ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸಲು ಬಂತು ಶವೋಮಿ 14, ಶವೋಮಿ 14 ಪ್ರೊ: ಬೆಲೆ ಎಷ್ಟು?

ಚೀನಾ ಮೂಲದ ಪ್ರಸಿದ್ಧ ಶವೋಮಿ ಕಂಪನಿ ತನ್ನ ಬಹುನಿರೀಕ್ಷಿತ ಶವೋಮಿ 14 ಸರಣಿಯ (Xiaomi 14 Series) ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡಿದೆ. ಚೀನಾದಲ್ಲಿ ನಡೆದ ಕಂಪನಿಯ ಬಿಡುಗಡೆ ಸಮಾರಂಭದಲ್ಲಿ ಶವೋಮಿ 14 ಮತ್ತು ಶವೋಮಿ 14 ಪ್ರೊ ಅನಾವರಣಗೊಳಿಸಲಾಗಿದೆ. ಈ ಹೊಸ ಸ್ಮಾರ್ಟ್‌ಫೋನ್‌ಗಳು ಕ್ವಾಲ್ಕಮ್​ನ ನ ಇತ್ತೀಚಿನ ಸ್ನಾಪ್​ಡ್ರಾಗನ್ 8 Gen 3 SoC ನೊಂದಿಗೆ ಬರುತ್ತವೆ. ಮತ್ತು ಶವೋಮಿಯ HyperOS ನಲ್ಲಿ ರನ್ ಆಗುತ್ತವೆ. ಹಾಗಾದರೆ ಈ ಫೋನುಗಳ ಇತರೆ ಫೀಚರ್ಸ್ ಏನಿದೆ, ಬೆಲೆ ಎಷ್ಟು ಎಂಬುದನ್ನು ನೋಡೋಣ.

ಶವೋಮಿ 14 ಪ್ರೊ, ಶವೋಮಿ 14 ಬೆಲೆ:

ಶವೋಮಿ 14 ಪ್ರೊ ಬೆಲೆ 12GB + 256GB RAM ಮತ್ತು ಸ್ಟೋರೇಜ್ ಮಾದರಿಗೆ CNY 4,999 (ಸುಮಾರು ರೂ. 56,500) ನಿಂದ ಪ್ರಾರಂಭವಾಗುತ್ತದೆ. 16GB + 512GB ರೂಪಾಂತರಕ್ಕೆ CNY 5,499 (ಸುಮಾರು ರೂ. 62,000), 16GB + 1TB ಕಾನ್ಫಿಗರೇಶನ್‌ಗೆ CNY 5,999 (ಸರಿಸುಮಾರು ರೂ. 68,200).

ಯುವ ಮನಸ್ಸುಗಳು ಹಾಳಾಗುತ್ತಿವೆ… ಫೇಸ್​ಬುಕ್, ಇನ್ಸ್​ಟಾಗ್ರಾಮ್ ವಿರುದ್ಧ ಅಮೆರಿಕದ 42 ರಾಜ್ಯಗಳಿಂದ ಕಾನೂನು ಕ್ರಮ

ಮತ್ತೊಂದೆಡೆ, ಶವೋಮಿ 14 ಫೋನಿನ 8GB + 256GB RAM ರೂಪಾಂತರಕ್ಕೆ CNY 3,999 (ಸುಮಾರು ರೂ. 50,000), 12GB + 256GB ರೂಪಾಂತರಕ್ಕೆ CNY 4,299 (ಸುಮಾರು ರೂ. 48,000). 16GB + 512GB ಮಾದರಿಗೆ CNY 4,599 (ಸುಮಾರು ರೂ. 52,000) ಮತ್ತು 16GB + 1TB ಕಾನ್ಫಿಗರೇಶನ್‌ಗೆ CNY 4,999 (ಸುಮಾರು ರೂ. 56,000) ನಿಗದಿ ಮಾಡಲಾಗಿದೆ. ಸದ್ಯಕ್ಕೆ ಚೀನಾದಲ್ಲಿ ರಿಲೀಸ್ ಆಗಿರುವ ಈ ಸ್ಮಾರ್ಟ್​ಫೋನ್ ಮುಂದಿನ ದಿನಗಳಲ್ಲಿ ಭಾರತಕ್ಕೂ ಬರಲಿದೆ.

ಶವೋಮಿ 14 ಪ್ರೊ ಫೀಚರ್ಸ್:

ಡ್ಯುಯಲ್ ಸಿಮ್ (ನ್ಯಾನೋ) ಶವೋಮಿ 14 ಪ್ರೊ ಕಂಪನಿಯ ಹೊಸ HyperOS ಇಂಟರ್ಫೇಸ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. 6.73-ಇಂಚಿನ 2.5D LTPO ಡಿಸ್ಪ್ಲೇ, 2K ರೆಸಲ್ಯೂಶನ್ (1,440×3,200 ಪಿಕ್ಸೆಲ್‌ಗಳು) ಜೊತೆಗೆ 120Hz ರಿಫ್ರೆಶ್ ದರವನ್ನು ಹೊಂದಿದೆ. ಇದು ಈ ವಾರವಷ್ಟೇ ಘೋಷಿಸಲಾದ ಹೊಚ್ಚಹೊಸ 4nm ಸ್ನಾಪ್‌ಡ್ರಾಗನ್ 8 Gen 3 ಚಿಪ್‌ಸೆಟ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. 16GB ವರೆಗಿನ LPDDR5X RAM ಮತ್ತು 1TB ವರೆಗಿನ UFS 4.0 ಆನ್‌ಬೋರ್ಡ್ ಸಂಗ್ರಹಣೆಯನ್ನು ಹೊಂದಿದೆ.

ಕ್ಯಾಮೆರಾ ವಿಚಾರಕ್ಕೆ ಬಂದರೆ, ಶವೋಮಿ 14 ಪ್ರೊ ಸಮ್ಮಿಲಕ್ಸ್ ಲೆನ್ಸ್‌ನೊಂದಿಗೆ ಲೈಕಾ-ಬ್ರಾಂಡ್​ನ ಟ್ರಿಪಲ್ ರಿಯರ್ ಕ್ಯಾಮೆರಾ ಘಟಕವನ್ನು ಹೊಂದಿದೆ. ಇದರಲ್ಲಿ 50-ಮೆಗಾಪಿಕ್ಸೆಲ್​ನ ಹಂಟರ್ 900 ಸೆನ್ಸಾರ್ ಜೊತೆಗೆ ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಜೊತೆಗೆ f//1.6 ಅಪರ್ಚರ್, 50-ಮೆಗಾಪಿಕ್ಸೆಲ್ ಟೆಲಿಫೋಟೋ ಕ್ಯಾಮೆರಾ ಮತ್ತು 50-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಆಂಗಲ್ ಶೂಟರ್ ಅನ್ನು ಒಳಗೊಂಡಿದೆ. ಸೆಲ್ಫಿ ಮತ್ತು ವಿಡಿಯೋ ಚಾಟ್‌ಗಳಿಗಾಗಿ ಮುಂಭಾಗದಲ್ಲಿ 32-ಮೆಗಾಪಿಕ್ಸೆಲ್ ಕ್ಯಾಮೆರಾ ಇದೆ.

ಶವೋಮಿ 14 ಪ್ರೊ 120W ಚಾರ್ಜಿಂಗ್ ಬೆಂಬಲ ಮತ್ತು 50W ವೈರ್‌ಲೆಸ್ ಚಾರ್ಜಿಂಗ್ ಬೆಂಬಲದೊಂದಿಗೆ 4,880mAh ಬ್ಯಾಟರಿಯನ್ನು ಹೊಂದಿದೆ. ಹ್ಯಾಂಡ್‌ಸೆಟ್ 10W ವೈರ್‌ಲೆಸ್ ರಿವರ್ಸ್ ಚಾರ್ಜಿಂಗ್ ಅನ್ನು ಸಹ ಬೆಂಬಲಿಸುತ್ತದೆ. ಸಂಪರ್ಕ ಆಯ್ಕೆಗಳು 5G, Wi-Fi 7, USB 3.2 ಪೋರ್ಟ್, ಬ್ಲೂಟೂತ್, GPS, ಗೆಲಿಲಿಯೋ USB ಟೈಪ್-ಸಿ ಪೋರ್ಟ್ ಅನ್ನು ಒಳಗೊಂಡಿವೆ. ಈ ಫೋನ್ ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸಂವೇದಕದೊಂದಿಗೆ ಬರುತ್ತದೆ ಮತ್ತು ಫೇಸ್ ಅನ್‌ಲಾಕ್ ವೈಶಿಷ್ಟ್ಯವನ್ನು ಬೆಂಬಲಿಸುತ್ತದೆ. ಗೇಮಿಂಗ್‌ಗಾಗಿ ಎಕ್ಸ್-ಆಕ್ಸಿಸ್ ಲೀನಿಯರ್ ವೈಬ್ರೇಶನ್ ಮೋಟರ್ ಅನ್ನು ಒಳಗೊಂಡಿದೆ. ಡಾಲ್ಬಿ ಅಟ್ಮಾಸ್ ಬೆಂಬಲದೊಂದಿಗೆ ಸ್ಟೀರಿಯೋ ಸ್ಪೀಕರ್‌ಗಳನ್ನು ಸಹ ಒಳಗೊಂಡಿದೆ.

ಶವೋಮಿ 14 ಫೋನ್ ವೆನಿಲ್ಲಾ ಮಾದರಿಯು 6.36-ಇಂಚಿನ LTPO AMOLED (1,200×2,600 ಪಿಕ್ಸೆಲ್‌ಗಳು) ಡಿಸ್ ಪ್ಲೇ, 1.5K ರೆಸಲ್ಯೂಶನ್, 460ppi ಪಿಕ್ಸೆಲ್ ಸಾಂದ್ರತೆ ಮತ್ತು 1Hz ನಿಂದ 120Hz ವರೆಗಿನ ರಿಫ್ರೆಶ್ ದರವನ್ನು ಹೊಂದಿದೆ. ಇದು ಸ್ನಾಪ್‌ಡ್ರಾಗನ್ 8 Gen 3 SoC ನಿಂದ ಚಾಲಿತವಾಗಿದೆ.

50-ಮೆಗಾಪಿಕ್ಸೆಲ್ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್, 32-ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಇದೆ. 4,610mAh ಬ್ಯಾಟರಿಯೊಂದಿಗೆ 90W ವೈರ್ಡ್ ಚಾರ್ಜಿಂಗ್ ಬೆಂಬಲ, 50W ವೈರ್‌ಲೆಸ್ ಚಾರ್ಜಿಂಗ್ ಬೆಂಬಲ ಮತ್ತು 10W ವೈರ್‌ಲೆಸ್ ರಿವರ್ಸ್ ಚಾರ್ಜಿಂಗ್‌ಗೆ ಬೆಂಬಲವನ್ನು ಹೊಂದಿದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ