Galaxy S23: ಸ್ಯಾಮ್​ಸಂಗ್ ಹೊಸ ಸ್ಮಾರ್ಟ್​ಫೋನ್​ ಬುಕಿಂಗ್​ಗೆ ಭರ್ಜರಿ ಆಫರ್

ಗ್ಯಾಜೆಟ್ ಮಾರುಕಟ್ಟೆಯಲ್ಲಿ ಜನಪ್ರಿಯತೆ ಗಳಿಸಿರುವ ಸ್ಯಾಮ್​ಸಂಗ್(Samsung), ಪ್ರೀಮಿಯಂ ಎಸ್ ಸರಣಿಯಲ್ಲಿ ಪರಿಚಯಿಸಿರುವ ಗ್ಯಾಲಕ್ಸಿ ಎಸ್ 23 ಸ್ಮಾರ್ಟ್​ಫೋನ್​ಗಳು ದಾಖಲೆ ಸಂಖ್ಯೆಯ ಬುಕಿಂಗ್ ಕಂಡಿವೆ. ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್23 (Samsung Galaxy S23) ಸರಣಿಯಲ್ಲಿ ಮೂರು ಮಾದರಿಗಳು ಮಾರುಕಟ್ಟೆ ಪ್ರವೇಶಿಸಿವೆ. ಗ್ಯಾಲಕ್ಸಿ ಎಸ್23, ಗ್ಯಾಲಕ್ಸಿ ಎಸ್23 ಪ್ಲಸ್ ಮತ್ತು ಗ್ಯಾಲಕ್ಸಿ ಎಸ್23 ಅಲ್ಟ್ರಾ ಆವೃತ್ತಿಗಳು ಬೇಡಿಕೆ ಪಡೆದುಕೊಂಡಿವೆ. ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್23 (8 ಜಿಬಿ /128 ಜಿಬಿ) ಆರಂಭಿಕ ಆವೃತ್ತಿ ದರ ₹74,999 ರಿಂದ ಆರಂಭವಾಗುತ್ತದೆ. ಅದೇ ರೀತಿ ಗ್ಯಾಲಕ್ಸಿ ಎಸ್23 ಅಲ್ಟ್ರಾ (12 ಜಿಬಿ /1ಟಿಬಿ) ಟಾಪ್​ ಎಂಡ್ ಮಾದರಿಗೆ ₹1,54,999 ದರವಿದೆ.

ಗ್ಯಾಲಕ್ಸಿ S ಸರಣಿಯಲ್ಲಿ ಪ್ರೀಮಿಯಂ ಮಾದರಿ ಪರಿಚಯಿಸಿದ ಸ್ಯಾಮ್​ಸಂಗ್ ಮೊದಲ 24 ಗಂಟೆಗಳಲ್ಲಿ, 1.4 ಲಕ್ಷಕ್ಕೂ ಅಧಿಕ ಯುನಿಟ್ ಮುಂಗಡ ಬುಕ್ಕಿಂಗ್ ಪಡೆದುಕೊಂಡಿದೆ. ಹೊಸ ಸರಣಿಯಲ್ಲಿ ಸ್ಯಾಮ್​ಸಂಗ್ ಗ್ಯಾಲಕ್ಸಿ S23, ಗ್ಯಾಲಕ್ಸಿ S23+ ಮತ್ತು ಗ್ಯಾಲಕ್ಸಿ S23 ಅಲ್ಟ್ರಾ (Galaxy S23 Ultra) ಬಿಡುಗಡೆಯಾಗಿದೆ. ಅದರಲ್ಲಿ ಗ್ಯಾಲಕ್ಸಿ S23 ಅಲ್ಟ್ರಾ ಸ್ಮಾರ್ಟ್​ಫೋನ್​ನಲ್ಲಿ 200 ಮೆಗಾಪಿಕ್ಸೆಲ್ ಕ್ಯಾಮರಾ ಇದ್ದು, ಫೋಟೊಗ್ರಫಿ ಪ್ರಿಯರಿಗೆ ನೆಚ್ಚಿನ ಆಯ್ಕೆಗಳು ಇವೆ. ಸ್ಯಾಮ್​ಸಂಗ್ ಗ್ಯಾಲಕ್ಸಿ S23 ಆರಂಭಿಕ ಆವೃತ್ತಿ ದರ ₹74,999 ಇದ್ದರೆ, ಗ್ಯಾಲಕ್ಸಿ ಎಸ್23 ಅಲ್ಟ್ರಾ 12GB/1TB ಟಾಪ್​ ಎಂಡ್ ₹1,54,999 ದರ ಹೊಂದಿದೆ.

ಗ್ಯಾಲಕ್ಸಿ ಎಸ್23 ಸರಣಿ ಖರೀದಿಯ ಮೇಲೆ 24 ತಿಂಗಳ ನೋ ಕಾಸ್ಟ್ ಇಎಂಐ ಸೌಲಭ್ಯವಿದೆ. ಅಲ್ಲದೆ, ಸ್ಮಾರ್ಟ್​ಫೋನ್ ಕಾರ್ಯಕ್ಷಮತೆ ಹೆಚ್ಚಿಸಲು ಸ್ನ್ಯಾಪ್​ಡ್ರ್ಯಾಗನ್ 8 GEN 2 ಪ್ರೊಸೆಸರ್ ಬೆಂಬಲ ಹೊಂದಿದೆ. ಎಲ್ಲ ಮಾದರಿಗಳಿಗೂ 4 ವರ್ಷದವರೆಗೆ ಓಎಸ್ ಅಪ್​ಗ್ರೇಡ್ ಮತ್ತು 5 ವರ್ಷ ಭದ್ರತಾ ಅಪ್​ಡೇಟ್ ಲಭ್ಯವಾಗುತ್ತದೆ ಎಂದು ಸ್ಯಾಮ್​ಸಂಗ್ ಭರವಸೆ ನೀಡಿದೆ. ಜತೆಗೆ, ಎಸ್​23 ಸರಣಿ ಮುಂಗಡ ಬುಕಿಂಗ್ ಮಾಡುವ ಗ್ರಾಹಕರಿಗೆ ಗ್ಯಾಲಕ್ಸಿ ಸ್ಮಾರ್ಟ್​ವಾಚ್ ಆಫರ್ ದೊರೆಯಲಿದೆ.

ಬೆಲೆ ವಿವರ

ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್​23 ಸ್ಮಾರ್ಟ್​ಫೋನ್ ಫ್ಯಾಂಟಮ್ ಬ್ಲ್ಯಾಕ್, ಕ್ರೀಂ, ಗ್ರೀನ್ ಮತ್ತು ಲ್ಯಾವೆಂಡರ್ ಬಣ್ಣಗಳಲ್ಲಿ ಲಭ್ಯವಿದೆ. ಗ್ಯಾಲಕ್ಸಿ ಎಸ್23 (8/256 ಜಿಬಿ) ₹79,999 ಗ್ಯಾಲಕ್ಸಿ ಎಸ್23 (8/128 ಜಿಬಿ) ₹74,999.

ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್​23+ ಸ್ಮಾರ್ಟ್​ಫೋನ್ ಫ್ಯಾಂಟಮ್ ಬ್ಲ್ಯಾಕ್ ಮತ್ತು ಕ್ರೀಂ ಬಣ್ಣಗಳಲ್ಲಿ ದೊರೆಯುತ್ತದೆ. ಗ್ಯಾಲಕ್ಸಿ ಎಸ್23+ (8/512 ಜಿಬಿ) ₹1,04,999 ಗ್ಯಾಲಕ್ಸಿ ಎಸ್23+ (8/256 ಜಿಬಿ) ₹94,999

ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್​23 ಅಲ್ಟ್ರಾ ಸ್ಮಾರ್ಟ್​ಫೋನ್ ಫ್ಯಾಂಟಮ್ ಬ್ಲ್ಯಾಕ್, ಗ್ರೀನ್ ಮತ್ತು ಕ್ರೀಂ ಬಣ್ಣಗಳಲ್ಲಿ ದೊರೆಯುತ್ತದೆ. ಗ್ಯಾಲಕ್ಸಿ ಎಸ್23 ಅಲ್ಟ್ರಾ (12/1ಟಿಬಿ) ₹1,54,999 ಗ್ಯಾಲಕ್ಸಿ ಎಸ್23 ಅಲ್ಟ್ರಾ (12/512 ಜಿಬಿ) ₹1,34,999 ಗ್ಯಾಲಕ್ಸಿ ಎಸ್23 ಅಲ್ಟ್ರಾ (12/256 ಜಿಬಿ) ₹1,24,999

ಬುಕಿಂಗ್ ಮಾಡುವ ಗ್ರಾಹಕರಿಗೆ ವಿಶೇಷ ಆಫರ್

ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್23 ಅಲ್ಟ್ರಾ ಮುಂಗಡ ಬುಕ್ಕಿಂಗ್ ಮಾಡುವ ಗ್ರಾಹಕರಿಗೆ ಗ್ಯಾಲಕ್ಸಿ ವಾಚ್4 LTE ಕ್ಲಾಸಿಕ್ ಮತ್ತು ಗ್ಯಾಲಕ್ಸಿ ಬಡ್ಸ್2 ₹4999ಗೆ ದೊರೆಯಲಿದೆ. ಅದೇ ರೀತಿಯಲ್ಲಿ ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್23+ ಮುಂಗಡ ಬುಕ್ಕಿಂಗ್ ಮಾಡಿದರೆ, ಗ್ಯಾಲಕ್ಸಿ ವಾಚ್4 BT ₹4999ಕ್ಕೆ ಲಭ್ಯವಾಗಲಿದೆ. ಪ್ರೀಮಿಯಂ ಸರಣಿಯ ಗ್ಯಾಲಕ್ಸಿ ಎಸ್23 ಬುಕ್ಕಿಂಗ್ ಮಾಡಿದರೆ ಗ್ರಾಹಕರು ₹5000 ಮೌಲ್ಯದ ಸ್ಟೋರೇಜ್ ಅಪ್​ಗ್ರೇಡ್ ಪಡೆಯಬಹುದು. ಅಲ್ಲದೆ ಗ್ರಾಹಕರಿಗೆ ಗ್ಯಾಲಕ್ಸಿ ಎಸ್23 ಸರಣಿ ಖರೀದಿಯ ಮೇಲೆ 24 ತಿಂಗಳ ನೋ ಕಾಸ್ಟ್ ಇಎಂಐ ಕೊಡುಗೆ ಲಭ್ಯವಿದೆ ಎಂದು ಸ್ಯಾಮ್​ಸಂಗ್ ಹೇಳಿದೆ.

Published On - 4:16 pm, Thu, 16 February 23