Viral Video: ಬೆಂಗಳೂರು; ಬೆಕ್ಕೇ ಬೆಕ್ಕೇ ಮುದ್ದಿನ ಮೂಟೆ ಅಮ್ಮನ ಬೆನ್ನೇರಿ ಹೊರಟಿಹೆ ಎಲ್ಲಿಗೆ?

Bengaluru: ಬೇಟೆಯಾಡಿ, ತಮಾಷೆ ಮಾಡಿ, ಆಟವಾಡಿ, ಜಗಳ ಮಾಡಿ, ಮಲಗಿಕೊಳ್ಳಿ, ಇನ್ನೂ ಏನೇನಿದೆಯೋ ಅದೆಲ್ಲ ಮಾಡಿಕೊಳ್ಳಿ. ಆದರೆ ಅದೆಲ್ಲವೂ 100 ಮೀ. ಪರಿಧಿಯೊಳಗೆ ಮಾತ್ರ! ಎಂದು ತನ್ನ ಪೋಷಕರ ಮಾತನ್ನು ಕರಾರುವಕ್ಕಾಗಿ ಪಾಲಿಸುವ ಪ್ರಾಮಾಣಿಕ ಜೀವಿಗಳು ಈ ಬೆಕ್ಕುಗಳು. ಇದೀಗ ಬೆಂಗಳೂರಿನಲ್ಲಿ ಬೆಕ್ಕೊಂದು ತನ್ನ ಪೋಷಕಿಯೊಂದಿಗೆ ದ್ವಿಚಕ್ರವಾಹನವದಲ್ಲಿ ಪ್ರಯಾಣಿಸಿದ್ದೇ ಸುದ್ದಿಯಾಗಿದೆ. ಜನನಿಬಿಡ ರಸ್ತೆಯಲ್ಲಿ ಆಕೆ ಅದನ್ನು ಅದಕ್ಕೆಂದೇ ರೂಪಿಸಿದ ಚೀಲದಲ್ಲಿ (Cat bag) ಇರಿಸಿಕೊಂಡು ಸವಾರಿ ಹೊರಟಿದ್ಧಾಳೆ.

ಅನಿರ್ಬನ್ ರಾಯ್ ದಾಸ್ ಎನ್ನುವರು X (Twitter) ನಲ್ಲಿ ಹಂಚಿಕೊಂಡಿದ್ಧಾರೆ. ಈ ವಿಧಾನವೇನು ಹೊಸದಲ್ಲ. ನನ್ನ ಪ್ರಾಣಿಪ್ರಿಯ ಸ್ನೇಹಿತರಿಗೆ ತೋರಿಸಲು ರೆಕಾರ್ಡ್ ಮಾಡಿದೆ, ಹಾಗೆಯೇ ಇದನ್ನು ಇಲ್ಲಿ ಹಂಚಿಕೊಂಡೆ ಎಂದಿದ್ದಾರೆ ದಾಸ್​. 51 ಜನ ಈ ವಿಡಿಯೋ ವೀಕ್ಷಿಸಿದ್ದಾರೆ. ಆಗಸ್ಟ್​ 3ರಂದು ಈ ವಿಡಿಯೋ ಟ್ವೀಟ್ ಮಾಡಲಾಗಿದೆ.

ಇದನ್ನೂ ಓದಿ : Viral Brain Teaser: ಸ್ಮೆಲ್​ ಪದಗಳ ರಾಶಿಯಲ್ಲಿ ಸ್ವೆಲ್​ ಪದವೂ ಅಡಗಿದೆ, ಕಂಡುಹಿಡಿಯುವಿರೇ?

ಸಾಕುಬೆಕ್ಕು ಅಥವಾ ನಾಯಿಗಳನ್ನು ಸಾರ್ವಜನಿಕ ಸ್ಥಳಗಳಲ್ಲಿ ಕರೆದೊಯ್ಯುವುದು ಮತ್ತು ಪ್ರಯಾಣಿಸುವುದು ನಿಜಕ್ಕೂ ಕಷ್ಟಕರವಾದದ್ದು. ಅಪರಿಚಿತ ಸ್ಥಳಗಳಲ್ಲಿ ಅವು ಭಯ ಬೀಳುತ್ತವೆ ಅಥವಾ ಅವುಗಳ ಭಯಕ್ಕೆ ಸಾರ್ವಜನಿಕರಿಗೆ ತೊಂದರೆಯಾಗಬಹುದು. ಹಾಗಾಗಿ ಇಂತಹ ಬ್ಯಾಗ್​​​ಗಳಲ್ಲಿ ಸಾಕುಪ್ರಾಣಿಗಳನ್ನು ತೆಗೆದುಕೊಂಡು ಹೋಗುವುದು ಸಾಕಿದವರ, ಸಾರ್ವಜನಿಕರ ಮತ್ತು ಪ್ರಾಣಿಗಳ ವಿಷಯವಾಗಿಯೂ ಸುರಕ್ಷಿತ.

ಇದನ್ನೂ ಓದಿ : Viral Video: ಭಲೇ ಮಾರ್ಜಾಲವೇ ಏನು ನಿಮ್ಮ ಮಹಿಮೆಯೇ! ನೆಟ್ಟಿಗರ ಶಭಾಷ್​

ಮೊದಲೆಲ್ಲ ರಟ್ಟಿನ ಡಬ್ಬಿಗಳಲ್ಲಿ, ಬುಟ್ಟಿಗಳಲ್ಲಿ, ಬಾಸ್ಕೀಟಿನಲ್ಲಿ ಬೆಕ್ಕುಗಳನ್ನು ಸಾಗಿಸಲಾಗುತ್ತಿತ್ತು. ಆದರೆ ಇದೀಗ ಸಾಕುಪ್ರಾಣಿಗಳಿಗೆಂದೇ ಅಂದಚೆಂದದ ಬ್ಯಾಗ್​​​ಗಳು ಮಾರುಕಟ್ಟೆಯಲ್ಲಿ ಲಭ್ಯ. ನಿಮ್ಮ ಥೈಲಿಯ ಭಾರಕ್ಕೆ ತಕ್ಕಂತೆ ನೀವು ಅವುಗಳನ್ನು ನಿಮ್ಮ ಮುದ್ದುಮರಿಗಳಿಗಾಗಿ ಖರೀದಿಸಬಹುದು. ನಿಮ್ಮೊಂದಿಗೆ ನಿಮ್ಮ ಸಾಕುಪ್ರಾಣಿಗಳನ್ನು ಕರೆದೊಯ್ಯಬಹುದು.

ಏನಂತೀರಿ?

ಮತ್ತಷ್ಟು ವೈರಲ್​ ನ್ಯೂಸ್​​ಗಾಗಿ ಕ್ಲಿಕ್ ಮಾಡಿ