Zeiss ಕ್ಯಾಮೆರಾ, 80W ಫಾಸ್ಟ್ ಚಾರ್ಜರ್: ಭಾರತದಲ್ಲಿ ವಿವೋ V30 ಸರಣಿ ಬಿಡುಗಡೆ: ಬೆಲೆ ಎಷ್ಟು?

ಚೀನಾ ಮೂಲದ ಪ್ರಸಿದ್ಧ ವಿವೋ ಕಂಪನಿ ಆಕರ್ಷಕ ಕ್ಯಾಮೆರಾ ಆಯ್ಕೆವುಳ್ಳ ಹೊಸ ಸ್ಮಾರ್ಟ್​ಫೋನ್ ಒಂದನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಇಂದು ಭಾರತದಲ್ಲಿ ವಿವೋ ವಿ30 ಸರಣಿಯ (Vivo V30 Series) ಅಡಿಯಲ್ಲಿ ಹೊಸ ವಿವೋ V30 ಮತ್ತು ವಿವೋ V30 ಪ್ರೊ ಬಿಡುಗಡೆ ಆಗಿದೆ. ಇದು ವಿವೋ V29 ಸರಣಿಯ ಉತ್ತರಾಧಿಕಾರಿಗಳಾಗಿ ಅನಾವರಣ ಮಾಡಲಾಗಿದೆ. ವಿವೋ V30 ಪ್ರೊ Zeiss ಆಪ್ಟಿಕ್ಸ್ ಅನ್ನು ಒಳಗೊಂಡಿರುವ ಮೊದಲ V-ಸರಣಿಯ ಮಾದರಿಯಾಗಿದೆ. ಇದನ್ನು ಮೊದಲು Vivo X ಶ್ರೇಣಿಯಲ್ಲಿ ಮಾತ್ರ ನೋಡಲಾಗಿತ್ತು. ಹೊಸ ವಿವೋ V30 ಮತ್ತು ವಿವೋ V30 ಪ್ರೊ ಫೋನಿನ ಬೆಲೆ, ಫೀಚರ್ಸ್ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಭಾರತದಲ್ಲಿ ವಿವೋ V30 ಸರಣಿಯ ಬೆಲೆಗಳು, ಮಾರಾಟದ ವಿವರಗಳು:

ವಿವೋ V30 5G ಫೋನ್ 8GB + 128GB ಗೆ ರೂ. 33,999, 8GB + 256GB ಗೆ ರೂ. 35,999 ಮತ್ತು 12GB + 256GB ಆವೃತ್ತಿಗೆ ರೂ. 37,999 ಆಗಿದೆ. ಹಾಗೆಯೆ ವಿವೋ V30 ಪ್ರೊವಿನ 8GB + 256GB ಮಾದರಿಗೆ 41,999 ರೂ. ಮತ್ತು 12GB + 512GB ಆವೃತ್ತಿಗೆ 46,999 ರೂ. ನಿಗದಿ ಮಾಡಲಾಗಿದೆ.

ಒಂದೇ ದಿನ ಎರಡು ಹೊಸ ​ಫೋನ್ ಬಿಡುಗಡೆ ಮಾಡಿದ ರಿಯಲ್ ಮಿ: ಯಾವುದು?, ಬೆಲೆ ಎಷ್ಟು?

ಈ ಫೋನ್‌ಗಳ ಮುಂಗಡ ಬುಕಿಂಗ್ ಇಂದಿನಿಂದ ಪ್ರಾರಂಭವಾಗುತ್ತದೆ ಮತ್ತು ಮಾರಾಟವು ಮಾರ್ಚ್ 14 ರಂದು ಶುರುವಾಗಲಿದೆ. ಇದು ಫ್ಲಿಪ್‌ಕಾರ್ಟ್, ವಿವೋ ಇಂಡಿಯಾ ವೆಬ್‌ಸೈಟ್, ರಿಲಯನ್ಸ್ ಡಿಜಿಟಲ್, ವಿಜಯ್ ಸೇಲ್ಸ್, ಕ್ರೋಮಾ ಮತ್ತು ಎಲ್ಲಾ ಪ್ರಮುಖ ರಿಟೇಲ್ ಔಟ್‌ಲೆಟ್‌ಗಳ ಮೂಲಕ ಮಾರಾಟವಾಗಲಿದೆ. ಕಂಪನಿಯು ಆಯ್ದ ಕಾರ್ಡ್‌ಗಳ ಮೂಲಕ ಫ್ಲಾಟ್ 10 ಪ್ರತಿಶತ ರಿಯಾಯಿತಿ, ನೋ-ಕಾಸ್ಟ್ EMI, ವಿವೋ V- ಶೀಲ್ಡ್ (ಆಫ್‌ಲೈನ್) ಮೇಲೆ 40 ಪ್ರತಿಶತ ರಿಯಾಯಿತಿ ಮತ್ತು ವಿನಿಮಯ ಬೋನಸ್ (ಆನ್‌ಲೈನ್‌ನಲ್ಲಿ ಮಾತ್ರ) ನೀಡುತ್ತಿದೆ.

ವಿವೋ V30 ಸರಣಿಯ ಫೀಚರ್ಸ್:

ವಿವೋ V30 ಮತ್ತು V30 ಪ್ರೊ 5G ಫೋನ್ 2800×1260 ಪಿಕ್ಸೆಲ್‌ಗಳೊಂದಿಗೆ 6.78-ಇಂಚಿನ FHD+ AMOLED ಡಿಸ್​ಪ್ಲೇ, 20:9 ಆಕಾರ ಅನುಪಾತದ ಡಿಸ್​ಪ್ಲೇ, HDR10+, 120Hz ರಿಫ್ರೆಶ್ ದರವನ್ನು ಹೊಂದಿದೆ. V30, ಕ್ವಾಲ್ಕಂ ಸ್ನಾಪ್​ಡ್ರಾಗನ್ 7 Gen 3 SoC ನಿಂದ ಚಾಲಿತವಾಗಿದ್ದು, Adreno 720 GPU ನೊಂದಿಗೆ ಈ ಫೋನ್ ಅನ್ನು ಪವರ್ ಮಾಡುತ್ತಿದೆ. ಚಿಪ್‌ಸೆಟ್ ಅನ್ನು 8GB/12GB RAM ಮತ್ತು 128GB/256GB ಸಂಗ್ರಹಣೆಯೊಂದಿಗೆ ಜೋಡಿಸಲಾಗಿದೆ.

ಮತ್ತೊಂದೆಡೆ, ವಿವೋ 30 Pro ಮೀಡಿಯಾ ಟೆಕ್ ಡೈಮೆನ್ಸಿಟಿ 8200 ಚಿಪ್‌ಸೆಟ್‌ನೊಂದಿಗೆ ರವಾನಿಸುತ್ತದೆ ಮತ್ತು 8GB/12GB RAM ಮತ್ತು 512GB ವರೆಗೆ ಸಂಗ್ರಹಣೆಯೊಂದಿಗೆ ಸಂಯೋಜಿಸಲ್ಪಟ್ಟಿದೆ. ವಿವೋ V30 ಸರಣಿಯು ಆಂಡ್ರಾಯ್ಡ್ 14 ನಲ್ಲಿ Funtouch OS ಕಸ್ಟಮ್ ಸ್ಕಿನ್‌ನಿಂದ ರನ್ ಆಗುತ್ತದೆ. ಕನೆಕ್ಟಿವಿಟಿ ಆಯ್ಕೆಗಳಲ್ಲಿ 5G SA/NSA, ಡ್ಯುಯಲ್ 4G VoLTE, Wi-Fi 6 802.11 ac, ಬ್ಲೂಟೂತ್ 5.3, GPS, USB ಟೈಪ್-C, ಮತ್ತು NFC ಸೇರಿವೆ.

Tech Tips: ಸ್ಮಾರ್ಟ್​ಫೋನ್ ಅಪ್​ಡೇಟ್ ಮಾಡದಿದ್ದರೆ ಏನಾಗುತ್ತದೆ ಗೊತ್ತಾ..?

ಕ್ಯಾಮೆರಾದ ವಿಷಯದಲ್ಲಿ, ವಿವೋ V30 5G 50MP ಪ್ರಾಥಮಿಕ ಸಂವೇದಕವನ್ನು f/1.88 ಅಪರ್ಚರ್, OIS, LED ಫ್ಲ್ಯಾಷ್ ಮತ್ತು f/2.0 ದ್ಯುತಿರಂಧ್ರದೊಂದಿಗೆ 50MP ಅಲ್ಟ್ರಾ-ವೈಡ್-ಆಂಗಲ್ ಲೆನ್ಸ್ ಅನ್ನು ಒಳಗೊಂಡಿದೆ. ಸೆಲ್ಫಿ ಮತ್ತು ವಿಡಿಯೋ ಚಾಟ್‌ಗಳಿಗಾಗಿ ಮುಂಭಾಗದಲ್ಲಿ 50MP ಶೂಟರ್ ಇದೆ.

ಮತ್ತೊಂದೆಡೆ, ವಿವೋ V30 ಪ್ರೊ ಫೋನ್ 50MP ಸೋನಿ IMX920 ಪ್ರೈಮರಿ ಕ್ಯಾಮರಾ ಜೊತೆಗೆ Zeiss ಆಪ್ಟಿಮೈಸೇಶನ್, 50MP ಸೋನಿ IMX816 ಪೋಟ್ರೇಟ್ ಕ್ಯಾಮೆರಾ ಮತ್ತು 50MP ಅಲ್ಟ್ರಾ-ವೈಡ್-ಆಂಗಲ್ ಲೆನ್ಸ್ ಅನ್ನು ಒಳಗೊಂಡಿದೆ. ಸೆಲ್ಫಿಗಳು ಮತ್ತು ವಿಡಿಯೋ ಚಾಟ್‌ಗಳಿಗಾಗಿ ಮುಂಭಾಗದಲ್ಲಿ 50MP ಶೂಟರ್ ಇದೆ. ವಿವೋ V30 ಮತ್ತು V30 Pro ಭದ್ರತೆ ಮತ್ತು ಹೈ-ರೆಸ್ ಆಡಿಯೋಗಾಗಿ ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸಂವೇದಕವನ್ನು ಹೊಂದಿದೆ. ಈ ಫೋನ್‌ಗಳು 80W ವೇಗದ ಚಾರ್ಜಿಂಗ್‌ನೊಂದಿಗೆ 5,000mAh ಬ್ಯಾಟರಿಯನ್ನು ಪ್ಯಾಕ್ ಮಾಡುತ್ತವೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 2:27 pm, Thu, 7 March 24