ಆಕೆ ಭಾರತದ ಹೆಮ್ಮೆ, ಸಿಂಧುಗೆ ಹೃದಯ ತುಂಬಿದ ಅಭಿನಂದನೆ: ಒಲಿಂಪಿಕ್ ಪದಕ ವಿಜೇತೆಗೆ ರಾಷ್ಟ್ರಪತಿ, ಪ್ರಧಾನಿ ಅಭಿನಂದನೆ

ಬೆಂಗಳೂರು: ಟೊಕಿಯೊ ಒಲಿಂಪಿಕ್ಸ್​ನ ಮಹಿಳಾ ಸಿಂಗಲ್ಸ್​ ಬ್ಯಾ ಚೀನಾದ ಹೆ ಬಿಂಗ್ ಜಿಯೊ ಅವರನ್ನು ಮಣಿಸಿ ಕಂಚಿನ ಪದಕ ಗೆದ್ದ ಭಾರತದ ಆಟಗಾರ್ತಿ ಪಿ.ವಿ.ಸಿಂಧು ಅವರಿಗೆ ಅಭಿನಂದನೆಗಳ ಮಹಾಪೂರವೇ ಹರಿದುಬರುತ್ತಿದೆ. ಒಲಿಂಪಿಕ್ಸ್​ನ ಎರಡು ವೈಯಕ್ತಿಕ ಪದಕಗಳನ್ನು ಗೆದ್ದ ಮೊದಲ ಭಾರತೀಯ ಮಹಿಳೆ ಎಂಬ ಶ್ರೇಯಕ್ಕೆ ಪಿ.ವಿ.ಸಿಂಧು ಪಾತ್ರರಾಗಿದ್ದಾರೆ. ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಮತ್ತು ಪ್ರಧಾನಿ ನರೇಂದ್ರ ಮೋದಿ ಸಹ ಸಿಂಧು ಅವರನ್ನು ಶ್ಲಾಘಿಸಿದ್ದಾರೆ.

ಪಿ.ವಿ.ಸಿಂಧು ಸಾಧನೆಯನ್ನು ಶ್ಲಾಘಿಸಿರುವ ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಅಭಿನಂದನೆಯ ಟ್ವೀಟ್​ ಮಾಡಿದ್ದಾರೆ. ‘ಎರಡು ಬಾರಿ ಒಲಿಂಪಿಕ್ಸ್​ ಪದಕ ಜಯಿಸಿದ ಮೊದಲ ಭಾರತೀಯ ಮಹಿಳಾ ಸಾಧಕಿ ಪಿ.ವಿ.ಸಿಂದು. ಸತತ ಸಾಧನೆ, ಬದ್ಧತೆ ಮತ್ತು ಉತ್ಕರ್ಷಕ್ಕೆ ಅವರು ಅತ್ಯುತ್ತಮ ಮಾದರಿಯಾಗಿದ್ದಾರೆ. ಭಾರತಕ್ಕೆ ಶ್ರೇಯಸ್ಸು ತಂದುಕೊಟ್ಟ ಸಿಂಧು ಅವರಿಗೆ ನಮ್ಮ ಹೃದಯ ತುಂಬಿದ ಅಭಿನಂದನೆಗಳು’ ಎಂದು ರಾಷ್ಟ್ರಪತಿಯ ಟ್ವಿಟರ್​ ಖಾತೆಯಲ್ಲಿ ಟ್ವೀಟ್ ಮಾಡಲಾಗಿದೆ.

ಪಿ.ವಿ.ಸಿಂಧು ದೇಶದ ಹೆಮ್ಮೆ ಎಂದು ಪ್ರಧಾನಿ ನರೇಂದ್ರ ಮೋದಿ ಟ್ವೀಟ್ ಮಾಡಿದ್ದಾರೆ. ‘ಸಿಂಧು ಅವರು ಅತ್ಯುತ್ತಮ ಸಾಧನೆಯಿಂದ ನಮಗೆಲ್ಲರಿಗೂ ಸಂತಸವಾಗಿದೆ. ಟೊಕಿಯೊ ಒಲಿಂಪಿಕ್ಸ್​ನಲ್ಲಿ ಕಂಚಿನ ಪದಕ ಗೆದ್ದ ಸಿಂಧು ಅವರಿಗೆ ಅಭಿನಂದನೆಗಳು’ ಎಂದು ಮೋದಿ ಟ್ವೀಟ್ ಮಾಡಿದ್ದಾರೆ.

P V Sindhu becomes the first Indian woman to win medals in two Olympic games. She has set a new yardstick of consistency, dedication and excellence. My heartiest congratulations to her for bringing glory to India.

— President of India (@rashtrapatibhvn) August 1, 2021

ಪ್ರಧಾನಿ ನರೇಂದ್ರ ಮೋದಿ ಅವರು ಸ್ವತಃ ಪಿ.ವಿ.ಸಿಂಧು ಅವರಿಗೆ ಕರೆ ಮಾಡಿ ಮಾತನಾಡಿದರು. ಸಾಧನೆಗಾಗಿ ಅಭಿನಂದಿಸಿದರು ಎಂದು ಪ್ರಧಾನಿ ಕಾರ್ಯಾಲಯ ತಿಳಿಸಿದೆ. ಮಗಳ ಸಾಧನೆ ಕುರಿತು ಹರ್ಷ ವ್ಯಕ್ತಪಡಿಸಿರುವ ಪಿ.ವಿ.ಸಿಂಧು ಅವರ ತಂದೆ ಪಿ.ವಿ.ರಮಣ, ‘ಒಂದು ವೇಳೆ ಸಿಂಧು ಈ ಕ್ರೀಡಾಕೂಟದಲ್ಲಿ ಪದಕ ಗೆದ್ದರೆ ಅವಳೊಡನೆ ಐಸ್​ಕ್ರೀಂ ತಿನ್ನುವುದಾಗಿ ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದರು. ಇದೀಗ ನನ್ನ ಮಗಳು ಪ್ರಧಾನಿಯೊಂದಿಗೆ ಐಸ್​ಕ್ರೀಂ ತಿನ್ನುತ್ತಾಳೆ’ ಎಂದು ರಮಣ ಹೇಳಿದರು.

We are all elated by the stellar performance by @Pvsindhu1. Congratulations to her on winning the Bronze at @Tokyo2020. She is India’s pride and one of our most outstanding Olympians. #Tokyo2020 pic.twitter.com/O8Ay3JWT7q

— Narendra Modi (@narendramodi) August 1, 2021

(PV Sindhu is Pride of India Tweets PM Narendra Modi President Ramnath Kovind)

ಇದನ್ನೂ ಓದಿ: PV Sindhu: ಪಿವಿ ಸಿಂಧುಗೆ ಕಂಚಿನ ಪದಕ: ಹೊಸ ದಾಖಲೆ ಬರೆದ ಭಾರತೀಯ ಆಟಗಾರ್ತಿ

ಇದನ್ನೂ ಓದಿ: Tokyo Olympics: ಕಂಚಿಗಾಗಿ ಹೋರಾಡಲು ಸಿಂಧು ತಯಾರಿ

Published On - 8:56 pm, Sun, 1 August 21