ಭಾರತೀಯ ಸ್ಮಾರ್ಟ್ಫೋನ್ ಮಾರ್ಕೆಟ್ನಲ್ಲಿ ಹೊಸ ದಾಖಲೆ: ಅರ್ಧ ವರ್ಷದಲ್ಲಿ ಸೇಲ್ ಆದ ಫೋನ್ ಎಷ್ಟು ಗೊತ್ತೇ?
ಭಾರತದಲ್ಲಿ ಇಷ್ಟು ಮೊತ್ತದಲ್ಲಿ ಸ್ಮಾರ್ಟ್ಫೋನ್ ಸೋಲ್ಡ್ ಆಗಿರುವುದು ಇದೇ ಮೊದಲ ಬಾರಿಯಂತೆ. ಅದರಲ್ಲೂ ಕೋವಿಡ್ ಲಾಕ್ಡೌನ್ ಮುಗಿದ ನಂತರ ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ಫೋನ್ಗಳು ಸೇಲ್ ಕಾಣುತ್ತಿವೆಯಂತೆ.
Updated on: Aug 21, 2021 | 2:19 PM
ಭಾರತದ ಸ್ಮಾರ್ಟ್ಫೋನ್ ಮಾರುಕಟ್ಟೆ ಈಗ ಮತ್ತಷ್ಟು ವಿಸ್ತಾರವಾಗಿದೆ. 2021ರ ಅರ್ಧವರ್ಷದಲ್ಲೇ ಬರೋಬ್ಬರಿ 173 ಮಿಲಿಯನ್ ಯುನಿಟ್ನಷ್ಟು ಸ್ಮಾರ್ಟ್ಫೋನ್ಗಳು ಸೇಲ್ ಆಗಿವೆ. ವರ್ಷದಿಂದ ವರ್ಷಕ್ಕೆ ಶೇ. 14 ರಷ್ಟು ಹೆಚ್ಚು ಸೇಲ್ ಕಾಣುತ್ತಿವೆ ಎಂದು ಕೌಂಟರ್ಪ್ರಿಂಟ್ ವರದಿ ಮಾಡಿದೆ. ಎರಡನೇ ಕ್ವಾರ್ಟರ್ನಲ್ಲಿ 100 ಮಿಲಿಯನ್ಗೂ ಅಧಿಕ ಸ್ಮಾರ್ಟ್ಫೋನ್ಗಳು ಭಾರತದಲ್ಲಿ ಸೇಲ್ ಕಾಣಲಿವೆ ಎಂದು ಹೇಳಲಾಗಿದೆ.
ಭಾರತದಲ್ಲಿ ಇಷ್ಟು ಮೊತ್ತದಲ್ಲಿ ಸ್ಮಾರ್ಟ್ಫೋನ್ ಸೋಲ್ಡ್ ಆಗಿರುವುದು ಇದೇ ಮೊದಲ ಬಾರಿಯಂತೆ. ಅದರಲ್ಲೂ ಕೋವಿಡ್ ಲಾಕ್ಡೌನ್ ಮುಗಿದ ನಂತರ ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ಫೋನ್ಗಳು ಸೇಲ್ ಕಾಣುತ್ತಿವೆಯಂತೆ.
ಭಾರತ ಅತಿ ಹೆಚ್ಚು ಮಾರಾಟವಾಗುವ ಎರಡನೇ ಸ್ಮಾರ್ಟ್ಫೋನ್ ಮಾರುಕಟ್ಟೆಯಾಗಿದೆ. ಮೊದಲ ಸ್ಥಾನದಲ್ಲಿ ಚೀನಾವಿದೆ. ಮುಂದಿನ ದಿನಗಳಲ್ಲಿ ಬಿಡುಗಡೆ ಆಗಲಿರುವ ರಿಲಾಯನ್ಸ್ ಜಿಯೋ ಆಂಡ್ರಾಯ್ಡ್ ಫೋನ್ ದೊಡ್ಡ ಮಟ್ಟದಲ್ಲಿ ಸೇಲ್ ಕಾಣಲಿದೆ ಎಂದು ವರದಿ ಹೇಳಿದೆ.
ಇತ್ತ ಚೀನಾ ಮೂಲದ ಪ್ರಸಿದ್ಧ ಶವೋಮಿ ಕಂಪೆನಿ ಇದೇ ಮೊದಲ ಬಾರಿಗೆ ಜೂನ್ ತಿಂಗಳ ವಿಶ್ವದ ನಂಬರ್ ಒನ್ ಸ್ಮಾರ್ಟ್ಫೋನ್ ಬ್ರ್ಯಾಂಡ್ ಆಗಿ ಹೊರಹೊಮ್ಮಿದೆ. ಜೂನ್ನಲ್ಲಿ ಶವೋಮಿ ಕಂಪೆನಿ ಬರೋಬ್ಬರಿ ಶೇ. 26 ರಷ್ಟು ಬೆಳವಣಿಗೆ ಕಂಡಿದೆಯಂತೆ. ಈ ಬಗ್ಗೆ ಕೌಂಟರ್ಪ್ರಿಂಟ್ ರಿಸರ್ಚ್ ಮಾಹಿತಿ ನೀಡಿದೆ. ಭಾರತ, ಚೀನಾ ಹಾಗೂ ಯುರೋಪ್ ದೇಶಗಳಲ್ಲಿ ಶವೋಮಿಯ ಸ್ಮಾರ್ಟ್ಫೋನ್ ಅತಿ ಹೆಚ್ಚು ಸೇಲ್ ಕಂಡಿದೆಯಂತೆ.
ಭಾರತದಲ್ಲಿ ಶೇ. 28 ರಷ್ಟು ಮಾರ್ಕೆಟ್ ಅನ್ನು ಶವೋಮಿ ಹೊಂದಿದೆ. ಹೀಗಾಗಿ ಸ್ಯಾಮ್ಸಂಗ್, ವಿವೋ, ರಿಯಲ್ ಮಿ ಮತ್ತು ಒಪ್ಪೋಗಳನ್ನು ಹಿಂದಿಕ್ಕಿ ಶವೋಮಿ ಕಳೆದ ಎರಡು ವರ್ಷಗಳಿಂದ ನಂಬರ್ ಒನ್ ಸ್ಥಾನದಲ್ಲಿಯೇ ಭದ್ರವಾಗಿದೆ. ರೆಡ್ಮಿ 9 ಸರಣಿ ಮತ್ತು ರೆಡ್ಮಿ ನೋಟ್ 10 ಸರಣಿಯ ಸ್ಮಾರ್ಟ್ಫೊನ್ಗಳು ಭಾರತದಲ್ಲಿ ಅತಿ ಹೆಚ್ಚಿ ಮಾರಾಟವಾಗಿದೆಯಂತೆ.
Samsung Galaxy M52: ಸ್ಯಾಮ್ಸಂಗ್ ತಯಾರಿಸುತ್ತಿರುವ ಹೊಸ 5G ಸ್ಮಾರ್ಟ್ಫೋನ್ ಬಗ್ಗೆ ವಿಶೇಷ ಮಾಹಿತಿ ಬಹಿರಂಗ
Vivo Y21: ವಿವೋದಿಂದ ಬಜೆಟ್ ಬೆಲೆಗೆ ಹೊಸ ಸ್ಮಾರ್ಟ್ಫೋನ್ ಬಿಡುಗಡೆ: ಏನು ವಿಶೇಷತೆ?
(Indias smartphone market is set to hit a record high of 173 million units in 2021)
