Viral News: 50 ವರ್ಷಗಳಿಂದ ಶರ್ಟ್​​ ಧರಿಸದೇ ಜೀವನ ನಡೆಸುತ್ತಿರುವ ವ್ಯಕ್ತಿ, ಇದೇ ಕಾರಣಕ್ಕೆ ಬಿಟ್ಟು ಹೋದ ಪತ್ನಿ!

ತೆಲಂಗಾಣದ ಜಗಿತ್ಯಾಲ ಜಿಲ್ಲೆಯಲ್ಲಿ ಮುಕ್ಕೈರ ಬಕ್ಕಯ್ಯ ಎಂಬ 50 ವರ್ಷದ ವ್ಯಕ್ತಿ ವಾಸವಾಗಿದ್ದಾರೆ. ಹಳ್ಳಿಗರು ಈ ವ್ಯಕ್ತಿಯನ್ನು ‘ಗಾಂಧಿ’ ಎಂದು ಕರೆಯುತ್ತಾರೆ. ಇದರ ಹಿಂದಿನ ಕಾರಣ ಬಹಳ ಆಶ್ಚರ್ಯಕರವಾಗಿದೆ. ರಾಷ್ಟ್ರಪಿತ ಮಹಾತ್ಮ ಗಾಂಧೀಜಿಯವರು ಯಾವ ರೀತಿ ಅಂಗಿ ಅಥವಾ ಉಡುಪನ್ನು ಹೆಚ್ಚಾಗಿ ಧರಿಸುತ್ತಿರಲಿಲ್ಲವೋ ಹಾಗೆಯೇ ಈ ವ್ಯಕ್ತಿಯೂ ಸಹ ಅಂಗಿಯನ್ನು ಧರಿಸುವುದಿಲ್ಲ. ಆದರೆ ಮುಕ್ಕೈರ ಬಕ್ಕಯ್ಯನ ಅಚ್ಚರಿಯ ಸಂಗತಿ ಎಂದರೆ ಕಳೆದ 50 ವರ್ಷಗಳಿಂದ ಅಂಗಿ, ಧರಿಸಿರಲಿಲ್ಲ.

ಮುಕ್ಕೈರ ಮದುವೆಯಾದಾಗಲೂ ಅಂಗಿ ಧರಿಸಿರಲಿಲ್ಲ. ಈ ವರ್ತನೆಯಿಂದ ಅಸಮಾಧಾನಗೊಂಡ ಪತ್ನಿ ಒಂದು ಷರತ್ತು ಕೂಡ ಹಾಕಿದಳು. ನೀವು ನನ್ನೊಂದಿಗೆ ಬದುಕಲು ಬಯಸಿದರೆ ನೀವು ಶರ್ಟ್​ ಧರಿಸಬೇಕು. ಆದರೆ ಮುಕ್ಕೈರ ಆಕೆಯ ಮಾತನ್ನು ಕೇಳಲಿಲ್ಲ. ಇದರಿಂದ ಕೋಪಗೊಂಡ ಪತ್ನಿ ಆತನನ್ನು ಬಿಟ್ಟು ತನ್ನ ತಾಯಿಯ ಮನೆಗೆ ಮರಳಿದ್ದಳು.

ಇದನ್ನೂ ಓದಿ: ಸಲಿಂಗಕಾಮಿ ಜೋಡಿಗೆ 100 ವರ್ಷ ಜೈಲು ಶಿಕ್ಷೆ; ಅಪರಾಧದ ಬಗ್ಗೆ ತಿಳಿದರೆ ನಿಮ್ಮ ರಕ್ತ ಕುದಿಯುವುದಂತೂ ಖಂಡಿತಾ

ಕೋರುಟ್ಲ ಮಂಡಲದ ಅಯಲಾಪುರ ಗ್ರಾಮದಲ್ಲಿ ವಾಸವಾಗಿರುವ ಮುಕ್ಕೈರ ಮಾತನಾಡಿ,”ನಾನು ಚಿಕ್ಕವನಿದ್ದಾಗ ಕುಟುಂಬ ತೀರಾ ಬಡತನವಾಗಿತ್ತು. ಶರ್ಟ್ ಖರೀದಿಸಲು ಪೋಷಕರ ಬಳಿ ಹಣವಿರಲಿಲ್ಲ. ಅದಕ್ಕೇ ಆ ಸಮಯದಲ್ಲಿ ನಾನು ಅಂಗಿ ಇಲ್ಲದೆಯೇ ಇದ್ದೆ. ನಂತರ ಇದು ನನ್ನ ಅಭ್ಯಾಸವಾಯಿತು. ಈಗ ಮನೆಯ ಪರಿಸ್ಥಿತಿಯೂ ಸುಧಾರಿಸಿದೆ ಎಂದು ಮನೆಯವರು ಹಲವು ಬಾರಿ ಹೇಳಿದ್ದರು. ನೀವು ಅಂಗಿಯನ್ನು ಖರೀದಿಸಿ ಧರಿಸಿ. ಆದರೆ ನನಗೆ ಶರ್ಟ್ ಧರಿಸುವುದು ಇಷ್ಟವಿರಲಿಲ್ಲ. ಅದಕ್ಕೇ ನಾನು ಅವನ ಮಾತು ಕೇಳಲಿಲ್ಲ. ನನ್ನ ಹೆಂಡತಿಗೆ ಇದು ಇಷ್ಟವಾಗಲಿಲ್ಲ. ಅದಕ್ಕೇ ಅವಳು ನನ್ನನ್ನು ಬಿಟ್ಟು ಹೋದಳು. ಆದರೆ ನಾನು ಇನ್ನೂ ಶರ್ಟ್ ಇಲ್ಲದೆ ಉಳಿದಿದ್ದೇನೆ. ಚಳಿಗಾಲವಾಗಲಿ ಅಥವಾ ಬೇಸಿಗೆಯಾಗಲಿ, ನಾನು ಶರ್ಟ್ ಇಲ್ಲದೆ ಬದುಕಲು ಬಯಸುತ್ತೇನೆ. ನಾನು ಇದನ್ನು ಮಾಡುತ್ತಾ 50 ವರ್ಷಗಳು ಕಳೆದಿವೆ. ಮುಂದೆಯೂ ಹೀಗೆಯೇ ಇರುತ್ತೇನೆ” ಎಂದು ಹೇಳಿಕೊಂಡಿದ್ದಾರೆ.

ಮತ್ತಷ್ಟು ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ