Tokyo Olympics 2020: 41 ವರ್ಷಗಳ ಬಳಿಕ ಸೆಮಿಫೈನಲ್ ಪ್ರವೇಶಿಸಿದ ಭಾರತ

ಟೋಕಿಯೊ ಒಲಿಂಪಿಕ್ಸ್​ನಲ್ಲಿ ಭಾರತೀಯ ಪುರುಷರ ಹಾಕಿ ತಂಡ ಗೆಲುವಿನ ನಾಗಾಲೋಟ ಮುಂದುವರೆಸಿದೆ. ಭಾನುವಾರ ನಡೆದ ಎಂಟರಘಟ್ಟದ ಹಣಾಹಣಿಯಲ್ಲಿ ಬಿಟ್ರನ್ ತಂಡವನ್ನು 3-1 ಅಂತರದಿಂದ ಮಣಿಸುವ ಮೂಲಕ ಟೀಮ್ ಇಂಡಿಯಾ ಸೆಮಿ ಫೈನಲ್ ಪ್ರವೇಶಿಸಿದೆ. ಜಿದ್ದಾಜಿದ್ದಿನ ಹೋರಾಟಕ್ಕೆ ಸಾಕ್ಷಿಯಾಗಿದ್ದ ಸೆಮಿ ಫೈನಲ್​ ಪಂದ್ಯದಲ್ಲಿ ಭಾರತ ಮೊದಲ ಗೋಲು ದಾಖಲಿಸಿತು. ಪಂದ್ಯ ಶುರುವಾದ 9 ನಿಮಿಷದಲ್ಲೇ ಪ್ರಥಮ ಗೋಲು ದಾಖಲಿಸಿ ದಿಲ್​ಪ್ರೀತ್ ಸಿಂಗ್ ಭಾರತಕ್ಕೆ ಆರಂಭಿಕ ಯಶಸ್ಸು ತಂದುಕೊಟ್ಟರು.

ಆ ಬಳಿಕ ಮತ್ತಷ್ಟು ಆಕ್ರಮಣಕಾರಿ ಆಟವಾಡಿದ ಭಾರತ ಸತತವಾಗಿ ಬ್ರಿಟನ್ ಗೋಲ್​ನತ್ತ ದಾಳಿ ನಡೆಸಿತು. ಪಂದ್ಯದ 21 ನಿಮಿಷದಲ್ಲಿ ಸಿಕ್ಕ ಮತ್ತೊಂದು ಅವಕಾಶವನ್ನು ಬಳಸಿಕೊಂಡ ಗುಜರಂತ್ ಸಿಂಗ್ ಚೆಂಡನ್ನು ಗೋಲ್ ಬಲೆಯೊಳಗೆ ತಲುಪಿಸಿದರು. ಅದರಂತೆ ಮೊದಲಾರ್ಧ ಮುಕ್ತಾಯದ ವೇಳೆಗೆ ಭಾರತ 2-0 ಮುನ್ನಡೆ ಪಡೆದುಕೊಂಡಿತು.

ಆದರೆ ಮೂರನೇ ಕ್ವಾರ್ಟರ್​ನಲ್ಲಿ ಕಂಬ್ಯಾಕ್ ಮಾಡಿದ ಬ್ರಿಟನ್ ಅಟ್ಯಾಕಿಂಗ್ ಆಟದ ಮೂಲಕ ಭಾರತದ ರಕ್ಷಣಾ ಪಡೆಯನ್ನು ಬೇಧಿಸುವ ಸತತ ಪ್ರಯತ್ನ ಮಾಡಿದರು. ಪರಿಣಾಮ 45ನೇ ನಿಮಿಷದಲ್ಲಿ ಸಿಕ್ಕ ಪೆನಾಲ್ಟಿ ಕಾರ್ನರ್​ನಲ್ಲಿ ಗೋಲು ದಾಖಲಿಸಿ  ಅಂತರವನ್ನು 2-1ಕ್ಕೆ ಇಳಿಸಿದರು.

ಇನ್ನು ನಾಲ್ಕನೇ ಕ್ವಾರ್ಟರ್​ನಲ್ಲಿ ಉಭಯ ತಂಡಗಳ ನಡುವೆ ಭರ್ಜರಿ ಪೈಪೋಟಿ ಕಂಡು ಬಂತು. ಅದರಲ್ಲೂ ಬ್ರಿಟನ್ ತಂಡ ಮೇಲುಗೈ ಸಾಧಿಸಿದರೂ ಭಾರತದ ರಕ್ಷಣಾ ಆಟಗಾರರನ್ನು ತಪ್ಪಿಸಿ ಗೋಲು ದಾಖಲಿಸಲು ಸಾಧ್ಯವಾಗಿಲ್ಲ. ಆಟ ಇನ್ನೇನು ಮುಗಿಯುವಷ್ಟರಲ್ಲಿ ಹಾರ್ದಿಕ್ ಸಿಂಗ್ ಮತ್ತೊಂದು ಗೋಲು ದಾಖಲಿಸಿ ಮೂಲಕ ಭಾರತಕ್ಕೆ 3-1 ಅಂತರದ ಭರ್ಜರಿ ಜಯ ತಂದುಕೊಟ್ಟರು.

ಈ ಜಯದೊಂದಿಗೆ ಭಾರತ 41 ವರ್ಷಗಳ ಬಳಿಕ ಸೆಮಿಫೈನಲ್​ಗೇರಿದೆ. 1980 ರ ಮಾಸ್ಕೋ ಒಲಿಂಪಿಕ್ಸ್​ನಲ್ಲಿ ಭಾರತ ಕಡೆಯ ಬಾರಿ ಪದಕ ಜಯಿಸಿತ್ತು. ಆ ಬಳಿಕ ಪ್ರಮುಖ ಘಟ್ಟ ತಲುಪುವಲ್ಲಿ ಇಂಡಿಯನ್ ಹಾಕಿ ಟೀಮ್ ವಿಫಲವಾಗಿತ್ತು.

ಅದರಲ್ಲೂ 2016ರ ರಿಯೋ ಒಲಿಂಪಿಕ್ಸ್​ನಲ್ಲಿ ಕೊನೆಯ ಸ್ಥಾನ ಅಲಂಕರಿಸುವ ಮೂಲಕ ಭಾರೀ ಅವಮಾನಕ್ಕೆ ಕಾರಣವಾಗಿತ್ತು. ಆದರೆ ಈ ಬಾರಿ ಭರ್ಜರಿ ಪ್ರದರ್ಶನದೊಂದಿಗೆ ಮುನ್ನುಗ್ಗಿರುವ ಭಾರತ ತಂಡ ಸೆಮಿಫೈನಲ್ ಪ್ರವೇಶಿಸಿದೆ. ಈ ಮೂಲಕ ಭಾರತಕ್ಕೆ 9ನೇ ಬಾರಿ ಸ್ವರ್ಣ ಪದಕ ಗೆದ್ದುಕೊಡುವ ವಿಶ್ವಾಸದಲ್ಲಿದೆ ಭಾರತೀಯ ಹಾಕಿ ತಂಡ.

ಇದನ್ನೂ ಓದಿ: ಕಡಿಮೆ ಬೆಲೆಯ ಪವರ್​ಫುಲ್ ಪವರ್ ಬ್ಯಾಂಕ್: ಮೊಬೈಲ್, ಲ್ಯಾಪ್​ಟಾಪ್​ನ್ನು ಚಾರ್ಜ್​ ಮಾಡಬಹುದು

ಇದನ್ನೂ ಓದಿ: Viral Story: ಒಂದು ಕೆ.ಜಿ ಮಾಂಸ ಖರೀದಿಸಿದ್ರೆ ಒಂದು ಲೀಟರ್ ಪೆಟ್ರೋಲ್ ಉಚಿತ

ಇದನ್ನೂ ಓದಿ: LICಯ ವಿಶೇಷ ಯೋಜನೆ: 200 ರೂ. ಹೂಡಿಕೆ ಮಾಡಿ, 28 ಲಕ್ಷ ರೂ. ಪಡೆಯಿರಿ

(Tokyo olympics 2020 india won Againist Great Britain and Enters Semi final)