ಕುಣಿಯುತ್ತಲೇ ಸಿಂಕ್ಹೋಲ್ನಲ್ಲಿ ಬೀಳುವ ಈ 7 ಯುವತಿಯರ ವಿಡಿಯೋ ವೈರಲ್
Sinkhole : ಗುಂಪುಕಟ್ಟಿಕೊಂಡು ವೃತ್ತಾಕಾರದಲ್ಲಿ ಕುಣಿಯುತ್ತಿದ್ದ ಈ ಯುವತಿಯರು ಧಡಾರನೆ ಒಂದೇ ಬಾರಿಗೆ ಸಿಂಕ್ಹೋಲ್ನಲ್ಲಿ ಬಿದ್ದಾಗ ಏನಾಗಿರಬಹುದು? ವಿಡಿಯೋ ನೋಡಿ.
Updated on:Oct 01, 2022 | 5:53 PM
Viral Video : ಸಂತೋಷ ಹೆಚ್ಚಾದಾಗ ಎಲ್ಲರೂ ಮಾಡುವುದೇನು? ಕುಣಿಯುವುದೇ ಅಲ್ಲವೆ? ಈಗ ಹೀಗೆ ಕುಣಿಯಲು ಹೋಗಿ ಆವಾಂತರ ಸೃಷ್ಟಿಸಿಕೊಂಡಿದ್ದಾರೆ ಬ್ರೆಝಿಲ್ನ ಈ ಯುವತಿಯರು. ಬ್ರೆಝಿಲ್ನ ಅಲಗೋಯಿನ್ಹಾಸ್ನ ಮನೆಯೊಂದರ ಹಿತ್ತಲಿನಲ್ಲಿ ಸಂತೋಷಕೂಟ ಏರ್ಪಡಿಸಿದ್ದರೇನೋ. ಯಾವ ಕಾರಣಕ್ಕೆ ಏನೂ ಅಂತೆಲ್ಲ ಮಾಹಿತಿ ಇಲ್ಲ. ಅಂತೂ ಈ 7 ಯುವತಿಯರು ಜೋರಾಗಿ ಕೇಳಿಬರುತ್ತಿದ್ದ ಹಾಡಿಗೆ ಹೆಜ್ಜೆ ಹಾಕಿಕೊಂಡು ಸಂಭ್ರಮಿಸುತ್ತ ಕುಣಿದು ಕುಪ್ಪಳಿಸಿದ್ದಾರೆ. ದುರದೃಷ್ಟವಶಾತ್ ಇದ್ದಕ್ಕಿದ್ದಂತೆ ಸಿಂಕ್ಹೋಲ್ ಕುಸಿದು ಏಳೂ ಜನರು ಅದರೊಳಗೆ ಧಡಾರನೆ ಬಿದ್ದುಬಿಟ್ಟಿದ್ಧಾರೆ! ಇದೀಗ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಅದೃಷ್ಟಕ್ಕೆ ಇವರೆಲ್ಲರೂ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಸಣ್ಣಪುಟ್ಟ ಗಾಯಗಳು ಮಾತ್ರ ಉಂಟಾಗಿವೆ. ಏಳೂ ಜನರು ವೃತ್ತಾಕಾರದಲ್ಲಿ ಒಂದೇ ಜಾಗದಲ್ಲಿ ಕುಣಿಯುತ್ತಿದ್ದರೆ ಇನ್ನೇನಾಗಬೇಡ!
ಜನ್ಮದಲ್ಲಿ ಈ ಯುವತಿಯರಿಗೆ ಹೀಗೆ ಗುಂಪಾಗಿ ಕುಣಿಯುವುದೆಂದರೆ ದುಃಸ್ವಪ್ನವೇನೋ. ಅಕಸ್ಮಾತ್ ಕುಣಿದರೂ, ಕುಣಿಯುವ ಮುನ್ನ ನೆಲವನ್ನು ಪರೀಕ್ಷಿಸಿಯೇ ಕುಣಿಯತೊಡಗಬಹುದೇನೋ. ಅಂತೂ ಇಷ್ಟಕ್ಕೇ ಇವರು ಪಾರಾಗಿದ್ದಾರೆ ಎಲ್ಲ ಭೂತಾಯಿ ದಯೆ!
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 5:52 pm, Sat, 1 October 22
