ಚಹಲ್-ಧನಶ್ರೀ ಮದುವೆ ಮೂವಿ ರಿಲೀಸ್: ಸಖತ್ ಸ್ಟೆಪ್ಸ್ ಹಾಕಿದ ಕ್ರಿಕೆಟಿಗರು, ಕಾಮಿಡಿ ಮೂಡ್ನಲ್ಲಿ ಚಹಲ್.. ವಿಡಿಯೋ ನೋಡಿ
ಧನಶ್ರೀಗೆ ಉಂಗುರು ತೊಡಿಸುವಾಗ ಚಹಲ್ ಹಾಸ್ಯ ಚಟಾಕಿಯೊಂದನ್ನ ಹಾರಿಸಿದ್ದಾರೆ. ನಾವಿಲ್ಲಿ ಏಕೇ ನಿಂತಿದ್ದೀವಿ ಅನ್ನೋದು ಗೊತ್ತಿಲ್ಲ ಹೇಳ್ತೀಯಾ ಅಂತಾ ಧನಶ್ರೀ ಬಳಿ ಕೇಳಿ ಎಲ್ಲರನ್ನೂ ನಗೆಗಡಲಲ್ಲಿ ತೇಲಿಸಿದ್ದಾರೆ.
Updated on: Apr 04, 2021 | 11:17 AM
ಟೀಮ್ ಇಂಡಿಯಾ ಸ್ಪಿನ್ನರ್ ಯಜ್ವಿಂದರ್ ಚಹಲ್, ತಮ್ಮ ಮನಸ್ಸು ಕದ್ದ ಚೆಲುವೆಯೊಂದಿಗೆ ಸದ್ದಿಲ್ಲದೇ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ರು. ಆದ್ರೀಗ ಚಹಲ್ ಪತ್ನಿ, ಮದುವೆಯ ಸಂಭ್ರಮದ ಕ್ಷಣಗಳನ್ನ ಸೋಷಿಯಲ್ ಮೀಡಿಯಾದಲ್ಲಿ ಹರಿಬಿಟ್ಟಿದ್ದಾರೆ. ಕಳೆದ ವರ್ಷ ಡಿಸೆಂಬರ್ನಲ್ಲಿ ಟೀಮ್ ಇಂಡಿಯಾ ಕ್ರಿಕೆಟಿಗ ಯಜ್ವಿಂದರ್ ಚಹಲ್, ಧನಶ್ರೀ ವರ್ಮಾ ಜೊತೆಗೆ ಸದ್ದಿಲ್ಲದೇ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ರು. ಸೋಷಿಯಲ್ ಮೀಡಿಯಾದಲ್ಲಿ ಚಹಲ್ ಜೋಡಿಯ ಮದುವೆ ಫೋಟೋಗಳು ಮಾತ್ರ ವೈರಲ್ ಆಗಿತ್ತು.
ಚಹಲ್ ಹಾಸ್ಯ ಚಟಾಕಿ ಆದ್ರೀಗ ಚಹಲ್ ಪತ್ನಿ ಧನಶ್ರೀ ವರ್ಮಾ ತಮ್ಮ ಯ್ಯೂಟ್ಯೂಬ್ನಲ್ಲಿ, ಮದುವೆಯ ಕಲರ್ ಫುಲ್ ವಿಡಿಯೋವನ್ನ ಅಪ್ಲೋಡ್ ಮಾಡಿದ್ದಾರೆ. ಗುರುಗ್ರಾಂನಲ್ಲಿ ನಡೆದ ಅದ್ದೂರಿ ಮದುವೆಯಲ್ಲಿ ಚಹಲ್ ಮತ್ತು ದನಶ್ರೀ ಕುಟುಂಬದ ಆಪ್ತರಷ್ಟೇ ಪಾಲ್ಗೊಂಡಿದ್ರು. ಧನಶ್ರೀಗೆ ಉಂಗುರು ತೊಡಿಸುವಾಗ ಚಹಲ್ ಹಾಸ್ಯ ಚಟಾಕಿಯೊಂದನ್ನ ಹಾರಿಸಿದ್ದಾರೆ. ನಾವಿಲ್ಲಿ ಏಕೇ ನಿಂತಿದ್ದೀವಿ ಅನ್ನೋದು ಗೊತ್ತಿಲ್ಲ ಹೇಳ್ತೀಯಾ ಅಂತಾ ಧನಶ್ರೀ ಬಳಿ ಕೇಳಿ ಎಲ್ಲರನ್ನೂ ನಗೆಗಡಲಲ್ಲಿ ತೇಲಿಸಿದ್ದಾರೆ.
ಚಹಲ್ ಮದುವೆ ಸಮಯದಲ್ಲಿ ಟೀಮ್ ಇಂಡಿಯಾ ಆಟಗಾರರು ಆಸ್ಟ್ರೇಲಿಯಾ ಪ್ರವಾಸದಲ್ಲಿದ್ರು. ಹೀಗಾಗಿ ಚಹಲ್ ಆಪ್ತ ನಾಯಕ ವಿರಾಟ್ ಕೊಹ್ಲಿಗೆ ಮದುವೆಗೆ ಬರಲು ಸಾಧ್ಯವಾಗಿಲ್ಲ. ಆದ್ರೆ ಶಿಖರ್ ಧವನ್, ಚಹಲ್ ಮದುವೆಗೆ ಅಗಮಿಸಿ ಬಾಂಗ್ರಾ ಸ್ಟೆಪ್ಸ್ ಹಾಕಿ ಎಂಜಾಯ್ ಮಾಡಿದ್ದಾರೆ..
ಪಂಜಾಬಿ ಶೈಲಿಯಲ್ಲಿ ನಡೆದ ವಿವಾಹ ಮಹೋತ್ಸವದಲ್ಲಿ ಚಹಲ್ ದಂಪತಿಯೂ ಭರ್ಜರಿ ಸ್ಟೆಪ್ಸ್ ಹಾಕಿ ಎಂಜಾಯ್ ಮಾಡಿದ್ದಾರೆ. ಧನಶ್ರೀ ವರ್ಮಾ ತಮ್ಮ ಯ್ಯೂಟ್ಯೂಬ್ಗೆ ಈ ವಿಡಿಯೋವನ್ನ ಅಪ್ಲೋಡ್ ಮಾಡಿದ ಕೆಲವೇ ಗಂಟೆಗಳಲ್ಲಿ 16 ಲಕ್ಷಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದಾರೆ.
