ಅಮೆಜಾನ್ ಗ್ರೇಟ್ ರಿಪಬ್ಲಿಕ್ ಡೇ ಸೇಲ್: ಒನ್‌ಪ್ಲಸ್​ನ ಮಡಚುವ ಫೋನ್ ಮೇಲೆ ಬಂಪರ್ ಡಿಸ್ಕೌಂಟ್

ಅಮೆಜಾನ್‌ನಲ್ಲಿ ಗ್ರೇಟ್ ರಿಪಬ್ಲಿಕ್ ಡೇ ಸೇಲ್ (Amazon Great Republic Day Sale) ಆರಂಭವಾಗಿದೆ. ಈ ಸೇಲ್‌ನಲ್ಲಿ ನೀವು ಸ್ಮಾರ್ಟ್‌ಫೋನ್‌ಗಳ ಮೇಲೆ ಭರ್ಜರಿ ಕೊಡುಗೆಗಳನ್ನು ಪಡೆಯುತ್ತೀರಿ. ಈ ಪಟ್ಟಿಯಲ್ಲಿ ಒನ್​ಪ್ಲಸ್ ಫೋನ್‌ಗಳು ಕೂಡ ಇವೆ. ಒನ್​ಪ್ಲಸ್ ಇತ್ತೀಚೆಗೆ ತನ್ನ ಮೊಟ್ಟ ಮೊದಲ ಫೋಲ್ಡಬಲ್ ಸ್ಮಾರ್ಟ್‌ಫೋನ್ ಒನ್​ಪ್ಲಸ್ ಓಪನ್ ಅನ್ನು ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿತ್ತು. ಈ ಸ್ಮಾರ್ಟ್‌ಫೋನ್ ಬಿಡುಗಡೆಯಾದಾಗಿನಿಂದ ಅಪಾರ ಜನಪ್ರಿಯತೆಯನ್ನು ಗಳಿಸಿದೆ. ನೀವು ಈ ಫೋನ್ ಅನ್ನು ಖರೀದಿಸಲು ಯೋಜಿಸುತ್ತಿದ್ದರೆ, ಅಮೆಜಾನ್​ನಲ್ಲಿ ಗ್ರೇಟ್ ರಿಪಬ್ಲಿಕ್ ಡೇ ಸೇಲ್‌ನಿಂದ ಖರೀದಿಸಬಹುದು. ಇದರಲ್ಲಿ ಒನ್​ಪ್ಲಸ್ ಓಪನ್ ಫೋನ್ ಕಡಿಮೆ ಬೆಲೆಗೆ ಮಾರಾಟ ಆಗುತ್ತಿದೆ.

ಒನ್​ಪ್ಲಸ್ ಓಪನ್ ಮೂಲ ಬೆಲೆ 1,49,999 ರೂ. ಆಗಿದೆ. ಇದರಲ್ಲಿ ನೀವು 512 GB ರೂಪಾಂತರದ ಮಾದರಿಯನ್ನು ಪಡೆಯುತ್ತೀರಿ. ಅಮೆಜಾನ್​ನಲ್ಲಿ ಸೇಲ್ ಪ್ರಯುಕ್ತ ಈ ಸ್ಮಾರ್ಟ್‌ಫೋನ್ ಮೇಲೆ ಶೇಕಡಾ 7 ರಷ್ಟು ರಿಯಾಯಿತಿ ಘೋಷಿಸಲಾಗಿದೆ. ನೀವು ಈಗ ಈ ಫೋನನ್ನು ಕೇವಲ 1,38,845 ರೂ. ಗಳಿಗೆ ಖರೀದಿಸಬಹುದು.

ಅಮೆಜಾನ್ ಗ್ರೇಟ್ ರಿಪಬ್ಲಿಕ್ ಡೇ ಸೇಲ್ ಆರಂಭ: ಯಾವುದಕ್ಕೆ ಎಷ್ಟು ಡಿಸ್ಕೌಂಟ್?

ಒನ್​ಪ್ಲಸ್ ಓಪನ್ ಅನ್ನು ಎರಡು ಬಣ್ಣಗಳಲ್ಲಿ ಬಿಡುಗಡೆ ಮಾಡಲಾಗಿದೆ (ಎಮರಾಲ್ಡ್ ಗ್ರೀನ್ ಮತ್ತು ವಾಯೇಜರ್ ಬ್ಲಾಕ್). ಈ ಫೋನ್ 238 ಗ್ರಾಂ ತೂಗುತ್ತದೆ, ಇದು ಸಾಕಷ್ಟು ಹಗುರವಾಗಿದೆ. ಈ ಫೋನ್‌ನ ಬಾಡಿ ಸ್ಟೇನ್‌ಲೆಸ್ ಸ್ಟೀಲ್, ಟೈಟಾನಿಯಂ ಫ್ರೇಮ್ ಮತ್ತು ಕಾರ್ಬನ್ ಫೈಬರ್‌ನಿಂದ ಮಾಡಲ್ಪಟ್ಟಿದೆ. ಇದಲ್ಲದೆ, ಈ ಮಡಿಸಬಹುದಾದ ಸ್ಮಾರ್ಟ್‌ಫೋನ್ ಹಿಂಭಾಗದಲ್ಲಿ ರೌಂಡ್ ಕ್ಯಾಮೆರಾ ವಿನ್ಯಾಸವನ್ನು ನೀಡಲಾಗಿದ್ದು, ಇದು ಸಾಕಷ್ಟು ಆಕರ್ಷಕವಾಗಿ ಕಾಣುತ್ತದೆ.

ಕ್ಯಾಮೆರಾ, ಬ್ಯಾಟರಿ ಮತ್ತು ಪ್ರದರ್ಶನ

ಟ್ರಿಪಲ್ ಕ್ಯಾಮೆರಾ ಸೆಟಪ್ ಹೊಂದಿರುವ ಒನ್​ಪ್ಲಸ್ ಓಪನ್​ನಲ್ಲಿ 48MP ಸೋನಿ LYT-T808 ಪಿಕ್ಸೆಲ್ ಸಂವೇದಕ, 3x ಜೂಮ್ ಮತ್ತು 6x ಜೂಮ್ ಸೆಟ್ಟಿಂಗ್‌ಗಳೊಂದಿಗೆ 64MP ಟೆಲಿಫೋಟೋ ಕ್ಯಾಮೆರಾವನ್ನು ಒಳಗೊಂಡಿದೆ. ಕವರ್ ಡಿಸ್​ಪ್ಲೇ 6.31-ಇಂಚಿನ ಡಿಸ್ಪ್ಲೇಯನ್ನು ಹೊಂದಿದೆ ಮತ್ತು ಫೋನ್ ಅನ್ನು ತೆರೆದಾಗ, ಒಳಗಿನ ಡಿಸ್​ಪ್ಲೇಯು 7.82-ಇಂಚು ಹೊಂದಿದೆ. ಎರಡೂ ಪ್ಯಾನೆಲ್‌ಗಳು 120Hz ರಿಫ್ರೆಶ್ ದರದಿಂದ ಕೂಡಿದೆ ಮತ್ತು LTPO 3.0 ತಂತ್ರಜ್ಞಾನವನ್ನು ಬಳಸಲಾಗಿದೆ.

ಒನ್​ಪ್ಲಸ್ ಓಪನ್ ಸ್ನಾಪ್​ಡ್ರಾಗನ್ 8 Gen 2 ಪ್ರೊಸೆಸರ್​ನಿಂದ ಚಾಲಿತವಾಗಿದೆ. ಇದು 16GB RAM ಮತ್ತು 512GB ಸಂಗ್ರಹಣೆಯನ್ನು ಹೊಂದಿದೆ. ಈ ಸಾಧನವು 4,805 mAh ಬ್ಯಾಟರಿಯನ್ನು ಪ್ಯಾಕ್ ಮಾಡುತ್ತದೆ, ಇದು 67W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ