Mi Hypersonic: ಕಡಿಮೆ ಬೆಲೆಯ ಪವರ್​ಫುಲ್ ಪವರ್ ಬ್ಯಾಂಕ್: ಮೊಬೈಲ್, ಲ್ಯಾಪ್​ಟಾಪ್​ನ್ನು ಚಾರ್ಜ್​ ಮಾಡಬಹುದು

Mi India ತನ್ನ ಅತ್ಯಂತ ಪ್ರೀಮಿಯಂ ಪವರ್ ಬ್ಯಾಂಕ್ ಮಿ ಹೈಪರ್ಸೋನಿಕ್ (Mi HyperSonic) ಅನ್ನು ಬಿಡುಗಡೆ ಮಾಡಿದೆ. ಹೊಸ ಮಾದರಿಯ ಪವರ್​ ಬ್ಯಾಂಕ್ 50W ಫಾಸ್ಟ್-ಚಾರ್ಜಿಂಗ್ ಸಪೋರ್ಟ್ ಮಾಡುತ್ತಿರುವುದು ವಿಶೇಷ. ಹಾಗೆಯೇ ಈ ಪವರ್​ ಬ್ಯಾಂಕ್ ಮೂಲಕ ಒಂದೇ ಸಮಯದಲ್ಲಿ ಅನೇಕ ಮೊಬೈಲ್​ಗಳನ್ನು ಚಾರ್ಜ್​ ಮಾಡಿಕೊಳ್ಳಬಹುದು. ಇದಕ್ಕಾಗಿ ಈ ಪವರ್​ ಬ್ಯಾಂಕ್​ನಲ್ಲಿ ಮೂರು ಪೋರ್ಟ್​ಗಳನ್ನು ನೀಡಲಾಗಿದೆ. ಮಿ ಹೈಪರ್ಸೋನಿಕ್ ಪವರ್ ಬ್ಯಾಂಕ್ 20,000mAh ಬ್ಯಾಟರಿ ಸಾಮರ್ಥ್ಯ ಹೊಂದಿದ್ದು, ಇದನ್ನು ಝಿರೋದಿಂದ ಸಂಪೂರ್ಣ ಚಾರ್ಜ್ ಮಾಡಲು ತಗುಲುವ ಸಮಯ ಕೇವಲ 3 ಗಂಟೆ 50 ನಿಮಿಷ ಮಾತ್ರ.

ಈ ಪವರ್​ ಬ್ಯಾಂಕ್​ನ ವೈಶಿಷ್ಟ್ಯಗಳೇನು? ವೇಗದ ಚಾರ್ಜಿಂಗ್ ಸಾಮರ್ಥ್ಯದ ಹೊರತಾಗಿ, ಮಿ ಹೈಪರ್ಸೋನಿಕ್ ಪವರ್ ಬ್ಯಾಂಕ್ ಬ್ಲೂಟೂತ್ ಹೆಡ್‌ಸೆಟ್‌ಗಳು, ಫಿಟ್‌ನೆಸ್ ಬ್ಯಾಂಡ್‌ಗಳು, ಸ್ಮಾರ್ಟ್ ವಾಚ್‌ಗಳು ಮುಂತಾದ ಕಡಿಮೆ ವಿದ್ಯುತ್ ಉತ್ಪಾದನಾ ಸಾಧನಗಳಿಗೆ ಕಡಿಮೆ ಪವರ್ ಚಾರ್ಜಿಂಗ್ ಮೋಡ್ ಅನ್ನು ಒಳಗೊಂಡಿದೆ. ಈ ಮೋಡ್‌ ಮೂಲಕ ಸುರಕ್ಷಿತವಾಗಿ ಚಾರ್ಜ್ ಮಾಡಲು ಪವರ್ ಬಟನ್ ಅನ್ನು ಎರಡು ಬಾರಿ ಒತ್ತಿದರೆ ಸಾಕು.

ಮಿ ಹೈಪರ್ಸೋನಿಕ್ ಪವರ್ ಬ್ಯಾಂಕ್ ಸಂಪೂರ್ಣ ಸುರಕ್ಷತೆಯಿಂದ ಕೂಡಿರಲಿದೆ ಎಂದು ಶಿಯೋಮಿ ಕಂಪೆನಿ ಹೇಳಿಕೊಂಡಿದೆ. ಇದಕ್ಕಾಗಿ, ಲಿಥಿಯಂ-ಪಾಲಿಮರ್ ಬ್ಯಾಟರಿಗಳು 16-ಲೇಯರ್ ಚಿಪ್ ರಕ್ಷಣೆಯನ್ನು ಅಳವಡಿಸಲಾಗಿದೆ. ಇದು ಪವರ್ ಬ್ಯಾಂಕ್​ನ ಮತ್ತು ಚಾರ್ಜಿಂಗ್ ಡಿವೈಸ್ ಅನ್ನು ಶಾರ್ಟ್ ಸರ್ಕ್ಯೂಟ್, ಅಧಿಕ ಬಿಸಿಯಾಗುವಿಕೆ, ಇನ್ಪುಟ್ ಓವರ್-ವೋಲ್ಟೇಜ್, ಎಲೆಕ್ಟ್ರೋಸ್ಟಾಟಿಕ್, ಬ್ಯಾಟರಿ ಓವರ್-ಕರೆಂಟ್, ಓವರ್-ಡಿಸ್ಚಾರ್ಜ್ ಮತ್ತು ಇತರ ಸಮಸ್ಯೆಗಳಿಂದ ರಕ್ಷಿಸುತ್ತದೆ.

ಇನ್ನು ಈ ಪವರ್ ಬ್ಯಾಂಕ್ ಯುಎಸ್‌ಬಿ ಟೈಪ್-ಸಿ ಮತ್ತು ಎರಡು ಯುಎಸ್‌ಬಿ ಟೈಪ್-ಎ ಪೋರ್ಟ್‌ಗಳನ್ನು ಒಳಗೊಂಡ ಟ್ರಿಪಲ್ ಪೋರ್ಟ್ ವಿನ್ಯಾಸವನ್ನು ಹೊಂದಿದೆ. ಸ್ಮಾರ್ಟ್​ಫೋನ್ ಮತ್ತು ಲ್ಯಾಪ್​ಟ್ಯಾಪ್​ ಎರಡನ್ನೂ ವೇಗವಾಗಿ ಚಾರ್ಜ್ ಮಾಡಲು ಇದನ್ನು ಬಳಸಬಹುದು.

ಶಿಯೋಮಿ ಕಂಪೆನಿಯ ಪ್ರಕಾರ, ಮಿ ಹೈಪರ್ಸೋನಿಕ್ ಪವರ್ ಬ್ಯಾಂಕ್ 50W ನಲ್ಲಿ ಸ್ಮಾರ್ಟ್ ಫೋನ್ ಗಳನ್ನು ವೇಗವಾಗಿ ಚಾರ್ಜ್ ಮಾಡಬಹುದು. ಅಂದರೆ 1 ಗಂಟೆ ಚಾರ್ಜಿಂಗ್‌ನಲ್ಲಿ 4500mAh ಸಾಮರ್ಥ್ಯದ ಬ್ಯಾಟರಿಯನ್ನು ಚಾರ್ಜ್​ ಫುಲ್ ಮಾಡಬಹುದು. ಹಾಗೆಯೇ ಇದು ಪವರ್ ಡೆಲಿವರಿ 3.0 ಸಪೋರ್ಟ್ ಮಾಡುತ್ತಿದ್ದು, ಲಾಪ್​ಟಾಪ್ ಅನ್ನು 45W ನಲ್ಲಿ ವೇಗವಾಗಿ ಚಾರ್ಜ್ ಮಾಡಬಹುದು. ಅಂದಹಾಗೆ ಇದರ ಬೆಲೆ ಕೇವಲ 3,499 ರೂ. ಮಾತ್ರ.

ಇದನ್ನೂ ಓದಿ: Jio Offer: 3GB ಡೇಟಾ ಜೊತೆ ಕಡಿಮೆ ಬೆಲೆ ಹೊಸ ರಿಚಾರ್ಜ್​ ಪ್ಲ್ಯಾನ್ ಪರಿಚಯಿಸಿದ ಜಿಯೋ

ಇದನ್ನೂ ಓದಿ: ಸೂರ್ಯಕುಮಾರ್ ಯಾದವ್​ಗೆ ಅವಕಾಶ ಕೈತಪ್ಪುವ ಆತಂಕ

(Mi Hypersonic 20,000 mAh power bank launched)