Tech Tips: ಫೋನ್ ಪೇ, ಗೂಗಲ್ ಪೇನಲ್ಲಿ ರಿಚಾರ್ಜ್ ಮಾಡುವಾಗ ಎಕ್ಸ್​ಟ್ರಾ ಹಣ ಕಟ್ ಆಗದಂತೆ ಮಾಡೋದು ಹೇಗೆ?, ಇಲ್ಲಿದೆ ಟ್ರಿಕ್

ಇಂದು ಹೆಚ್ಚಿನ ಮೊಬೈಲ್ ಬಳಕೆದಾರರು ರಿಚಾರ್ಜ್‌ಗಳಿಗಾಗಿ ಯುಪಿಐ ಅಪ್ಲಿಕೇಷನ್ ಗೂಗಲ್ ಪೇ ಮತ್ತು ಫೋನ್ ಪೇ ಬಳಸುತ್ತಾರೆ. ಹೀಗೆ ರಿಚಾರ್ಜ್ ಮಾಡುವಾಗ ಸಾಮಾನ್ಯವಾಗಿ 3 ರೂ. ಗಳವರೆಗೆ ಶುಲ್ಕ ಅನ್ವಯಿಸುತ್ತದೆ. ಆದಾಗ್ಯೂ, 50 ರೂ. ಗಿಂತ ಕಡಿಮೆ ರಿಚಾರ್ಜ್‌ಗಳಿಗೆ ಯಾವುದೇ ಹೆಚ್ಚುವರಿ ಶುಲ್ಕವಿರುವುದಿಲ್ಲ. ಆದರೆ, ಈ ರೀತು ಎಕ್ಸ್​ಟ್ರಾ ಹಣ ಕಟ್ ಆಗದಂತೆ ರಿಚಾರ್ಜ್ ಮಾಡಬಹುದು ಎಂಬುದು ಅನೇಕರಿಗೆ ತಿಳಿದಿಲ್ಲ. ಈ ಲೇಖನದಲ್ಲಿ ನಾವು ಯಾವುದೇ ಹೆಚ್ಚುವರಿ ಹಣವನ್ನು ಪಾವತಿಸದೆ ನಿಮ್ಮ ಜಿಯೋ-ಏರ್ಟೆಲ್ ಸಿಮ್ ಅನ್ನು ಹೇಗೆ ರಿಚಾರ್ಜ್‌ ಮಾಡುವುದು ಎಂಬುದರ ಕುರಿತು ಹೇಳುತ್ತೇವೆ.

ಗೂಗಲ್ ಪೇ ಮತ್ತು ಫೋನ್‌ ಪೇ ಭಾರತದಲ್ಲಿ ಜನಪ್ರಿಯ ಆನ್‌ಲೈನ್ ಪಾವತಿ ಅಪ್ಲಿಕೇಶನ್‌ಗಳಾಗಿವೆ. ಅವು ಬಳಕೆದಾರರಿಗೆ ತಮ್ಮ ಯುಟಿಲಿಟಿ ಬಿಲ್‌ಗಳನ್ನು ಅನುಕೂಲಕರವಾಗಿ ಪಾವತಿಸಲು ಮತ್ತು ಇತರ ಆನ್‌ಲೈನ್ ವಹಿವಾಟುಗಳನ್ನು ಮಾಡಲು ಅವಕಾಶ ಮಾಡಿಕೊಡುತ್ತವೆ. ಗೂಗಲ್ ಪೇ ಮತ್ತು ಫೋನ್‌ ಪೇಯಂತಹ ಆನ್‌ಲೈನ್ ಪಾವತಿ ಸೇವೆಗಳು ಒಂದು ಕಾಲದಲ್ಲಿ ಮೊಬೈಲ್ ಫೋನ್ ರಿಚಾರ್ಜ್‌ಗಳ ಮೇಲೆ ಕ್ಯಾಶ್‌ಬ್ಯಾಕ್‌ಗಳನ್ನು ಒದಗಿಸುತ್ತಿದ್ದವು, ಇದರಿಂದಾಗಿ ಬಳಕೆದಾರರು ಅವುಗಳನ್ನು ಹೆಚ್ಚಾಗಿ ಬಳಸುವಂತೆ ಆಕರ್ಷಿಸುತ್ತಿದ್ದವು. ಆದರೆ, ಕಳೆದ ಕೆಲವು ವರ್ಷಗಳಿಂದ ಬಿಲ್ ಪಾವತಿ, ಮೊಬೈಲ್ ಸಂಖ್ಯೆ ರಿಚಾರ್ಜ್‌ಗಳು ಮತ್ತು ಇತರ ಸೇವೆಗಳಿಗೆ ಬಳಕೆದಾರರಿಗೆ ಹೆಚ್ಚಿನ ಶುಲ್ಕ ವಿಧಿಸಲಾಗುತ್ತಿದೆ. ಈ ಶುಲ್ಕವು GST ಅನ್ನು ಒಳಗೊಂಡಿದೆ.

ಹಾಗಾದರೆ ಹೆಚ್ಚುವರಿ ಹಣ ನೀಡದೆ ನಿಮ್ಮ ಜಿಯೋ-ಏರ್ಟೆಲ್ ಸಿಮ್ ಅನ್ನು ರಿಚಾರ್ಜ್ ಮಾಡುವುದು ಹೇಗೆ?

ಹಂತ 1: ಮೊದಲು, ಪ್ಲೇ ಸ್ಟೋರ್ ತೆರೆಯಿರಿ ಮತ್ತು ನಿಮ್ಮದು ಜಿಯೋ ಸಿಮ್ ಆಗಿದ್ದರೆ ಮೈ ಜಿಯೋ ಅಪ್ಲಿಕೇಶನ್, ಏರ್ಟೆಲ್ ಸಿಮ್ ಆಗಿದ್ದರೆ ಏರ್ಟೆಲ್ ಥ್ಯಾಂಕ್ಸ್ ಆ್ಯಪ್ ಡೌನ್‌ಲೋಡ್ ಮಾಡಿ.

ಹಂತ 2: ಈಗ, ನಿಮ್ಮ ಸಂಖ್ಯೆಯನ್ನು ಬಳಸಿಕೊಂಡು ಲಾಗಿನ್ ಆಗಿ ಮತ್ತು ಡಿಸ್​ಪ್ಲೇ ಮೇಲೆ ರಿಚಾರ್ಜ್‌ ಆಯ್ಕೆಯನ್ನು ಟ್ಯಾಪ್ ಮಾಡಿ.

ಹಂತ 3: ಲಭ್ಯವಿರುವ ಆಯ್ಕೆಗಳಿಂದ ನಿಮಗೆ ಬೇಕಾದ ಯೋಜನೆಯನ್ನು ಆರಿಸಿ. ಯೋಜನೆಯನ್ನು ಆಯ್ಕೆ ಮಾಡಿದ ನಂತರ, ರಿಚಾರ್ಜ್‌ ಟ್ಯಾಪ್ ಮಾಡಿ ಮತ್ತು ಪಾವತಿ ಪುಟಕ್ಕೆ ಮುಂದುವರಿಯಿರಿ.

App Store: ಬಹುದೊಡ್ಡ ನಿರ್ಧಾರ: ಆ್ಯಪ್ ಸ್ಟೋರ್‌ನಿಂದ 1.35 ಲಕ್ಷ ಅಪ್ಲಿಕೇಶನ್‌ಗಳನ್ನು ಕಿತ್ತೆಸೆದ ಆ್ಯಪಲ್

ಹಂತ 4: ಈಗ Pay via UPI ID ಆಯ್ಕೆಮಾಡಿ ಮತ್ತು ನಿಮ್ಮ UPI ID ನಮೂದಿಸಿ.

ಹಂತ 5: ನಂತರ ಪರಿಶೀಲಿಸಿ ಮತ್ತು ನಿಮ್ಮ ಗೂಗಲ್ ಪೇ ಅಥವಾ ಫೋನ್ ಪೇ ಅನ್ನು ತೆರೆಯಿರಿ ಮತ್ತು ಹೆಚ್ಚುವರಿ ಶುಲ್ಕಗಳನ್ನು ಪಾವತಿಸದೆ ರಿಚಾರ್ಜ್ ಮಾಡಿ.

ಹಂತ 6: ಇಲ್ಲಿ ನೀವು ನೆಟ್ ಬ್ಯಾಂಕಿಂಗ್ ಅಥವಾ ಕ್ರೆಡಿಟ್/ಡೆಬಿಟ್ ಕಾರ್ಡ್ ಆಯ್ಕೆಯನ್ನು ಸಹ ಆಯ್ಕೆ ಮಾಡಬಹುದು. ನಿಮ್ಮ ಆದ್ಯತೆಯ ವಿಧಾನವನ್ನು ಬಳಸಿಕೊಂಡು ಪಾವತಿಯನ್ನು ಪೂರ್ಣಗೊಳಿಸಿ. ಈ ರೀತಿಯಾಗಿ, UPI ಅಪ್ಲಿಕೇಶನ್‌ಗಳು ವಿಧಿಸುವ ಅನುಕೂಲಕರ ಶುಲ್ಕವನ್ನು ನೀವು ತಪ್ಪಿಸಬಹುದು.

ಹೆಚ್ಚುವರಿಯಾಗಿ, ಕೆಲವು ಡಿಜಿಟಲ್ ವ್ಯಾಲೆಟ್‌ಗಳು ಜಿಯೋ ರಿಚಾರ್ಜ್‌ಗಳಲ್ಲಿ ಕ್ಯಾಶ್‌ಬ್ಯಾಕ್ ಅಥವಾ ರಿಯಾಯಿತಿಗಳನ್ನು ಸಹ ನೀಡುತ್ತವೆ. ನೀವು ಪೇಟಿಎಂ ಅಥವಾ ಅಮೆಜಾನ್ ಪೇ ನಂತಹ ವ್ಯಾಲೆಟ್‌ಗಳಲ್ಲಿ ಆಫರ್‌ಗಳ ವಿಭಾಗವನ್ನು ಪರಿಶೀಲಿಸಬಹುದು. ಈ ಕೊಡುಗೆಗಳನ್ನು ಬಳಸಿಕೊಂಡು, ನೀವು ಅನುಕೂಲಕರ ಶುಲ್ಕವನ್ನು ಕಡಿಮೆ ಮಾಡಬಹುದು ಅಥವಾ ತಪ್ಪಿಸಬಹುದು.

ಇನ್ನೊಂದು ವಿಧಾನವೆಂದರೆ ಜಿಯೋ ಬಳಕೆದಾರರು ಅಧಿಕೃತ ಜಿಯೋ ವೆಬ್‌ಸೈಟ್ ಮೂಲಕ ರಿಚಾರ್ಜ್ ಮಾಡುವುದು. jio.com ಗೆ ಭೇಟಿ ನೀಡಿ ಮತ್ತು ರಿಚಾರ್ಜ್‌ ವಿಭಾಗಕ್ಕೆ ಹೋಗಿ. ನಿಮ್ಮ ಜಿಯೋ ಸಂಖ್ಯೆಯನ್ನು ಬಳಸಿಕೊಂಡು ಲಾಗಿನ್ ಮಾಡಿ ಮತ್ತು ಯಾವುದೇ ಯೋಜನೆಯನ್ನು ಆರಿಸಿ. ಈಗ, ಪಾವತಿ ಪುಟಕ್ಕೆ ಹೋಗಿ ಮತ್ತು ಹೆಚ್ಚುವರಿ ಹಣವನ್ನು ಪಾವತಿಸದೆ ರಿಚಾರ್ಜ್ ಅನ್ನು ಪೂರ್ಣಗೊಳಿಸಲು ನೆಟ್ ಬ್ಯಾಂಕಿಂಗ್ ಅಥವಾ ಕಾರ್ಡ್ ಪಾವತಿಯನ್ನು ಬಳಸಿ.

ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ