ಬಂಪರ್ ಆಫರ್! 4 ಲಕ್ಷ ರೂಪಾಯಿ ಕಾರಿ​ಗೆ ಕೇವಲ 1.30 ಲಕ್ಷ ರೂಪಾಯಿ ಕೊಟ್ಟು ಖರೀದಿ ಮಾಡಿ

ಕೊರೊನಾ ದೇಶಕ್ಕೆ ಕಾಲಿಡುವ ಮುನ್ನ ಎಷ್ಟೋ ಜನರು ಸ್ವಂತ ವಾಹನಗಳಿಗಿಂತ ಸಾರ್ವಜನಿಕ ವಾಹನವನ್ನೇ ನೆಚ್ಚಿಕೊಂಡಿದ್ದರು. ಪರಿಸರ ಕಾಳಜಿ ದೃಷ್ಟಿಯಿಂದ ನೋಡಿದರೆ ಮನೆಗೊಂದರಂತೆ ವಾಹನಗಳು ರಸ್ತೆಗಿಳಿಯುವುದಕ್ಕಿಂತ ಬಸ್, ಮೆಟ್ರೋ, ರೈಲು ಇತ್ಯಾದಿ ಸಾರಿಗೆಗಳ ಮೂಲಕ ಓಡಾಡುವುದು ಅತ್ಯುತ್ತಮ ಆಯ್ಕೆ. ಆದರೆ, ಸದ್ಯ ನಮ್ಮನ್ನು ಕಾಡುತ್ತಿರುವ ಕೊರೊನಾ ವೈರಾಣುವಿನಿಂದಾಗಿ ಸಾರ್ವಜನಿಕ ಸಾರಿಗೆಯಿಂದ ಅನಿವಾರ್ಯವಾಗಿ ದೂರ ಉಳಿಯಬೇಕಾದ ಪರಿಸ್ಥಿತಿ ಎದುರಾಗಿದ್ದು ಸ್ವಂತ ವಾಹನ ಅತ್ಯಗತ್ಯ ಅವಶ್ಯಕತೆ ಎನಿಸಿಕೊಂಡಿದೆ. ಇಂತಹ ಸಂದರ್ಭದಲ್ಲಿ ಮಧ್ಯಮ ವರ್ಗದವರಿಗೆ ಅನುಕೂಲವಾಗುವಂತೆ ಮಾರುತಿ ಸುಜುಕಿ ಸಂಸ್ಥೆ ಮಹತ್ವದ ನಿರ್ಧಾರಕ್ಕೆ ಬಂದಿದ್ದು ಸುಮಾರು 4 ಲಕ್ಷ ರೂಪಾಯಿ ಬೆಲೆ ಬಾಳುವ Alto 800 LXI ಕಾರನ್ನು ಕೇವಲ 1.30 ಲಕ್ಷ ರೂಪಾಯಿಗೆ ಮಾರಲು ಮುಂದಾಗಿದೆ. ಇದು ಸೆಕೆಂಡ್ ಹ್ಯಾಂಡ್ ಕಾರು ಆಗಿದ್ದರೂ ಸ್ವತಃ ಕಂಪನಿಯೇ ಇದನ್ನು ಸಿದ್ಧಪಡಿಸಿ ಕೊಡುವುದರಿಂದ ಯಾವುದೇ ಹೊಸ ಕಾರಿಗೆ ಪೈಪೋಟಿ ನೀಡಬಲ್ಲವಾಗಿದೆ.

ಮಾರುತಿ ಸುಜುಕಿ ಕಂಪೆನಿಯ ಟ್ರೂ ವ್ಯಾಲ್ಯೂ ವೆಬ್​ಸೈಟ್​ ಮೂಲಕ ಸೆಕೆಂಡ್ ಹ್ಯಾಂಡ್ Alto 800 LXI ಕಾರಿನ ಮಾರಾಟ ನಡೆಯುತ್ತಿದ್ದು, ಮಾರುತಿ ಸುಜುಕಿ ಸಂಸ್ಥೆಯ ಅಸಲಿ ಬಿಡಿಭಾಗಗಳನ್ನು ಬಳಸಿ ಈ ಕಾರನ್ನು ಮರುಮಾರಾಟಕ್ಕೆ ಸಿದ್ಧಪಡಿಸಿರುವುದು ಗಮನಾರ್ಹ. ಅಲ್ಲದೇ ಇದನ್ನು ಕೊಂಡ ನಂತರ ಮೂರು ಬಾರಿ ಉಚಿತ ಸರ್ವಿಸ್ ಕೂಡಾ ಕಂಪೆನಿ ವತಿಯಿಂದ ಆಗಲಿದ್ದು, ಆರು ತಿಂಗಳ ವಾರೆಂಟಿ ಕೂಡಾ ಲಭ್ಯವಿದೆ.

ಮಾರುತಿ ಸುಜುಕಿ ಟ್ರೂ ವ್ಯಾಲ್ಯೂ ವೆಬ್​ಸೈಟ್​ನಲ್ಲಿ ಇರುವ ಮಾಹಿತಿ ಪ್ರಕಾರ ಇದು 2016ನೇ ಸಾಲಿನ ಕಾರಾಗಿದ್ದು, ಪೆಟ್ರೋಲ್ ಇಂಜಿನ್ ಹೊಂದಿದೆ. ಬಿಳಿ ಬಣ್ಣದ ಈ ಕಾರು 60,941 ಕಿಲೋಮೀಟರ್ ಓಡಿದ್ದು, ಉತ್ತಮ ಸ್ಥಿತಿಯಲ್ಲಿದೆ. ಈ ಕಾರನ್ನು ಕೊಳ್ಳಲು ಬಯಸುವವರು ವೆಬ್​ಸೈಟ್​ನಲ್ಲಿ ಹೆಸರು, ಮೊಬೈಲ್ ನಂಬರ್ ಮತ್ತು ಇಮೇಲ್​ ವಿಳಾಸ ನೀಡುವ ಮೂಲಕ ಡೀಲರ್​ ಅನ್ನು ಸಂಪರ್ಕಿಸಬಹುದಾಗಿದೆ. ಅಲ್ಲದೇ ಟೆಸ್ಟ್ ಡ್ರೈವ್ ಕೂಡಾ ಲಭ್ಯವಿದ್ದು ಇಷ್ಟವಾದಲ್ಲಿ ಕಾರನ್ನು ಕೊಳ್ಳಬಹುದು. ಸದರಿ ವೆಬ್​ಸೈಟ್​ನಲ್ಲಿ ಇನ್ನೂ ಬೇರೆ ಬೇರೆ ಬಗೆಯ ಕಾರುಗಳು ಲಭ್ಯವಿದ್ದು ಕೊಳ್ಳುವ ಆಸಕ್ತಿ ಉಳ್ಳವರು ಇಲ್ಲಿ ಕ್ಲಿಕ್ ಮಾಡಬಹುದಾಗಿದೆ.

ಹೊಸ Alto 800 LXI ಕಾರಿನ ಬೆಲೆ ಎಷ್ಟಿದೆ? Alto 800 LXI ಕಾರಿನ ಎಕ್ಸ್ ಶೋ ರೂಂ ಬೆಲೆ ₹3.76ಲಕ್ಷವಾಗಿದ್ದು, 796ಸಿಸಿ ಎಂಜಿನ್ ಸಾಮರ್ಥ್ಯವಿರುವ ಈ ಕಾರು 47.3 ಬಿಎಚ್​ಪಿ ಶಕ್ತಿ ಉತ್ಪಾದಿಸುವ ಸಾಮರ್ಥ್ಯವನ್ನೂ ಹೊಂದಿದ್ದು ಒಂದು ಲೀಟರ್ ಪೆಟ್ರೋಲಿಗೆ 22.05 ಕಿಲೋ ಮೀಟರ್ ಮೈಲೇಜ್ ನೀಡಲಿದೆ.

(Buy Maruti Suzuki alto 800 lxi in just rs 130000 know here is how you can get it details in Kannada)

ಇದನ್ನೂ ಓದಿ: ಐಸಿಐಸಿಐ ಬ್ಯಾಂಕ್​ನಿಂದ iDelights Summer Bonanza; ಗ್ರಾಹಕರಿಗೆ ಬೇಸಿಗೆಯಲ್ಲಿ ಆಫರ್​ಗಳ ಸುರಿಮಳೆ