Paris Olympics 2024: ಭಾರತ ಹಾಕಿ ತಂಡದ ವೇಳಾಪಟ್ಟಿ ಇಲ್ಲಿದೆ

Paris Olympics 2024: ಬಹುನಿರೀಕ್ಷಿತ ಪ್ಯಾರಿಸ್ ಒಲಿಂಪಿಕ್ಸ್ ಆರಂಭಕ್ಕೆ ಇನ್ನು ಉಳಿದಿರುವುದು ಕೇವಲ ದಿನಗಳು ಮಾತ್ರ. ಜುಲೈ 26 ರಿಂದ ಫ್ರಾನ್ಸ್ ರಾಜಧಾನಿ ಪ್ಯಾರಿಸ್​ನಲ್ಲಿ ಶುರುವಾಗಲಿರುವ ಅದ್ಧೂರಿ ಕ್ರೀಡಾಕೂಟದಲ್ಲಿ ಈ ಬಾರಿ 206 ದೇಶಗಳು ಪಾಲ್ಗೊಳ್ಳುತ್ತಿವೆ. ಈ ದೇಶಗಳಲ್ಲಿ ಭಾರತ ಕೂಡ ಒಂದು.
ಭಾರತದಿಂದ ಒಟ್ಟು 117 ಕ್ರೀಡಾಪಟುಗಳು ಪ್ಯಾರಿಸ್ ಒಲಿಂಪಿಕ್ಸ್​ನಲ್ಲಿ ಕಣಕ್ಕಿಳಿಯಲಿದ್ದಾರೆ. ಇವರಲ್ಲಿ ಭಾರತೀಯ ಹಾಕಿ ತಂಡ ಕೂಡ ಸೇರಿದೆ.

ವಿಶೇಷ ಎಂದರೆ ಟೋಕಿಯೊ ಒಲಿಂಪಿಕ್ಸ್​ನಲ್ಲಿ ಕಂಚಿಕ ಪದಕ ಗೆದ್ದು ಭಾರತದ ಕೀರ್ತಿ ಪಾತಾಕೆಯನ್ನು ಮುಗಿಲೆತ್ತರಕ್ಕೇರಿಸಿದ ಭಾರತ ಹಾಕಿ ತಂಡವು ಈ ಬಾರಿ ಕೂಡ ಪದಕದೊಂದಿಗೆ ಹಿಂತಿರುಗುವ ವಿಶ್ವಾಸದಲ್ಲಿದೆ. ಇದಕ್ಕಾಗಿ ಬಲಿಷ್ಠ ಪಡೆಯನ್ನೆ ಆಯ್ಕೆ ಮಾಡಿಕೊಂಡಿದೆ.

ಭಾರತದ ಹಾಕಿ ತಂಡ:

• ಗೋಲ್‌ಕೀಪರ್‌:
• ಪಿಆರ್​ ಶ್ರೀಜೇಶ್

• ಡಿಫೆಂಡರ್ಸ್:
• ಜರ್ಮನ್​ಪ್ರೀತ್ ಸಿಂಗ್
• ಅಮಿತ್ ರೋಹಿದಾಸ್
• ಹರ್ಮನ್​ಪ್ರೀತ್ ಸಿಂಗ್
• ಸುಮಿತ್
• ಸಂಜಯ್

• ಮಿಡ್‌ಫೀಲ್ಡರ್‌ಗಳು:
• ರಾಜ್‌ಕುಮಾರ್ ಪಾಲ್
• ಶಂಶೇರ್ ಸಿಂಗ್
• ಮನ್‌ಪ್ರೀತ್ ಸಿಂಗ್
• ಹಾರ್ದಿಕ್ ಸಿಂಗ್
• ವಿವೇಕ್ ಸಾಗರ್ ಪ್ರಸಾದ್

• ಫಾರ್ವರ್ಡ್‌ಗಳು:
• ಅಭಿಷೇಕ್
• ಸುಖಜೀತ್ ಸಿಂಗ್
• ಲಲಿತ್ ಕುಮಾರ್ ಉಪಾಧ್ಯಾಯ
• ಮನ್‌ದೀಪ್ ಸಿಂಗ್
• ಗುರ್ಜಂತ್ ಸಿಂಗ್

• ಪರ್ಯಾಯ ಆಟಗಾರರು:
• ನೀಲಕಂಠ ಶರ್ಮಾ
• ಜುಗರಾಜ್ ಸಿಂಗ್
• ಕ್ರಿಶನ್ ಬಹದ್ದೂರ್ ಪಾಠಕ್.

ಇದನ್ನೂ ಓದಿ: Paris Olympics 2024: ಒಲಿಂಪಿಕ್ಸ್​ ಕ್ರೀಡಾಕೂಟದಲ್ಲಿ ರತಿಕ್ರೀಡೆ: 3 ಲಕ್ಷ ಕಾಂಡೋಮ್ ವಿತರಣೆ

ಭಾರತ ಹಾಕಿ ತಂಡದ ವೇಳಾಪಟ್ಟಿ:

• ಜುಲೈ 27, 2024: ಭಾರತ vs ನ್ಯೂಝಿಲೆಂಡ್ (ರಾತ್ರಿ 9 ಗಂಟೆಗೆ IST)
• ಜುಲೈ 29, 2024: ಭಾರತ vs ಅರ್ಜೆಂಟೀನಾ ( ಸಂಜೆ 4:15 PM IST)
• ಜುಲೈ 30, 2024: ಭಾರತ vs ಐರ್ಲೆಂಡ್ (ಸಂಜೆ 4:45 PM IST)
• ಆಗಸ್ಟ್ 1, 2024: ಭಾರತ vs ಬೆಲ್ಜಿಯಂ (ಮಧ್ಯಾಹ್ನ 1:30 IST)
• ಆಗಸ್ಟ್ 2, 2024: ಭಾರತ vs ಆಸ್ಟ್ರೇಲಿಯಾ (ಸಂಜೆ 4:45 PM IST)

ಒಲಿಂಪಿಕ್ಸ್​ನಲ್ಲಿ ಭಾರತದ ಸಾಧನೆ:

‘ಬ್ಲೂ ಬ್ರಿಗೇಡ್’ ಖ್ಯಾತಿಯ ಭಾರತ ಹಾಕಿ ತಂಡ ಒಲಿಂಪಿಕ್ಸ್​ನಲ್ಲಿ ಒಟ್ಟು ಎಂಟು ಚಿನ್ನದ ಪದಕಗಳನ್ನು ಗೆದ್ದಿದೆ. ಆದರೆ 1980ರ ದಶಕದ ನಂತರ ಫೀಲ್ಡ್ ಹಾಕಿಯಲ್ಲಿ ಭಾರತದ ಪ್ರಾಬಲ್ಯ ಕುಸಿಯಿತು. ಇದಾದ ಬಳಿಕ ಪದಕ ಗೆಲ್ಲಲು ಬರೋಬ್ಬರಿ 41 ವರ್ಷಗಳನ್ನು ಕಾಯಬೇಕಾಯಿತು ಎಂಬುದೇ ಸತ್ಯ. ಅದರಂತೆ 2021ರ ಟೋಕಿಯೊ ಒಲಿಂಪಿಕ್ಸ್​ನಲ್ಲಿ ಕಂಚಿನ ಪದಕವನ್ನು ಗೆಲ್ಲುವ ಮೂಲಕ ಭಾರತೀಯ ಹಾಕಿ ತಂಡ ನಾಲ್ಕು ದಶಕಗಳ ಮೆಡಲ್ ಬರವನ್ನು ನೀಗಿಸಿದರು. ಈ ಬಾರಿ ಕೂಡ ಭಾರತ ಹಾಕಿ ತಂಡ ಪದಕ ಗೆಲ್ಲುವ ಫೇವರೇಟ್ ಪಟ್ಟಿಯಲ್ಲಿ ಕಾಣಿಸಿಕೊಂಡಿದೆ. ಹೀಗಾಗಿ ಪ್ಯಾರಿಸ್​ನಲ್ಲೂ ಭಾರತದ ಕೀರ್ತಿ ಪಾತಾಕೆ ಮುಗಿಲೆತ್ತರಕ್ಕೇರುವ ನಿರೀಕ್ಷೆಯಿದೆ.