ರಿಯಲ್ಮಿ 8 5G ಫೋನ್ ಭಾರತದಲ್ಲಿ ಬಿಡುಗಡೆ, ಬೆಲೆ ರೂ. 14,999ರಿಂದ ಆರಂಭ
Realme 8 5G phone: ರಿಯಲ್ಮಿ 8 5G ಸ್ಮಾರ್ಟ್ಫೋನ್ ಭಾರತದಲ್ಲಿ ಬಿಡುಗಡೆ ಆಗಿದೆ. ಏಪ್ರಿಲ್ 28ನೇ ತಾರೀಕಿನಿಂದ ಮಾರಾಟ ಆರಂಭವಾಗಲಿದೆ. ಈ ಫೋನ್ನ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.
Updated on: Apr 22, 2021 | 8:17 PM
ರಿಯಲ್ಮಿ ಕಂಪೆನಿಯು ಹೊಸ 5G ವರ್ಷನ್ ರಿಯಲ್ಮಿ 8 ಭಾರತದಲ್ಲಿ ಬಿಡುಗಡೆ ಮಾಡಿದೆ. ಈ ಹೊಸ ಸ್ಮಾರ್ಟ್ಫೋನ್ನಿಂದ ಸಂಖ್ಯೆಯ ಸರಣಿಯಲ್ಲಿ (ನಂಬರ್ ಸೀರೀಸ್) ಇದು ಮೊದಲ 5G ಸಾಧನವಾಗಿದೆ. ರಿಯಲ್ಮಿ 8 5G ಫೋನ್ ಮೀಡಿಯಾಟೆಕ್ ಡೈಮೆನ್ಸಿಟಿ 700 5G ಪ್ರೊಸೆಸರ್ನೊಂದಿಗೆ ಬರುತ್ತದೆ. ಜತೆಗೆ ಹೊಸ ಚಿಪ್ಸೆಟ್ನೊಂದಿಗೆ ಬಂದಿರುವ ಮೊದಲ ಸ್ಮಾರ್ಟ್ಫೋನ್ ಇದಾಗಿದೆ ಎಂದು ಕಂಪೆನಿ ಹೇಳಿದೆ. ಇನ್ನು ಈ ಹೊಸ ಸ್ಮಾರ್ಟ್ಫೋನ್ 5G ಕನೆಕ್ಟಿವಿಟಿ ಒದಗಿಸಲಿದ್ದು, ಮಧ್ಯಮ- ರೇಂಜ್ನ ಸ್ಮಾರ್ಟ್ಫೋನ್ ಬಳಕೆದಾರರನ್ನು ಗುರಿಯಾಗಿಸಿಕೊಂಡಿದೆ. ಅಂದ ಹಾಗೆ ಹೊಸ ರಿಯಲ್ಮಿ 8 5G ಮೊಬೈಲ್ ಫೋನ್ ಎರಡು ಬಗೆಯ ಸಂಗ್ರಹ ಸಾಮರ್ಥ್ಯದೊಂದಿಗೆ ಬರುತ್ತದೆ. 4GB RAM ಮತ್ತು 128 GB ಆಂತರಿಕ ಸಂಗ್ರಹ ಸಾಮರ್ಥ್ಯ ಇರುವ ಫೋನ್ ಬೆಲೆ 14,999 ರೂಪಾಯಿ ಇದೆ. ಇನ್ನು 8GB RAM ಮತ್ತು 128 GB ಆಂತರಿಕ ಸಂಗ್ರಹ ಸಾಮರ್ಥ್ಯದ ಫೋನ್ನ ಬೆಲೆ ರೂ. 16,999 ಇದೆ.
ರಿಯಲ್ಮಿ 8 5G ಫೋನ್ನ ಮೊದಲ ಮಾರಾಟವು ಏಪ್ರಿಲ್ 28ನೇ ತಾರೀಕಿನ ಮಧ್ಯಾಹ್ನ 12 ಗಂಟೆಯ ಮೇಲೆ realme.com, flipkart.com ಮತ್ತು ಇತರ ಮುಖ್ಯ ಚಾನೆಲ್ನಲ್ಲಿಆರಂಭವಾಗುತ್ತದೆ. ಇನ್ನು ಈ ಫೋನ್ ಸೂಪರ್ಸಾನಿಕ್ ಬ್ಲ್ಯೂ ಮತ್ತು ಸೂಪರ್ಸಾನಿಕ್ ಬ್ಲ್ಯಾಕ್ ಬಣ್ಣಗಳಲ್ಲಿ ಲಭ್ಯ ಇದೆ.
ವೈಶಿಷ್ಟ್ಯಗಳು: ಪ್ರೊಸೆಸರ್ ರಿಯಲ್ಮಿ 8 5G ಮೀಡಿಯಾಟೆಕ್ ಡೈಮೆನ್ಸಿಟಿ 700 5G ಪ್ರೊಸೆಸರ್ ಇದ್ದು, ಅದು ಆರ್ಮ್ ಕಾರ್ಟೆಕ್ಸ್- A76 ಕೋರ್ಗಳೊಂದಿಗೆ ಸೇರಿ ಆಕ್ಟಾಕೋರ್ ಸಿಪಿಯು ಆಪರೇಟಿಂಗ್ 2.2 GHzವರೆಗೆ ಬರುತ್ತದೆ. ಮೀಡಿಯಾಟೆಕ್ ಡೈಮೆನ್ಸಿಟಿ 700ಯಿಂದ 7nm ಪ್ರೊಡಕ್ಷನ್ ಪ್ರೊಸೆಸರ್ನೊಂದಿಗೆ ಬರುತ್ತದೆ. ಇದು 8nm ಪ್ರೊಸೆಸ್ಗಿಂತ ಶೇಕಡಾ 28ರ ತನಕ ಪವರ್ ಎಫಿಷಿಯೆಂಟ್ ಆಗಿದೆ. ಮೀಡಿಯಾಟೆಕ್ ಡೈಮೆನ್ಸಿಟಿ 700ನಲ್ಲಿ ಆರ್ಮ್ Mali- G57 MC2 GPU ಜತೆಗೆ 950MHz ಕ್ಲಾಕ್ ವೇಗ ಇದೆ ಮತ್ತು 90Hz ಹೈ ರಿಫ್ರೆಷ್ ರೇಟ್ ಸ್ಕ್ರೀನ್ ಟೆಕ್ನಾಲಜಿ ಇದೆ. ಮೀಡಿಯಾಟೆಕ್ ಡೈಮೆನ್ಸಿಟಿ 700 5G ಪ್ರೊಸೆಸರ್ 5G ಡ್ಯುಯಲ್ ಸಿಮ್ನೊಂದಿಗೆ ಬರುತ್ತದೆ.
ಬ್ಯಾಟರಿ ರಿಯಲ್ಮಿ 8 5G ಫೋನ್ 5000 mAh ಬ್ಯಾಟರಿ ಜತೆ, 18W ಟೈಪ್-ಸಿ ಶೀಘ್ರ ಚಾರ್ಜ್ನೊಂದಿಗೆ, ಸ್ಮಾರ್ಟ್ 5G ಪವರ್ ಸೇವಿಂಗ್ ಆಯ್ಕೆ ಜತೆಗೆ ಬರುತ್ತದೆ. ಇದರಿಂದ ಸಿಗ್ನಲ್ ಅನ್ನು 4G ಅಥವಾ 5G ಎಂದು ಬದಲಾಯಿಸಿಕೊಳ್ಳಲು ಅನುಕೂಲ ಆಗುತ್ತದೆ. ಕಂಪೆನಿ ಹೇಳುವ ಪ್ರಕಾರ, ಈ ಫೀಚರ್ ಇಲ್ಲದ ಫೋನ್ಗಳಿಗಿಂತ ಶೇಕಡಾ 30ರಷ್ಟು ಕಡಿಮೆ ಪವರ್ ಇದರಲ್ಲಿ ಬಳಕೆ ಆಗುತ್ತದೆ.
ಡಿಸ್ಪ್ಲೇ ರಿಯಲ್ಮಿ 8 5G ಫೋನ್ 6.5 ಇಂಚು ಡಿಸ್ಪ್ಲೇ ಜತೆಗೆಗೆ 90Hz ರಿಫ್ರೆಷ್ ಮತ್ತು ಗರಿಷ್ಠ 180Hz ದರದಲ್ಲಿ ಬಂದಿದೆ. ಈ ಫೋನ್ FHD+ ರೆಸಲ್ಯೂಷನ್ ಜತೆಗೆ ಗರಿಷ್ಠ ಬ್ರೈಟ್ನೆಸ್ 600 nitsನೊಂದಿಗೆ ಬರುತ್ತದೆ.
ಕ್ಯಾಮೆರಾ ರಿಯಲ್ಮಿ 8 5G ಫೋನ್ 48MP ಕ್ಯಾಮೆರಾ, B&W ಪೋರ್ಟ್ರೈಟ್ ಲೆನ್ಸ್, ಮತ್ತು ಮ್ಯಾಕ್ರೋ ಲೆನ್ಸ್ ಇದೆ. ಪ್ರಾಥಮಿಕ ಲೆನ್ಸ್ 48MP ಕ್ಯಾಮೆರಾ ಮತ್ತು F 1.8 ಅಪರ್ಚರ್, 80 ಡಿಗ್ರಿ FOV, ಮತ್ತು 6P ಲೆನ್ಸ್ ಇದೆ. B&W ಪೋರ್ಟ್ರೈಟ್ ಲೆನ್ಸ್ ಹೊಸ ಕಲರ್ ಫಿಲ್ಟರ್ ವ್ಯವಸ್ಥೆಯೊಂದಿಗೆ ಬರಲಿದ್ದು, ಫೋನ್ನಲ್ಲಿ 4 ಸೆಂ.ಮೀ. ಮ್ಯಾಕ್ರೋ ಲೆನ್ಸ್ ಇದೆ. ರಿಯಲ್ಮಿ 8 5G ಫೋನ್ 16MP ಸೆಲ್ಫಿ ಕ್ಯಾಮೆರಾ ಜತೆಗೆ F2.0 ಅಪರ್ಚರ್ನೊಂದಿಗೆ ಬರುತ್ತದೆ.
ಇನ್ನು ಫೋನ್ನ ಪಕ್ಕದಲ್ಲಿ ಫಿಂಗರ್ಪ್ರಿಂಟ್ ಸ್ಕ್ಯಾನರ್ ಇದ್ದು, ಇದರಿಂದ ಪವರ್ ಬಟನ್ ಮತ್ತು ರೆಕಗ್ನಿಷನ್ ಮಾಡ್ಯುಲ್ಗಳು ಕಾರ್ಯ ನಿರ್ವಹಿಸುತ್ತವೆ.
ಇದನ್ನೂ ಓದಿ: Realme X7 Series Launch | ಭಾರತದಲ್ಲಿ ಲಾಂಚ್ ಆದ ರಿಯಲ್ಮಿ ಎಕ್ಸ್7: ಕೇವಲ 35 ನಿಮಿಷಗಳಲ್ಲಿ ಫುಲ್ ಚಾರ್ಜ್
(Realme 8 5G smartphone launched in India. Price, specification, colour and other details related to this phone is here)
