WTC Final: ಅಂಪೈರ್​ಗಳ ವಿವಾದಾತ್ಮಕ ನಿರ್ಧಾರ! ಮೈದಾನದಲ್ಲೇ ಚರ್ಚೆಗಿಳಿದ ಕೊಹ್ಲಿ.. ವ್ಯಂಗ್ಯವಾಗಿ ಸೆಹ್ವಾಗ್ ಟ್ವೀಟ್

ಕ್ರಿಕೆಟ್‌ನಲ್ಲಿ ಅಂಪೈರ್‌ಗಳು ಬಹಳ ಮುಖ್ಯ. ಅವರ ಒಂದು ನಿರ್ಧಾರವು ಪಂದ್ಯದ ಫಲಿತಾಂಶವನ್ನು ಬದಲಾಯಿಸಬಹುದು. ಉತ್ತಮ ಅಂಪೈರಿಂಗ್ ಇದ್ದಾಗ, ಅದರ ಬಗ್ಗೆ ಬಹಳ ಕಡಿಮೆ ಚರ್ಚೆ ನಡೆಯುತ್ತದೆ. ಪಂದ್ಯದಲ್ಲಿ, ಅಂಪೈರ್‌ಗಳು ಏನಾದರೂ ತಪ್ಪು ಮಾಡಿದರೆ ಅಥವಾ ಅವರು ಗೊಂದಲಕ್ಕೊಳಗಾದಂತೆ ಏನಾದರೂ ಮಾಡಿದರೆ, ಸಾಮಾಜಿಕ ಮಾಧ್ಯಮ ಮತ್ತು ಕ್ರಿಕೆಟ್ ಪಂಡಿತರು ಅವರನ್ನು ಪ್ರಶ್ನಿಸಲು ಪ್ರಾರಂಭಿಸುತ್ತಾರೆ. ಭಾರತ ಮತ್ತು ನ್ಯೂಜಿಲೆಂಡ್ ನಡುವೆ ನಡೆಯುತ್ತಿರುವ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನ ಫೈನಲ್‌ನಲ್ಲಿ ಇದೇ ರೀತಿಯ ಘಟನೆ ಸಂಭವಿಸಿದೆ. ಪಂದ್ಯದ ಮೊದಲ ದಿನ ಮಳೆಯಿಂದಾಗಿ ರದ್ದಾಯಿತು. ಆದರೆ ಎರಡನೇ ದಿನದ ಆಟ ನಡೆಯುತ್ತಿದೆ. ವಿರಾಟ್ ಕೊಹ್ಲಿಗೆ ಸಂಬಂಧಿಸಿದಂತೆ ಅಂಪೈರ್‌ಗಳ ನಿರ್ಧಾರ ಚರ್ಚೆಗೆ ಬಂದಿತು.

ಇದು ಸುಮಾರು 41 ನೇ ಓವರ್ ಆಗಿತ್ತು. ನ್ಯೂಜಿಲೆಂಡ್‌ನ ಎಡಗೈ ವೇಗದ ಬೌಲರ್ ಟ್ರೆಂಟ್ ಬೌಲ್ಟ್ ಓವರ್‌ನ ಕೊನೆಯ ಎಸೆತವನ್ನು ಬೌಲಿಂಗ್ ಮಾಡುತ್ತಿದ್ದರು. ಚೆಂಡು ಲೆಗ್ ಸ್ಟಂಪ್‌ನ ಹೊರಗಿತ್ತು ಮತ್ತು ಕೊಹ್ಲಿ ಅದನ್ನು ಆಡಲು ಪ್ರಯತ್ನಿಸಿದರು. ಆದರೆ ಚೆಂಡು ನೇರವಾಗಿ ವಿಕೆಟ್‌ಕೀಪರ್‌ನ ಕೈಗೆ ಹೋಯಿತು. ಈ ಕುರಿತು ನ್ಯೂಜಿಲೆಂಡ್ ಬಲವಾದ ಮನವಿ ಮಾಡಿತು. ಇಲ್ಲಿ ಅಂಪೈರ್ ಯಾವುದೇ ನಿರ್ಧಾರವನ್ನು ನೀಡದೆ ನೇರವಾಗಿ ಮೂರನೇ ಅಂಪೈರ್‌ಗಳ ಬಳಿ ಮನವಿ ಮಾಡಿದರು. ರಿಪ್ಲೇಯಲ್ಲಿ ಕೊಹ್ಲಿ ನಾಟ್​ಔಟ್​ ಆಗಿದ್ದು ಸ್ಪಷ್ಟವಾಗಿ ಕಾಣುತ್ತಿತ್ತು.

ಸೆಹ್ವಾಗ್ ಪ್ರಶ್ನೆ
ಆದರೆ ಇಲ್ಲಿಗೆ ಸಮಸ್ಯೆ ನಿಲ್ಲಲಿಲ್ಲ. ಅಂಪೈರ್‌ಗಳ ಈ ನಿರ್ಧಾರವನ್ನು ಮೈದಾನದ ಒಳಗೆ ಚರ್ಚಿಸುವ ಬದಲು ಮೈದಾನದ ಹೊರಗೆ ತೀವ್ರವಾಗಿ ಚರ್ಚಿಸಲಾಗುತ್ತಿದೆ. ಅಂಪೈರ್‌ಗಳು ಏನು ಮಾಡಿದರು ಎಂದು ಎಲ್ಲರಿಗೂ ಆಶ್ಚರ್ಯವಾಗಿತ್ತು? ಅವರು ತಮ್ಮ ಕಡೆಯಿಂದ ಯಾವುದೇ ನಿರ್ಧಾರವನ್ನು ನೀಡಲಿಲ್ಲ, ನ್ಯೂಜಿಲೆಂಡ್ ತಂಡವೂ ಯಾವುದೇ ವಿಮರ್ಶೆ ತೆಗೆದುಕೊಳ್ಳಲಿಲ್ಲ ಮತ್ತು ವಿಕೆಟ್ ಕೀಪರ್ ಕ್ಯಾಚ್ ತೆಗೆದುಕೊಂಡಿದ್ದಾರೆ ಎಂಬುದು ಸ್ಪಷ್ಟವಾಗಿತ್ತು. ಹೀಗಾಗಿ ಅಂಪೈರ್‌ಗಳು ಮೂರನೇ ಅಂಪೈರ್‌ನ ಸಹಾಯವನ್ನು ಏಕೆ ಕೇಳಿದರು ಎಂಬುದು ಚರ್ಚೆಯನ್ನು ಹುಟ್ಟು ಹಾಕಿತ್ತು. ಭಾರತದ ಮಾಜಿ ತಂಡದ ಆರಂಭಿಕ ಆಟಗಾರ ವೀರೇಂದ್ರ ಸೆಹ್ವಾಗ್ ಕೂಡ ಈ ಬಗ್ಗೆ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. ಸೆಹ್ವಾಗ್ ಮಾತ್ರವಲ್ಲದೆ ಸೋಷಿಯಲ್ ಮೀಡಿಯಾದಲ್ಲಿ ಅನೇಕ ಕ್ರಿಕೆಟ್ ಪಂಡಿತರು ಈ ನಿರ್ಧಾರದಿಂದ ಆಘಾತಕ್ಕೊಳಗಾಗಿದ್ದಾರೆ ಮತ್ತು ಅಂಪೈರ್‌ಗಳು ಇದನ್ನು ಏಕೆ ಮಾಡಿದರು ಎಂದು ಪ್ರಶ್ನೆಗಳನ್ನು ಎತ್ತುತ್ತಿದ್ದಾರೆ.