Android 13: ಆಂಡ್ರಾಯ್ಡ್ 13 ನಲ್ಲಿದೆ ವಿಶೇಷ ಆಯ್ಕೆ: ಈಗ ಆ್ಯಪ್ಗಳ ಬಾಷೆಯನ್ನೂ ಬದಲಾಯಿಸಬಹುದು
ಇದೀಗ ಆಂಡ್ರಾಯ್ಡ್ 13 ನಲ್ಲಿರುವ ಫೀಚರ್ ಒಂದು ಎಲ್ಲರ ಹುಬ್ಬೇರುವಂತೆ ಮಾಡಿದೆ. ಅದೇನೆಂದರೆ ಇದರಲ್ಲಿ ಎಲ್ಲ ಆ್ಯಪ್ಗಳ ಬಾಷೆಯಲ್ಲಿ ಬದಲಾವಣೆ ಮಾಡಬಹುದಂತೆ.
Updated on:Aug 30, 2022 | 1:10 PM
ಇತ್ತೀಚೆಗಷ್ಟೆ ಆಂಡ್ರಾಯ್ಡ್ ಹೊಸ ವರ್ಷನ್ 13 (Android 13) ಅನ್ನು ಬಿಡುಗಡೆ ಮಾಡಲಾಗತ್ತು. ಗೂಗಲ್ ಫಿಕ್ಸೆಲ್ ಹಾಗೂ ಆಯ್ದ ಸ್ಯಾಮ್ಸಂಗ್ (Samsung) ಗ್ಯಾಲಕ್ಸಿ ಸ್ಮಾರ್ಟ್ಫೋನ್ಗಳಲ್ಲಿ ಆಂಡ್ರಾಯ್ಡ್ 13 ಕಾರ್ಯನಿರ್ವಹಿಸುತ್ತಿದೆ. ಪಿಕ್ಸೆಲ್ 4a ಮತ್ತು ಪಿಕ್ಸೆಲ್ 6a ಫೋನ್ಗಳನ್ನು ಹೊಸ ಅಪ್ಡೇಟ್ ಬಂದಿದೆ. ಆಸಸ್, ನೋಕಿಯಾ, ಐಕ್ಯೂ, ಮೋಟೋರೊಲಾ, ಒನ್ಪ್ಲಸ್, ಒಪ್ಪೋ, ರಿಯಲ್ ಮಿ (Realme), ಸೋನಿ, ಟೆಕ್ನೋ, ವಿವೋ, ಶವೋಮಿ ಸೇರಿದಂತೆ ಇತರೆ ಫೋನ್ಗಳಲ್ಲಿ ಈ ವರ್ಷದ ಬಳಿಕ ಆಂಡ್ರಾಯ್ಡ್ 13 ಅಪ್ಡೇಟ್ ಬರಲಿದೆ. ಆಂಡ್ರಾಯ್ಡ್ 13 ನಲ್ಲಿ ಬಳಕೆದಾರರಿಗೆ ಸುಲಭವಾಗುವಂತಹ ಅನೇಕ ಆಯ್ಕೆಗಳಿವೆ ಎಂದು ಹೇಳಲಾಗಿದೆ.
ಇದೀಗ ಆಂಡ್ರಾಯ್ಡ್ 13 ನಲ್ಲಿರುವ ಫೀಚರ್ ಒಂದು ಎಲ್ಲರ ಹುಬ್ಬೇರುವಂತೆ ಮಾಡಿದೆ. ಅದೇನೆಂದರೆ ಇದರಲ್ಲಿ ಎಲ್ಲ ಆ್ಯಪ್ಗಳ ಬಾಷೆಯಲ್ಲಿ ಬದಲಾವಣೆ ಮಾಡಬಹುದಂತೆ. ನಿಮ್ಮ ಬಳಿ ಗೂಗಲ್ ಅಥವಾ ಕೆಲ ಸ್ಯಾಮ್ಸಂಗ್ ಸ್ಮಾರ್ಟ್ಫೋನ್ಗಳಿದ್ದರೆ ಅದರಲ್ಲಿ ಈ ಆಯ್ಕೆ ನೀಡಲಾಗಿದೆ. ಸ್ಯಾಮ್ಸಂಗ್ ಫೋನ್ನಲ್ಲಿ ನಮಗೆ ಬೇಕಾದ ಭಾಷೆಯನ್ನು ಆಯ್ಕೆ ಮಾಡುವುದು ಹೇಗೆ ಎಂಬುದಕ್ಕೆ ಇಲ್ಲಿದೆ ಮಾಹಿತಿ.
- ಆಂಡ್ರಾಯ್ಡ್ 13 ಅಪ್ಡೇಟ್ ಆಗಿರುವ ನಿಮ್ಮ ಸ್ಯಾಮ್ಸಂಗ್ ಮೊಬೈಲ್ನಲ್ಲಿ ಸೆಟ್ಟಿಂಗ್ಸ್ಗೆ ತೆರಳಿ.
- ಕೆಳಗಡೆ ಬಂದರೆ General Management ಎಂಬ ಆಯ್ಕೆ ಕಾಣಿಸುತ್ತದೆ ಮತ್ತು ಅದರ ಮೇಲೆ ಕ್ಲಿಕ್ ಮಾಡಿ.
- ಅಲ್ಲಿ ಆ್ಯಪ್ ಲಾಂಗ್ವೇಜ್ ಅನ್ನು ಸೆಲೆಕ್ಟ್ ಮಾಡಿಕೊಳ್ಳಿ.
- ಈಗ ನಿಮಗೆ ಭಾಷೆ ಬದಲಾಯಿಸಬೇಕಾದ ಒಂದು ಆ್ಯಪ್ ಅನ್ನು ಆರಿಸಿಕೊಳ್ಳಿ.
- ನಂತರ ನಿಮಗೆ ಯಾವ ಭಾಷೆ ಬೇಕು ಅದನ್ನು ಆಯ್ಕೆ ಮಾಡಿ ಡನ್ ಕೊಟ್ಟುಬಿಡಿ.
ಗೂಗಲ್ ಫಿಕ್ಸೆಲ್ ಫೋನ್ನಲ್ಲಿ ಹೇಗೆ?:
- ಗೂಗಲ್ ಪಿಕ್ಸೆಲ್ ಫೋನ್ನಲ್ಲಿ ಸೆಟ್ಟಿಂಗ್ಸ್ಗೆ ತೆರಳಿ.
- ಸಿಸ್ಟಮ್ ಆಯ್ಕೆ ಮೇಲೆ ಕ್ಲಿಕ್ ಮಾಡಿ ಕೆಳಗಡೆ ಬಂದು Languages & Input ಸೆಲೆಕ್ಟ್ ಮಾಡಿಕೊಳ್ಳಿ.
- ಅಲ್ಲಿ ಆ್ಯಪ್ Languages ಕ್ಲಿಕ್ ಮಾಡಿ ಬೇಕಾದ ಆ್ಯಪ್ ಅನ್ನು ಆಯ್ಕೆ ಮಾಡಿರಿ.
- ನಂತರ ನಿಮಗೆ ಯಾವ ಭಾಷೆ ಬೇಕು ಅದನ್ನು ಆಯ್ಕೆ ಮಾಡಿ ಡನ್ ಕೊಟ್ಟುಬಿಡಿ.
- ಇವುಗಳ ಜೊತೆಗೆ ಆಂಡ್ರಾಯ್ಡ್ 13 ನಲ್ಲಿ ಹೊಸ ಕಸ್ಟಮೈಸೇಶನ್, ಭದ್ರತೆ ವೈಶಿಷ್ಟ್ಯ ಹೊಂದಿದೆ. ಬಳಕೆದಾರರು ತಮ್ಮ ವಾಲ್‌ಪೇಪರ್‌ನ ಆಧಾರದ ಮೇಲೆ 16 ಪೂರ್ವನಿಗದಿ ಬಣ್ಣದ ಥೀಮ್‌ಗಳನ್ನು ಪಡೆಯುತ್ತಾರೆ ಮತ್ತು ಅವರ ಮುಖಪುಟ ಪರದೆಗಳು, ಐಕಾನ್‌ಗಳು ಮತ್ತು ಕ್ವಿಕ್ ಪ್ಯಾನೆಲ್‌ಗಳಿಗಾಗಿ 12 ಹೆಚ್ಚಿನ ಬಣ್ಣದ ಆಯ್ಕೆಗಳನ್ನು ಪಡೆಯುತ್ತಾರೆ.
ಇನ್ನು ಒಂದೇ ಸ್ಥಳದಲ್ಲಿ ಒಂದೇ ಗಾತ್ರದ ವಿಜೆಟ್‌ಗಳನ್ನು ಸೇರಿಸಿ, ಜಾಗವನ್ನು ಉಳಿಸಿ ಮತ್ತು ಸ್ವಚ್ಛವಾದ, ಹೆಚ್ಚು ಸಂಘಟಿತ ನೋಟವನ್ನು ರಚಿಸುವ ಮೂಲಕ ಬಳಕೆದಾರರು ತಮ್ಮ ಹೋಮ್ ಸ್ಕ್ರೀನ್‌ಗಳನ್ನು ಮತ್ತಷ್ಟು ಕಸ್ಟಮೈಸ್ ಮಾಡಬಹುದು. ರಿಂಗ್‌ಟೋನ್ ಸಂಪುಟಗಳು ಮತ್ತು ಕಂಪನ ತೀವ್ರತೆಗಳಿಗೆ ಸುಲಭ ಪ್ರವೇಶವನ್ನು ಒದಗಿಸುವ ಮರುಸಂಘಟಿತ ಮೆನುಗಳೊಂದಿಗೆ ಧ್ವನಿ ಸೆಟ್ಟಿಂಗ್‌ಗಳನ್ನು ಬದಲಾಯಿಸುವ ಪ್ರಕ್ರಿಯೆಯನ್ನು ಸುಗಮಗೊಳಿಸುತ್ತದೆ.
Published On - 1:10 pm, Tue, 30 August 22
