ಷಿಣ ಆಫ್ರಿಕಾ ಸತತ ಮೂರನೇ ಗೆಲುವು ದಾಖಲಿಸಿದೆ.

ಈ ಗೆಲುವು ದಕ್ಷಿಣ ಆಫ್ರಿಕಾಕ್ಕೆ ವಿಶೇಷವಾಗಿದೆ ಏಕೆಂದರೆ ಅದು ಮೊದಲ ಬಾರಿಗೆ ವಿಶ್ವಕಪ್‌ನಲ್ಲಿ ಇಂಗ್ಲೆಂಡ್ ಅನ್ನು ಸೋಲಿಸಿದೆ. ಅಲ್ಲದೆ, ಮಹಿಳಾ ವಿಶ್ವಕಪ್‌ನಲ್ಲಿ ಇದು ಅವರ ದೊಡ್ಡ ರನ್ ಚೇಸ್ ಆಗಿದೆ. ಇದಕ್ಕೂ ಮುನ್ನ 207 ರನ್‌ಗಳ ಗುರಿಯನ್ನು ಸಾಧಿಸಿತ್ತು. ಮತ್ತೊಂದೆಡೆ, ಇಂಗ್ಲೆಂಡ್ 27 ಬಾರಿ 200 ಕ್ಕೂ ಹೆಚ್ಚು ರನ್‌ಗಳ ಸ್ಕೋರ್ ಗಳಿಸಿದ್ದು, ಎರಡನೇ ಬಾರಿಗೆ ಸೋಲನುಭವಿಸಿದೆ.

ಕೊನೆಯ ಓವರ್‌ನಲ್ಲಿ ಗೆದ್ದ ದಕ್ಷಿಣ ಆಫ್ರಿಕಾ 236 ರನ್‌ಗಳ ಗುರಿ ಬೆನ್ನತ್ತಿದ ದಕ್ಷಿಣ ಆಫ್ರಿಕಾ ತಂಡಕ್ಕೆ ಉತ್ತಮ ಆರಂಭ ಸಿಗಲಿಲ್ಲ. ಆರಂಭಿಕ ಆಟಗಾರ್ತಿ ಲಿಜ್ಜೀ ಲೀ ಕೇವಲ 9 ರನ್ ಗಳಿಸಿ ಔಟಾದರು. ಆದರೆ ಲಾರಾ ವಾಲ್ವಾರ್ಡ್ಟ್ ಮತ್ತು ತಜ್ಮಿನ್ ಬ್ರಿಟ್ಸ್ 56 ರನ್‌ಗಳ ಜೊತೆಯಾಟ ನಡೆಸಿ ದಕ್ಷಿಣ ಆಫ್ರಿಕಾ ತಂಡವನ್ನು ಮರಳಿ ಟ್ರ್ಯಾಕ್​ಗೆ ತಂದರು. ಇದರ ನಂತರ ವಾಲ್ವಾರ್ಡ್ ಲೂಸ್ ಜೊತೆ 73 ಪ್ರಮುಖ ರನ್‌ಗಳನ್ನು ಸೇರಿಸಿದರು.

ಆದಾಗ್ಯೂ, ಇಂಗ್ಲೆಂಡ್‌ನ ಸ್ಪಿನ್ನರ್‌ಗಳಾದ ಸೋಫಿ ಎಕೆಲ್‌ಸ್ಟೋನ್ ಮತ್ತು ಅನ್ಯಾ ಶ್ರಬ್‌ಸೋಲ್ ಅವರು ಆರ್ಥಿಕವಾಗಿ ಬೌಲಿಂಗ್ ಮಾಡುವ ಮೂಲಕ ದಕ್ಷಿಣ ಆಫ್ರಿಕಾವನ್ನು ಸುಲಭವಾಗಿ ಗುರಿ ಸಾಧಿಸಲು ಅವಕಾಶ ನೀಡಲಿಲ್ಲ. ಆಲ್‌ರೌಂಡರ್ ಮರಿಜನ್ ಕಪ್ ಮಧ್ಯಮ ಕ್ರಮಾಂಕದಲ್ಲಿ 32 ರನ್‌ಗಳ ಮಹತ್ವದ ಇನ್ನಿಂಗ್ಸ್‌ನಲ್ಲಿ ದಕ್ಷಿಣ ಆಫ್ರಿಕಾವನ್ನು ಪಂದ್ಯದಲ್ಲಿ ಉಳಿಸಿಕೊಳ್ಳಲು ಸಹಾಯ ಮಾಟಿದರು. ಕೊನೆಯ ಓವರ್ ಮತ್ತು 4 ಎಸೆತಗಳಲ್ಲಿ ದಕ್ಷಿಣ ಆಫ್ರಿಕಾಕ್ಕೆ 4 ರನ್ ಅಗತ್ಯವಿತ್ತು, ಮೊದಲು ಶಬ್ನಿಮ್ ಇಸ್ಮಾಯಿಲ್ ಒಂದು ಬೌಂಡರಿ ಬಾರಿಸುವ ಮೂಲಕ ದಕ್ಷಿಣ ಆಫ್ರಿಕಾಕ್ಕೆ ಐತಿಹಾಸಿಕ ಗೆಲುವು ನೀಡಿದರು.

ಇಂಗ್ಲೆಂಡ್ 235 ರನ್ ಗಳಿಸಿತು ಇಂಗ್ಲೆಂಡ್ ಪರ ಬ್ಯೂಮಾಂಟ್ 62 ಮತ್ತು ಆಮಿ ಜೋನ್ಸ್ 53 ರನ್ ಗಳಿಸಿದರು, ಆದರೆ ಹಾಲಿ ಚಾಂಪಿಯನ್ ಮರಿಜಾನ್ ಕ್ಯಾಪ್ ಅವರ ಮಾರಕ ಬೌಲಿಂಗ್ ಮುಂದೆ ದೊಡ್ಡ ಸ್ಕೋರ್ ಗಳಿಸಲು ಸಾಧ್ಯವಾಗಲಿಲ್ಲ. ವ್ಯಾಟ್-3, ಕ್ಯಾಪ್ಟನ್ ನೈಟ್ 9 ರನ್ ಗಳಿಸಲಷ್ಟೇ ಶಕ್ತರಾದರು. ದುರದೃಷ್ಟಕರ ರೀತಿಯಲ್ಲಿ 16 ರನ್ ಗಳಿಸಿದ ನಂತರ ಶಿವರ್ ಔಟಾದರು. ಮರಿಜಾನೆ ಕಪ್ 45 ರನ್ ನೀಡಿ 5 ವಿಕೆಟ್ ಪಡೆದರು.

ದಕ್ಷಿಣ ಆಫ್ರಿಕಾ ವಿರುದ್ಧದ ಸೋಲಿನ ನಂತರ, ಇಂಗ್ಲೆಂಡ್ ತಂಡವು ಈಗ ಪಾಯಿಂಟ್ ಪಟ್ಟಿಯಲ್ಲಿ 7 ನೇ ಸ್ಥಾನ ತಲುಪಿದೆ. ಅವರು 3 ಪಂದ್ಯಗಳಲ್ಲಿ 3 ಸೋಲುಗಳನ್ನು ಕಂಡಿದ್ದಾರೆ, ಇಂಗ್ಲೆಂಡ್‌ನ ನೆಟ್ ರನ್ ರೇಟ್ ಕೂಡ -0.156 ಆಗಿದೆ. ಬಾಂಗ್ಲಾದೇಶ ತಂಡ ಕೂಡ ಇಂಗ್ಲೆಂಡ್‌ಗಿಂತ ಮೇಲಿದೆ. ದಕ್ಷಿಣ ಆಫ್ರಿಕಾ ತಂಡ 3 ಪಂದ್ಯಗಳಲ್ಲಿ 3 ಗೆಲುವಿನೊಂದಿಗೆ ಎರಡನೇ ಸ್ಥಾನಕ್ಕೆ ತಲುಪಿದೆ ಮತ್ತು ಆಸ್ಟ್ರೇಲಿಯಾ ಕೂಡ 3 ಪಂದ್ಯಗಳಲ್ಲಿ 3 ಗೆಲುವಿನೊಂದಿಗೆ ಮೊದಲ ಸ್ಥಾನದಲ್ಲಿದೆ.

ಇದನ್ನೂ ಓದಿ:PAK W vs BAN W: 13 ಎಸೆತಗಳಲ್ಲಿ ಅರ್ಧದಷ್ಟು ತಂಡ ಪೆವಿಲಿಯನ್​ಗೆ! ಪಾಕ್ ಮಣಿಸಿ ಮೊದಲ ಗೆಲುವು ಕಂಡ ಬಾಂಗ್ಲಾ