Australian Open: ಆಸ್ಟ್ರೇಲಿಯನ್ ಓಪನ್‌ನಲ್ಲಿ 14ನೇ ಬಾರಿಗೆ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ ರಾಫೆಲ್ ನಡಾಲ್!

Australian Open: ಆಸ್ಟ್ರೇಲಿಯನ್ ಓಪನ್‌ನಲ್ಲಿ 14ನೇ ಬಾರಿಗೆ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ ರಾಫೆಲ್ ನಡಾಲ್!
ರಾಫೆಲ್ ನಡಾಲ್

Australian Open: ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಟೂರ್ನಮೆಂಟ್‌ನ ಪುರುಷರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್‌ಗೆ 14 ನೇ ಬಾರಿಗೆ ವಿಶ್ವದ ಮಾಜಿ ನಂಬರ್ ಒನ್ ರಾಫೆಲ್ ನಡಾಲ್ ಎಂಟ್ರಿಕೊಟ್ಟಿದ್ದಾರೆ. ಕೆನಡಾದ ಡೆನಿಸ್ ಶಪೊವಾಲೊವ್ ಈ ಗ್ರ್ಯಾನ್‌ಸ್ಲಾಮ್‌ನಲ್ಲಿ ಎಡವಿದ್ದಾರೆ.

TV9kannada Web Team

| Edited By: pruthvi Shankar

Jan 23, 2022 | 6:25 PM

ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಟೂರ್ನಮೆಂಟ್‌ನ ಪುರುಷರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್‌ಗೆ 14 ನೇ ಬಾರಿಗೆ ವಿಶ್ವದ ಮಾಜಿ ನಂಬರ್ ಒನ್ ರಾಫೆಲ್ ನಡಾಲ್ ಎಂಟ್ರಿಕೊಟ್ಟಿದ್ದಾರೆ. ಕೆನಡಾದ ಡೆನಿಸ್ ಶಪೊವಾಲೊವ್ ಈ ಗ್ರ್ಯಾನ್‌ಸ್ಲಾಮ್‌ನಲ್ಲಿ ಎಡವಿದ್ದಾರೆ. ಪುರುಷರ ಸಿಂಗಲ್ಸ್‌ನ ನಾಲ್ಕನೇ ಸುತ್ತಿನಲ್ಲಿ ಶಪೋವಲೋವ್ ಮೂರನೇ ಶ್ರೇಯಾಂಕದ ಜರ್ಮನಿಯ ಅತ್ಯುತ್ತಮ ಆಟಗಾರ ಅಲೆಕ್ಸಾಂಡರ್ ಜ್ವೆರೆವ್ ಅವರನ್ನು ಸೋಲಿಸಿ ಕೊನೆಯ-8 ರ ಘಟ್ಟಕ್ಕೆ ಪ್ರವೇಶಿಸಿದರು. ಅವರು ಮೊದಲ ಬಾರಿಗೆ ಆಸ್ಟ್ರೇಲಿಯನ್ ಓಪನ್‌ನಲ್ಲಿ ಕ್ವಾರ್ಟರ್ ಫೈನಲ್‌ಗೆ ಪ್ರವೇಶಿಸಿದ್ದಾರೆ. ಈ ಇಬ್ಬರು ಆಟಗಾರರು ಕ್ವಾರ್ಟರ್ ಫೈನಲ್‌ನಲ್ಲಿ ಮುಖಾಮುಖಿಯಾಗಲಿದ್ದಾರೆ.

ನಡಾಲ್ ನಾಲ್ಕನೇ ಸುತ್ತಿನ ಪಂದ್ಯದಲ್ಲಿ 7-6 (14), 6-2, 6-2 ಸೆಟ್‌ಗಳಿಂದ ಗೆದ್ದರು. ಮೊದಲ ಸೆಟ್‌ನ ಟೈಬ್ರೇಕ್ ಗೆಲ್ಲಲು ಅವರು 28 ನಿಮಿಷ 40 ಸೆಕೆಂಡುಗಳ ಕಾಲ ಹೋರಾಡಬೇಕಾಯಿತು ಮತ್ತು ಈ ಸಮಯದಲ್ಲಿ ಅವರು ಏಳನೇ ಸೆಟ್ ಪಾಯಿಂಟ್‌ನಲ್ಲಿ ಗೆದ್ದರು. ಇದು ಎಡಗೈ ಆಟಗಾರರ ವಿರುದ್ಧ ನಡಾಲ್ ಅವರ ಸತತ 21ನೇ ಜಯವಾಗಿದೆ.

ವಿಶೇಷ ಪಟ್ಟಿಯಲ್ಲಿ ನಡಾಲ್ ಆಸ್ಟ್ರೇಲಿಯನ್ ಓಪನ್ ಪುರುಷರ ಸಿಂಗಲ್ಸ್ ಕ್ವಾರ್ಟರ್‌ಫೈನಲಿಸ್ಟ್‌ಗಳ ಪಟ್ಟಿಯಲ್ಲಿ ಜಾನ್ ನ್ಯೂಕಾಂಬ್ ಅವರೊಂದಿಗೆ ನಡಾಲ್ ಎರಡನೇ ಸ್ಥಾನವನ್ನು ಪಡೆದರು. ರೋಜರ್ ಫೆಡರರ್ 15 ಬಾರಿ ಕ್ವಾರ್ಟರ್ ಫೈನಲ್‌ನಲ್ಲಿ ಮುನ್ನಡೆ ಸಾಧಿಸಿದ್ದಾರೆ. ನಡಾಲ್ 45 ನೇ ಬಾರಿಗೆ ಗ್ರ್ಯಾಂಡ್ ಸ್ಲಾಮ್ ಪಂದ್ಯಾವಳಿಯ ಕೊನೆಯ ಎಂಟರಲ್ಲಿ ಸ್ಥಾನ ಪಡೆದಿದ್ದಾರೆ ಮತ್ತು ಫೆಡರರ್ (58) ಮತ್ತು ನೊವಾಕ್ ಜೊಕೊವಿಕ್ (51) ನಂತರ ಸಾರ್ವಕಾಲಿಕ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದ್ದಾರೆ. ದಾಖಲೆಯ 21 ನೇ ಪುರುಷರ ಸಿಂಗಲ್ಸ್ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿಯನ್ನು ಗೆಲ್ಲಲು ನಡಾಲ್ ಈಗ ಮೂರು ಗೆಲುವುಗಳ ಅಂತರದಲ್ಲಿದ್ದಾರೆ.

ಜ್ವೆರೆವ್​ಗೆ ಸೋಲು 22 ವರ್ಷದ ಕೆನಡಾದ ಆಟಗಾರ ಒಲಿಂಪಿಕ್ ಚಿನ್ನದ ಪದಕ ವಿಜೇತ ಜ್ವೆರೆವ್ ಅವರನ್ನು 6-3, 7-6 (5), 6-3 ನೇರ ಸೆಟ್‌ಗಳಿಂದ ಸೋಲಿಸಿದರು. ಪಂದ್ಯದ ನಂತರ ಮಾತನಾಡಿದ ಅವರು, “ನಾನು ಮೂರು ಸೆಟ್‌ಗಳಲ್ಲಿ ಕೊನೆಗೊಳ್ಳುವ ನಿರೀಕ್ಷೆಯಿಲ್ಲದ ಪಂದ್ಯಗಳಲ್ಲಿ ಇದು ಒಂದು. ನಾನು ಇಂದು ತುಂಬಾ ಚುರುಕಾಗಿ ಆಡಿದ್ದೇನೆ. ಹೀಗಾಗಿ ಈ ಗೆಲುವು ದೊರಕಿತು ಎಂದಿದ್ದಾರೆ. ಶಪೋವಲೋವ್ ಸುಮಾರು 11 ಗಂಟೆಗಳ ಕಾಲ ಅಂಕಣದಲ್ಲಿ ಕಳೆದರು. ಜ್ವೆರೆವ್ ವಿರುದ್ಧ ಎರಡು ಗಂಟೆ 21 ನಿಮಿಷಗಳಲ್ಲಿ ಮೂರು ಸೆಟ್‌ಗಳಲ್ಲಿ ಗೆಲುವು ದಾಖಲಿಸುವಲ್ಲಿ ಯಶಸ್ವಿಯಾದರು.

ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ಗ್ರೀಸ್‌ನ ಮರಿಯಾ ಸಕಾರಿ ನಾಲ್ಕನೇ ಸುತ್ತಿನಲ್ಲಿ ಜಯಗಳಿಸುವ ಮೂಲಕ ಕೊನೆಯ-8ರ ಘಟ್ಟ ಪ್ರವೇಶಿಸಿದ್ದಾರೆ. ಒಂದು ಗಂಟೆ 35 ನಿಮಿಷಗಳ ಕಾಲ ನಡೆದ ಪಂದ್ಯದಲ್ಲಿ ಅವರು ಅಮೆರಿಕದ ಜೆಸ್ಸಿಕಾ ಪೆಗುಲಾ ಅವರನ್ನು ನೇರ ಸೆಟ್‌ಗಳಿಂದ ಸೋಲಿಸಿದರು. ಈ ಪಂದ್ಯದಲ್ಲಿ ಮಾರಿಯಾ 7-6 (7-0), 6-3 ಸೆಟ್‌ಗಳಿಂದ ಗೆದ್ದರು.

Follow us on

Most Read Stories

Click on your DTH Provider to Add TV9 Kannada