ಮೊಣಕೈಗೆ ಗಾಯ, ವಿಲಿಯಮ್ಸನ್ ಎರಡನೇ ಟೆಸ್ಟ್​ನಿಂದ ಹೊರಗೆ; ಟಾಮ್ ಲಾಥಮ್​ಗೆ ನ್ಯೂಜಿಲೆಂಡ್​ ಸಾರಥ್ಯ

ವಿಲಿಯಮ್ಸನ್ ಅವರ ಸ್ಥಾನದಲ್ಲಿ ಇಂಗ್ಲಿಷ್ ಕೌಂಟಿ ಡುರ್ಹಮ್ ಪರ ಆಡುವ ಮತ್ತು ಪ್ರಸಕ್ತ ಸೀಸನ್​ನಲ್ಲಿ ಎರಡು ಶತಕ ಬಾರಿಸಿರುವ ವಿಲ್ ಯಂಗ್ ಅವರು ಆಡಲಿದ್ದಾರೆ ಎಂದು ನ್ಯೂಜಿಲೆಂಡ್​ ಟೀಮ್ ಮ್ಯಾನೇಜ್ಮೆಂಟ್​ ಹೇಳಿದೆ.

ಮೊಣಕೈಗೆ ಗಾಯ, ವಿಲಿಯಮ್ಸನ್ ಎರಡನೇ ಟೆಸ್ಟ್​ನಿಂದ ಹೊರಗೆ; ಟಾಮ್ ಲಾಥಮ್​ಗೆ ನ್ಯೂಜಿಲೆಂಡ್​ ಸಾರಥ್ಯ
ಕೇನ್ ವಿಲಿಯಮ್ಸನ್
Follow us
TV9 Web
| Updated By: Digi Tech Desk

Updated on:Jun 10, 2021 | 4:31 PM

ಮೊಣಕೈಗೆ ಅಗಿರುವ ಗಾಯ ನ್ಯೂಜಿಲೆಂಡ್​ ನಾಯಕ ಕೇನ್ ವಿಲಿಯಮ್ಸನ್ ಅವರನ್ನು ಗುರುವಾರದಿಂದ ಇಂಗ್ಲೆಂಡ್ ವಿರುದ್ಧ ಎಜ್​ಬ್ಯಾಸ್ಟನ್​ನಲ್ಲಿ ಆರಂಭವಾಗಲಿರುವ ಎರಡನೇ ಟೆಸ್ಟ್​ನಿಂದ ಹೊರಗಿರುವಂತೆ ಮಾಡಿದೆ. ಆದರೆ, ಭಾರತದ ವಿರುದ್ಧ ಜೂನ್​ 18ರಿಂದ ಸೌತಾಂಪ್ಟ್​ನ ಏಜಿಸ್ ಬೋಲ್​ನಲ್ಲಿ ನಡೆಯಬೇಕಿರುವ ವಿಶ್ವ ಟೆಸ್ಟ್​ ಚಾಂಪಿಯನ್​ಸಿಪ್​ಗೆ ಮೊದಲು ಅವರು ಗುಣಮುಖರಾಗವರೆಂಬ ಆಶಾಭಾವನೆಯನ್ನು ನ್ಯೂಜಿಲೆಂಡ್​ ಶಿಬಿರ ತಳೆದಿದೆ. ಅವರ ಸ್ಥಾನದಲ್ಲಿ ಎಡಗೈ ಆರಂಭ ಆಟಗಾರ ಟಾಮ್ ಲಾಥಮ್ ಅವರು ಪ್ರವಾಸಿ ಟೀಮಿನ ನಾಯಕತ್ವ ವಹಿಸಲಿದ್ದಾರೆ.

‘ಎರಡನೇ ಟೆಸ್ಟ್​ನಲ್ಲಿ ಆಡದಿರುವ ನಿರ್ಧಾರ ತೆಗೆದುಕೊಳ್ಳವುದು ಕೇನ್ ಸುಲಭವಾಗಿರಲಿಲ್ಲ, ಆದರೆ ಅದು ಒಳ್ಳೆಯ ನಿರ್ಧಾರವೆಂದು ಟೀಮು ಭಾವಿಸುತ್ತದೆ,’ ಎಂದು ನ್ಯೂಜಿಲೆಂಡ್​ ಕೋಚ್​ ಗ್ಯಾರಿ ಸ್ಟೆಡ್ ಬುಧವಾರ ಹೇಳಿದರು.

‘ಕಳೆದ ವಾರ ಲಾರ್ಡ್ಸ್​ನಲ್ಲಿ ಇಂಗ್ಲೆಂಡ್​ ವಿರುದ್ಧ ನಡೆದ ಮೊದ ಟೆಸ್ಟ್​ ಪಂದ್ಯದಲ್ಲಿ ಕಿವೀಸ್​ ತಂಡದ ನಾಯಕತ್ವ ವಹಿಸಿದ್ದ ವಿಲಿಯಮ್ಸನ್ ಅವರು ಮಾರ್ಚ್​ ತಿಂಗಳಿನಿಂದ ಮೊಣಕೈ ಬಾಧೆ ಅನುಭವಿಸುತ್ತಿದ್ದಾರೆ. ಎರಡನೆ ಟೆಸ್ಟ್ ಆರಂಭಕ್ಕೆ ಮುನ್ನಾ ದಿನವಾಗಿರುವ ಬುಧವಾರದಂದು ಅವರು ಟೆಸ್ಟ್​ನಿಂದ ಹಿಂದೆ ಸರಿಯುವ ನಿರ್ಧಾರ ಪ್ರಕಟಿಸಿದರು.

‘ಬ್ಯಾಟ್​ ಮಾಡುವಾಗ ಆಗುತ್ತಿದ್ದ ನೋವನ್ನು ನೀಗಿಸಿಕೊಳ್ಳಲು ಕೇನ್ ಮೊಣಕೈಗೆ ಇಂಜೆಕ್ಷನ್ ತೆಗೆದುಕೊಂಡಿದ್ದರು. ಆದರೆ, ಅವರಿಗೆ ಈಗ ಸಿಗಲಿರುವ ವಿಶ್ರಾಂತಿ ಮತ್ತು ರಿಹ್ಯಾಬ್ ಚೇತರಿಕೆ ಪ್ರಮಾಣವನ್ನು ಹೆಚ್ಚಿಸಲಿದೆ,’ ಎಂದು ಸ್ಟೆಡ್ ಹೇಳಿದರು.

‘ಭಾರತದ ವಿರುದ್ಧ ಜೂನ್​ 18ರಿಂದ ಸೌತಾಂಪ್ಟ್​ನ ಏಜಿಸ್ ಬೋಲ್​ನಲ್ಲಿ ನಡೆಯಬೇಕಿರುವ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್ ಫೈನಲ್​ ಪಂದ್ಯವನ್ನು ಗಮನದಲ್ಲಿಟ್ಟುಕೊಂಡು ಕೇನ್​ಗೆ ವಿಶ್ರಾಂತಿ ನೀಡುವ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಆ ಮಹತ್ವದ ಪಂದ್ಯಕ್ಕೆ ಮೊದಲು ಅವರು ಸಂಪೂರ್ಣವಾಗಿ ಚೇತರಿಸಿಕೊಳ್ಳುವ ಭರವಸೆ ನಮಗಿದೆ,’ ಎಂದು ಸ್ಟೆಡ್ ಹೇಳಿದ್ದಾರೆ.

ವಿಲಿಯಮ್ಸನ್ ಅವರ ಸ್ಥಾನದಲ್ಲಿ ಇಂಗ್ಲಿಷ್ ಕೌಂಟಿ ಡುರ್ಹಮ್ ಪರ ಆಡುವ ಮತ್ತು ಪ್ರಸಕ್ತ ಸೀಸನ್​ನಲ್ಲಿ ಎರಡು ಶತಕ ಬಾರಿಸಿರುವ ವಿಲ್ ಯಂಗ್ ಅವರು ಆಡಲಿದ್ದಾರೆ ಎಂದು ನ್ಯೂಜಿಲೆಂಡ್​ ಟೀಮ್ ಮ್ಯಾನೇಜ್ಮೆಂಟ್​ ಹೇಳಿದೆ.

ಬೆರಳಿಗೆ ಗಾಯಮಾಡಿಕೊಂಡಿರುವ ನ್ಯೂಜಿಲೆಂಡ್​ನ ಎಡಗೈ ಸ್ಪಿನ್ನರ್ ಮಿಚೆಲ್ ಸ್ಯಾಂಟ್ನರ್ ಸಹ ಎರಡನೇ ಟೆಸ್ಟ್​ ಆಡುತ್ತಿಲ್ಲ. ಹೀಗಾಗಿ, ಟೀಮ್ ಮ್ಯಾನೇಜ್ಮೆಂಟ್​ಗೆ ಮೊದಲ ಟೆಸ್ಟ್​ ಆಡಿದ ತಂಡದಲ್ಲಿ ಕನಿಷ್ಟ ಎರಡು ಬದಲಾವಣೆಗಳನ್ನು ಮಾಡುವ ಅನಿವಾರ್ಯತೆ ಎದುರಾಗಿದೆ.

ಆದರೆ, ಇಂಡಿಯನ್ ಪ್ರಿಮೀಯರ್ ಲೀಗ್ ಅರ್ಧಕ್ಕೆ ಸ್ಥಗಿತಗೊಂಡ ನಂತರ ಸ್ವದೇಶಕ್ಕೆ ವಾಪಸ್ಸು ಹೋಗಿ ಕುಟುಂಬದ ಜೊತೆ ಸಮಯ ಕಳೆಯುಲು ಮೊದಲ ಟೆಸ್ಟ್​ನಿಂದ ಹೊರಗುಳಿದಿದ್ದ ಅನುಭವಿ ಎಡಗೈ ವೇಗದ ಬೌಲರ್ ಟ್ರೆಂಟ್ ಬೌಲ್ಟ್ ತಂಡಕ್ಕೆ ವಾಪಸ್ಸಾಗುವುದು ಖಚಿತವಾಗಿದೆ.

ಇದನ್ನೂ ಓದಿ: WTC Final: ಇಂಗ್ಲೆಂಡ್ ತಲುಪಿದ ಟೀಂ ಇಂಡಿಯಾಕ್ಕೆ ಶಾಕ್; ಒಬ್ಬರನ್ನೊಬ್ಬರು ಭೇಟಿಯಾಗದಂತೆ ಸೂಚನೆ.. ಕಾರಣವೇನು?

Published On - 12:04 am, Thu, 10 June 21

ಪ್ರತಿಭಟನೆಕಾರರು ಆಟೋರಿಕ್ಷಾ ಬೆನ್ನಟ್ಟಿದ್ದರೂ ಪೊಲೀಸ್ ಮೂಕ ಪ್ರೇಕ್ಷಕ ಮಾತ್ರ
ಪ್ರತಿಭಟನೆಕಾರರು ಆಟೋರಿಕ್ಷಾ ಬೆನ್ನಟ್ಟಿದ್ದರೂ ಪೊಲೀಸ್ ಮೂಕ ಪ್ರೇಕ್ಷಕ ಮಾತ್ರ
ಕುಂಭಕೋಣಂ ಪ್ರತ್ಯಂಗಿರಾ ದೇವಿ ದರ್ಶನ ಪಡೆದ ಡಿಕೆ ಶಿವಕುಮಾರ್
ಕುಂಭಕೋಣಂ ಪ್ರತ್ಯಂಗಿರಾ ದೇವಿ ದರ್ಶನ ಪಡೆದ ಡಿಕೆ ಶಿವಕುಮಾರ್
ರೈಲು ಹತ್ತಲು ಹೋಗಿ ಪ್ಲಾಟ್​ಫಾರಂ ಕೆಳಗೆ ಬೀಳುತ್ತಿದ್ದ ಪ್ರಯಾಣಿಕನ ರಕ್ಷಣೆ
ರೈಲು ಹತ್ತಲು ಹೋಗಿ ಪ್ಲಾಟ್​ಫಾರಂ ಕೆಳಗೆ ಬೀಳುತ್ತಿದ್ದ ಪ್ರಯಾಣಿಕನ ರಕ್ಷಣೆ
ರಸ್ತೆಗಳಲ್ಲಿ ವಾಹನ ಸಂಚಾರ ಕಂಡುಬರುತ್ತಿಲ್ಲ, ಶಾಲೆಗಳು ಬಂದ್ ಆಗಿವೆ: ಪೊಲೀಸ್
ರಸ್ತೆಗಳಲ್ಲಿ ವಾಹನ ಸಂಚಾರ ಕಂಡುಬರುತ್ತಿಲ್ಲ, ಶಾಲೆಗಳು ಬಂದ್ ಆಗಿವೆ: ಪೊಲೀಸ್
ವೈಕುಂಠದ್ವಾರ ಸರ್ವದರ್ಶನಕ್ಕಾಗಿ ಟೋಕನ್ ಪಡೆಯಲು ನಡೆದ ದುರಂತ
ವೈಕುಂಠದ್ವಾರ ಸರ್ವದರ್ಶನಕ್ಕಾಗಿ ಟೋಕನ್ ಪಡೆಯಲು ನಡೆದ ದುರಂತ
ನಂಬಿ ಮೋಸ ಹೋದ್ರಾ ಧನರಾಜ್; ಮಿಸ್ ಆಯ್ತು ಬಿಗ್ ಬಾಸ್ ಫಿನಾಲೆ ಟಿಕೆಟ್
ನಂಬಿ ಮೋಸ ಹೋದ್ರಾ ಧನರಾಜ್; ಮಿಸ್ ಆಯ್ತು ಬಿಗ್ ಬಾಸ್ ಫಿನಾಲೆ ಟಿಕೆಟ್
ಮಹಿಳೆಯರು ಮುಡಿ ಕಟ್ಟದೆ ದೇವಾಲಯಕ್ಕೆ ಹೋಗಬಹುದಾ ತಿಳಿಯಿರಿ
ಮಹಿಳೆಯರು ಮುಡಿ ಕಟ್ಟದೆ ದೇವಾಲಯಕ್ಕೆ ಹೋಗಬಹುದಾ ತಿಳಿಯಿರಿ
Daily horoscope: ಗುರುವಾರದ ದಿನ ಭವಿಷ್ಯ ತಿಳಿಯಿರಿ
Daily horoscope: ಗುರುವಾರದ ದಿನ ಭವಿಷ್ಯ ತಿಳಿಯಿರಿ
‘ಸಂಜು ವೆಡ್ಸ್​ ಗೀತಾ 2’ ಸಿನಿಮಾದ ಕಥೆಯೇ ಬೇರೆ: ರಚಿತಾ ರಾಮ್ ಸ್ಪಷ್ಟನೆ
‘ಸಂಜು ವೆಡ್ಸ್​ ಗೀತಾ 2’ ಸಿನಿಮಾದ ಕಥೆಯೇ ಬೇರೆ: ರಚಿತಾ ರಾಮ್ ಸ್ಪಷ್ಟನೆ
ಸರ್ಕಾರದಿಂದ ಪುನರ್ವಸತಿ ಮತ್ತು ತಲಾ 3 ಲಕ್ಷ ರೂ. ನೀಡುವ ಪ್ರಕಟಣೆ
ಸರ್ಕಾರದಿಂದ ಪುನರ್ವಸತಿ ಮತ್ತು ತಲಾ 3 ಲಕ್ಷ ರೂ. ನೀಡುವ ಪ್ರಕಟಣೆ