Throwback! ಪಾಕಿಸ್ತಾನದ ವಿರುದ್ಧ ವೀರೂ ದಾದಾ ಎರಡೇ ಎರಡು ಬಾಲ್ನಲ್ಲಿ 21 ರನ್ ಚಚ್ಚಿದ್ದು ಹೇಗೆ ಅಂತೀರಾ…?
Virender Sehwag: ಓಪನರ್ ವೀರೇಂದ್ರ ಸೆಹವಾಗ್ ಅಂದರೇನೆ ಸಾಹಸಮಯ, ಉತ್ಸಾಹಪೂರ್ಣ ಬ್ಯಾಟ್ಸ್ಮನ್ ಅಂತಾ ಗುರುತಿಸಿಕೊಂಡವರು. ಆತ ಎದುರಾಳಿಗಳಿಗೆ ಅಷ್ಟೇ ಅಪಾಯಕಾರಿ. ವಿರೋಧಿ ತಂಡಕ್ಕೆ ಸಿಂಹಸ್ವಪ್ನ ಬ್ಯಾಟ್ಸ್ಮನ್ ಅವರು. ಸ್ಕ್ರೀಸ್ಗೆ ಬಂದು ನಿಂತಾ ಅಂದ್ರೆ ಬೌಂಡರಿಯೊಂದಿಗೇ ಓಂ ಪ್ರಥಮ ಅನ್ನೋರು. ಪಾಕಿಸ್ತಾನದ ವಿರುದ್ಧ ಆಡುತ್ತಾ ವೇಗದ ಬೌಲರ್ ರಾಣಾ ನವೇದ್ ಉಲ್ ಹಸನ್ ನನ್ನು ಹೇಗೆ ಗೋಳುಹೊಯ್ದುಕೊಂಡರು ಅಂದ್ರೆ...
Updated on: Jun 08, 2021 | 9:46 AM
ದೆಹಲಿ: ಭಾರತ ಕಂಡ ಸರ್ವಶ್ರೇಷ್ಠ ಆರಂಭಿಕ ಬ್ಯಾಟ್ಸ್ಮನ್ ಅಂದ್ರೆ ಅದು.. ವೀರೂ ಎಂದೇ ಆಪ್ತವಾಗಿ ಕರೆಸಿಕೊಳ್ಳುತ್ತಿದ್ದ ವೀರೇಂದ್ರ ಸೆಹವಾಗ್! ಇಂತಹ ವೀರೇಂದ್ರ ಸೆಹವಾಗ್ ಅದೊಮ್ಮೆ ಕೇವಲ ಎರಡೇ ಎರಡು ಎಸೆತಗಳಲ್ಲಿ ಬಾರಿಸಿದ್ದು 21 ರನ್! ಹಾಗೆ 21 ರನ್ ಚಚ್ಚಿಸಿಕೊಂಡಿದ್ದು ಪಾಕಿಸ್ತಾನದ ಬೌಲರ್ ರಾಣಾ ನವೇದ್ ಉಲ್ ಹಸನ್! ಯಾವಾಗ, ಹೇಗೆ ಎಂದು ತಿಳಿಯುವ ಕುತೂಹಲ ನಿಮ್ಮ ಮುಂದಿದೆಯೇ… ಹಾಗಾದರೆ ಇದನ್ನು ಪೂರ್ತಿ ಓದಿ.
ಓಪನರ್ ವೀರೇಂದ್ರ ಸೆಹವಾಗ್ ಅಂದರೇನೆ ಸಾಹಸಮಯ, ಉತ್ಸಾಹಪೂರ್ಣ ಬ್ಯಾಟ್ಸ್ಮನ್ ಅಂತಾ ಗುರುತಿಸಿಕೊಂಡವರು. ಆತ ಎದುರಾಳಿಗಳಿಗೆ ಅಷ್ಟೇ ಅಪಾಯಕಾರಿ. ವಿರೋಧಿ ತಂಡಕ್ಕೆ ಸಿಂಹಸ್ವಪ್ನ ಬ್ಯಾಟ್ಸ್ಮನ್ ಅವರು. ಸ್ಕ್ರೀಸ್ಗೆ ಬಂದು ನಿಂತಾ ಅಂದ್ರೆ ಬೌಂಡರಿಯೊಂದಿಗೇ ಓಂ ಪ್ರಥಮ ಅನ್ನೋರು.
ಪಾಕಿಸ್ತಾನದ ವಿರುದ್ಧ ಆಡುತ್ತಾ ವೇಗದ ಬೌಲರ್ ರಾಣಾ ನವೇದ್ ಉಲ್ ಹಸನ್ ನನ್ನು ಹೇಗೆ ಗೋಳುಹೊಯ್ದುಕೊಂಡರು ಅಂದ್ರೆ ಅದು ಮಾರ್ಚ್ 13, 2004. ಪಾರಂಪರಿಕ ಎದುರಾಳಿ ಪಾಕಿಸ್ತಾನದ ವಿರುದ್ಧ ಏಕ ದಿನ ಪಂದ್ಯ ನಡೆಯುತ್ತಿತ್ತು. ವೇಗಿ ರಾಣಾ ಕಾನೂನುಬದ್ಧವಾಗಿ ಎಸೆದಿದ್ದ ಎರಡು ಬಾಲಿನಲ್ಲಿ 21 ರನ್ ಬಾರಿಸಿದ್ದರು. ಹಾಗಂತ ಎಡರು ಬಾಲಿನಲ್ಲಿ ಅಷ್ಟು ರನ್ ಬಾರಿಸೋಕ್ಕೆ ಛಾನ್ಸೇ ಇಲ್ಲ ಅನ್ನಬೇಡಿ. ಆ ವೇಗಿ ರಾಣಾ ಮಾಡಿದ ತಪ್ಪೇನಂದ್ರೆ ಎರಡೇ ಬಾಲು ಎಸೆದಿದ್ದ ರಾಣಾ ಅರೊಂದಿಗೆ ಇತರೆ ಲೆಕ್ಕದಲ್ಲಿ ಮತ್ತೆ ಮತ್ತೆ ಬೌಲಿಂಗ್ ಮಾಡುತ್ತಾ ಓಪನರ್ ವೀರೇಂದ್ರ ಸೆಹವಾಗ್ಗೆ ದಾಖಲೆಯ 21 ರನ್ ಬಾರಿಸಲು ಸಹಕರಿಸಿದರು!
ಭಾರತದ ಇನ್ನಿಂಗ್ಸ್ ನಡೆಯುತ್ತಿದ್ದಾಗ 11ನೇ ಓವರ್ನಲ್ಲಿ ವೇಗಿ ರಾಣಾ ಬೌಲಿಂಗ್ಗೆ ಇಳಿದರು. ಮೊದಲ ಬಾಲೇ ನೋಬಾಲ್ ಆಗಿತ್ತು. ಸೆಹವಾಗ್ ದೂಸ್ರಾ ಮಾತೇ ಇಲ್ಲದೆ ಸೀದಾ ಬೌಂಡರಿ ಆಚೆಗೆ ಆ ಬಾಲನ್ನು ಗದುಮಿದರು. ಅದಾದ ಮೇಲೂ ವೇಗಿ ರಾಣಾ ಮತ್ತೆ ನೋ ಬಾಲ್ ಎಸೆಯೋದಾ? ಸರಿ ಅದೂ ಸಹ ಸೆಹವಾಗ್ ಬ್ಯಾಟಿಂದ ಸೀದಾ ಬೌಂಡರಿಗೆ ನುಗ್ಗಿತು. ವೇಗಿ ರಾಣಾಗೆ ಅದೇನಾಗಿತ್ತೋ ತಮ್ಮ ಮೂರನೆಯ ಬಾಲನ್ನೂ ನೋ ಬಾಲ್ ಎಸೆದು ಹ್ಯಾಟ್ರಿಕ್ ನೋ ಬಾಲ್ಸ್ ಮಾಡಿಬಿಟ್ಟರು! ಆದರೆ ಸೆಹವಾಗ್ ಆ ಮೂರನೆಯ ನೋ ಬಾಲ್ನಲ್ಲಿ ರನ್ ಬಾರಿಸದೆ ಡಿಫೆನ್ಸ್ ಆಡಿದರು. ಅದಾದ ಮೇಲಷ್ಟೇ ವೇಗಿ ರಾಣಾ ಲೀಗಲ್ ಬಾಲ್ ಎಸೆದಿದ್ದು. ಆಗಲೂ ಸೆಹವಾಗ್ ಅದನ್ನು ಗೌರವಯುತವಾಗಿ ಡಿಫೆನ್ಸ್ ಆಡಿದರು.
ಆದರೆ ವೇಗಿ ರಾಣಾಗೆ ಅಂದು ನಸೀಬು ಕೆಟ್ಟಿತ್ತು. 5ನೆಯ ಬಾಲನ್ನು ಮತ್ತೆ ನೋ ಬಾಲ್ ಎಸೆದರು. ಇನ್ನು ಸೆಹವಾಗ್ ಸಹ ಅಷ್ಟೇ ಬುಲೆಟ್ ಶಾಟ್ ಬಾರಿಸಿ, ಅದನ್ನೂ ಬೌಂಡರಿಗೆ ಅಟ್ಟಿದರು. ಸೆಹವಾಗ್ ಬೌಂಡರಿ ಮೇಲೆ ಬೌಂಡರಿ ಬಾರಿಸುತ್ತಿದ್ದನ್ನು ಕಂಡು ದಿಕ್ಕೆಟ್ಟವನಂತೆ ವೇಗಿ ರಾಣಾ ಮತ್ತೂ ನೋ ಬಾಲ್ ಎಸೆದನಷ್ಟೇ! ಇವಯ್ಯ ಸೆಹವಾಗ್… ನೋ ಮರ್ಸಿ ಅನ್ನುತ್ತಾ… ಸೀದಾ ಫೋರ್ ಎತ್ತಿದ್ದರು. ಅದಾದ ಮೇಲೆ ಸ್ಥಿಮಿತಕ್ಕೆ ಬಂದವನಂತೆ ಪಾಕಿಸ್ತಾನದ ವೇಗಿ ರಾಣಾ ನವೇದ್ ಉಲ್ ಹಸನ್ ಸಾಕಿನ್ನು ಲೀಗಲ್ ಬಾಲ್ ಎಸೆದು ನನ್ನ ಓವರ್ ಮುಗಿಸಿಕೊಳ್ಳುವೆ ಎಂದು ಸರಳವಾದ ಬಾಲ್ ಬಿಟ್ಟರು. ಸದ್ಯ ಅದು ನೋ ಬಾಲ್ ಆಗಲಿಲ್ಲ. ಮತ್ತು ಸೆಹವಾಗ್ ಸಹ ಬೌಂಡರಿಗೆ ಅಟ್ಟುವ ಮನಸು ಮಾಡಲಿಲ್ಲ. ಯಪ್ಪಾ ನಿನ್ನ ಸೆಹವಾಸ ಸಾಕು ಎಂದು ಸೆಹವಾಗ್ಗೆ ಕೈಮುಗಿದಿದ್ದರು. ಆದರೆ ಅಷ್ಟೊತ್ತಿಗಾಗಲೇ ಸೆಹವಾಗ್ ಪಾಕಿಸ್ತಾನಕ್ಕೆ ಸರಿಯಾಗಿಯೇ ಡ್ಯಾಮೇಜ್ ಮಾಡಿದ್ದರು. ಒಟ್ಟು 2 ಲೀಗಲ್ ಬಾಲ್, 5 ನೋ ಬಾಲ್ ಲೆಕ್ಕದಲ್ಲಿ ನಾಲ್ಕು ಬೌಂಡರಿ ಅಂದ್ರೆ 16 ರನ್ ಮತ್ತು 5 ನೋ ಬಾಲ್ಗಳಿಂದ 5 ರನ್ ಕಲೆ ಹಾಕಿ 21 ರನ್ ಸಂಗ್ರಹಿಸಿದ್ದರು. ಅದಾದ ಮೇಲೂ ಆ ಓವರ್ನಲ್ಲಿ ಬೇಗಿ ರಾಣಾ ಮೂರು ರನ್ ನೀಡಿ, ಅದೊಂದೇ ಓವರ್ನಲ್ಲಿ ಒಟ್ಟು 24 ರನ್ ನೀಡಿ, ಓವರ್ ಮುಗಿಸಿದ್ದರು.
ಇಲ್ಲಿ ಮತ್ತೊಂದು ದಾಖಲೆಯೂ ಇದೆ…! ವೇಗಿ ರಾಣಾ ಸತತವಾಗಿ ನೋ ಬಾಲ್ಗಳನ್ನು ಎಸೆಯುತ್ತಿದ್ದರೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಪಂದ್ಯವೊಂದರಲ್ಲಿ ಒಂದೇ ಬಾಲ್ನಲ್ಲಿ 17 ರನ್ ಬಾರಿಸಿದ ದಾಖಲೆಯನ್ನೂ ಸೆಹವಾಗ್ ತಮ್ಮ ಹೆಸರಿಗೆ ಸೇರ್ಪಡೆ ಮಾಡಿಕೊಂಡರು.
(Throwback!Virender Sehwag bagged 21 runs off 2 balls against Pakistan fast bowler Rana Naved ul Hasan who bowled 5 no balls)
