Viral: ಮುಂಬೈ; ಆಕಾಶದಲ್ಲಿ ತೇಲಾಡುತ್ತಿರುವ ಕಟ್ಟಡಗಳು, ಏನಿದು ಸೋಜಿಗ?

Artificial Intelligence: ಕೃತಕ ಬುದ್ಧಿಮತ್ತೆಯು (AI) ಕಲಾವಿದರ ಕಲ್ಪನೆಗೆ ಹೊಸ ಗರಿಗಳನ್ನು ಮೂಡಿಸುತ್ತಲೇ ಇದೆ. ಟ್ರೆಂಡಿಂಗ್ ವಿಷಯಗಳ ಮೇಲೆ ತಮ್ಮ ಕಲ್ಪನೆಯನ್ನು ಹರಿಬಿಡುವ ರೀತಿ ನಿಜಕ್ಕೂ ಅಚ್ಚರಿಯನ್ನು ಮೂಡಿಸುತ್ತಿರುತ್ತದೆ. ಇತ್ತೀಚಿನ ತಿಂಗಳುಗಳಲ್ಲಿ ಬಾರ್ಬಿ ಎಐ ಸೀರೀಸ್​ ಇದಕ್ಕೆ ಉತ್ತಮ ಉದಾಹರಣೆ. ಇದೀಗ ವೈರಲ್ ಆಗಿರುವ ಈ ಫೋಟೋಗಳನ್ನು ನೋಡಿ. ಮುಂಬೈನ ಕಟ್ಟಡಗಳು ಆಕಾಶದಲ್ಲಿ ಹಾರಾಡುತ್ತಿವೆ. Mumbai Surreal Estate ಎಂಬ ಶೀರ್ಷಿಕೆಯಲ್ಲಿ ಕಲಾವಿದ ಪ್ರತೀಕ ಅರೋರಾ ಇನ್​ಸ್ಟಾಗ್ರಾಂನ ತಮ್ಮ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ. ಮುಂಬೈನಲ್ಲಿ ಜಾಗ ಸಾಕಾಗದೆ ಜನರು ಇನ್ನು ಆಕಾಶದಲ್ಲಿಯೂ ಮನೆ ಕಟ್ಟಕೊಳ್ಳಲಾರಂಭಿಸಿದರೆ? ಎಂದು ತಮಾಷೆ ಮಾಡುತ್ತಿದ್ದಾರೆ ನೆಟ್ಟಿಗರು.

ಇದನ್ನೂ ಓದಿ : Viral Video: ತನ್ನ ಮದುವೆಯಾಯಿತು ಎಂದು ಈತ ಯಾರಿಗೆಲ್ಲ ಹೇಳುತ್ತಿದ್ದಾನೆ, ಈತನ ಸ್ನೇಹಿತರು ಯಾರೆಲ್ಲ ನೋಡಿ

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

ಒಂದು ವಾರದ ಹಿಂದೆ ಪೋಸ್ಟ್ ಮಾಡಿದ ಈ ಹೈಪರ್ ರಿಯಲಿಸ್ಟಿಕ್​ ಚಿತ್ರಗಳನ್ನು ಅನೇಕರು ಮೆಚ್ಚಿಕೊಂಡು ಪ್ರತಿಕ್ರಿಯಿಸಿದ್ಧಾರೆ. ನಿಮ್ಮ ಮೆದುಳನ್ನು ಪ್ರೀತಿಸುತ್ತಿದ್ದೇನೆ ಎಂದಿದ್ದಾರೆ ಒಬ್ಬರು. ಕ್ಲೌಡ್​ 9 ಎಂದಿದ್ದಾರೆ ಇನ್ನೊಬ್ಬರು. ನಿಮ್ಮ ಕಲ್ಪನೆಯು ಮುಂದೊಮ್ಮೆ ನಿಜವಾದರೆ? ಎಂದು ಕೇಳಿದ್ದಾರೆ ಮತ್ತೊಬ್ಬರು.

ಪ್ರತೀಕ ಅರೋರಾ ಕೈಚಳಕ

View this post on Instagram

A post shared by Prateek Arora (@_prateekarora)

ಭಾರತದಲ್ಲಿ ಮುಂಬೈ ಪ್ರಮುಖ ಆರ್ಥಿಕ ಕೇಂದ್ರವಾಗಿರುವುದರಿಂದ ವ್ಯಾಪಾರೋದ್ಯಮಕ್ಕಾಗಿ ಜನರು ಇಲ್ಲಿ ಬಂದು ನೆಲೆಸುತ್ತಾರೆ. ಸಹಜವಾಗಿ ವಸತಿಗಾಗಿ ಬೇಡಿಕೆ ಹೆಚ್ಚುತ್ತದೆ. ಅದು ಖರೀದಿಗೆ ಇರಬಹುದು ಬಾಡಿಗೆಗೂ ಇರಬಹುದು. ಚಿಕ್ಕಪುಟ್ಟ ಅಪಾರ್ಟ್​ಮೆಂಟ್​​​ಗಳಲ್ಲಿ ಹೊಂದಾಣಿಕೆ ಮಾಡಿಕೊಂಡು ವಾಸವಿರಬೇಕಾದ ಅನಿವಾರ್ಯತೆ ಉಂಟಾಗುತ್ತದೆ. ಇದೆಲ್ಲವನ್ನೂ ಗಮನದಲ್ಲಿಟ್ಟುಕೊಂಡು ಕಲಾವಿದರು ಹೀಗೆ ಯೋಚಿಸಿರುವ ಸಾಧ್ಯತೆ ಇದೆ.

ಇದನ್ನೂ ಓದಿ : Viral Video: ಪಾದ ಮುಟ್ಟಿದರೆ ಎದ್ದುನಿಂತು ಆಶೀರ್ವದಿಸುತ್ತಾನೆ ಈ ಕೊಲ್ಕತ್ತೆಯ ಗಣಪ

ಬ್ರೋಕರೇಜ್ ಫ್ರೀ? ಎಂದು ಕೇಳಿದ್ಧಾರೆ ಒಬ್ಬರು. ಓಹೋ ಈ ಸಲ ಪರಿಸ್ಥಿತಿ ನಿಮ್ಮ ಕೈಮೀರಿ ಹೋಗಿದೆ ಎಂದಿದ್ದಾರೆ ಇನ್ನೊಬ್ಬರು. ಈ ಕಟ್ಟಡಗಳು ನಗರದ ತುಂಬಾ ತೇಲಿಕೊಂಡು ಚಲಿಸುತ್ತವೆಯೇ? ಎಂದು ಕೇಳಿದ್ದಾರೆ ಇನ್ನೊಬ್ಬರು. ಕೆಲದಿನಗಳ ಹಿಂದೆ ಯುವಕನೊಬ್ಬ ರಿಯಲ್​ ಎಸ್ಟೇಟಿಗನಾಗಿ ಮುಂಬೈನ ಅತ್ಯಂತ ಇಕ್ಕಟ್ಟಾದ ಸಿಂಗಲ್​ ಬೆಡ್​ರೂಂ ಅಪಾರ್ಟ್​ಮೆಂಟ್ ರೀಲ್ ಮಾಡಿದ್ದನ್ನು ಈ ಸಂದರ್ಭದಲ್ಲಿ ಸ್ಮರಿಸಬಹುದು.

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ

Published On - 12:57 pm, Thu, 21 September 23