ಚೀನಾದಲ್ಲಿ ಹೊಸ ರೂಲ್ಸ್: ವಾರಕ್ಕೆ 3 ಗಂಟೆ ಮಾತ್ರ ಆನ್​ಲೈನ್ ಗೇಮ್ ಆಡುವ ಅವಕಾಶ

ಈಗಿನ ಯುವ ಪೀಳಿಗೆಯು ಆನ್​ಲೈನ್ ವಿಡಿಯೋ ಗೇಮ್‌ಗಳಿಗೆ (Online Game) ಆಡಿಕ್ಟ್ ಆಗಿರುವುದನ್ನು ಕಂಡು ಚೀನಾ (China) ಸರ್ಕಾರ ಹೊಸ ನಿಯಮವನ್ನು ಜಾರಿಗೆ ತಂದಿದೆ. ಅದರ ಪ್ರಕಾರ, ಚೀನಾದಲ್ಲಿ ವಾರದಲ್ಲಿ ಕೇವಲ ಮೂರು ಗಂಟೆಗಳ ಕಾಲ ಮಾತ್ರ ಆನ್​ಲೈನ್ ವಿಡಿಯೋ ಗೇಮ್‌ ಆಡಬೇಕು. ಮೂರು ಗಂಟೆ ಮೀರಿದ ಆಟಕ್ಕೆ ಅನುಮತಿಯಿಲ್ಲ ಎಂಬ ಆದೇಶ ಹೊರಡಿಸಿದೆ.

18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮತ್ತು ಹದಿ ಹರೆಯದವರು ವಾರದಲ್ಲಿ ಮೂರು ಗಂಟೆಗಳವರೆಗೆ ಮಾತ್ರ ಆನ್​ಲೈನ್​ ವಿಡಿಯೋ ಗೇಮ್ ಆಡಲು ಅವಕಾಶ ನೀಡಿದೆ. ಪ್ರತಿ ಭಾನುವಾರ, ಶುಕ್ರವಾರ, ಶನಿವಾರಗಳಂದು ರಾತ್ರಿ 8 ರಿಂದ 9ರವರೆಗೆ ಮಾತ್ರ ವಿಡಿಯೋ ಗೇಮ್‌ಗಳನ್ನು ಆಡಬಹುದು. ಸಾರ್ವತ್ರಿಕ ರಜಾದಿನಗಳಲ್ಲಿ ಹೆಚ್ಚುವರಿಯಾಗಿ ಒಂದು ಗಂಟೆ ಆಡಲು ಸಿಗಲಿದೆ.

ಇಂದಿನ ಹದಿಹರೆಯದವರು ನಮ್ಮ ದೇಶದ ಭಾವಿ ಪ್ರಜೆಗಳು. ದೇಶದ ಭವಿಷ್ಯದ ದೃಷ್ಟಿಯಿಂದ ವಿಡಿಯೋ ಗೇಮ್‌ಗಳಿಗೆ ನಿಯಂತ್ರಣ ಹೇರಲಾಗಿದೆ ಎಂದು ಚೀನಾದ ನ್ಯಾಷನಲ್​​ ಪ್ರೆಸ್​​ ಮತ್ತು ಪಬ್ಲಿಕೇಶನ್​​ ಅಡ್ಮಿನಿಸ್ಟ್ರೇಷನ್​ ತನ್ನ ನಿರ್ಧಾರವನ್ನು ಸಮರ್ಥಿಸಿಕೊಂಡಿದೆ.

ಚೀನಾ ಜಾರಿಗೆ ತಂದಿರುವ ಈ ಹೊಸ ನಿಯಮದಿಂದಾಗಿ ಗೇಮಿಂಗ್​ ಸಂಸ್ಥೆಗಳ ಮೇಲೆ ದೊಡ್ಡ ಹೊಡೆತ ಬಿದ್ದಂತಾಗಿದೆ. ಅದರಲ್ಲೂ ಟೆನ್ಸೆಂಟ್ (Tencent)​, ನೆಟ್​ಈಸ್ (NetEase)​ ಕಂಪನಿಗಳು ತಲೆಕೆಡಿಸಿಕೊಳ್ಳುವಂತಾಗಿದೆ.

ಆನ್​ಲೈನ್​ ಗೇಮ್​  ಸೇವೆಯನ್ನು ಒದಗಿಸುವ ಕಂಪನಿಗಳಿಗೆ ಈ ನಿಯಮ ಅನ್ವಯವಾಗಲಿದ್ದು, ನಿಗದಿತ ಸಮಯವರೆಗೆ ಮಾತ್ರ ಆಡಲು ಅವಕಾಶ ನೀಡಬೇಕಿದೆ ಎಂದು ಹೇಳಿದೆ. ಜುಲೈನಲ್ಲಿ, ಟೆನ್ಸೆಂಟ್ (Tencent) ಸಂಸ್ಥೆಗೆ ಗೇಮರುಗಳು ವಯಸ್ಕರಾಗಿದ್ದಾರೆಯೇ ಎಂದು ಪರಿಶೀಲಿಸಲು ಅವರ ಫೋನ್​ನಲ್ಲಿ ಮುಖ ಸ್ಕ್ಯಾನ್ ಮಾಡುವ ಆಯ್ಕೆಯನ್ನು ಪರಿಚಯಿಸಲಾಗಿತ್ತು.

ನಿಕೊ ಪಾರ್ಟ್ನರ್ಸ್​ನ ಹಿರಿಯ ವಿಶ್ಲೇಷಕ ಡೇನಿಯಲ್ ಅಹ್ಮದ್, ಮಕ್ಕಳು ಆನ್​ಲೈನ್​ ಗೇಮಿಂಗ್​ನಲ್ಲಿ ತೊಡಗಿಸಿಕೊಳ್ಳುವುದನ್ನು ಕಂಡು, “ಇಂದು ಚೀನಾದಲ್ಲಿ 110 ಮಿಲಿಯನ್ ಅಪ್ರಾಪ್ತರು ವಿಡಿಯೋ ಗೇಮ್‌ಗಳನ್ನು ಆಡುತ್ತಾರೆ, 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರು ಆಟಕ್ಕಾಗಿ ಖರ್ಚು ಮಾಡುತ್ತಿರುವುದಲ್ಲದೆ, ಸಮಯವನ್ನು ವ್ಯರ್ಥಮಾಡುತ್ತಿದ್ದಾರೆ ಎಂದು ಹೇಳಿದ್ದಾರೆ. ಇನ್ನು ಚೀನಾದ ಗೇಮಿಂಗ್ ದೈತ್ಯ ನೆಟ್‌ಇಸ್‌ (NetEase) ಮಕ್ಕಳ ಆನ್​ಲೈನ್​ ಗೇಮಿಂಗ್​ ನಿಯಮದಿಂದಾಗಿ ಈಗಾಗಲೇ ಶೇ. 4ರಷ್ಟು ಷೇರು ಕುಸಿದಿದೆ.

Vivo X70: ಬಹುನಿರೀಕ್ಷಿತ ವಿವೋ X70 ಸರಣಿ ಸ್ಮಾರ್ಟ್​ಫೋನ್ ಅನಾವರಣಕ್ಕೆ ದಿನಾಂಕ ಫಿಕ್ಸ್: ಭರ್ಜರಿ ಫೀಚರ್ಸ್

ರಿಯಲ್ ಮಿಯ ಬರೋಬ್ಬರಿ 5 ಸ್ಮಾರ್ಟ್​ಫೋನ್ ಬೆಲೆಯಲ್ಲಿ ದಿಢೀರ್ ಏರಿಕೆ: ನೂತನ ದರ ಇಲ್ಲಿದೆ

(China limits childrens online gaming to three hours a week)