Honor Play 7T: ಮಾರುಕಟ್ಟೆಗೆ ಬಂತು ಹಾನರ್ ನೂತನ ಸ್ಮಾರ್ಟ್​ಫೋನ್

ಆ್ಯಂಡ್ರಾಯ್ಡ್ ಸ್ಮಾರ್ಟ್​ಫೋನ್ ಮಾರುಕಟ್ಟೆಯಲ್ಲಿ ಈಗ ವಿವಿಧ ಸ್ಮಾರ್ಟ್​ಫೋನ್ ಬಿಡುಗಡೆಯ ಸುಗ್ಗಿ. ವಿವಿಧ ಬ್ರ್ಯಾಂಡ್​ಗಳು ದಿನವೂ ಹೊಸ ಹೊಸ ಸ್ಮಾರ್ಟ್​ಫೋನ್​ಗಳನ್ನು ಮಾರುಕಟ್ಟೆಗೆ ಪರಿಚಯಿಸುತ್ತಿವೆ. ಹೊಸ ಫೋನ್ ಪರಿಚಯಿಸುವಲ್ಲಿ ಹಾನರ್ ಕಂಪನಿ ಕೂಡ ಹಿಂದೆ ಬಿದ್ದಿಲ್ಲ. ಈ ಬಾರಿ ಹಾನರ್ ಪ್ಲೇ ಸರಣಿಯಲ್ಲಿ ಆಕರ್ಷಕ ವಿನ್ಯಾಸದ ಹಾನರ್ ಪ್ಲೇ 7T ಸ್ಮಾರ್ಟ್​ಫೋನ್ (Honor Play 7T) ಬಿಡುಗಡೆಯಾಗಿದೆ. ನೂತನ ಫೋನ್ ವೈಶಿಷ್ಟ್ಯಗಳು ಮತ್ತು ವಿವರ ಇಲ್ಲಿದೆ. ಭಾರತದ ಮಾರುಕಟ್ಟೆಯಲ್ಲಿ ಶೀಘ್ರವೇ ಈ ಫೋನ್ ಲಭ್ಯವಾಗಲಿದೆ.

ಹಾನರ್ ಪ್ಲೇ 7T ಹೊಸ ಸ್ಮಾರ್ಟ್​ಫೋನ್

ಹಾನರ್ ಕಂಪನಿ ಪರಿಚಯಿಸಿರುವ ಆಕರ್ಷಕ ವಿನ್ಯಾಸದ ಪ್ಲೇ 7T, 6.74 ಇಂಚಿನ ಡಿಸ್​ಪ್ಲೇ ಹೊಂದಿದೆ. ಹಾನರ್ ಪ್ಲೇ 7T ಸ್ಮಾರ್ಟ್​ಫೋನ್​ನಲ್ಲಿ MediaTek Dimensity 6020 ಪ್ರೊಸೆಸರ್ ಮತ್ತು Mali-G57 GPU ಗ್ರಾಫಿಕ್ಸ್ ಬೆಂಬಲವಿದೆ. ಜತೆಗೆ, ಫೋಟೊಗ್ರಫಿ ಪ್ರಿಯರಿಗಾಗಿ ನೂತನ ಮಾದರಿಯಲ್ಲಿ ಹಿಂಭಾಗದಲ್ಲಿ 50 ಮೆಗಾಪಿಕ್ಸೆಲ್+ 2 ಮೆಗಾಪಿಕ್ಸೆಲ್ ಕ್ಯಾಮೆರಾ ಸೆನ್ಸಾರ್ ಸಹಿತ ಎರಡು ಕ್ಯಾಮೆರಾ ವಿನ್ಯಾಸ ಹೊಂದಿದೆ. ಉಳಿದಂತೆ, ಹಾನರ್ ಪ್ಲೇ 7T ಸ್ಮಾರ್ಟ್​ಫೋನ್ 5 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಹೊಂದಿದೆ. 6,000mAh ಬ್ಯಾಟರಿ ಜತೆಗೆ 22.5W ಫಾಸ್ಟ್​ ಚಾರ್ಜಿಂಗ್ ಬೆಂಬಲವನ್ನು ಹೊಸ ಹಾನರ್ ಸ್ಮಾರ್ಟ್​ಫೋನ್ ಹೊಂದಿದೆ.

ಹಾನರ್ ಪ್ಲೇ 7T ವೈಶಿಷ್ಟ್ಯಗಳು

8GB RAM ಮತ್ತು 128GB ಹಾಗೂ 256GB ಎಂಬ ಎರಡು ಸ್ಟೋರೇಜ್ ಆಯ್ಕೆಯಲ್ಲಿ ಹೊಸ ಹಾನರ್ ಪ್ಲೇ 7T ಸ್ಮಾರ್ಟ್​ಫೋನ್ ಲಭ್ಯವಾಗಲಿದೆ. ನೂತನ ಫೋನ್ ಮ್ಯಾಜಿಕ್ ನೈಟ್ ಬ್ಲ್ಯಾಕ್, ಟೈಟಾನಿಯಂ ಸ್ಕೈ ಸಿಲ್ವರ್ ಮತ್ತು ಸೀ ಬ್ಲೂ ಎಂಬ ಮೂರು ಆಕರ್ಷಕ ಬಣ್ಣಗಳಲ್ಲಿ ಲಭ್ಯವಾಗುತ್ತದೆ. ಪ್ರಸ್ತುತ ಆರಂಭಿಕ ಹಂತದಲ್ಲಿ ಚೀನಾದ ಮಾರುಕಟ್ಟೆಯಲ್ಲಿ ಮಾತ್ರ ಖರೀದಿಗೆ ಲಭ್ಯವಿರುವ ಹಾನರ್ ಪ್ಲೇ 7T ಸ್ಮಾರ್ಟ್​ಫೋನ್ ಭಾರತದ ಮಾರುಕಟ್ಟೆಯಲ್ಲಿ ಶೀಘ್ರವೇ ದೊರೆಯಲಿದೆ. ಕಂಪನಿ, ಭಾರತದಲ್ಲಿ ಲಭ್ಯತೆ ಮತ್ತು ಬೆಲೆ ವಿವರವನ್ನು ಶೀಘ್ರದಲ್ಲೇ ಪ್ರಕಟಿಸಲಿದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 5:23 pm, Thu, 30 March 23