Tokyo Olympics 2020: ಸೆಮಿಫೈನಲ್​ಗೆ ಅರ್ಹತೆ ಗಿಟ್ಟಿಸಲು ಸಾಜನ್ ಪ್ರಕಾಶ್ ವಿಫಲ, ಈಜು ಸ್ಪರ್ಧೆಗಳಲ್ಲಿ ಭಾರತದ ಸವಾಲು ಅಂತ್ಯ

ಪುರುಷರ 100 ಮೀಟರ್ ಬಟರ್​ಫ್ಲೈ ಸ್ಫರ್ಧೆಯ ತಮ್ಮ ಹೀಟ್ಸ್​ನಲ್ಲಿ ಎರಡನೇಯವರಾಗಿ ಸ್ಪರ್ಧೆ ಮುಗಿಸಿದರೂ ಭಾರತದ ಸಾಜನ್ ಪ್ರಕಾಶ್ ಸೆಮಿಪೈನಲ್ ಹಂತ ತಲುಪಲು ವಿಫಲರಾದರು. ಇದರೊಂದಿಗೆ ಟೊಕಿಯೋ ಒಲಂಪಿಕ್ಸ್​ ಈಜು ಸ್ಪರ್ಧೆಗಳಲ್ಲಿ ಭಾರತದ ಸವಾಲು ಗುರುವಾರ ಅಂತ್ಯಗೊಂಡಿದೆ. ರಿಯೋ 2016 ಒಲಂಪಿಕ್ಸ್​ನಲ್ಲೂ ಭಾಗವಹಿಸಿದ್ದ ಪ್ರಕಾಶ್ ಅವರು, 53.45 ಸೆಕೆಂಡ್​ಗಳಲ್ಲಿ ಈಜಿ ಹೀಟ್ಸ್​ನಲ್ಲಿ ಎರಡನೇ ನಿಧಾನದ ಕಾಲವನ್ನು ದಾಖಲಿಸಿದರು. ಅರ್ಹತೆ ಪಡೆಯಲು ಅವರು 51.74 ಸೆಕೆಂಡ್​ಗಳಲ್ಲಿ ಈಜಬೇಕಿತ್ತು. 55 ಸ್ಪರ್ಧಿಗಳು ಭಾಗಿಯಾಗಿದ್ದ ಸದರಿ ಈವೆಂಟ್​ನಲ್ಲಿ 27-ವರ್ಷ ವಯಸ್ಸಿನ ಕೇರಳದ ಈಜುಗಾರ 46ನೇಯವರಾಗಿ ಹೊರಬಿದ್ದರು. ಮೊದಲ 16 ಸ್ಥಾನ ಗಳಿಸಿದವರು ಮಾತ್ರ ಸೆಮಿಫೈನಲ್​​ಗೆ ಮುನ್ನಡೆದರು.

ತಮ್ಮ ಸ್ಪರ್ಧೆಗಳಲ್ಲಿ ಕಳಾಹೀನ ಮತ್ತು ನಿರಾಶಾದಾಯಕ ಪ್ರದರ್ಶನಗಳನ್ನು ನೀಡಿದ ಭಾರತದ ಎಲ್ಲ ಮೂರು ಈಜುಪಟುಗಳು- ಪ್ರಕಾಶ್, ಶ್ರೀಧರ್ ನಟರಾಜ್ ಮತ್ತು ಮಾನಾ ಪಟೇಲ್ ಸ್ವದೇಶಕ್ಕೆ ವಾಪಸ್ಸಾಗಲಿದ್ದಾರೆ. ಇವರೆಲ್ಲ ತಮ್ಮ ಅತ್ಯುತ್ತಮ ಸಾಧನೆ ತೋರಲು ಸಹ ಫೇಲಾದರು.

ಕಳೆದ ತಿಂಗಳು ಒಲಂಪಿಕ್ ಎ ಅರ್ಹತೆ ಗುರಿಯನ್ನು ಸಾಧಿಸಿದ ಭಾರತದ ಮೊದಲ ಸ್ವಿಮ್ಮರ್ ಎನಿಸಿಕೊಂಡು ಟೊಕಿಯೋ ಒಲಂಪಿಕ್ಸ್​ಗೆ ಅರ್ಹತೆ ಗಿಟ್ಟಿಸಿದ್ದ ಪ್ರಕಾಶ್ 200ಮೀ ಬಟರ್​ಫ್ಲೈ ಸ್ಪರ್ಧೆಯಲ್ಲಿ ಅಂತಿಮವಾಗಿ 24 ನೇಯವರಾಗಿ ತಮ್ಮ ಸವಾಲು ಮುಗಿಸಿದರು. ಇದು ಅವರ ಅತ್ಯಂತ ನೆಚ್ಚಿನ ಈವೆಂಟ್ ಆಗಿತ್ತು.
100 ಮೀಟರ್ ಬ್ಯಾಕ್​ಸ್ಟ್ರೋಕ್​ನಲ್ಲಿ ಭಾಗವಹಿಸಿದ ನಟರಾಜ ಅವರು 20 ಸ್ವಿಮ್ಮರ್​ಗಳ ಪೈಕಿ 27 ನೇಯವರಾದರು,

ಪ್ರಕಾಶ್ ಮತ್ತು ನಟರಾಜ ಇಬ್ಬರೂ ಟೊಕಿಯೋ ಒಲಂಪಿಕ್ಸ್​ನಲ್ಲಿ ತಮ್ಮ ಅತ್ಯುತ್ತಮ ವೈಯಕ್ತಿಕ ಸಾಧನೆಯನ್ನು ತೋರಲು ವಿಫಲರಾಗಿದ್ದು ಎಲ್ಲರಲ್ಲೂ ಆಶ್ಚರ್ಯ ಮೂಡಿಸಿದೆ. ನಟರಾಜ ತಮ್ಮ ಅತ್ಯುತ್ತಮ ಸಾಧನೆಯನ್ನು ಪ್ರದರ್ಶಿದ್ದರೆ ನಿಸ್ಸಂದೇಹವಾಗಿ ಸೆಮಿಫೈನಲ್​ ಪ್ರವೇಶಿಸುತ್ತಿದ್ದರು.

ದೇಶವೊಂದರ ಒಬ್ಬ ಮಹಿಳಾ ಮತ್ತು ಒಬ್ಬ ಪುರುಷ ಸ್ಪರ್ಧಿ ಭಾಗವಹಿಸಲು ಅವಕಾಶ ನೀಡುವ ‘ಯೂನಿವರ್ಸಾಲಿಟಿ ಕೋಟಾ’ ಮೂಲಕ ಟೊಕಿಯೋ ಒಲಂಪಿಕ್ಸ್​ಗೆ ಅರ್ಹತೆ ಗಿಟ್ಟಿಸಿದ್ದ ಮಾನಾ ಅವರು, ಮಹಿಳೆಯರ 100 ಮೀಟರ್ ಬ್ಯಾಕ್​ಸ್ಟ್ರೋಕ್​ನಲ್ಲಿ 39ನೇಯವರಾಗಿ ಸ್ಪರ್ಧೆ ಕೊನೆಗೊಳಿಸಿದರು.

ಇದನ್ನೂ ಓದಿ: Tokyo Olympics: ಟೋಕಿಯೋ ಒಲಿಂಪಿಕ್ಸ್​ನಲ್ಲಿ ಸೆಕ್ಸ್ ಬ್ಯಾನ್ ಮಾಡಿದ್ದು ಹಾಸ್ಯಾಸ್ಪದ ಎಂದ ಸುಸೆನ್ ಟೈಡ್ಕೆ