ಸ್ನಾಪ್ಡ್ರಾಗನ್ 7 Gen 3, 50MP ಫ್ರಂಟ್ ಕ್ಯಾಮೆರಾ: ವಿವೋದಿಂದ ಬಂತು ಜಬರ್ದಸ್ತ್ ಸ್ಮಾರ್ಟ್ಫೋನ್
Vivo V30 5G Announced: ವಿವೋ V30 5G ಭಾರತ, ಥೈಲ್ಯಾಂಡ್, ಮಲೇಷ್ಯಾ, ಇಂಡೋನೇಷ್ಯಾ, ಹಾಂಗ್ ಕಾಂಗ್, ಸಿಂಗಾಪುರ್, ಪಾಕಿಸ್ತಾನ, ಈಜಿಪ್ಟ್, ಯುಎಇ ಸೇರಿದಂತೆ ಹೆಚ್ಚಿನ ಮಾರುಕಟ್ಟೆಗಳಲ್ಲಿ ಲಭ್ಯವಿರುತ್ತದೆ. ಪ್ರತಿ ಮಾರುಕಟ್ಟೆಯ ಬೆಲೆ ಮತ್ತು ಲಭ್ಯತೆಯನ್ನು ಕೆಲವೇ ದಿನಗಳಲ್ಲಿ ಪ್ರಕಟಿಸಲಾಗುವುದು ಎಂದು ಹೇಳಲಾಗಿದೆ.
ಚೀನಾ ಮೂಲದ ಪ್ರಸಿದ್ಧ ವಿವೋ ಕಂಪನಿ ಸದ್ದಿಲ್ಲದೆ ಹೊಸ ಸ್ಮಾರ್ಟ್ಫೋನ್ ಒಂದನ್ನು ಅನಾವರಣ ಮಾಡಿದೆ. ಇದೀಗ ಮಾರುಕಟ್ಟೆಯಲ್ಲಿ ವಿವೋ V30 5G (Vivo V30 5G) ಅನ್ನು ಅಧಿಕೃತವಾಗಿ ರಿಲೀಸ್ ಆಗಿದೆ. ಇದು ವಿವೋ V20 5G ಗೆ ಉತ್ತರಾಧಿಕಾರಿಯಾಗಿದೆ. ಈ ಹ್ಯಾಂಡ್‌ಸೆಟ್ ವಿವೋ S18 5G ಯ ಮರುಬ್ರಾಂಡ್‌ನಂತೆ ಕಾಣುತ್ತದೆ. ಆದರೆ ಕ್ಯಾಮೆರಾ ವಿಭಾಗದಲ್ಲಿ ಕೆಲವು ಬದಲಾವಣೆ ಮಾಡಲಾಗಿದೆ. ಇದು 5000mAh ಬ್ಯಾಟರಿ, 50MP ಮುಂಭಾಗದ ಕ್ಯಾಮೆರಾವನ್ನು ಹೊಂದಿದೆ. ವಿವೋ V30 5G ಫೋನ್‌ನ ನಿಖರವಾದ ಬೆಲೆ ಮತ್ತು ಲಭ್ಯತೆಯ ವಿವರಗಳನ್ನು ಕಂಪನಿ ಇನ್ನೂ ಪ್ರಕಟಿಸಿಲ್ಲ.
ವಿವೋ V30 5G ಭಾರತ, ಥೈಲ್ಯಾಂಡ್, ಮಲೇಷ್ಯಾ, ಇಂಡೋನೇಷ್ಯಾ, ಹಾಂಗ್ ಕಾಂಗ್, ಸಿಂಗಾಪುರ್, ಪಾಕಿಸ್ತಾನ, ಈಜಿಪ್ಟ್, ಯುಎಇ ಸೇರಿದಂತೆ ಹೆಚ್ಚಿನ ಮಾರುಕಟ್ಟೆಗಳಲ್ಲಿ ಲಭ್ಯವಿರುತ್ತದೆ. ಪ್ರತಿ ಮಾರುಕಟ್ಟೆಯ ಬೆಲೆ ಮತ್ತು ಲಭ್ಯತೆಯನ್ನು ಕೆಲವೇ ದಿನಗಳಲ್ಲಿ ಪ್ರಕಟಿಸಲಾಗುವುದು ಎಂದು ಹೇಳಲಾಗಿದೆ.
Paytm: ಫೆ. 29ರ ನಂತರ ಪೇಟಿಎಂನಲ್ಲಿ ನೀವು ಏನು ಬಳಸಬಹುದು, ಯಾವುದು ಸಾಧ್ಯವಿಲ್ಲ? ಇಲ್ಲಿದೆ ಡೀಟೇಲ್ಸ್
ವಿವೋ V30 5G 2800×1260 ಪಿಕ್ಸೆಲ್‌ಗಳೊಂದಿಗೆ 6.78-ಇಂಚಿನ FHD+ AMOLED ಡಿಸ್ಪ್ಲೇ, 20:9 ಆಕಾರ ಅನುಪಾತದ ಡಿಸ್ಪ್ಲೇ, HDR10+, 120Hz ರಿಫ್ರೆಶ್ ದರ, 2800 ವರೆಗೆ ಗರಿಷ್ಠ ಬ್ರೈಟ್ನೆಸ್ ಅನ್ನು ಹೊಂದಿದೆ.
ಕ್ವಾಲ್ಕಂನ ಸ್ನಾಪ್ಡ್ರಾಗನ್ 7 Gen 3 SoC Adreno 720 GPU ನೊಂದಿಗೆ ಫೋನ್ ಪವರ್ ಮಾಡುತ್ತಿದೆ. ಚಿಪ್‌ಸೆಟ್ 8GB/12GB RAM ಮತ್ತು 256GB UFS 3.1 ಸ್ಟೋರೇಜ್ ಹೊಂದಿದೆ. ವಿವೋ V30 5G ಆಂಡ್ರಾಯ್ಡ್ 14 ನಲ್ಲಿ Funtouch OS ಕಸ್ಟಮ್ ಸ್ಕಿನ್‌ನಿಂದ ರನ್ ಆಗುತ್ತದೆ. ಕನೆಕ್ಟಿವಿಟಿ ಆಯ್ಕೆಗಳಲ್ಲಿ 5G SA/NSA, ಡ್ಯುಯಲ್ 4G VoLTE, Wi-Fi 6, ಬ್ಲೂಟೂತ್, GPS, USB ಟೈಪ್-C, ಮತ್ತು NFC ಸೇರಿವೆ.
ಕ್ಯಾಮೆರಾದ ವಿಚಾರದಲ್ಲಿ, ವಿವೋ V30 5G ಫೋನ್ f/1.88 ದ್ಯುತಿರಂಧ್ರದೊಂದಿಗೆ 50MP ಪ್ರಾಥಮಿಕ ಸಂವೇದಕವನ್ನು ಹೊಂದಿದೆ. ಇದು OIS ಕ್ಯಾಮೆರಾ ಆಗಿದೆ. LED ಫ್ಲ್ಯಾಷ್ ನೀಡಲಾಗಿದೆ. 50MP ಅಲ್ಟ್ರಾ-ವೈಡ್-ಆಂಗಲ್ ಲೆನ್ಸ್ ಮತ್ತು 2MP ಬೊಕೆ ಸಂವೇದಕವನ್ನು ಕೂಡ ಇದೆ. ಸೆಲ್ಫಿಗಳು ಮತ್ತು ವಿಡಿಯೋ ಚಾಟ್‌ಗಳಿಗಾಗಿ ಮುಂಭಾಗದಲ್ಲಿ 50MP ಶೂಟರ್ ಅನ್ನು ನೀಡಲಾಗಿದೆ.
ವಿವೋ V30 5G ಭದ್ರತೆಗಾಗಿ ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸಂವೇದಕವಿದೆ. ಹೈ-ರೆಸ್ ಆಡಿಯೋ, ಧೂಳು ಮತ್ತು ಸ್ಪ್ಲಾಶ್ ಪ್ರತಿರೋಧಕ್ಕಾಗಿ IP54 ರೇಟಿಂಗ್ ಮತ್ತು ಸ್ಟಿರಿಯೊ ಸ್ಪೀಕರ್‌ಗಳನ್ನು ಒಳಗೊಂಡಿದೆ. ಈ ಫೋನ್ 80W ವೇಗದ ಚಾರ್ಜಿಂಗ್‌ನೊಂದಿಗೆ 5,000mAh ಬ್ಯಾಟರಿಯನ್ನು ಪ್ಯಾಕ್ ಮಾಡುತ್ತದೆ.
ವಿವೋ V30 ಫೋನಿನ ಬ್ಲೂಮ್ ವೈಟ್ ಬಣ್ಣವು 3D ಪೆಟಲ್ ಪ್ಯಾಟರ್ನ್ ಅನ್ನು ಹೊಂದಿದೆ. ವೇವಿಂಗ್ ಆಕ್ವಾ ಆವೃತ್ತಿಯು ಹಸಿರು-ನೀಲಿ ಬಣ್ಣವನ್ನು ಬದಲಾಯಿಸುವ Lusj ಗ್ರೀನ್ ಅನ್ನು ಒಳಗೊಂಡಿದೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ