Tokyo Olympics: ಬರಿಗೈಯಲ್ಲಿ ಒಲಂಪಿಕ್ಸ್ ಪಯಣ ಮುಗಿಸಿದ ನೊವಾಕ್ ಜೊಕೊವಿಕ್; ನಂಬರ್-1 ಆಟಗಾರನಿಗೆ ಕಂಚು ಸಿಗಲಿಲ್ಲ

ಟೋಕಿಯೊ ಒಲಿಂಪಿಕ್ಸ್ -2020 ಕ್ಕೆ ವಿಶ್ವದ ನಂಬರ್ -1 ಪುರುಷ ಟೆನಿಸ್ ಆಟಗಾರ ಸರ್ಬಿಯಾದ ನೊವಾಕ್ ಜೊಕೊವಿಚ್ ಪ್ರಯಾಣ ಮುಗಿದಿದೆ. ಟೋಕಿಯೊದಲ್ಲಿ ಪದಕ ಗೆಲ್ಲುವ ಕನಸನ್ನು ಭಗ್ನಗೊಳಿಸಿದ ಜೊಕೊವಿಚ್ ಶನಿವಾರ ಕಂಚಿನ ಪದಕದ ಪಂದ್ಯದಲ್ಲಿ ಸ್ಪೇನ್ ನ ಪ್ಯಾಬ್ಲೊ ಕ್ಯಾರೆನೊ ಬುಸ್ಟಾ ವಿರುದ್ಧ ಸೋತರು. ಸ್ಪ್ಯಾನಿಷ್ ಆಟಗಾರ ಜೊಕೊವಿಕ್ ಅವರನ್ನು 6-4, 6-7, 6-3ರಿಂದ ಸೋಲಿಸಿ ಕಂಚಿನ ಪದಕ ಗೆದ್ದರು. ಇದು ಈ ಒಲಿಂಪಿಕ್ಸ್‌ನ ದೊಡ್ಡ ಅಸಮಾಧಾನಗಳಲ್ಲಿ ಒಂದಾಗಿದೆ. ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಟೆನಿಸ್ ಸ್ಪರ್ಧೆಯಲ್ಲಿ ಪ್ರಮುಖ ಏರುಪೇರುಗಳು ನಡೆದಿವೆ. ಮಹಿಳಾ ಸಿಂಗಲ್ಸ್ ವಿಭಾಗದಲ್ಲಿ ಆಸ್ಟ್ರೇಲಿಯಾದ ಆಶ್ಲೇ ಬಾರ್ಟಿ ಸೋಲನ್ನು ಅನುಭವಿಸಬೇಕಾಯಿತು. ನಂತರ ಜಪಾನ್ ನ ನವೋಮಿ ಒಸಾಕ ಕೂಡ ಸೋಲನ್ನು ಎದುರಿಸಬೇಕಾಯಿತು. ಈಗ ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಪದಕಕ್ಕೆ ಅತಿದೊಡ್ಡ ಸ್ಪರ್ಧಿ ಎಂದು ಪರಿಗಣಿಸಲ್ಪಟ್ಟಿರುವ ಜೊಕೊವಿಚ್ ಕೂಡ ಪದಕ ಸ್ಪರ್ಧೆಯಿಂದ ಹೊರಬದಿದ್ದಾರೆ.

ಜೊಕೊವಿಚ್ ಅತ್ಯುತ್ತಮ ಫಾರ್ಮ್​ ಜೊತೆಗೆ ಈ ಒಲಿಂಪಿಕ್ಸ್‌ಗೆ ಬಂದಿದ್ದರು. ಈ ವರ್ಷ ಆಸ್ಟ್ರೇಲಿಯನ್ ಓಪನ್, ಫ್ರೆಂಚ್ ಮತ್ತು ವಿಂಬಲ್ಡನ್ ಪ್ರಶಸ್ತಿಗಳನ್ನು ಅವರು ಗೆದ್ದಿದ್ದಾರೆ. ಆದ್ದರಿಂದ ಜೊಕೊವಿಕ್ ಈ ಬಾರಿ ಒಲಿಂಪಿಕ್ ಪದಕವನ್ನು ಗೆಲ್ಲುತ್ತಾರೆ ಎಂದು ನಿರೀಕ್ಷಿಸಲಾಗಿತ್ತು, ಆದರೆ ಅದು ಸಾಧ್ಯವಾಗಲಿಲ್ಲ. ಮೊದಲ ಸೆಟ್ ನಲ್ಲಿ ಪೇಬಲ್ ಗೆ ಹೆಚ್ಚಿನ ತೊಂದರೆ ಇರಲಿಲ್ಲ. ಎರಡನೇ ಸೆಟ್ ನಲ್ಲಿ ಜೊಕೊವಿಚ್ ಪ್ರಬಲ ಕಮ್ ಬ್ಯಾಕ್ ಮಾಡಿ ಅಂಕವನ್ನು ಸಮಗೊಳಿಸಿದರೂ, ಮೂರನೇ ಸೆಟ್ ನಲ್ಲಿ ಸ್ಪೇನ್ ಆಟಗಾರ ಅವಕಾಶವನ್ನು ಬಿಡಲಿಲ್ಲ. ಜೊಕೊವಿಚ್ ಕೂಡ ಈ ಪಂದ್ಯದಲ್ಲಿ ಅವರ ಪ್ರದರ್ಶನದಿಂದ ತುಂಬಾ ನಿರಾಶೆಗೊಂಡರು.

ಅಲೆಕ್ಸಾಂಡರ್ ಜ್ವೆರೆವ್ ವಿರುದ್ಧ ಸೋಲು ಈ ಮೊದಲು ಸೆಮಿಫೈನಲ್‌ನಲ್ಲಿ ಜೊಕೊವಿಚ್ ಸೋತಿದ್ದರು. ಸೆಮಿಫೈನಲ್‌ನಲ್ಲಿ ಜೊಕೊವಿಚ್ ಜರ್ಮನಿಯ ಅಲೆಕ್ಸಾಂಡರ್ ಜ್ವೆರೆವ್ ಅವರ ಎದುರು ಸೋಲೊಪ್ಪಿಕೊಂಡಿದ್ದರು. ಇದರೊಂದಿಗೆ ಜೊಕೊವಿಚ್ ಚಿನ್ನ ಮತ್ತು ಬೆಳ್ಳಿ ಪದಕಗಳ ರೇಸ್ ನಿಂದ ಹೊರಗುಳಿದಿದ್ದರು. ಜ್ವೆರೆವ್ ಈ ಪಂದ್ಯವನ್ನು 1-6,6-3,6-1ರಿಂದ ಗೆದ್ದರು. ಇದರೊಂದಿಗೆ, ಈ ವರ್ಷ ‘ಗೋಲ್ಡನ್ ಸ್ಲಾಮ್’ ಅನ್ನು ಪೂರ್ಣಗೊಳಿಸುವ ಜೊಕೊವಿಚ್ ಕನಸು ಈಡೇರಲಿಲ್ಲ. ಟೆನಿಸ್‌ನಲ್ಲಿ, ಒಂದೇ ವರ್ಷದಲ್ಲಿ ಎಲ್ಲಾ ನಾಲ್ಕು ಗ್ರ್ಯಾಂಡ್ ಸ್ಲಾಮ್‌ಗಳೊಂದಿಗೆ ಒಲಿಂಪಿಕ್ ಚಿನ್ನ ಗೆಲ್ಲುವುದನ್ನು ಗೋಲ್ಡನ್ ಸ್ಲಾಮ್ ಎಂದು ಕರೆಯಲಾಗುತ್ತದೆ. ಈ ಸಾಧನೆ ಮಾಡಿದ ಏಕೈಕ ಟೆನಿಸ್ ಆಟಗಾರ ಸ್ಟೆಫಿ ಗ್ರಾಫ್ (1988). ಆದಾಗ್ಯೂ, ಜೊಕೊವಿಚ್ ಖಂಡಿತವಾಗಿಯೂ ವರ್ಷದ ಕೊನೆಯ ಗ್ರ್ಯಾಂಡ್ ಸ್ಲಾಮ್, ಯುಎಸ್ ಓಪನ್ ಗೆಲ್ಲುವ ಅವಕಾಶವನ್ನು ಹೊಂದಿದ್ದು, ಅಲ್ಲಿ ಅವರು ಮತ್ತೊಮ್ಮೆ ನಂ .1 ಸ್ಪರ್ಧಿಯಾಗಿ ಕಣಕ್ಕಿಳಿಯುತ್ತಾರೆ.