BSNL Best Plan: ಬಿಎಸ್ಎನ್ಎಲ್ 5 ಅದ್ಭುತ ಯೋಜನೆಗಳು: ಬೆಲೆ 100 ರೂಪಾಯಿಗಳಿಗಿಂತ ಕಡಿಮೆ
ಖಾಸಗಿ ಟೆಲಿಕಾಂ ಕಂಪನಿಗಳು 28 ದಿನಗಳ ವ್ಯಾಲಿಡಿಟಿಗಾಗಿ ರೂ. 200 ರವರೆಗಿನ ರೀಚಾರ್ಜ್ ಯೋಜನೆಗಳನ್ನು ಕೊಡುತ್ತಿರುವಾಗ, ಬಿಎಸ್ ಎನ್ ಎಲ್ ನಿಮಗೆ 100 ರೂಪಾಯಿಗಿಂತ ಕಡಿಮೆ ವೆಚ್ಚದಲ್ಲಿ 5 ಅದ್ಭುತ ರೀಚಾರ್ಜ್ ಯೋಜನೆಗಳನ್ನು ನೀಡುತ್ತಿದೆ.
ಒಂದೆಡೆ ಖಾಸಗಿ ಟೆಲಿಕಾಂ ಕಂಪನಿಗಳು ರಿಚಾರ್ಜ್ ಪ್ಲಾನ್ ಗಳನ್ನು ದುಬಾರಿ ಮಾಡಿ ಜನರ ಟೆನ್ಶನ್ ಹೆಚ್ಚಿಸುತ್ತಿದ್ದರೆ, ಇನ್ನೊಂದೆಡೆ ಸರ್ಕಾರಿ ಸಂಸ್ಥೆ ಬಿಎಸ್ ಎನ್ ಎಲ್ ಜನರಿಗೆ ರಿಲೀಫ್ ನೀಡುತ್ತಿದೆ. ಬಿಎಸ್ ಎನ್ ಎಲ್ ತನ್ನ ಗ್ರಾಹಕರಿಗೆ ತನ್ನ ಹಳೆಯ ದರದಲ್ಲೇ ರೀಚಾರ್ಜ್ ಯೋಜನೆಗಳನ್ನು ಇನ್ನೂ ನೀಡುತ್ತಿದೆ. ತನ್ನ ಗ್ರಾಹಕರಿಗೆ ಟೆಲಿಕಾಂ ವಲಯದಲ್ಲಿ ಅತ್ಯಂತ ಕೈಗೆಟುಕುವ ಯೋಜನೆಗಳನ್ನು ನೀಡುತ್ತಿರುವ ಕಂಪನಿ ಎಂದರೆ ಅದು ಬಿಎಸ್ ಎನ್ ಎಲ್. ಹಾಗಾಗಿ ಇಂದು ನಾವು ನಿಮಗೆ 100 ರೂಪಾಯಿಯೊಳಗಿನ ಬಿಎಸ್ ಎನ್ ಎಲ್ ನ ಯೋಜನೆಗಳ ಬಗ್ಗೆ ಹೇಳಲಿದ್ದೇವೆ.
ಖಾಸಗಿ ಟೆಲಿಕಾಂ ಕಂಪನಿಗಳು 28 ದಿನಗಳ ವ್ಯಾಲಿಡಿಟಿಗಾಗಿ ರೂ. 200 ರವರೆಗಿನ ರೀಚಾರ್ಜ್ ಯೋಜನೆಗಳನ್ನು ಕೊಡುತ್ತಿರುವಾಗ, ಬಿಎಸ್ ಎನ್ ಎಲ್ ನಿಮಗೆ 100 ರೂಪಾಯಿಗಿಂತ ಕಡಿಮೆ ವೆಚ್ಚದಲ್ಲಿ 5 ಅದ್ಭುತ ರೀಚಾರ್ಜ್ ಯೋಜನೆಗಳನ್ನು ನೀಡುತ್ತಿದೆ.
ಬಿಎಸ್ ಎನ್ ಎಲ್ ರೂ. 97 ಯೋಜನೆ: ರೂ. 97 ರೀಚಾರ್ಜ್ ಯೋಜನೆ ಬಿಎಸ್ ಎನ್ ಎಲ್ನ ಉಪಯುಕ್ತ ಪ್ಲಾನ್ ಆಗಿದೆ. ಈ ಅಗ್ಗದ ರೀಚಾರ್ಜ್ ಯೋಜನೆಯಲ್ಲಿ, ಕಂಪನಿಯು ಗ್ರಾಹಕರಿಗೆ ದಿನಕ್ಕೆ 2GB ಡೇಟಾವನ್ನು ನೀಡುತ್ತದೆ. ಈ ಯೋಜನೆಯಲ್ಲಿ ನಿಮಗೆ 15 ದಿನಗಳ ವ್ಯಾಲಿಡಿಟಿಯನ್ನು ನೀಡಲಾಗಿದೆ, ಅದರ ಪ್ರಕಾರ ನೀವು ಒಟ್ಟು 30GB ಡೇಟಾವನ್ನು ಪಡೆಯುತ್ತೀರಿ. ನೀವು ಯಾವುದೇ ನೆಟ್ವರ್ಕ್ಗೆ 15 ದಿನಗಳವರೆಗೆ ಅನಿಯಮಿತ ಉಚಿತ ಕರೆ ಮಾಡಬಹುದು. ದೈನಂದಿನ ಡೇಟಾ ಮಿತಿ ಮುಗಿದ ನಂತರ, 40Kbps ವೇಗದಲ್ಲಿ ಡೇಟಾವನ್ನು ಬಳಸಲು ಸಾಧ್ಯವಾಗುತ್ತದೆ.
ಬಿಎಸ್ ಎನ್ ಎಲ್ ನ ರೂ. 98 ಯೋಜನೆ: ಈ ಯೋಜನೆಯು ನಿಮಗೆ 18 ದಿನಗಳ ಮಾನ್ಯತೆಯನ್ನು ನೀಡುತ್ತದೆ. ಈ ಯೋಜನೆಯಲ್ಲಿ ನೀವು ದಿನಕ್ಕೆ 2GB ಡೇಟಾವನ್ನು ಸಹ ಪಡೆಯುತ್ತೀರಿ. ಅಂದರೆ ನೀವು 18 ದಿನಗಳಲ್ಲಿ ಒಟ್ಟು 36GB ಡೇಟಾವನ್ನು ಬಳಸಬಹುದು. ದೈನಂದಿನ ಡೇಟಾ ಮಿತಿಯನ್ನು ಪೂರೈಸಿದ ನಂತರ ಇದರಲ್ಲೂ ನೀವು 40Kbps ಇಂಟರ್ನೆಟ್ ವೇಗವನ್ನು ಪಡೆಯುತ್ತೀರಿ.
ರೂ. 58 ಯೋಜನೆ: ಬಿಎಸ್ ಎನ್ ಎಲ್ ನ ಪಟ್ಟಿಯಲ್ಲಿ ನೀವು ರೂ. 58 ರ ಅಗ್ಗದ ರೀಚಾರ್ಜ್ ಯೋಜನೆಯನ್ನು ಪಡೆಯುತ್ತೀರಿ. ಜಿಯೋ ಅಥವಾ ಇತರ ಯಾವುದೇ ಟೆಲಿಕಾಂ ಕಂಪನಿಗಳು ಅಂತಹ ಯೋಜನೆಯನ್ನು ಹೊಂದಿಲ್ಲ. ಈ ಬಿಎಸ್ ಎನ್ ಎಲ್ ಯೋಜನೆಯಲ್ಲಿ ನೀವು 7 ದಿನಗಳ ಮಾನ್ಯತೆಯನ್ನು ಪಡೆಯುತ್ತೀರಿ. ಇದರಲ್ಲಿ ದೈನಂದಿನ ಡೇಟಾ ಮಿತಿಯನ್ನು ಪೂರ್ಣಗೊಳಿಸಿದ ನಂತರ ನೀವು 40kbps ವೇಗವನ್ನು ಪಡೆಯುತ್ತೀರಿ.
ರೂ. 94 ಯೋಜನೆ: ನಿಮಗೆ ಹೆಚ್ಚಿನ ಇಂಟರ್ನೆಟ್ ಡೇಟಾ ಬೇಕಾದರೆ ನೀವು ಬಿಎಸ್ ಎನ್ ಎಲ್ ರೂ. 94 ಯೋಜನೆಯನ್ನು ತೆಗೆದುಕೊಳ್ಳಬಹುದು. ಈ ರೀಚಾರ್ಜ್ ಯೋಜನೆಯ ಅತ್ಯಂತ ವಿಶೇಷವಾಗ ಸಂಗತಿ ಎಂದರೆ ಅದರ ಮಾನ್ಯತೆ. ಈ ಯೋಜನೆಯಲ್ಲಿ, ಕಂಪನಿಯು ನಿಮಗೆ 30 ದಿನಗಳ ಪೂರ್ಣ ಮಾನ್ಯತೆಯನ್ನು ನೀಡುತ್ತದೆ. ಈ ರೀಚಾರ್ಜ್ ಯೋಜನೆಯಲ್ಲಿ ನೀವು ದಿನಕ್ಕೆ 3GB ಡೇಟಾವನ್ನು ಪಡೆಯುತ್ತೀರಿ. ಅಂದರೆ ನೀವು 30 ದಿನಗಳಲ್ಲಿ ಒಟ್ಟು 90GB ಡೇಟಾವನ್ನು ಬಳಸಬಹುದು. ಈ BSNL ರೀಚಾರ್ಜ್ ಯೋಜನೆಯಲ್ಲಿ, ಗ್ರಾಹಕರಿಗೆ ಸ್ಥಳೀಯ ಮತ್ತು ರಾಷ್ಟ್ರೀಯ ಕರೆಗಾಗಿ 200 ನಿಮಿಷಗಳನ್ನು ನೀಡಲಾಗುತ್ತದೆ.
ಇದನ್ನೂ ಓದಿ: ಪೇಮೆಂಟ್ನಲ್ಲಿ ಯುಪಿಐನೇ ಕಿಂಗ್; ನವೆಂಬರ್ನಲ್ಲಿ 1,548 ಕೋಟಿ ಮುಟ್ಟಿದ ಯುಪಿಐ ವಹಿವಾಟು
ರೂ. 87 ಯೋಜನೆ: ಬಿಎಸ್ ಎನ್ ಎಲ್ ಪಟ್ಟಿಯಲ್ಲಿ ರೂ. 87 ರೀಚಾರ್ಜ್ ಯೋಜನೆಯ ಆಯ್ಕೆಯೂ ಇದೆ. ಈ ರೀಚಾರ್ಜ್ ಯೋಜನೆಯಲ್ಲಿ ಕಂಪನಿಯ ಗ್ರಾಹಕರು 14 ದಿನಗಳ ಮಾನ್ಯತೆಯನ್ನು ಪಡೆಯುತ್ತಾರೆ. ನಿಮಗೆ ದಿನಕ್ಕೆ 1GB ಹೆಚ್ಚಿನ ವೇಗದ ಡೇಟಾವನ್ನು ನೀಡುತ್ತದೆ, ಹೀಗಾಗಿ ನೀವು ಯೋಜನೆಯಲ್ಲಿ ಒಟ್ಟು 14GB ಡೇಟಾವನ್ನು ಪಡೆಯುತ್ತೀರಿ. ಈ ಯೋಜನೆಯಲ್ಲಿ, ಕಂಪನಿಯು ಗ್ರಾಹಕರಿಗೆ ಸ್ಥಳೀಯ ಮತ್ತು STD ಕರೆ ಸೌಲಭ್ಯವನ್ನು ಒದಗಿಸುತ್ತದೆ. ನೀವು ಹಾರ್ಡಿ ಮೊಬೈಲ್ ಗೇಮ್ಸ್ ಸೇವೆಯನ್ನು ಸಹ ಪಡೆಯುತ್ತೀರಿ.
ಮತ್ತಷ್ಟು ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ