Jio Fiber: ಜಿಯೋ ಫೈಬರ್​ ಬಳಕೆದಾರರಿಗೆ ಖುಷಿ ವಿಚಾರ; ಇನ್ಮುಂದೆ ಸ್ಮಾರ್ಟ್ ಟಿವಿಯಲ್ಲೂ ಸಿಗಲಿದೆ ವಿಡಿಯೋ ಕಾಲ್​ ಸೌಲಭ್ಯ

ಸದಾ ಒಂದಿಲ್ಲೊಂದು ಹೊಸ ಫೀಚರ್​ಗಳನ್ನು ಪರಿಚಯಿಸುವ ರಿಲಯನ್ಸ್​ ಜಿಯೋ (Reliance Jio) ಇದೀಗ ಮತ್ತೊಂದು ಹೊಸ ಸೌಲಭ್ಯವನ್ನು ತನ್ನ ಗ್ರಾಹಕರಿಗೆ ನೀಡಲು ಮುಂದಾಗಿದೆ. ಜಿಯೋ ಫೈಬರ್​ (Jio Fiber) ಬಳಕೆದಾರರು ಇನ್ನುಮುಂದೆ ತಮ್ಮ ಸ್ಮಾರ್ಟ್​ ಟಿವಿಯಲ್ಲೇ ವಿಡಿಯೋ ಕಾಲ್​ ಮಾಡಬಹುದಾಗಿದೆ. ಇದಕ್ಕೆ ಕ್ಯಾಮರಾ ಆನ್​ ಕೇಬಲ್​ (Camera on Cable) ಎಂದು ಟೆಲಿಕಾಂ ದಿಗ್ಗಜ ಜಿಯೋ ಹೆಸರಿಟ್ಟಿದೆ.

ಅರೆ ಅದು ಹೇಗೆ? ಟಿವಿಯಲ್ಲಿ ಕ್ಯಾಮರಾ ಇಲ್ಲದೆಯೇ ವಿಡಿಯೋ ಕರೆನಾ? ಎಂಬ ಪ್ರಶ್ನೆ ಎದ್ದಿರಬಹುದು..ನಿಜಕ್ಕೂ ಸತ್ಯ. ಜಿಯೋ ಇದೀಗ ಪರಿಚಯಿಸಿರುವ ಕ್ಯಾಮರಾ ಆನ್​ ಕ್ಯಾಬಲ್ (Camera On Cable​ ಸೌಲಭ್ಯದಲ್ಲಿ ಟಿವಿ (Smart TV)ಯಲ್ಲಿ ಕ್ಯಾಮರಾ ಇರಬೇಕು ಅಂತೇನೂ ಇಲ್ಲ. ನಿಮ್ಮ ಬಳಿ ಇರುವ ಆ್ಯಂಡ್ರಾಯ್ಡ್ ಸ್ಮಾರ್ಟ್​ಫೋನ್​, ಐಫೋನ್​ಗಳ ಮೂಲಕವೇ ಟಿವಿಯಲ್ಲಿ ವಿಡಿಯೋ ಕಾಲ್ ಮಾಡಬಹುದು.

ಸೌಲಭ್ಯ ಪಡೆಯುವುದು ಹೇಗೆ? ಜಿಯೋ ಫೈಬರ್​ ಬಳಕೆದಾರರು ಜಿಯೋಜಾಯಿನ್​ ಆ್ಯಪ್​ (JioJoin App) ಡೌನ್​ಲೋಡ್ ಮಾಡಿಕೊಳ್ಳಬೇಕು. ಈ ಆ್ಯಪ್​ ಗೂಗಲ್​ ಪ್ಲೇಸ್ಟೋರ್ ಮತ್ತು ಆ್ಯಪಲ್​ ಪ್ಲೇ ಸ್ಟೋರ್ ಎರಡರಲ್ಲೂ ಲಭ್ಯ ಇದೆ. ಜಿಯೋಜಾಯಿನ್​ ಆ್ಯಪ್​ ಡೌನ್​ಲೋಡ್​ ಮಾಡಿಕೊಂಡಾದ ಬಳಿಕ, ಅದರೊಂದಿಗೆ ನಿಮ್ಮ ಜಿಯೋ ಫೈಬರ್​​ (ಲ್ಯಾಂಡ್​ಲೈನ್​ ನಂಬರ್​)ನ 10 ಅಂಕಿಯ ನಂಬರ್​ನ್ನು ಕನ್ಫಿಗರ್ (ವಿನ್ಯಾಸ) ಮಾಡಬೇಕು. ಜಿಯೋ ಫೈಬರ್ ಬಳಕೆದಾರರು ಈ ಲ್ಯಾಂಡ್​ಲೈನ್​ ನಂಬರ್​​ನ್ನು ಸ್ಮಾರ್ಟ್​ಫೋನ್​, ಜಿಯೋ ಸೆಟ್​ ಟಾಪ್​ ಬಾಕ್ಸ್​ ಸೇರಿ ಆರು ಡಿವೈಸ್​ಗಳಿಗೆ ಕನ್ಫಿಗರ್​ ಮಾಡಿಕೊಳ್ಳಬಹುದಾಗಿದೆ. ಬಳಕೆದಾರರು ತಮ್ಮ ಜಿಯೋ ಮೊಬೈಲ್​​ ನಂಬರ್​​ಗೂ ಕಾಲ್​ ರಿಂಗಿಂಗ್ ಕನ್ಫಿಗರ್​ ಮಾಡಿಕೊಳ್ಳುವುದರಿಂದ, ಅವರು ಮನೆಯಲ್ಲಿ ಇಲ್ಲದಾಗಲೂ ಟಿವಿಗೆ ಬರುವ ಕಾಲ್​​ನ್ನು ಸ್ವೀಕರಿಸಬಹುದಾಗಿದೆ. ಒಟ್ಟಾರೆ ಜಿಯೋ ಇದೀಗ ಪರಿಚಯಿಸುತ್ತಿರುವ ಈ ಹೊಸ ವೈಶಿಷ್ಟ್ಯದಿಂದ ಬಳಕೆದಾರರು ತಮ್ಮ ಮೊಬೈಲ್​ ಫೋನ್​ನ್ನು ವೆಬ್​ಕ್ಯಾಮ್​ ರೀತಿಯಲ್ಲಿ ಉಪಯೋಗಿಸಿಕೊಳ್ಳಬಹುದು. ಸೆಟ್​ಟಾಪ್​ ಬಾಕ್ಸ್​ಗೆ ಕನ್ಫಿಗರ್ ಮಾಡಿಕೊಳ್ಳುವುದರಿಂದ ಟಿವಿ ಮೂಲಕ ವಿಡಿಯೋ ಕಾಲ್​ ಮಾಡಬಹುದಾಗಿದೆ. ಜಿಯೋ ಫೈಬರ್​ ಜತೆ ಬರುವ ಜಿಯೋ ವೈಸ್​ ಮೂಲಕ ಈ ವಿಡಿಯೋ ಕಾಲ್​ನ್ನು ಸಾಧ್ಯಗೊಳಿಸಲಾಗಿದೆ.

ಇತ್ತೀಚೆಗೆ ಹೊಸದಾಗಿ ಬರುತ್ತಿರುವ ಒನ್​ ಪ್ಲಸ್​ ಮತ್ತು ಶಿಯೋಮಿ ಸ್ಮಾರ್ಟ್​ ಟಿವಿಗಳಲ್ಲಿ ಅಂತರ್ಗತ ವೆಬ್​ ಕ್ಯಾಮರಾ (In-Built Web Camera)ಗಳು ಇರುತ್ತವೆ. ಆದರೆ ಈಗ ಜಿಯೋ ಪರಿಚಯಿಸಿರುವ ಹೊಸ ಫೀಚರ್​ ಅಂಥ In-Built ವೆಬ್​ ಕ್ಯಾಮರಾ ಇಲ್ಲದ ಟಿವಿಗಳಲ್ಲೂ ಕೆಲಸ ಮಾಡುತ್ತದೆ. ಗ್ರಾಹಕರಿಗೆ ಅನುಕೂಲಕರವಾಗಿದೆ. ನಿಮ್ಮ ಮನೆಯ ಸ್ಮಾರ್ಟ್ ಟಿವಿಯಲ್ಲಿ ವೆಬ್​ ಕ್ಯಾಮರಾ ಇಲ್ಲವೆಂದು ಹೊಸದನ್ನು ಖರೀದಿಸುವ ಅಗತ್ಯವಿಲ್ಲ. ಜಿಯೋ ಜಾಯಿನ್ ಆ್ಯಪ್ ಮೂಲಕ ಹೊಸ ವೆಬ್​ ಕ್ಯಾಮ್ ಬಳಸಿ, ವಿಡಿಯೋ ಕಾಲ್ ಮಾಡಿ.

ಇದನ್ನೂ ಓದಿ: ಅತ್ಯಾಚಾರ ಸಂತ್ರಸ್ತೆಯ ಪೋಷಕರ ಫೋಟೊ ಶೇರ್ ಮಾಡಿದ ರಾಹುಲ್ ವಿರುದ್ಧ ಕ್ರಮಕ್ಕೆ ಎನ್​​​ಸಿಪಿಸಿಆರ್ ಒತ್ತಾಯ

Viral Video: ಕಂಠಪೂರ್ತಿ ಕುಡಿದು ನಡುರಸ್ತೆಯಲ್ಲೇ ಯೋಗಾಸನ ಮಾಡಿದ ಯುವತಿ; ಶಾಕಿಂಗ್ ವಿಡಿಯೋ ಇಲ್ಲಿದೆ

Telecom gaint Jio announces new video calls feature for smart TV