ಮಾಜಿ ಕ್ರಿಕೆಟ್ ಆಟಗಾರ್ತಿ ತಾಯಿಯ ಕೋವಿಡ್ ಚಿಕಿತ್ಸೆಗೆ ನೆರವಾದ ಕ್ಯಾಪ್ಟನ್ ವಿರಾಟ್ ಕೊಹ್ಲಿ; ಕೊಂಡಾಡಿದ ಶಿವಲಾಲ್ ಯಾದವ್ ಸಹೋದರಿ
Virat Kohli donates: ತಾರಾ ದಂಪತಿಯಾದ ವಿರಾಟ್ ಕೊಹ್ಲಿ - ಅನುಷ್ಕಾ ಅವರು ಈ ಆಂದೋಲನದ ಮುಖಾಂತರ ಅಂದಾಜು 11 ಕೋಟಿ ರೂಪಾಯಿಗೂ ಹೆಚ್ಚು ಧನ ಸಂಗ್ರಹಿಸಿದರು. ಕೋವಿಡ್ ಸೋಂಕಿತರಿಗೆ ನೆರವಾಗಲೆಂದು ಖುದ್ದಾಗಿ ವಿರಾಟ್ ಕೊಹ್ಲಿ ದಂಪತಿ ಸಹ ಕೋಟಿ ರೂ ದೇಣಿಗೆ ನೀಡಿದ್ದಾರೆ.
Updated on: May 20, 2021 | 12:16 PM
ಶ್ರಾವಂತಿ ನಾಯ್ಡು ಭಾರತದ ಮಾಜಿ ಕ್ರಿಕೆಟ್ ಆಟಗಾರ್ತಿ. ಅವರ ತಾಯಿ ಇತ್ತೀಚೆಗೆ ಕೊರೊನಾ ಸೋಂಕಿನಿಂದ ಬಳಲುತ್ತಿದ್ದರು. ಅದೇ ವೇಳೆಗೆ ಟೀಂ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಅವರು ಮುಂದೂಡಲ್ಪಟ್ಟಿರುವ IPL 2021 ಟೂರ್ನಿಯಿಂದಾಗ ಮನೆ ಸೇರಿಕೊಂಡರು. ಸರಿಯಾಗಿ ಆ ವೇಳೆಯಲ್ಲೇ ಅವರ ತಾರಾ ಪತ್ನಿ ಅನುಷ್ಕಾ ಶರ್ಮಾ ಅವರು ಕೊವೀಡ್ ಸೋಂಕಿತರಿಗೆ ನೆರವಾಗಬೇಕೆಂದು ತಮ್ಮ ನಿಧಿ ಸಂಗ್ರಹ ಕಾರ್ಯಕ್ಕೆ ಮುಂದಾದರು. ತಾರಾ ದಂಪತಿಯಾದ ವಿರಾಟ್ ಕೊಹ್ಲಿ – ಅನುಷ್ಕಾ ಅವರು ಈ ಆಂದೋಲನದ ಮುಖಾಂತರ ಅಂದಾಜು 11 ಕೋಟಿ ರೂಪಾಯಿಗೂ ಹೆಚ್ಚು ಧನ ಸಂಗ್ರಹಿಸಿದರು. ಕೋವಿಡ್ ಸೋಂಕಿತರಿಗೆ ನೆರವಾಗಲೆಂದು ಖುದ್ದಾಗಿ ವಿರಾಟ್ ಕೊಹ್ಲಿ ದಂಪತಿ ಸಹ ಕೋಟಿ ರೂ ದೇಣಿಗೆ ನೀಡಿದ್ದಾರೆ.
ಈ ಮಧ್ಯೆ ನಿನ್ನೆ ಬುಧವಾರ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ತಮ್ಮ ಸಹೋದ್ಯೋಗಿ ಆಟಗಾರ್ತಿಗೆ ಆರ್ಥಿಕ ನೆರವು ನೀಡಿ, ಸತ್ಕಾರ್ಯ ಮಾಡಿದ್ದಾರೆ. ಆಸ್ಪತ್ರೆಯಲ್ಲಿ ಕೋವಿಡ್ ಚಿಕಿತ್ಸೆ ಪಡೆಯುತ್ತಿರುವ ಭಾರತದ ಮಾಜಿ ಕ್ರಿಕೆಟ್ ಆಟಗಾರ್ತಿ ಶ್ರಾವಂತಿ ನಾಯ್ಡು ಅವರ ತಾಯಿ ಎಸ್ ಕೆ ಸುಮನ್ ಅವರ ಚಿಕಿತ್ಸೆಗೆಂದು ₹6.77 ಲಕ್ಷ ಆರ್ಥಿಕ ದೇಣಿಗೆ ನೀಡಿದ್ದಾರೆ.
ಮಾಜಿ ಸ್ಪಿನ್ ಬೌಲರ್ ಶಿವಲಾಲ್ ಯಾದವ್ ಅವರ ಸಹೋದರಿ, ಬಿಸಿಸಿಐ ದಕ್ಷಿಣ ವಲಯ ಸಂಯೋಜಕಿ ಎನ್ ವಿದ್ಯಾ ಯಾದವ್ ಅವರು ಶ್ರಾವಂತಿ ನಾಯ್ಡು ಅವರ ತಾಯಿಗೆ ಆರ್ಥಕ ನೆರವಿನ ಅಗತ್ಯವಿದೆ ಎಂದು ಟ್ವಿಟ್ಟರ್ನಲ್ಲಿ ಗಮನ ಸೆಳೆದಿದ್ದರು. ಮತ್ತು ಆಟ ಟ್ವೀಟ್ ಅನ್ನು ವಿರಾಟ್ ಕೊಹ್ಲಿಗೆ ಟ್ಯಾಗ್ ಮಾಡಿದ್ದರು. ಸುಮನ್ ಅವರ ಕೋವಿಡ್ ಚಿಕಿತ್ಸೆಗೆಂದು ಅದಾಗಲೇ 16 ಲಕ್ಷ ರೂಪಾಯಿ ಖರ್ಚು ಮಡಲಾಗಿದೆ ಎಂದು ಟ್ವೀಟ್ನಲ್ಲಿ ಉಲ್ಲೇಖಿಸಿದ್ದರು. ಇದನ್ನು ಕಂಡು ಕರಗಿದ ವಿರಾಟ್ ಕೊಹ್ಲಿ ದಂಪತಿ ತಕ್ಷಣ ಶ್ರಾವಂತಿ ನಾಯ್ಡು ಅವರತ್ತ ನೆರವಿನಹಸ್ತ ಚಾಚಿದ್ದಾರೆ. ಈ ಸಕಾಲಿಕ, ಅಮೂಲ್ಯ ನೆರವನ್ನು ಕಂಡು ವಿರಾಟ್ ಕೊಹ್ಲಿ ದಂಪತಿಯನ್ನು ವಿದ್ಯಾ ಯಾದವ್ ಕೊಂಡಾಡಿದ್ದಾರೆ.
(Virat Kohli donates rs 6.77 lakh for covid 19 treatment of former women cricketer Sravanthi Naidu mother SK Suman)
