ವಾಟ್ಸ್​ಆ್ಯಪ್​​ನಲ್ಲಿ ಬರಲಿದೆ ಹೊಸ ವಾಯ್ಸ್​ ಚಾಟ್ ಫೀಚರ್; ಇಲ್ಲಿದೆ ವಿವರ

ಹೊಸ ಹೊಸ ಫೀಚರ್​ಗಳನ್ನು ನೀಡುತ್ತಾ ಬಳಕೆದಾರರ ಆಕರ್ಷಣೆ ಉಳಿಸಿಕೊಂಡಿರುವ ಮೆಟಾ (Meta) ಒಡೆತನದ ಮೆಸೇಜಿಂಗ್ ಆ್ಯಪ್ ವಾಟ್ಸ್​ಆ್ಯಪ್ (WhatsApp) ಇದೀಗ ಹೊಸದೊಂದು ಆಯ್ಕೆಯೊಂದಿಗೆ ನಿಮ್ಮ ಮುಂದೆ ಬರಲಿದೆ. ದೊಡ್ಡ ಗ್ರೂಪ್​ಗಳಿಗೆಂದೇ ಹೊಸ ವಾಯ್ಸ್​​ ಚಾಟ್ ಫೀಚರ್ (voice-chat feature) ಅನ್ನು ಪರಿಚಯಿಸಲಾಗುತ್ತಿದೆ ಎಂದು ಮಂಗಳವಾರ ವಾಟ್ಸ್​​ಆ್ಯಪ್​ ಘೋಷಣೆ ಮಾಡಿದೆ.

ಗ್ರೂಪ್​​ ಕಾಲ್​ನಂತೆಯೇ ಇರಲಿದೆ ಆದರೆ…

ವಾಟ್ಸ್​​ಆ್ಯಪ್ ಹೊಸ ವಾಯ್ಸ್ ಚಾಟ್ ಫೀಚರ್ ಈಗಾಗಲೇ ಅಸ್ತಿತ್ವದಲ್ಲಿರುವ ಗ್ರೂಪ್​​ ಕಾಲ್​​ಗೆ ಸರಿಸಮನಾಗಿ ಇರಲಿದೆ. ಆದರೆ, ಗ್ರೂಪ್​ನ ಪ್ರತಿಯೊಬ್ಬ ಮೆಂಬರ್​​​ನ ಮೊಬೈಲ್​​ನಲ್ಲಿಯೂ ರಿಂಗ್ ಆಗುವುದಿಲ್ಲ. ಇನ್​ ಚಾಟ್ ಪಾಪ್​ಅಪ್ ನೊಟಿಫಿಕೇಷನ್ ಬರಲಿದ್ದು, ಸದ್ದಿಲ್ಲದೇ ವಾಯ್ಸ್ ಚಾಟ್​​ನಲ್ಲಿ ಸೇರಿಕೊಳ್ಳಬಹುದು.

ವಾಯ್ಸ್​​ ಚಾಟ್ ಶುರು ಮಾಡುವುದು ಹೇಗೆ?

ಹೊಸ ವಾಯ್ಸ್ ಚಾಟ್ ಫೀಚರ್ ಆರಂಭಿಸಲು ಬಳಕೆದಾರರು ಮೊದಲಿಗೆ ಗ್ರೂಪ್​ ಚಾಟ್​ ಅನ್ನು ತೆರೆಯಬೇಕು. ನಂತರ ಸ್ಕ್ರೀನ್​​​ನ ಮೇಲ್ಭಾಗದ ಬಲಬದಿಯಲ್ಲಿರುವ ನೀಲಿ ಬಣ್ಣದ ವಾಯ್ಸ್​ ಚಾಟ್ ಐಕಾನ್​ ಅನ್ನು tap ಮಾಡಬೇಕು. ನಂತರ ಸಂಭಾಷಣೆ ಆರಂಭಿಸಲು ‘Start Voice Chat’ ಆಯ್ಕೆಯನ್ನು tap ಮಾಡಬೇಕು. ಸಂಭಾಷಣೆ ಆರಂಭವಾದ ಬಳಿಕ ಗ್ರೂಪ್​ನ ಸದಸ್ಯರು ಪುಷ್ ನೊಟಿಫಿಕೇಷನ್ ಪಡೆಯುತ್ತಾರೆ.

ಬಳಕೆದಾರರು ತಮಗೆ ಬೇಕೆನಿಸಿದಾಗ ಇತರರಿಗೆ ಅಡ್ಡಿಯಾಗದಂತೆ ಸದ್ದಿಲ್ಲದೇ ವಾಯ್ಸ್​ ಚಾಟ್​ಗೆ ಸೇರಿಕೊಳ್ಳಬಹುದು ಮತ್ತು ನಿರ್ಗಮಿಸಬಹುದಾಗಿದೆ. ಚಾಟ್ ಸ್ಕ್ರೀನ್​ನ ಮೇಲ್ಭಾಗದಲ್ಲಿ (ಚಾಟ್ ಆ್ಯಕ್ಟೀವ್ ಆಗಿದ್ದಾಗ) ಚಾಟ್ ಕಂಟ್ರೋಲ್ ಆಯ್ಕೆ ಲಭ್ಯವಿರಲಿದೆ. ಚಾಟ್​ನಲ್ಲಿ ಭಾಗಿಯಾಗಿರುವವರು ಮತ್ತು ಕೇಳುತ್ತಿರುವವರಿಗೆ ಟೆಕ್ಷ್ಟ್​ ಮೆಸೇಜ್ ಮಾಡಲು ಅವಕಾಶವಿರುತ್ತದೆ. ಚಾಟ್​ನಲ್ಲಿ ಭಾಗವಹಿಸಿರುವವರು ಸ್ಕ್ರೀನ್​ನ ಕೆಳಭಾಗದಲ್ಲಿ ಗೋಚರಿಸುವ ಬ್ಯಾನರ್‌ ಮೂಲಕ ಚಾಟ್​​ನಲ್ಲಿರುವವರ ಪ್ರೊಫೈಲ್‌ಗಳನ್ನು ನೋಡಬಹುದಾಗಿದೆ.

ಇದೇ ಮೊದಲಲ್ಲ

ವಾಟ್ಸ್​​ಆ್ಯಪ್​ ಪರಿಚಯಿಸುತ್ತಿರುವ ಹೊಸ ವಾಯ್ಸ್​ ಚಾಟ್ ಫೀಚರ್ ಈಗಾಗಲೇ ಇತರ ಸಾಮಾಜಿಕ ಮಾಧ್ಯಮ ಆ್ಯಪ್​ಗಳಲ್ಲಿ ಲಭ್ಯವಿದೆ. ಟೆಲಿಗ್ರಾಂ, ಡಿಸ್ಕಾರ್ಡ್​, ಸ್ಲ್ಯಾಕ್​​ ಆ್ಯಪ್​ಗಳಲ್ಲಿ ಈಗ ವಾಟ್ಸ್​ಆ್ಯಪ್ ಪರಿಚಯಿಸುತ್ತಿರುವ ಮಾದರಿಯ ವಾಯ್ಸ್​ ಚಾಟ್ ಆಯ್ಕೆ ಈಗಾಗಲೇ ಲಭ್ಯವಿದೆ.

Tech Tips: ನೀವು ಹಳೆಯ ಸ್ಮಾರ್ಟ್​ಫೋನ್ ಸೇಲ್ ಮಾಡುತ್ತೀರಿ ಎಂದಾದರೆ ಈ ವಿಚಾರ ತಿಳಿದಿರಲಿ

ವಾಟ್ಸ್​​ಆ್ಯಪ್​ನ ಹೊಸ ವಾಯ್ಸ್​ ಚಾಟ್ ಆಯ್ಕೆಯನ್ನು ಮೆಟಾ ಜಾಗತಿಕವಾಗಿ ಪರಿಚಯಿಸುತ್ತಿದೆ. ಆ್ಯಂಡ್ರಾಯ್ಡ್ ಹಾಗೂ ಐಒಎಸ್​​ ಡಿವೈಸ್​ಗಳಲ್ಲಿ ಈ ಆಯ್ಕೆ ಲಭ್ಯವಾಗಲಿದೆ. ಸದ್ಯ ಹೊಸ ಫೀಚರ್ ಅಳವಡಿಸಿಕೊಳ್ಳುವ ಪ್ರಕ್ರಿಯೆ ಚಾಲ್ತಿಯಲ್ಲಿದ್ದು, ಮುಂದಿನ ಕೆಲವು ದಿನಗಳಲ್ಲಿ ಬಳಕೆದಾರರಿಗೆ ದೊರೆಯಲಿದೆ ಎಂದು ವಾಟ್ಸ್​ಆ್ಯಪ್ ತಿಳಿಸಿದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ