FIFA WC 2022: ಇಟಲಿ ಟು ಚಿಲಿ; ಈ 5 ದಿಗ್ಗಜ ತಂಡಗಳಿಲ್ಲದೆ ನಡೆಯಲಿದೆ ಈ ಬಾರಿಯ ವಿಶ್ವಕಪ್..!
FIFA World Cup 2022: ಪ್ರಸ್ತುತ ಯೂರೋ ಕಪ್ ವಿಜೇತ ಮತ್ತು 4 ಬಾರಿ ವಿಶ್ವ ಚಾಂಪಿಯನ್ ಇಟಲಿಯಂತಹ ದಿಗ್ಗಜ ತಂಡಕ್ಕೆ ಈ ಬಾರಿ ವಿಶ್ವಕಪ್ಗೆ ಅರ್ಹತೆ ಪಡೆಯಲು ಸಾಧ್ಯವಾಗಲಿಲ್ಲ.
Updated on:Nov 17, 2022 | 1:32 PM
ಫುಟ್ಬಾಲ್ ವಿಶ್ವಕಪ್ 2022 (FIFA World Cup 2022) ನವೆಂಬರ್ 20 ರಿಂದ ಪ್ರಾರಂಭವಾಗಲಿದೆ. ಕತಾರ್ನಲ್ಲಿ ನಡೆಯಲಿರುವ ಈ ವಿಶ್ವಕಪ್ನಲ್ಲಿ ಒಟ್ಟು 32 ತಂಡಗಳು ಭಾಗವಹಿಸಲಿವೆ. ಪ್ರಸ್ತುತ ಯೂರೋ ಕಪ್ ವಿಜೇತ ಮತ್ತು 4 ಬಾರಿ ವಿಶ್ವ ಚಾಂಪಿಯನ್ ಇಟಲಿಯಂತಹ ದಿಗ್ಗಜ ತಂಡಕ್ಕೆ ಈ ಬಾರಿ ವಿಶ್ವಕಪ್ಗೆ ಅರ್ಹತೆ ಪಡೆಯಲು ಸಾಧ್ಯವಾಗಲಿಲ್ಲ. ವಿಶ್ವಕಪ್ನ ಭಾಗವಾಗದ ತಂಡ ಇದೊಂದೇ ಅಲ್ಲ, ಇತರ 4 ದಿಗ್ಗಜ ತಂಡಗಳು ಈ ವಿಶ್ವಕಪ್ಗೆ ಅರ್ಹತೆ ಪಡೆಯುವಲ್ಲಿ ವಿಫಲವಾಗಿವೆ. ಈ ಐದು ತಂಡಗಳ ಅನುಪಸ್ಥಿತಿಯು ಅಭಿಮಾನಿಗಳಿಗೆ ನಿರಾಶೆಯನ್ನುಂಟು ಮಾಡಿದೆ. ಅಂತಹ 5 ದಿಗ್ಗಜ ತಂಡಗಳು ಯಾವುವು ಎಂಬುದರ ಪೂರ್ಣ ವಿವರ ಇಲ್ಲಿದೆ.
1. ಇಟಲಿ: ಬ್ರೆಜಿಲ್ ನಂತರ ಅತಿ ಹೆಚ್ಚು ಫುಟ್ಬಾಲ್ ವಿಶ್ವಕಪ್ ಗೆದ್ದ ತಂಡ ಇಟಲಿ. ಇಟಲಿ 4 ಬಾರಿ ವಿಶ್ವ ಚಾಂಪಿಯನ್ ಆಗಿದೆ. ಸದ್ಯ ಫಿಫಾ ರ್ಯಾಂಕಿಂಗ್ನಲ್ಲಿ 6ನೇ ಸ್ಥಾನದಲ್ಲಿದೆ. ಕಳೆದ ವರ್ಷವೂ ಈ ತಂಡ ಯೂರೋ ಕಪ್ ಚಾಂಪಿಯನ್ ಆಗಿತ್ತು. ಆದರೆ, ಈ ವರ್ಷ ವಿಶ್ವಕಪ್ಗೆ ಅರ್ಹತೆ ಪಡೆಯುವ ಅವಕಾಶವನ್ನು ಇಟಲಿ ಕಳೆದುಕೊಂಡಿತು. ಮಾರ್ಚ್ನಲ್ಲಿ ನಡೆದ ಪ್ಲೇಆಫ್ ಸೆಮಿ-ಫೈನಲ್ನಲ್ಲಿ ಉತ್ತರ ಮೆಸಿಡೋನಿಯಾ ವಿರುದ್ಧ 92 ನೇ ನಿಮಿಷದ ಸೋಲು ಇಟಲಿಯನ್ನು ವಿಶ್ವಕಪ್ ರೇಸ್ನಿಂದ ಹೊರಹಾಕಿತು.
2. ಚಿಲಿ: ಈ ದಕ್ಷಿಣ ಅಮೆರಿಕಾದ ತಂಡ ಇಲ್ಲಿಯವರೆಗೆ ವಿಶ್ವಕಪ್ನ ಭಾಗವಾಗಿತ್ತು. 1962ರಲ್ಲಿ ಈ ತಂಡ ಸೆಮಿಫೈನಲ್ ತಲುಪಿತ್ತು. ಪ್ರಸ್ತುತ ಈ ತಂಡದ ಶ್ರೇಯಾಂಕ 29. ಕತಾರ್ನಲ್ಲಿ ನಡೆದ 4 ಅರ್ಹತಾ ಪಂದ್ಯಗಳಲ್ಲಿ ಈ ತಂಡ ಕೇವಲ ಒಂದು ಪಂದ್ಯವನ್ನು ಗೆಲ್ಲುವಲ್ಲಿ ಯಶಸ್ವಿಯಾಯಿತು. ಇದರಿಂದಾಗಿ ಈ ತಂಡ ಚೊಚ್ಚಲ ಬಾರಿಗೆ ವಿಶ್ವಕಪ್ಗೆ ಗೈರು ಹಾಜರಾಗಬೇಕಿದೆ.
3. ಕೊಲಂಬಿಯಾ: ಕೊಲಂಬಿಯಾ ತಂಡ ಫಿಫಾ ಶ್ರೇಯಾಂಕದಲ್ಲಿ 17ನೇ ಸ್ಥಾನದಲ್ಲಿದೆ. ಬ್ರೆಜಿಲ್ನಲ್ಲಿ ನಡೆದ 2014 ರ ವಿಶ್ವಕಪ್ನಲ್ಲಿ ತಂಡವು ಕ್ವಾರ್ಟರ್ ಫೈನಲ್ಗೆ ತಲುಪಿತು. ತಂಡದ ಸ್ಟಾರ್ ಆಟಗಾರ ಜೇಮ್ಸ್ ರೋಡ್ರಿಗಸ್ ವಿಶ್ವಕಪ್ ಗೋಲ್ಡನ್ ಬೂಟ್ ವಿಜೇತರಾಗಿದ್ದಾರೆ. ಆದರೆ ಈ ಬಾರಿ ತಮ್ಮ ತಂಡವನ್ನು ವಿಶ್ವಕಪ್ಗೆ ಅರ್ಹತೆ ಪಡೆಯುವಂತೆ ಮಾಡಲು ಜೇಮ್ಸ್ ರೋಡ್ರಿಗಸ್ ಸಾಧ್ಯವಾಗಲಿಲ್ಲ.
4. ಸ್ವೀಡನ್: ಇಲ್ಲಿಯವರೆಗೆ 21 ವಿಶ್ವಕಪ್ಗಳಲ್ಲಿ 12 ಪಂದ್ಯಗಳನ್ನು ಆಡಿರುವ ಸ್ವೀಡನ್ ತಂಡ 1958 ರಲ್ಲಿ ವಿಶ್ವಕಪ್ನಲ್ಲಿ ರನ್ನರ್ ಅಪ್ ಆಗಿತ್ತು. ಕಳೆದ ವರ್ಷ ಕತಾರ್ ವಿಶ್ವಕಪ್ ಅರ್ಹತಾ ಸುತ್ತಿನ ಎರಡನೇ ಸುತ್ತಿನಲ್ಲಿ ಸ್ವೀಡನ್ ಆಡಿದ 6 ಪಂದ್ಯಗಳಲ್ಲಿ 3 ರಲ್ಲಿ ಸೋತಿದೆ. ಇದರಿಂದಾಗಿ ಈ ತಂಡ ಗುಂಪಿನಲ್ಲಿ ಎರಡನೇ ಸ್ಥಾನ ಪಡೆಯಿತು. ಪೋಲೆಂಡ್ ವಿರುದ್ಧದ ಪ್ಲೇಆಫ್ ಸೋಲು ಸ್ವೀಡನ್ ವಿಶ್ವಕಪ್ ತಲುಪುವ ಕನಸನ್ನು ಕೊನೆಗೊಳಿಸಿತು, ತಂಡವು ಪ್ರಸ್ತುತ 25 ನೇ ಸ್ಥಾನದಲ್ಲಿದೆ.
5. ನೈಜೀರಿಯಾ: ಈ ಆಫ್ರಿಕನ್ ತಂಡ ತನ್ನ ಆಟಕ್ಕೆ ಹೆಸರುವಾಸಿಯಾಗಿದೆ. 1994 ರಲ್ಲಿ ನೈಜೀರಿಯಾ ಮೊದಲ ವಿಶ್ವಕಪ್ ಆಡಿತು. ಅಂದಿನಿಂದ, ತಂಡವು 2006 ರ ವಿಶ್ವಕಪ್ ಅನ್ನು ಮಾತ್ರ ತಪ್ಪಿಸಿಕೊಂಡಿದೆ. ನೈಜೀರಿಯಾ ಇದುವರೆಗೆ ಮೂರು ಬಾರಿ 16ರ ಘಟ್ಟಕ್ಕೆ ತಲುಪಿದ್ದು, ತಂಡದ FIFA ಶ್ರೇಯಾಂಕವು 32 ಆಗಿದೆ. ಅಲ್ಲದೆ ಭಾರೀ ಸಂಖ್ಯೆಯಲ್ಲಿ ನೈಜೀರಿಯನ್ನರು ಕತಾರ್ನಲ್ಲಿ ಕೆಲಸ ಮಾಡುತ್ತಾರೆ. ಹೀಗಿರುವಾಗ ಈ ಬಾರಿ ವಿಶ್ವಕಪ್ಗೆ ಅರ್ಹತೆ ಗಿಟ್ಟಿಸಿಕೊಳ್ಳಲು ವಿಫಲವಾಗಿರುವುದು ನೈಜೀರಿಯಾ ಅಭಿಮಾನಿಗಳಿಗೆ ಬೇಸರದ ಸುದ್ದಿಯಾಗಿದೆ.
Published On - 1:29 pm, Thu, 17 November 22
