ಏಪ್ರಿಲ್​ನಲ್ಲಿ ಬಿಡುಗಡೆ ಆಗಿಲಿವೆ ಒಂದಲ್ಲ, ಎರಡಲ್ಲ ಐದಕ್ಕೂ ಅಧಿಕ ಸ್ಮಾರ್ಟ್​ಫೋನ್ಸ್: ಇಲ್ಲಿದೆ ಪಟ್ಟಿ

ಈ ಮಾರ್ಚ್ ತಿಂಗಳಲ್ಲಿ ಭಾರತದಲ್ಲಿ ಅನೇಕ ಸ್ಮಾರ್ಟ್​ಫೋನ್​ಗಳು (Smartphones) ಅನಾವರಣಗೊಂಡಿವೆ. ಇವುಗಳಲ್ಲಿ ಕೆಲವಷ್ಟೆ ಮಾರುಕಟ್ಟೆಯಲ್ಲಿ ಸದ್ದು ಮಾಡಿದವು. ಆದರೆ, ಕಂಪಪನಿಗಳು ಫೋನ್ ಬಿಡುಗಡೆ ಮಾಡುವುದನ್ನು ಹೆಚ್ಚಿಸುತ್ತಲೇ ಇವೆ. ಇದೀಗ ಏಪ್ರಿಲ್ ತಿಂಗಳಲ್ಲಿ ಕೂಡ ಅನೇಕ ಮೊಬೈಲ್​ಗಳು ಮಾರುಕಟ್ಟೆಗೆ ಲಗ್ಗೆಯಿಡಲಿವೆ. ಮೊದಲ ವಾರದಲ್ಲೇ ಭಾರತದಲ್ಲಿ ಹಲವು ಸ್ಮಾರ್ಟ್‌ಫೋನ್‌ಗಳು ಬಿಡುಗಡೆಯಾಗಲಿವೆ. ಇವುಗಳಲ್ಲಿ ಒನ್​ಪ್ಲಸ್, ರಿಯಲ್ ಮಿಯಂತಹ ಪ್ರಸಿದ್ಧ ಬ್ರ್ಯಾಂಡ್‌ಗಳೂ ಸೇರಿವೆ. ಇದಲ್ಲದೇ ಹಲವು ಉತ್ತಮ ಸ್ಮಾರ್ಟ್‌ಫೋನ್‌ಗಳು ಜಾಗತಿಕ ಮಾರುಕಟ್ಟೆಗೆ ಬರಲಿವೆ. ಮುಂಬರುವ ಏಪ್ರಿಲ್ 2024 ರಲ್ಲಿ ಬಿಡುಗಡೆಯಾಗಲಿರುವ ಸ್ಮಾರ್ಟ್‌ಫೋನ್‌ಗಳ ಪಟ್ಟಿ ಇಲ್ಲಿದೆ ನೋಡಿ.

ಒನ್​ಪ್ಲಸ್ ನಾರ್ಡ್ CE 4

ಒನ್​ಪ್ಲಸ್ ನಾರ್ಡ್ 4 ಏಪ್ರಿಲ್ 1 ರಂದು ಭಾರತದಲ್ಲಿ ಬಿಡುಗಡೆಯಾಗಲಿದೆ. ಈ ಫೋನ್ ಒನ್​ಪ್ಲಸ್ ಏಸ್ 3V ಅನ್ನು ಹೋಲುತ್ತದೆ. ಫೋನ್‌ನ ನಿರೀಕ್ಷಿತ ಬೆಲೆ 24,999 ರೂ. ಈ ಫೋನ್ 6.7 ಇಂಚಿನ 120Hz AMOLED ಡಿಸ್ಪ್ಲೇ ಹೊಂದಿದೆ. ಕ್ವಾಲ್ಕಂ ಸ್ನಾಪ್​ಡ್ರಾಗನ್ 7 Gen 3 ಚಿಪ್‌ಸೆಟ್ ಅನ್ನು ಒದಗಿಸಲಾಗಿದೆ. 50 ಮೆಗಾಪಿಕ್ಸೆಲ್ ಸೋನಿ LYT-600 ಮುಖ್ಯ ಕ್ಯಾಮೆರಾವನ್ನು ಹೊಂದಿದೆ. ಈ ಸಾಧನವು 5500mAh ಬ್ಯಾಟರಿಯನ್ನು ಹೊಂದಿದೆ ಮತ್ತು 100W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ.

ಐಟೆಲ್​ನಿಂದಲೂ ಬಂತು 108MP ಕ್ಯಾಮೆರಾದ ಹೊಸ ಫೋನ್: ಯಾವುದು?, ಬೆಲೆ ಎಷ್ಟು?

ಮೊಟೊರೊಲಾ ಎಡ್ಜ್ 50 ಪ್ರೊ

ಮೊಟೊರೊಲಾ ಎಡ್ಜ್ 50 ಪ್ರೊ 6.7-ಇಂಚಿನ 1.5K ರೆಸಲ್ಯೂಶನ್ ಪೋಲೆಡ್ ಕರ್ವ್ ಡಿಸ್ಪ್ಲೇಯನ್ನು ಹೊಂದಿರುತ್ತದೆ, ಇದರ ರಿಫ್ರೆಶ್ ದರ 144Hz. ಈ ಫೋನ್ ಸ್ನಾಪ್​ಡ್ರಾಗನ್ 7 Gen 3 ಪ್ರೊಸೆಸರ್ ಅನ್ನು ಹೊಂದಿರುವ ನಿರೀಕ್ಷೆಯಿದೆ. ಭಾರತದಲ್ಲಿ 12GB RAM + 512GB ಕಾನ್ಫಿಗರೇಶನ್‌ನೊಂದಿಗೆ ಬಿಡುಗಡೆಯಾಗಲಿದೆ, ಇದರ ಬೆಲೆ ರೂ 44,999. ಟಿಪ್‌ಸ್ಟರ್ ಅಭಿಷೇಕ್ ಯಾದವ್ ಪ್ರಕಾರ, ಮೊಟೊರೊಲಾ ಭಾರತದಲ್ಲಿ ಏಪ್ರಿಲ್ 3 ರಂದು ಈ ಸ್ಮಾರ್ಟ್‌ಫೋನ್ ಅನ್ನು ಬಿಡುಗಡೆ ಮಾಡಲಿದೆ.

ರಿಯಲ್ ಮಿ 12x 5G

ರಿಯಲ್ ಮಿ 12x 5G ಭಾರತದಲ್ಲಿ ಏಪ್ರಿಲ್ 2 ರಂದು ಅನಾವರಣಗೊಳ್ಳಲಿದೆ. ಈ ಫೋನ್ ಈಗಾಗಲೇ ಚೀನಾದಲ್ಲಿ ಬಿಡುಗಡೆಯಾಗಿದೆ. 12 ಸಾವಿರಕ್ಕಿಂತ ಕಡಿಮೆ ಬೆಲೆಗೆ ದೊರೆಯಲಿದೆ ಎಂದು ಕಂಪನಿ ಹೇಳಿದೆ. ಇದು 6.72 ಇಂಚಿನ ಡಿಸ್ಪ್ಲೇ, 120Hz ರಿಫ್ರೆಶ್ ದರ ಹೊಂದಿದೆ. ಮೀಡಿಯಾ ಟೆಕ್ ಡೈಮೆನ್ಸಿಟಿ 6100 ಪ್ಲಸ್ ಚಿಪ್‌ಸೆಟ್‌ನೊಂದಿಗೆ ಸಜ್ಜುಗೊಂಡಿರುವ ಫೋನ್ 50-ಮೆಗಾಪಿಕ್ಸೆಲ್ ಹಿಂಬದಿಯ ಕ್ಯಾಮೆರಾದೊಂದಿಗೆ ಬರುತ್ತದೆ. ಇದು 5,000mAh ಬ್ಯಾಟರಿಯನ್ನು ಹೊಂದಿದೆ ಮತ್ತು 45W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ.

ಚೀಟಿಯಲ್ಲಿ ಡಾಕ್ಟರ್ ಬರೆದಿರುವ ಅಕ್ಷರ ಅರ್ಥವಾಗುತ್ತಿಲ್ಲವೇ?: ಸುಲಭವಾಗಿ ಹೀಗೆ ತಿಳಿಯಿರಿ

ರೆಡ್ಮಿ ನೋಟ್ 13 ಟರ್ಬೊ

ರೆಡ್ಮಿ ನೋಟ್ 13 ಟರ್ಬೊಅನ್ನು ಏಪ್ರಿಲ್‌ನಲ್ಲಿ ಚೀನಾದಲ್ಲಿ ಬಿಡುಗಡೆ ಮಾಡಬಹುದು. ಈ ಫೋನ್ ಜಾಗತಿಕ ಮಾರುಕಟ್ಟೆಯಲ್ಲಿ ಪೋಕೋ F6 ಆಗಿ ಬರಲಿದೆ. ಕ್ವಾಲ್ಕಂ ಸ್ನಾಪ್​ಡ್ರಾಗನ್ 8s Gen 3 ಚಿಪ್‌ಸೆಟ್ ಇದರಲ್ಲಿ ಕಾಣಿಸುತ್ತದೆ. ಅಲ್ಲದೆ, 90W ವೈರ್ಡ್ ಚಾರ್ಜಿಂಗ್ ವೈಶಿಷ್ಟ್ಯವನ್ನು ಫೋನ್‌ನಲ್ಲಿ ಉಲ್ಲೇಖಿಸಲಾಗಿದೆ. ಇದು 50MP ಸೋನಿ IMX882 ಮುಖ್ಯ ಕ್ಯಾಮೆರಾ ಮತ್ತು 8-ಮೆಗಾಪಿಕ್ಸೆಲ್ ಸೋನಿ IMX355 ಅಲ್ಟ್ರಾವೈಡ್ ಲೆನ್ಸ್ ಅನ್ನು ಹೊಂದಿರುತ್ತದೆ. ಇದರಲ್ಲಿ 2 ಮೆಗಾಪಿಕ್ಸೆಲ್ ಮ್ಯಾಕ್ರೋ ಕ್ಯಾಮೆರಾವನ್ನು ನೀಡಬಹುದು.

ಐಕ್ಯೂ Z9

ಐಕ್ಯೂ Z9 ಸರಣಿಯು ಏಪ್ರಿಲ್‌ನಲ್ಲಿ ಬಿಡುಗಡೆಯಾಗಲಿದೆ. ಕಂಪನಿಯು ಸರಣಿಯಲ್ಲಿ ಮೂರು ಮಾದರಿಗಳನ್ನು ಪರಿಚಯಿಸಬಹುದು – ಐಕ್ಯೂ Z9, ಐಕ್ಯೂ Z9x, ಮತ್ತು ಐಕ್ಯೂ Z9 ಟರ್ಬೋ. ಐಕ್ಯೂ Z9 ಸ್ನಾಪ್‌ಡ್ರಾಗನ್ 7 Gen 3 ಪ್ರೊಸೆಸರ್ ಅನ್ನು ಹೊಂದಿದೆ ಎಂದು ಹೇಳಲಾಗುತ್ತದೆ. ಆದರೆ ಐಕ್ಯೂ Z9x ಸ್ನಾಪ್‌ಡ್ರಾಗನ್ 6 Gen 1 ಚಿಪ್‌ಸೆಟ್‌ನೊಂದಿಗೆ ಬರಬಹುದು. ಈ ಫೋನ್ 1.5K ಫ್ಲಾಟ್ OLED ಡಿಸ್ಪ್ಲೇ ಮತ್ತು 6000mAh ಬ್ಯಾಟರಿಯನ್ನು ಹೊಂದಿರುತ್ತದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ