ಅಂತಿಮ ಟೆಸ್ಟ್ ರದ್ದು; ಪಾಯಿಂಟ್ ಪಟ್ಟಿಯಲ್ಲಿ ಭಾರತಕ್ಕಿಲ್ಲ ಭಂಗ! ಆಂಗ್ಲರ ಮೊಂಡು ವಾದ.. ಐಸಿಸಿ ನಿಯಮ ಹೇಳುವುದೇನು?

ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಐದನೇ ಟೆಸ್ಟ್ ಪಂದ್ಯವನ್ನು ರದ್ದುಗೊಳಿಸುವುದು ಸರಣಿಯ ಫಲಿತಾಂಶದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದರ ಕುರಿತು ಸದ್ಯಕ್ಕೆ ಪರಿಸ್ಥಿತಿ ಸ್ಪಷ್ಟವಾಗಿಲ್ಲ. ಸರಣಿಯಲ್ಲಿ ಭಾರತ ತಂಡ 2-1 ಮುನ್ನಡೆಯಲ್ಲಿದ್ದು, ಗೆಲುವು ಅಥವಾ ಡ್ರಾ ಇನ್ನೂ ನಿರ್ಧಾರವಾಗಿಲ್ಲ. ಆದರೆ ಈ ಟೆಸ್ಟ್ ಸರಣಿಯೊಂದಿಗೆ, ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನ ಎರಡನೇ ಆವೃತ್ತಿಯು ಪ್ರಾರಂಭವಾಯಿತು. ಅಂತಹ ಪರಿಸ್ಥಿತಿಯಲ್ಲಿ ಪ್ರತಿ ಟೆಸ್ಟ್ ಪಂದ್ಯವು ಬಹಳ ಮುಖ್ಯವಾಗಿದೆ, ಏಕೆಂದರೆ ಪ್ರತಿಯೊಂದು ಟೆಸ್ಟ್​ಗೂ ಅಂಕಗಳನ್ನು ನೀಡಲಾಗುತ್ತದೆ. ಅದರ ಆಧಾರದ ಮೇಲೆ ಫೈನಲ್‌ ಪ್ರವೇಶಿಸುವ ತಂಡಗಳನ್ನು ನಿರ್ಧರಿಸಲಾಗುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ, ಮ್ಯಾಂಚೆಸ್ಟರ್ ಟೆಸ್ಟ್ ರದ್ದಿನಿಂದಾಗಿ ಟೆಸ್ಟ್ ಚಾಂಪಿಯನ್‌ಶಿಪ್ ಮೇಲೆ ಯಾವ ಪರಿಣಾಮ ಬೀರುತ್ತದೆ ಎಂಬುದು ಪ್ರಶ್ನೆಯಾಗಿದೆ.

ಟೆಸ್ಟ್ ಚಾಂಪಿಯನ್‌ಶಿಪ್ ಅಡಿಯಲ್ಲಿ ಇದುವರೆಗೆ ಕೇವಲ 2 ಸರಣಿಗಳನ್ನು ಆಡಲಾಗಿದೆ. ಭಾರತ ಮತ್ತು ಇಂಗ್ಲೆಂಡ್ ನಡುವಿನ 5 ಪಂದ್ಯಗಳ ಸರಣಿಯನ್ನು ಪೂರ್ಣಗೊಳಿಸಲಾಗಲಿಲ್ಲ. ಎರಡನೇ ಸರಣಿ- ವೆಸ್ಟ್ ಇಂಡೀಸ್ ಮತ್ತು ಪಾಕಿಸ್ತಾನ ನಡುವೆ 1-1 ಡ್ರಾದಲ್ಲಿ ಕೊನೆಗೊಂಡಿತು. ಇಲ್ಲಿಯವರೆಗೆ ಆಡಿದ 6 ಪಂದ್ಯಗಳ ನಂತರ, ಭಾರತ ತಂಡವು ಪಾಯಿಂಟ್ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಟೀಮ್ ಇಂಡಿಯಾ ಪ್ರಸ್ತುತ 4 ಪಂದ್ಯಗಳ ನಂತರ ಅತ್ಯಧಿಕ 26 ಅಂಕಗಳನ್ನು ಹೊಂದಿದೆ ಮತ್ತು 54.17 ಶೇಕಡಾ ಅಂಕಗಳೊಂದಿಗೆ ಮೊದಲ ಸ್ಥಾನದಲ್ಲಿದೆ. ಇಂಗ್ಲೆಂಡ್ ವಿರುದ್ಧದ ಸರಣಿಯ ಕೊನೆಯ ಪಂದ್ಯದಲ್ಲಿ, 12 ಅಂಕಗಳನ್ನು ಮೀಸಲಿಡಲಾಗಿತ್ತು. ಆದರೆ ಪಂದ್ಯ ರದ್ದಾದ ಕಾರಣ, ಅದನ್ನು ಇನ್ನೂ ನಿರ್ಧರಿಸಲಾಗಿಲ್ಲ.

ಟೆಸ್ಟ್ ಚಾಂಪಿಯನ್‌ಶಿಪ್‌ನ ನಿಯಮಗಳೇನು? ಟೆಸ್ಟ್ ಚಾಂಪಿಯನ್‌ಶಿಪ್‌ನ ನಿಯಮಗಳ ಪ್ರಕಾರ, ಕೊರೊನಾ ವೈರಸ್‌ನಿಂದಾಗಿ ಪಂದ್ಯವನ್ನು ರದ್ದುಗೊಳಿಸುವುದರಿಂದ ಅಂಕಗಳನ್ನು ಕಳೆಯಲಾಗುವುದಿಲ್ಲ. ಅಂದರೆ, 12 ಅಂಕಗಳು ಭಾರತ ತಂಡದ ಕೈಯಿಂದ ಇನ್ನೂ ಹೋಗಿಲ್ಲ. ಶುಕ್ರವಾರ ಪಂದ್ಯವನ್ನು ರದ್ದುಗೊಳಿಸಿದ ನಂತರ, ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿ ತನ್ನ ಹೇಳಿಕೆಯಲ್ಲಿ ಭಾರತ ತಂಡವು ಪಂದ್ಯವನ್ನು ಸೋಲಲು ಸಿದ್ಧವಾಗಿದೆ ಎಂದು ಹೇಳಿತ್ತು. ಆದಾಗ್ಯೂ, ಕೆಲವೇ ನಿಮಿಷಗಳಲ್ಲಿ, ಈ ಹೇಳಿಕೆಯನ್ನು ಬದಲಾಯಿಸಲಾಯಿತು ಮತ್ತು ಪಂದ್ಯವನ್ನು ಮರು ಆಯೋಜನೆ ಮಾಡುವದರ ಬಗ್ಗೆ ಮಾತುಕತೆ ಆರಂಭವಾಯಿತು.

ಈಗ ಇದು ಸಮಸ್ಯೆಯ ತಿರುಳಾಗಿದೆ, ಏಕೆಂದರೆ ಇಸಿಬಿ ಭಾರತೀಯ ತಂಡದಲ್ಲಿ ಯಾವುದೇ ಆಟಗಾರರು ಸೋಂಕಿಗೆ ತುತ್ತಾಗಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ ಇದನ್ನು ಪಂದ್ಯ ಸೋತ ವಿಭಾಗದಲ್ಲಿ ಇರಿಸಿಕೊಳ್ಳಬೇಕು. ಇಂಗ್ಲೆಂಡಿಗೆ ಪೂರ್ಣ 12 ಅಂಕಗಳನ್ನು ನೀಡಬೇಕೆಂದು ಒತ್ತಾಯಿಸುತ್ತಿದೆ.

ಪಾಯಿಂಟ್ ಪಟ್ಟಿ

ಬಿಸಿಸಿಐ ಮತ್ತು ಇಸಿಬಿ ಹೇಳಿದ್ದೇನು? ಪ್ರಸ್ತುತ, ಈ ಕುರಿತು ಮಾತ್ರ ಪರಿಸ್ಥಿತಿ ಸ್ಪಷ್ಟವಾಗಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ಬೋರ್ಡ್ ಮತ್ತು ಐಸಿಸಿ ಎರಡೂ ಪರಿಹಾರವನ್ನು ಕಂಡುಕೊಳ್ಳಲು ಒಟ್ಟಾಗಿ ಕೆಲಸ ಮಾಡುತ್ತಿವೆ. ಬಿಸಿಸಿಐ ಈ ಬಗ್ಗೆ ಏನನ್ನೂ ಹೇಳಿಲ್ಲ, ಆದರೆ ಈ ಟೆಸ್ಟ್ ಪಂದ್ಯವನ್ನು ಮುಂದಿನ ದಿನಾಂಕದಂದು ಮತ್ತೊಮ್ಮೆ ಆಯೋಜಿಸಲು ಮಂಡಳಿಯು ಮುಂದಾಗಿದೆ. ಆದಾಗ್ಯೂ, ಇಸಿಬಿ ಮುಖ್ಯ ಕಾರ್ಯನಿರ್ವಾಹಕ ಟಾಮ್ ಹ್ಯಾರಿಸನ್ ಈ ಸರಣಿಗಿಂತ ವಿಭಿನ್ನವಾಗಿ ಅಂತಿಮ ನಡೆಯಲಿದೆ ಎಂದು ಹೇಳಿದರು. ಅಂದರೆ, ಆ ಪಂದ್ಯದ ಪಲಿತಾಂಶದಿಂದ ಬರುವ ಅಂಕಗಳನ್ನು ಟೆಸ್ಟ್ ಸರಣಿಗೆ ಸೇರಿಸಲಾಗುವುದಿಲ್ಲ. ಸರಣಿಯ ಫಲಿತಾಂಶದ ಅಂತಿಮ ನಿರ್ಧಾರವು ಐಸಿಸಿಯದ್ದು ಎಂದು ಅವರು ಹೇಳಿದರು. ಏಕೆಂದರೆ ಇದು ಟೆಸ್ಟ್ ಚಾಂಪಿಯನ್‌ಶಿಪ್‌ನ ಭಾಗವಾಗಿದೆ ಮತ್ತು ಅದರ ನಿಯಮಗಳ ಅಡಿಯಲ್ಲಿ ಆಡಲಾಗುತ್ತದೆ ಎಂದರು.

Published On - 5:50 pm, Sat, 11 September 21