IPL 2021 Date and Schedule: ಏಪ್ರಿಲ್ 9ರಿಂದ ಮೇ 30ರ ವರೆಗೆ ಈ ಬಾರಿಯ ಐಪಿಎಲ್; ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಫೈನಲ್ ಪಂದ್ಯ!
IPL 2021 Schedule: ಈ ಬಾರಿಯ ಐಪಿಎಲ್ ಪಂದ್ಯಾವಳಿಗಳು ಏಪ್ರಿಲ್ 9ಕ್ಕೆ ಆರಂಭವಾಗಿ ಮೇ 30ರ ವರೆಗೆ ನಡೆಯುವುದು ಖಚಿತವಾಗಿದೆ.
IPL 2021 Date and Schedule: ಈ ಬಾರಿಯ ಐಪಿಎಲ್ 2021 ಪಂದ್ಯಾವಳಿಗಳು ಏಪ್ರಿಲ್ 9, 2021ಕ್ಕೆ ಆರಂಭವಾಗಿ ಮೇ 30, 2021ರ ವರೆಗೆ ನಡೆಯುವುದು ಖಚಿತವಾಗಿದೆ. ಇಂಡಿಯನ್ ಪ್ರೀಮಿಯರ್ ಲೀಗ್ನ (Indian Premier League) ಮೊದಲ ಪಂದ್ಯ ಚೆನ್ನೈನ ಎಂ.ಎ.ಚಿದಂಬರಂ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಏಪ್ರಿಲ್ 9ಕ್ಕೆ ಆಯೋಜನೆಯಾಗಲಿದೆ. ಬಳಿಕ, ಮೇ 30ರಂದು ಅಹಮದಾಬಾದ್ನಲ್ಲಿ ಇರುವ ನರೇಂದ್ರ ಮೋದಿ ಕ್ರಿಕೆಟ್ ಮೈದಾನದಲ್ಲಿ ಫೈನಲ್ ಪಂದ್ಯ ನಡೆಯಲಿದೆ.
ಉದ್ಘಾಟನಾ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ಹಾಗೂ ಮುಂಬೈ ಇಂಡಿಯನ್ಸ್ (MI) ತಂಡ ಮುಖಾಮುಖಿಯಾಗಲಿದೆ. ಟೂರ್ನಿಯಲ್ಲಿ ಒಟ್ಟು 56 ಲೀಗ್ ಪಂದ್ಯಗಳು ನಡೆಯಲಿವೆ. ಈ ಬಗ್ಗೆ ಐಪಿಎಲ್ ಆಡಳಿತ ಮಂಡಳಿಯಿಂದ ಅಧಿಕೃತ ಘೋಷಣೆಯಾಗಿದೆ.
ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2021ನೇ ಆವೃತ್ತಿಯ ಪಂದ್ಯಗಳು ಏಪ್ರಿಲ್ 9ರಿಂದ ಮೇ 30ರ ವರೆಗೆ ನಡೆಯುವ ಸಾಧ್ಯತೆ ಇದೆ. ಈ ದಿನಾಂಕಗಳ ಸಮಯದಲ್ಲಿ ಐಪಿಎಲ್ ನಡೆಸಲು ಪಟ್ಟಿ ತಯಾರಾಗಿದ್ದು, ಗವರ್ನಿಂಗ್ ಕೌನ್ಸಿಲ್ (GC) ಅನುಮತಿ ಸಿಕ್ಕರೆ ಏಪ್ರಿಲ್ 9ಕ್ಕೆ ಆರಂಭವಾಗಲಿದೆ. ಎಂದು ನಿನ್ನೆಯಷ್ಟೇ (ಮಾರ್ಚ್ 6) ಹೇಳಲಾಗಿತ್ತು.
ಈ ನಡುವೆ, ಬಹುಜನಪ್ರಿಯ ಕ್ರಿಕೆಟ್ ಫಾರ್ಮಾಟ್ ಐಪಿಎಲ್ನ 14ನೇ ಆವೃತ್ತಿ ಆಡುವ ಸ್ಥಳಗಳ ಪಟ್ಟಿ ಕೂಡ ಅಂತಿಮವಾಗಬೇಕಿದೆ. ಮುಂದಿನ ವಾರದಲ್ಲಿ ನಡೆಯಲಿದೆ ಎಂದು ಅಂದಾಜಿಸಲಾಗಿರುವ ಗವರ್ನಿಂಗ್ ಕೌನ್ಸಿಲ್ (GC) ಸಭೆಯಲ್ಲಿ ಸ್ಥಳ ನಿಗದಿಯಾಗುವ ನಿರೀಕ್ಷೆ ಇದೆ.
ಈ ಹಿಂದೆ ಐಪಿಎಲ್ 2021 ಅನ್ನು ಒಂದೇ ನಗರದಲ್ಲಿ ಆಯೋಜಿಸಲಾಗುವುದು ಎಂಬ ಮಾತುಗಳು ಕೇಳಿಬಂದಿತ್ತು. ಆದರೆ ಈಗ ಬಿಸಿಸಿಐ ಐದು ಅಥವಾ ಆರು ನಗರಗಳಲ್ಲಿ ಐಪಿಎಲ್ ಪಂದ್ಯಾವಳಿಗಳನ್ನು ಆಯೋಜಿಸಲು ಯೋಚಿಸುತ್ತಿದೆ. ಈ ಬಗ್ಗೆ ಚರ್ಚೆಗಳಾಗುತ್ತಿವೆ. ಬಿಸಿಸಿಐನ ಹಿರಿಯ ಅಧಿಕಾರಿಗಳು ಐಪಿಎಲ್ ನಡೆಯಲಿರುವ ಸ್ಥಳಗಳ ಬಗ್ಗೆ ತೀರ್ಮಾನ ಕೈಗೊಳ್ಳಲಿದ್ದಾರೆ.
ಐಪಿಎಲ್ನ ಈ ಬಾರಿಯ ಆವೃತ್ತಿಯನ್ನು ಒಂದಕ್ಕಿಂತ ಹೆಚ್ಚು ನಗರಗಳಲ್ಲಿ ಆಯೋಜಿಸಲು ಉದ್ದೇಶಿಸಿದ್ದೇವೆ. ಮೊದಲು ಕೈಗೊಂಡಿದ್ದ ತೀರ್ಮಾನಕ್ಕಿಂತ ಭಿನ್ನ ನಿರ್ಧಾರ ಕೈಗೊಳ್ಳುವ ಸಾಧ್ಯತೆ ಇದೆ. ಕೊರೊನಾ ಪರಿಸ್ಥಿತಿಯು ನಿಧಾನವಾಗಿ ಸಹಜ ಸ್ಥಿತಿಗೆ ಮರಳುತ್ತಿದೆ. ಆದರೆ ಕ್ರಿಕೆಟಿಗರ ಮತ್ತು ಕ್ರೀಡಾಳುಗಳ ಆರೋಗ್ಯ ಸುರಕ್ಷತೆಯೇ ನಮ್ಮ ಪ್ರಾಥಮಿಕ ಕಾಳಜಿಯಾಗಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಮುಂಬೈ, ಕೋಲ್ಕತ್ತಾ, ಚೆನ್ನೈ ಮತ್ತು ಹೈದರಾಬಾದ್ ನಗರಗಳಲ್ಲಿ ಐಪಿಎಲ್ 14ನೇ ಆವೃತ್ತಿ ನಡೆಯಬಹುದು ಎಂದು ಹೇಳಲಾಗುತ್ತಿದೆ. ಒಂದಕ್ಕಿಂತ ಹೆಚ್ಚು ನಗರಗಳಲ್ಲಿ ಐಪಿಎಲ್ ನಡೆಸುವ ಬಗ್ಗೆ ಫ್ರಾಂಚೈಸಿಗಳೂ ಸಹಮತ ಸೂಚಿಸಿವೆ. ಹೆಚ್ಚು ಸಂಖ್ಯೆಯ ಅಭಿಮಾನಿಗಳನ್ನು ಐಪಿಎಲ್ ಮೂಲಕ ತಲುಪುವ ವಿಚಾರದಲ್ಲಿ ಬಿಸಿಸಿಐ ಆಸಕ್ತಿ ವಹಿಸಿದೆ.
IPL 2021 Venues List: 6 ನಗರಗಳಲ್ಲಿ ಈ ಬಾರಿ ಐಪಿಎಲ್; ಪ್ರೇಕ್ಷಕರಿಗೆ ಬೇವು-ಬೆಲ್ಲದ ಉಡುಗೊರೆ!
Published On - 2:04 pm, Sun, 7 March 21