ಸೇಲಿಂಗ್ ಸ್ಪರ್ಧೆ: ಟೋಕಿಯೋ ಒಲಂಪಿಕ್ಸ್​ನಲ್ಲಿ ಬಾಗವಹಿಸುವ ಅವಕಾಶ ಗಿಟ್ಟಿಸಿದ ಬೆಂಗಳೂರು ಎಂ​ಇಜಿಯ ಸುಬೇದಾರ್ ವಿಷ್ಣು ಸರವಣನ್

ಬೆಂಗಳೂರು: ಭಾರತೀಯ ಸೇನೆಯ ಭಾಗವಾಗಿರುವ ಬೆಂಗಳೂರು ನೆಲೆಯ ಮದ್ರಾಸ್ ಇಂಜಿನಿಯರಿಂಗ್ ಗ್ರೂಪ್​ನಲ್ಲಿ ಅಧಿಕಾರಿಯಾಗಿರುವ ಸುಬೇದಾರ್ ವಿಷ್ಣು ಸರವಣನ್ ಅವರು ಟೊಕಿಯೊ ಒಲಂಪಿಕ್ಸ್​ನಲ್ಲಿ ಭಾಗವಹಿಸಲು ಅರ್ಹತೆ ಗಿಟ್ಟಿಸಿರುವ ನಾಲ್ವರು ಭಾರತೀಯ ಸೇಲರ್​ಗಳಲ್ಲಿ ಒಬ್ಬರಾಗಿದ್ದಾರೆ.ಭಾರತೀಯ ರಕ್ಷಣಾ ಇಲಾಖೆಯ ಸಾರ್ವಜನಿಕ ಸಂಪರ್ಕಾಧಿಕಾರಿಯೊಬ್ಬರ ಹೇಳಿಕೆ ಪ್ರಕಾರ, ಇತ್ತೀಚಿಗೆ ಓಮನ್​ನಲ್ಲಿ ನಡೆದ ಏಷ್ಯನ್​ ಅರ್ಹತಾ ಸುತ್ತಿನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡುವ ಮೂಲಕ ವಿಷ್ಣು ಒಲಂಪಿಕ್ಸ್​ಗೆ ಅರ್ಹತೆ ಗಿಟ್ಟಿಸಿದ್ದಾರೆ. 2015ರಲ್ಲಿ ಸರವಣನ್ ಎಂ​ಇಜಿ ಬಾಯ್ಸ್ ಸ್ಪೋರ್ಟ್ಸ್ ಕಂಪನಿ ಸೇರಿದ ನಂತರ ಅವರ ಪ್ರದರ್ಶನದಲ್ಲಿ ಬಹಳಷ್ಟು ಸುಧಾರಣೆಯಾಗಿದೆ ಎಂದು ಪಿಆರ್​ಒ ಹೇಳಿಕೆ ತಿಳಿಸಯತ್ತದೆ.

‘ಸುಬೇದಾರ್ ವಿಷ್ಣು ಸರವಣನ್ ಅವರು 2015ರಲ್ಲಿ ಎಮ್​ಇಜಿಯ ಬಾಯ್ಸ್ ಸ್ಪೋರ್ಟ್ಸ್​ ಕಂಪನಿಯಲ್ಲಿ ಬಾಯ್ಸ್ ಸ್ಪೋರ್ಟ್ಸ್ ಕೆಡೆಟ್ ಆಗಿ ತಮ್ಮ ಹೆಸರನ್ನು ನೋಂದಾಯಿಸಿದರು. ಅವರ ತಂದೆ ಸುಬೇದಾರ್ ಸರವಣನ್ ಅವರು ಮದ್ರಾಸ್ ಸ್ಯಾಪರ್ಸ್​ನಲ್ಲಿ ಸೇಲರ್ ಅಗಿದ್ದರು. ಎಮ್​ಇಜಿಯ ಬಾಯ್ಸ್ ಸ್ಪೋರ್ಟ್ಸ್​ ಕಂಪನಿ ಸೇರಿದ ಅಲ್ಪಾವಧಿಯಲ್ಲೇ ವಿಷ್ಣು ಸರವಣನ್ ಅವರು ಅಪಾರ ಬದ್ಧತೆ ಮತ್ತು ಎಮ್​ಇಜಿಯ ಸಹಕಾರದೊಂದಿಗೆ ರಾಷ್ಟ್ರೀಯ ಜ್ಯೂನಿಯರ್ ಮತ್ತು ಯುವ ನ್ಯಾಷನಲ್ ಚಾಂಪಿಯನ್​ಶಿಪ್​ಗಳಲ್ಲಿ ಭಾಗವಹಿಸಿ ಪದಕಗಳನ್ನು ಗೆದ್ದಿದ್ದಾರೆ. ಇಲ್ಲಿಯವರೆಗೆ 30 ಅಂತರರಾಷ್ಟ್ರೀಯ ಸ್ಪರ್ಧೆಗಳಲ್ಲಿ ಬಾಗವಹಿಸಿರುವ ಅವರು ಹದಿಮೂರು ಸಲ ಟಾಪ್​ ಮೂವರಲ್ಲಿ ಒಬ್ಬರಾಗಿದ್ದಾರೆ,’ ಎಂದು ಎಮ್​ಇಜಿ ಬಿಡುಗಡೆ ಮಾಡಿರುವ ಹೇಳಿಕೆ ತಿಳಿಸುತ್ತದೆ.

ಎಮ್​ಇಜಿಯಲ್ಲಿ ಹೆಸರನ್ನು ನೋಂದಾಯಿಸಿದ ನಂತರ ವಿಷ್ಣು ಸುಬೇದಾರ್ 2018ರಲ್ಲಿ ಸೀನಿಯರ್ ರಾಷ್ಟ್ರೀಯ ಚಾಂಪಿಯನ್​ಸಿಪ್​ನಲ್ಲಿ ತನ್ನ ಮೊದಲ ಚಿನ್ನದ ಪದಕವನ್ನು ಗೆದ್ದರು. ಅದಾದ ನಂತರವೇ ಅವರು ಹಲವಾರು ಅಂತರರಾಷ್ಟ್ರೀಯ ಈವೆಂಟ್​ಗಳಲ್ಲಿ ಭಾಗವಹಿಸಿ ಗಮನ ಸೆಳೆದರು.

ಯುರೋಪಿನ ಕ್ರೊವೇಶಿಯಾದಲ್ಲಿ 2019ರಲ್ಲಿ ನಡೆದ ಲೇಸರ್ ಅಂಡರ್-21 ವಿಶ್ವ ಸೇಲಿಂಗ್ ಚಾಂಪಿಯನ್​ಶಿಪ್​ನಲ್ಲಿ ವಿಷ್ಣು ಬಾಗವಹಿಸಿ ಕಂಚಿನ ಪದಕ ಗೆದ್ದರು. ಈ ಚಾಂಪಿಯನ್​ಶಿಪ್​ನಲ್ಲಿ 41 ರಾಷ್ಟ್ರಗಳ 144 ಸ್ಪರ್ಧಿಗಳು ಭಾಗವಹಿಸಿದ್ದರು. ಏತನ್ಮಧ್ಯೆ, ನೆಹ್ರಾ ಕುಮಾನನ್ ಅವರು ಒಲಂಪಿಕ್ಸ್ ಕ್ರೀಡಾಕೂಟದಲ್ಲಿ ಭಾಗವಹಿಸಲು ಅರ್ಹತೆ ಪಡೆದ ಮೊದಲ ಭಾರತೀಯ ಮಹಿಳೆಯ ಎಂಬ ಕೀರ್ತಿಗೆ ಪಾತ್ರರಾಗಿದ್ದಾರೆ, ಗಣಪತಿ ಚೆಂಗಪ್ಪ ಮತ್ತು ವರುಣ ಠಕ್ಕರ್ ಅವರ ಜೋಡಿಯು ಒಲಂಪಿಕ್ಸ್​ನ ಸೇಲಿಂಗ್ಈವೆಂಟ್​ನಲ್ಲಿ ಭಾಗವಹಿಸಲು ಅರ್ಹತೆ ಗಿಟ್ಟಿಸಿದೆ.

ಇದನ್ನೂ ಓದಿ: Tokyo Olympics: ಫೆನ್ಸಿಂಗ್‌ ವಿಭಾಗದಲ್ಲಿ ಟೋಕಿಯೊ ಒಲಿಂಪಿಕ್ಸ್​ಗೆ ಅರ್ಹತೆ ಪಡೆದ ಮೊದಲ ಭಾರತೀಯ ಮಹಿಳೆ ಭವಾನಿ ದೇವಿ!