Tokyo Olympics: 8 ವರ್ಷದ ಹಳೆಯ ದಾಖಲೆ ಪುಡಿಪುಡಿ! ಚಿನ್ನ ಗೆದ್ದು ಇತಿಹಾಸ ನಿರ್ಮಿಸಿದ ಈಜುಪಟು ತಟ್ಜಾನಾ ಸ್ಕೋನ್‌ಮೇಕರ್

Tokyo Olympics: 8 ವರ್ಷದ ಹಳೆಯ ದಾಖಲೆ ಪುಡಿಪುಡಿ! ಚಿನ್ನ ಗೆದ್ದು ಇತಿಹಾಸ ನಿರ್ಮಿಸಿದ ಈಜುಪಟು ತಟ್ಜಾನಾ ಸ್ಕೋನ್‌ಮೇಕರ್
ತಟ್ಜಾನಾ ಸ್ಕೋನ್‌ಮೇಕರ್

Tokyo Olympics: 24 ವರ್ಷದ ಮಹಿಳಾ ಈಜುಪಟು ತಟ್ಜಾನಾ ಸ್ಕೋನ್‌ಮೇಕರ್ 2 ನಿಮಿಷ 18.95 ಸೆಕೆಂಡುಗಳಲ್ಲಿ ಗುರಿ ತಲುಪಿ ಹೊಸ ವಿಶ್ವ ದಾಖಲೆ ನಿರ್ಮಿಸಿದರು.

TV9kannada Web Team

| Edited By: pruthvi Shankar

Jul 30, 2021 | 3:04 PM

ದಕ್ಷಿಣ ಆಫ್ರಿಕಾದ ಮಹಿಳಾ ಈಜುಪಟು ಈಜುವುದರಲ್ಲಿ ಹೊಸ ವಿಶ್ವ ದಾಖಲೆ ನಿರ್ಮಿಸಿದ್ದಾರೆ. ಮಹಿಳೆಯರ 200 ಮೀ ಬ್ರೆಸ್ಟ್‌ಸ್ಟ್ರೋಕ್‌ನಲ್ಲಿ ಈ ಸಾಧನೆ ಮಾಡಿದ ಅವರು ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಚಿನ್ನದ ಪದಕ ಗೆದ್ದರು. 24 ವರ್ಷದ ಮಹಿಳಾ ಈಜುಪಟು ತಟ್ಜಾನಾ ಸ್ಕೋನ್‌ಮೇಕರ್ 2 ನಿಮಿಷ 18.95 ಸೆಕೆಂಡುಗಳಲ್ಲಿ ಗುರಿ ತಲುಪಿ ಹೊಸ ವಿಶ್ವ ದಾಖಲೆ ನಿರ್ಮಿಸಿದರು. ಮೊದಲು ಈ ವಿಶ್ವ ದಾಖಲೆಯು ಡ್ಯಾನಿಶ್ ಈಜುಪಟು ಮೊಲ್ಲರ್ ಪೆಡರ್ಸನ್ ಅವರ ಹೆಸರಿನಲ್ಲಿತ್ತು. ಮಹಿಳೆಯರ 200 ಮೀ ಬ್ರೆಸ್ಟ್‌ಸ್ಟ್ರೋಕ್ ಈಜು ಸ್ಪರ್ಧೆಯಲ್ಲಿ ಅಮೆರಿಕದ ಲಿಲಿ ಕಿಂಗ್ 2: 19.92 ಸಮಯದೊಂದಿಗೆ ಎರಡನೇ ಸ್ಥಾನ ಪಡೆದರು. ಅನ್ನಿ ಲೆಡ್ಜರ್ 2: 20.84 ಸಮಯದೊಂದಿಗೆ ಮೂರನೇ ಸ್ಥಾನ ಪಡೆದರು. 24 ವರ್ಷದ ಆಫ್ರಿಕಾದ ಈಜುಪಟು ತಟ್ಜಾನಾ ಸ್ಕೊನೆಮೇಕರ್ ಕೂಡ ಇದೇ ಸ್ಪರ್ಧೆಯ 100 ಮೀಟರ್ ಸ್ಪರ್ಧೆಯಲ್ಲಿ ಬೆಳ್ಳಿ ಪದಕ ಗೆದ್ದರು.

1996ರ ನಂತರ ಚಿನ್ನ ಗೆದ್ದ ಮೊದಲ ದಕ್ಷಿಣ ಆಫ್ರಿಕಾದ ಮಹಿಳೆ 200 ಮೀಟರ್ ಬ್ರೆಸ್ಟ್ ಸ್ಟ್ರೋಕ್ ಸ್ಪರ್ಧೆಯಲ್ಲಿ ಅಮೆರಿಕದ ಈಜುಪಟು ಕಿಂಗ್ ವೇಗವಾಗಿದ್ದರು. 50 ಮತ್ತು 100 ಮೀಟರ್ ಸ್ಪರ್ಧೆಯಲ್ಲಿ ಮುನ್ನಡೆ ಸಾಧಿಸಿದರು. ಆದರೆ ಈ ಆಫ್ರಿಕನ್ ಈಜುಪಟು ತಟ್ಜಾನಾ ಸ್ಕೋನ್ ಮೇಕರ್ ತನ್ನ ಮುನ್ನಡೆಯನ್ನು ಬಲಪಡಿಸುವುದಲ್ಲದೆ ವಿಶ್ವ ದಾಖಲೆಯೊಂದಿಗೆ ಸುವರ್ಣ ಗೆಲುವನ್ನು ದಾಖಲಿಸಿದರು. 1996 ರ ನಂತರ ದಕ್ಷಿಣ ಆಫ್ರಿಕಾದ ಮಹಿಳೆಯೊಬ್ಬರು ಈಜು ಸ್ಪರ್ಧೆಯಲ್ಲಿ ಒಲಿಂಪಿಕ್ ಚಿನ್ನ ಗೆದ್ದಿರುವುದು ಇದೇ ಮೊದಲು. ಈ ಮೊದಲು, ಪೆನ್ನಿ ಹೇನ್ಸ್ 100 ಮೀ ಮತ್ತು 200 ಮೀ ಬ್ರೆಸ್ಟ್ ಸ್ಟ್ರೋಕ್ ನಲ್ಲಿ ಈ ಸಾಧನೆ ಮಾಡಿದ್ದರು.

ಈಜುಕೊಳದಲ್ಲಿ ಟೋಕಿಯೋದ ಮೂರನೇ ವಿಶ್ವ ದಾಖಲೆ ಅಮೆರಿಕದ ಲಿಲಿ ಕಿಂಗ್ ನಿಸ್ಸಂದೇಹವಾಗಿ ಚಿನ್ನದ ಪದಕವನ್ನು ಕಳೆದುಕೊಂಡರು. ಇನ್ನೂ, ಅವರ ಕಾರ್ಯಕ್ಷಮತೆಯಲ್ಲಿ ಸುಧಾರಣೆ ಕಂಡುಬಂದಿದೆ. ಅವರು ರಿಯೋ ಒಲಿಂಪಿಕ್ಸ್‌ನಲ್ಲಿ 12 ನೇ ಸ್ಥಾನದಲ್ಲಿದ್ದರು. ಆದರೆ ಟೋಕಿಯೊದಲ್ಲಿ ಬೆಳ್ಳಿ ಪದಕ ಗೆಲ್ಲುವಲ್ಲಿ ಯಶಸ್ವಿಯಾದರು. ದಕ್ಷಿಣ ಆಫ್ರಿಕಾದ ಈಜುಪಟುವಿನ ವಿಶ್ವ ದಾಖಲೆಯು ಟೋಕಿಯೊ ಕೊಳದಲ್ಲಿ ಸೃಷ್ಟಿಸಲಾದ ಮೂರನೇ ವಿಶ್ವ ದಾಖಲೆಯಾಗಿದೆ. ಇದಕ್ಕೂ ಮೊದಲು ಆಸ್ಟ್ರೇಲಿಯಾದ ಮಹಿಳಾ ಈಜುಪಟುಗಳ ತಂಡವು 4×100 ಮೀಟರ್ ಸ್ಪರ್ಧೆಯಲ್ಲಿ ಚಿನ್ನ ಮತ್ತು 4×200 ಮೀಟರ್ ಸ್ಪರ್ಧೆಯಲ್ಲಿ ವಿಶ್ವ ದಾಖಲೆಯೊಂದಿಗೆ ಚೀನಾದ ಮಹಿಳಾ ಈಜುಪಟುಗಳು ಚಿನ್ನ ಗೆದ್ದಿದ್ದರು.

Follow us on

Most Read Stories

Click on your DTH Provider to Add TV9 Kannada