ಸಿಎಸ್ಕೆ ತರಬೇತುದಾರರಾದ ಮೈಕೆಲ್ ಹಸ್ಸಿ, ಬಾಲಾಜಿಗೆ ಕೊರೊನಾ ಸೋಂಕು; ಏರ್ ಆಂಬುಲೆನ್ಸ್ ಮೂಲಕ ಚೆನ್ನೈಗೆ ರವಾನೆ
ಸಿಎಸ್ಕೆ ತಮ್ಮ ತರಬೇತುದಾರರಾದ ಹಸ್ಸಿ ಮತ್ತು ಬಾಲಾಜಿಯನ್ನು ಏರ್ ಆಂಬುಲೆನ್ಸ್ ಮೂಲಕ ಚೆನ್ನೈಗೆ ರವಾನಿಸಲಾಗಿದೆ. ಪಿಟಿಐ ಜೊತೆ ಮಾತನಾಡಿದ ಅಧಿಕಾರಿಯೊಬ್ಬರು ಈ ವಿಷಯವನ್ನು ದೃಢಪಡಿಸಿದರು.
Updated on: May 06, 2021 | 8:27 PM
ಚೆನ್ನೈ ತಂಡದಿಂದ ಒಟ್ಟು 4 ಪ್ರಕರಣಗಳು ವರದಿಯಾಗಿದ್ದರಿಂದ ಈ ವಾರದ ಆರಂಭದಲ್ಲಿ COVID-19 ಹಬ್ಬಿದ ಫ್ರಾಂಚೈಸಿಗಳಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್ಕೆ) ಒಂದು. ಸೋಮವಾರ (ಮೇ 3) ಸಿಎಸ್ಕೆ ಬೌಲಿಂಗ್ ತರಬೇತುದಾರ ಎಲ್ಪಿ ಬಾಲಾಜಿ, ಅವರ ಸಿಇಒ ಕಾಶಿ ವಿಶ್ವನಾಥನ್ ಮತ್ತು ಅವರ ಶಿಬಿರದ ಸದಸ್ಯರೊಬ್ಬರು ಸೋಂಕಿಗೆ ತುತ್ತಾಗಿದ್ದರು. ವಿಶ್ವನಾಥನ್ ಅವರ ಎರಡನೇ ಸುತ್ತಿನ ಪರೀಕ್ಷೆ ನೆಗೆಟಿವ್ ಎಂದು ವರದಿಯಾಗಿದೆ. ಒಂದು ದಿನದ ನಂತರ, ಅವರ ಬ್ಯಾಟಿಂಗ್ ತರಬೇತುದಾರ ಮೈಕೆಲ್ ಹಸ್ಸಿ ಸಹ ವೈರಸ್ಗೆ ತುತ್ತಾಗಿದ್ದಾರೆ ಎಂದು ದೃಢಪಡಿಸಲಾಯಿತು. ವಿವಿಧ ಶಿಬಿರಗಳಲ್ಲಿ COVID-19 ಪ್ರಕರಣಗಳ ಸಂಖ್ಯೆಯಲ್ಲಿ ಹಠಾತ್ ಹೆಚ್ಚಳವು ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2021 ಅನ್ನು ಅಮಾನತುಗೊಳಿಸಲು ಕಾರಣವಾಯಿತು.
ಆಟಗಾರರು ತಮ್ಮ ದೇಶಗಳಿಗೆ ಸುರಕ್ಷಿತವಾಗಿ ಮರಳಲು ಬಿಸಿಸಿಐ ಮತ್ತು ಐಪಿಎಲ್ ಫ್ರಾಂಚೈಸಿಗಳು ತಮ್ಮ ಕೈಲಾದಷ್ಟು ಪ್ರಯತ್ನಿಸುತ್ತಿವೆ. ಫ್ರಾಂಚೈಸಿಗಳು ವೈರಸ್ಗೆ ತುತ್ತಾದ ಸದಸ್ಯರನ್ನು ನೋಡಿಕೊಳ್ಳುವ ಹೆಚ್ಚುವರಿ ಜವಾಬ್ದಾರಿಯನ್ನು ಹೊಂದಿವೆ.
ಏರ್ ಆಂಬುಲೆನ್ಸ್ ಮೂಲಕ ಚೆನ್ನೈಗೆ ರವಾನಿಸಲಾಗಿದೆ ಪಿಟಿಐ ಪ್ರಕಾರ, ಸಿಎಸ್ಕೆ ತಮ್ಮ ತರಬೇತುದಾರರಾದ ಹಸ್ಸಿ ಮತ್ತು ಬಾಲಾಜಿಯನ್ನು ಏರ್ ಆಂಬುಲೆನ್ಸ್ ಮೂಲಕ ಚೆನ್ನೈಗೆ ರವಾನಿಸಲಾಗಿದೆ. ಪಿಟಿಐ ಜೊತೆ ಮಾತನಾಡಿದ ಅಧಿಕಾರಿಯೊಬ್ಬರು ಈ ವಿಷಯವನ್ನು ದೃಢಪಡಿಸಿದರು. ನಾವು ಇಲ್ಲಿ ಉತ್ತಮ ಸಂಪರ್ಕಗಳನ್ನು ಹೊಂದಿದ್ದೇವೆ ಮತ್ತು ಯಾವುದೇ ಅಗತ್ಯವಿದ್ದಲ್ಲಿ ಉತ್ತಮ ವೈದ್ಯಕೀಯ ಸೌಲಭ್ಯಗಳನ್ನು ಖಾತ್ರಿಪಡಿಸಿಕೊಳ್ಳಲು ಬಯಸಿದ್ದರಿಂದ ನಾವು ಹಸ್ಸಿ ಮತ್ತು ಬಾಲಾಜಿಯನ್ನು ಏರ್ ಆಂಬುಲೆನ್ಸ್ ಮೂಲಕ ಚೆನ್ನೈಗೆ ಕರೆತರಲು ನಿರ್ಧರಿಸಿದ್ದೇವೆ ಎಂದು ತಿಳಿಸಿದ್ದಾರೆ.
ಪ್ರೋಟೋಕಾಲ್ಗಳ ಪ್ರಕಾರ, ಕೊರೊನಾ ಸೋಂಕಿಗೆ ಒಳಗಾಗಿರುವ ಆಟಗಾರರು ಸೋಂಕಿನಿಂದ ಚೇತರಿಸಿಕೊಂಡ ನಂತರವೇ ತಮ್ಮ ಮನೆಗಳಿಗೆ ತೆರಳಬಹುದು. ಹೀಗಾಗಿ ಮೈಕಲ್ ಹಸ್ಸಿ ಇನ್ನು ಸ್ವಲ್ಪ ದಿನ ಭಾರತದಲ್ಲೇ ಇರಬೇಕಾಗುತ್ತದೆ.
ಆಸ್ಟ್ರೇಲಿಯಾದ ಮಾಜಿ ಬ್ಯಾಟ್ಸ್ಮನ್ ಈಗ ಚೆನ್ನೈನಲ್ಲಿದ್ದರೆ, ಆಸ್ಟ್ರೇಲಿಯಾದ ಇತರ ಸದಸ್ಯರು ಮಾಲ್ಡೀವ್ಸ್ಗೆ ಹಾರಿದ್ದಾರೆ. ಅವರು ಶೀಘ್ರದಲ್ಲೇ ಆಸ್ಟ್ರೇಲಿಯಾಕ್ಕೆ ತಲುಪಲಿದ್ದಾರೆ ಎಂದು ಕ್ರಿಕೆಟ್ ಆಸ್ಟ್ರೇಲಿಯಾ ದೃಢಪಡಿಸಿದೆ, ಜೊತೆಗೆ ಆಸ್ಟ್ರೇಲಿಯಾ ಸರ್ಕಾರದಿಂದ ಯಾವುದೇ ವಿನಾಯಿತಿ ಕೋರಿಲ್ಲ ಎಂದು ಘೋಷಿಸಿದರು. ಮೇ 15 ರವರೆಗೆ ಭಾರತದಿಂದ ನೇರ ಮತ್ತು ಪರೋಕ್ಷ ವಿಮಾನಯಾನವನ್ನು ಆಸ್ಟ್ರೇಲಿಯಾ ನಿಷೇಧಿಸಿದೆ.
ಇತರೆ ಕೊರೊನಾ ಸೋಂಕಿತ ಆಟಗಾರರು ಸನ್ರೈಸರ್ಸ್ ಹೈದರಾಬಾದ್ (ಎಸ್ಆರ್ಹೆಚ್), ದೆಹಲಿ ಕ್ಯಾಪಿಟಲ್ಸ್ (ಡಿಸಿ) ಮತ್ತು ಕೋಲ್ಕತಾ ನೈಟ್ ರೈಡರ್ಸ್ (ಕೆಕೆಆರ್) COVID-19ಗೆ ಒಳಗಾಗಿರುವ ಇತರ ಫ್ರಾಂಚೈಸಿಗಳಾಗಿವೆ. ಎಸ್ಆರ್ಹೆಚ್ನ ವೃದ್ಧಿಮಾನ್ ಸಹಾ ಸೋಂಕಿಗೆ ತುತ್ತಾಗಿದ್ದರೆ, ಡಿಸಿ ಯ ಅಮಿತ್ ಮಿಶ್ರಾಗೆ COVID-19 ಪಾಸಿಟಿವ್ ಆಗಿದೆ. ಕೆಕೆಆರ್ನ ವರುಣ್ ಚಕ್ರವರ್ತಿ ಮತ್ತು ಸಂದೀಪ್ ವಾರಿಯರ್ ಕೂಡ ಸೋಂಕಿಗೆ ಒಳಗಾಗಿದ್ದಾರೆ.
