ಶಾರ್ಜಾದಲ್ಲಿಂದು RCBಗೆ ಪಂಜಾಬ್ ಕನ್ನಡಿಗರ ಸವಾಲ್! ಸೇಡಿನ ಸಮರಕ್ಕೆ ಕೊಹ್ಲಿ ಪಡೆ ಸಜ್ಜು
ಮರಳುಗಾಡಿನ ಮಹಾಯುದ್ಧದಲ್ಲಿ ಆರ್ಸಿಬಿ ಆರ್ಭಟ ಪಂದ್ಯದಿಂದ ಪಂದ್ಯಕ್ಕೆ ಜೋರಾಗ್ತಿದೆ. ಆರ್ಸಿಬಿ ಅಭಿಮಾನಿಗಳಂತೂ ಈ ಸಲ್ ಕಪ್ ನಮ್ದೇ ಅನ್ನೋದ್ರಲ್ಲಿ ಅನುಮಾನವೇ ಇಲ್ಲ ಅನ್ನೋ ವಿಶ್ವಾಸದಲ್ಲಿದ್ದಾರೆ. ಕಳೆದ ಪಂದ್ಯದಲ್ಲಿ ಕೊಲ್ಕತ್ತಾ ತಂಡವನ್ನ ಹೀನಾಯವಾಗಿ ಬಗ್ಗು ಬಡಿದಿರುವ ಕೊಹ್ಲಿ ಬಾಯ್ಸ್, ಇಂದು ಶಾರ್ಜಾದಲ್ಲಿ ಪಂಜಾಬ್ ವಿರುದ್ಧದ ಸೇಡಿನ ಸಮರಕ್ಕೆ ಸಜ್ಜಾಗಿದ್ದಾರೆ. ಯಾಕಂದ್ರೆ ಆರ್ಸಿಬಿ ತನ್ನ ಎರಡನೇ ಪಂದ್ಯದಲ್ಲೇ ಪಂಜಾಬ್ ವಿರುದ್ಧ ಮುಗ್ಗರಿಸಿತ್ತು. ಬ್ಯಾಟಿಂಗ್ ಕೋಟೆಯಲ್ಲಿ ಕೊಹ್ಲಿ ಗ್ಯಾಂಗ್ ಹರಿಸಲಿದೆ ರನ್ ಮಳೆ! ಬ್ಯಾಟಿಂಗ್ ಫ್ರೆಂಡ್ಲಿ ಪಿಚ್ ಶಾರ್ಜಾದಲ್ಲಿ ಈಗಾಗಲೇ ಆರ್ಸಿಬಿ […]
Updated on:Oct 15, 2020 | 12:15 PM
ಮರಳುಗಾಡಿನ ಮಹಾಯುದ್ಧದಲ್ಲಿ ಆರ್ಸಿಬಿ ಆರ್ಭಟ ಪಂದ್ಯದಿಂದ ಪಂದ್ಯಕ್ಕೆ ಜೋರಾಗ್ತಿದೆ. ಆರ್ಸಿಬಿ ಅಭಿಮಾನಿಗಳಂತೂ ಈ ಸಲ್ ಕಪ್ ನಮ್ದೇ ಅನ್ನೋದ್ರಲ್ಲಿ ಅನುಮಾನವೇ ಇಲ್ಲ ಅನ್ನೋ ವಿಶ್ವಾಸದಲ್ಲಿದ್ದಾರೆ.
ಕಳೆದ ಪಂದ್ಯದಲ್ಲಿ ಕೊಲ್ಕತ್ತಾ ತಂಡವನ್ನ ಹೀನಾಯವಾಗಿ ಬಗ್ಗು ಬಡಿದಿರುವ ಕೊಹ್ಲಿ ಬಾಯ್ಸ್, ಇಂದು ಶಾರ್ಜಾದಲ್ಲಿ ಪಂಜಾಬ್ ವಿರುದ್ಧದ ಸೇಡಿನ ಸಮರಕ್ಕೆ ಸಜ್ಜಾಗಿದ್ದಾರೆ. ಯಾಕಂದ್ರೆ ಆರ್ಸಿಬಿ ತನ್ನ ಎರಡನೇ ಪಂದ್ಯದಲ್ಲೇ ಪಂಜಾಬ್ ವಿರುದ್ಧ ಮುಗ್ಗರಿಸಿತ್ತು.
ಬ್ಯಾಟಿಂಗ್ ಕೋಟೆಯಲ್ಲಿ ಕೊಹ್ಲಿ ಗ್ಯಾಂಗ್ ಹರಿಸಲಿದೆ ರನ್ ಮಳೆ!
ಬ್ಯಾಟಿಂಗ್ ಫ್ರೆಂಡ್ಲಿ ಪಿಚ್ ಶಾರ್ಜಾದಲ್ಲಿ ಈಗಾಗಲೇ ಆರ್ಸಿಬಿ ತಂಡ ಕೊಲ್ಕತ್ತಾ ವಿರುದ್ಧ, 82 ರನ್ಗಳ ಭರ್ಜರಿ ಗೆಲುವು ದಾಖಲಿಸಿದೆ. ಇವತ್ತು ಅದೇ ಶಾರ್ಜಾ ಮೈದಾನದಲ್ಲಿ ಕಣಕ್ಕಿಳಿಯುತ್ತಿರೋ ಕೊಹ್ಲಿ ಗ್ಯಾಂಗ್, ಪಂಜಾಬ್ ಮಣಿಸೋಕೆ 200ಕ್ಕೂ ಅಧಿಕ ರನ್ ಟಾರ್ಗೆಟ್ ನೀಡೋ ಗುರಿ ಇಟ್ಕೊಂಡಿದೆ.
ಶಾರ್ಜಾದಲ್ಲಿ ಪಂಜಾಬ್ಗೆ ಸೋಲು.. ಆರ್ಸಿಬಿಗೆ ಗೆಲುವು! ಇಂಟ್ರಸ್ಟಿಂಗ್ ವಿಷ್ಯ ಏನಂದ್ರೆ ಶಾರ್ಜಾ ಮೈದಾನದಲ್ಲಿ ಆಡಿದ ಮೊದಲ ಪಂದ್ಯದಲ್ಲೇ ಅಂದ್ರೆ, ಕಳೆದ ಕೊಲ್ಕತ್ತಾ ವಿರುದ್ಧದ ಪಂದ್ಯದಲ್ಲಿ ಆರ್ಸಿಬಿ 82 ರನ್ಗಳ ಭರ್ಜರಿ ಗೆಲುವು ದಾಖಲಿಸಿದೆ. ಅದೇ ಪಂಜಾಬ್ ರಾಜಸ್ಥಾನ್ ವಿರುದ್ಧ ಶಾರ್ಜಾದಲ್ಲಿ ಸೋಲು ಅನುಭವಿಸಿದೆ. ಹೀಗಾಗಿ ಶಾರ್ಜಾ ಪಿಚ್ ಅನ್ನ ಆರ್ಸಿಬಿ ಹುಡುಗರು ಸದ್ಬಳಕೆ ಮಾಡಿಕೊಳ್ಳೋದ್ರಲ್ಲಿ ಅನುಮಾನವೇ ಇಲ್ಲ. [yop_poll id=”13″]
ಆರ್ಸಿಬಿ ಬಲ ಹೆಚ್ಚಿಸಿದ ಫಿಂಚ್, ಸುಂದರ್, ಮಾರಿಸ್! ಸದ್ಯ ಟೂರ್ನಿಯಲ್ಲಿ ಆರ್ಸಿಬಿ ರೆಡ್ ಹಾಟ್ ಫಾರ್ಮ್ನಲ್ಲಿದೆ. ಕಳಪೆ ಫಾರ್ಮ್ನಿಂದ ಬಳಲುತ್ತಿದ್ದ ಌರೋನ್ ಫಿಂಚ್ ಸಿಡಿದಿದ್ರೆ, ಬ್ಯಾಟಿಂಗ್ ಫ್ರೆಂಡ್ಲಿ ಪಿಚ್ನಲ್ಲಿ ವಾಷಿಂಗ್ಟನ್ ಸುಂದರ್ ಕೈ ಚಳಕ ಆರ್ಸಿಬಿ ಯಶಸ್ಸಿಗೆ ಕಾರಣವಾಗ್ತಿದೆ. ಇನ್ನು ಡೆತ್ ಓವರ್ನಲ್ಲಿ ಸಾಲಿಡ್ ಸ್ಪೆಲ್ ಮಾಡ್ತೀರೋ ಕ್ರಿಸ್ ಮಾರಿಸ್, ಕೊಹ್ಲಿ ತಂಡದ ಬಲ ಹೆಚ್ಚಿಸಿದ್ದಾರೆ.
ಪಂಜಾಬ್ ಪರ ಕಣಕ್ಕಿಳಿಯಲಿದ್ದಾನೆ ಕೆರಿಬಿಯನ್ ಕಿಂಗ್!
ಆಡಿದ 7 ಪಂದ್ಯಗಳ ಪೈಕಿ ಕೇವಲ ಒಂದರಲ್ಲಿ ಗೆದ್ದಿರೋ ಪಂಜಾಬ್, ಪ್ಲೇ ಆಫ್ಗೆ ಎಂಟ್ರಿ ಕೊಡ್ಬೇಕು ಅಂದ್ರೆ ಉಳಿದ ಎಲ್ಲಾ ಪಂದ್ಯಗಳನ್ನ ಗೆಲ್ಲಲೇಬೇಕು. ಹೀಗಾಗಿ ಬಲಿಷ್ಟ ಆರ್ಸಿಬಿ ವಿರುದ್ಧದ ಪಂದ್ಯದಲ್ಲಿ ಪಂಜಾಬ್, ಕಳಪೆ ಫಾರ್ಮ್ನಲ್ಲಿರೋ ಗ್ಲೇನ್ ಮ್ಯಾಕ್ಸ್ವೆಲ್ ಬದಲು ಕ್ರಿಸ್ ಗೇಲ್ರನ್ನ ಕಣಕ್ಕಿಳಿಸೋದಕ್ಕೆ ಮುಂದಾಗಿದೆ. ಹೀಗಾಗಿ ನಾಯಕ ರಾಹುಲ್ ಜತೆಗೆ ಕ್ರಿಸ್ ಗೇಲ್ ಆರಂಭಿಕನಾಗಿ ಇನಿಂಗ್ಸ್ ಆರಂಭಿಸೋ ಸಾಧ್ಯತೆಯಿದೆ.
ಟೂರ್ನಿಯಲ್ಲಿ ಪಂಜಾಬ್ ಕನ್ನಡಿಗರು ಆರ್ಸಿಬಿ ತಂಡವನ್ನ ಮಣಿಸಿದ್ದಾರೆ ನಿಜ. ಆದ್ರೆ ಆರ್ಸಿಬಿ ಸ್ಟ್ರೆಂತ್ ಈಗ ಚೇಂಜ್ ಆಗಿದೆ. ಪ್ಲೇ ಆಫ್ ರೇಸ್ನಲ್ಲಿ ಪಂಜಾಬ್ಗಿಂತ ಮುಂಚೂಣಿಯಲ್ಲಿರೋ ಕೊಹ್ಲಿ ಗ್ಯಾಂಗ್, ಸೇಡಿನ ಸಮರದಲ್ಲಿ ಪಂಜಾಬ್ ತಂಡವನ್ನ ಶಾರ್ಜಾದಲ್ಲಿ ಪಂಚರ್ ಮಾಡೋದ್ರಲ್ಲಿ ಅನುಮಾನವೇ ಇಲ್ಲ.
Published On - 12:09 pm, Thu, 15 October 20
