Android 13: ನಿಮ್ಮ Android ಫೋನ್ ಸಂಪೂರ್ಣವಾಗಿ ಬದಲಾಗಲಿದೆ..!

ಸ್ಮಾರ್ಟ್​ಫೋನ್​ ಜಗತ್ತಿನಲ್ಲಿ ಆಂಡ್ರಾಯ್ಡ್​ 12 (Android 12) ಇತ್ತೀಚಿನ ಆವೃತ್ತಿ. ಇದೇ ಕಾರಣದಿಂದ ಈ ಅಪ್​ಡೇಟ್​ ಹೆಚ್ಚಿನ ಸ್ಮಾರ್ಟ್‌ಫೋನ್‌ಗಳಲ್ಲಿ ಲಭ್ಯವಿಲ್ಲ. ಬಹುತೇಕ ಮೊಬೈಲ್​ಗಳು Android 11 ಅಥವಾ ಹಿಂದಿನ ಆವೃತ್ತಿಯಲ್ಲಿ ಕಾರ್ಯ ನಿರ್ವಹಿಸುತ್ತಿದೆ. ಆದರೆ ಇದೆಲ್ಲದರ ನಡುವೆಯೇ ಗೂಗಲ್ ಮುಂದಿನ ಆಂಡ್ರಾಯ್ಡ್ ಆವೃತ್ತಿಯನ್ನು ಘೋಷಿಸಿದೆ. ಹೊಸ ಆಂಡ್ರಾಯ್ಡ್ 13 (Android 13) ಗೆ ‘ತಿರಾಮಿಸು’ ಎಂದು ಹೆಸರಿಡುವ ನಿರೀಕ್ಷೆಯಿದೆ. ವರದಿಯ ಪ್ರಕಾರ, ಹೊಸ ಆಂಡ್ರಾಯ್ಡ್​ ಆವೃತ್ತಿಯು ಮುಂದಿನ ವರ್ಷದ ಫೆಬ್ರವರಿಯಲ್ಲಿ ಫಸ್ಟ್ ರೌಂಡ್ ಡೆವಲಪರ್ ಟೆಸ್ಟ್​ಗೆ ಲಭ್ಯವಿರಲಿದೆ. ಆದರೆ ಇದಕ್ಕೂ ಮುನ್ನ ಈ ಹೊಸ ಆವೃತ್ತಿಯ ಆಂಡ್ರಾಯ್ಡ್‌ನ ಸಂಭವನೀಯ ವೈಶಿಷ್ಟ್ಯಗಳು ಸೋರಿಕೆಯಾಗಿದೆ.

ಹೊಸ ಆಂಡ್ರಾಯ್ಡ್‌ನ ಒಟ್ಟು ಮೂರು ಫೀಚರ್​ಗಳ ಬಗ್ಗೆ ಮಾಹಿತಿ ಸೋರಿಕೆಯಾಗಿದ್ದು, ಅದರಂತೆ ಈ ಫೀಚರ್​ಗಳು ಸ್ಮಾರ್ಟ್‌ಫೋನ್‌ನ ಒಟ್ಟಾರೆ ಕಾರ್ಯಕ್ಷಮತೆಯನ್ನು ಉತ್ತಮಗೊಳಿಸಲಿದೆ. ಈ ಹೊಸ ಫೀಚರ್​ಗಳಾವುವು ನೋಡೋಣ…

ನೋಟಿಫಿಕೇಷನ್ ಸಮಸ್ಯೆಗೆ ಪರಿಹಾರ:
Android 13 ಕಿರಿ ಕಿರಿ ಎನಿಸುವ ನೋಟಿಫಿಕೇಶನ್​ಗಳಿಂದ ಪರಿಹಾರ ನೀಡಲಿದೆ. ಇದಕ್ಕಾಗಿ ಸೆಟ್ಟಿಂಗ್​ನಲ್ಲಿ ಕೆಲ ಆಯ್ಕೆಗಳನ್ನು ನೀಡಲಾಗುತ್ತಿದ್ದು, ಅದನ್ನು ಬ್ಲಾಕ್ ಮಾಡುವ ಮೂಲಕ ಮೊಬೈಲ್​ಗೆ ಬರುವ ಆ್ಯಪ್​ ನೋಟಿಫಿಕೇಶನ್ ಹಾಗೂ ಮೊಬೈಲ್​ ಕಂಪೆನಿಯ ನೋಟಿಫಿಕೇಶನ್​ಗಳನ್ನು ನಿಯಂತ್ರಿಸಬಹುದು.

ಭಾಷೆಯ ಆಯ್ಕೆ:
ಹೊಸ ಆಂಡ್ರಾಯ್ಡ್ ಆವೃತ್ತಿಯಲ್ಲಿ, ನಿಮ್ಮ ಆಯ್ಕೆಯ ಭಾಷೆಯಲ್ಲಿ ಯಾವುದೇ ಅಪ್ಲಿಕೇಶನ್ ಅನ್ನು ಬಳಬಹುದು. ಅಂದರೆ ಬಹುಭಾಷಾ ಬಳಕೆದಾರರು ಈಗ ಆಂಡ್ರಾಯ್ಡ್​ ಅನ್ನು ಬಳಸುವ ಅಗತ್ಯವನ್ನು ಗೂಗಲ್ ಮನಗಂಡಿದೆ. ಅದರಂತೆ ಹೊಸ ಆಂಡ್ರಾಯ್ಡ್‌ನ ಸಿಸ್ಟಮ್ ಸೆಟ್ಟಿಂಗ್‌ನಲ್ಲಿ ‘ಆ್ಯಪ್ ಲಾಂಗ್ವೇಜ್’ ಆಯ್ಕೆಯನ್ನು ನೀಡಿದೆ. ಯಾವುದೇ ನಿರ್ದಿಷ್ಟ ಅಪ್ಲಿಕೇಶನ್‌ಗೆ ಲಭ್ಯವಿರುವ ಭಾಷೆಯನ್ನು ನೀವು ಆಯ್ಕೆ ಮಾಡಬಹುದು. ಅಂದರೆ ನೀವು ಒಂದು ಅಪ್ಲಿಕೇಶನ್ ಅನ್ನು ಇಂಗ್ಲಿಷ್​ನಲ್ಲಿ ಮತ್ತು ಇನ್ನೊಂದನ್ನು ಕನ್ನಡ ಅಥವಾ ಹಿಂದಿಯಲ್ಲಿ ಬಳಸಬಹುದು.

ಲಾಕ್​​ ಸ್ಕ್ರೀನ್ ಆಯ್ಕೆ:
ಹೊಸ ಆಂಡ್ರಾಯ್ಡ್ ಬಳಕೆದಾರರು ಈಗ ತಮ್ಮ ಲಾಕ್ ಸ್ಕ್ರೀನ್‌ನ ಗಡಿಯಾರದ ವಿನ್ಯಾಸವನ್ನು ಟಾಗಲ್ ಮಾಡಬಹುದು. ಅಂದರೆ ಲಾಕ್​ ಸ್ಕ್ರೀನ್​ನಲ್ಲಿ ಕಾಣಿಸುವ ಗಡಿಯಾರವನ್ನು ಸಣ್ಣದಾಗಿ ಅಥವಾ ದೊಡ್ಡದಾಗಿ ಸೆಟ್ ಮಾಡಬಹುದು. ಹಾಗೆಯೇ ಸ್ಕ್ರೀನ್​ನ ಸೆಂಟರ್​ನಲ್ಲಿ ಅಥವಾ ಇತರೆ ಮೂಲೆಗಳ ಸ್ಥಳದಲ್ಲಿ ಗಡಿಯಾರನ್ನು ಸೆಟ್ ಮಾಡಿಕೊಳ್ಳಬಹುದು.

ಇದನ್ನೂ ಓದಿ:  ಭಾರತವನ್ನು ಗೇಲಿ ಮಾಡಿದ ಇಂಗ್ಲೆಂಡ್ ಕ್ರಿಕೆಟಿಗನ ಕಾಲೆಳೆದ ಆಸ್ಟ್ರೇಲಿಯಾ ಪತ್ರಕರ್ತೆ..!

ಇದನ್ನೂ ಓದಿ: IPL 2022: RCB ಮನೀಷ್ ಪಾಂಡೆಯನ್ನು ಯಾಕೆ ಖರೀದಿಸಬೇಕು ಅಂದರೆ…

ಇದನ್ನೂ ಓದಿ: IPL 2022: ಇವರೇ RCB ತಂಡದ ಮುಂದಿನ ಕ್ಯಾಪ್ಟನ್ ಎಂದ ಮಾಜಿ ಆರ್​ಸಿಬಿ ನಾಯಕ

(Android 13 details leaked)