Ambassador Car: 1964ರಲ್ಲಿ ಅಂಬಾಸಿಡರ್ ಕಾರಿನ ಬೆಲೆ ಎಷ್ಟಿತ್ತು ಗೊತ್ತಾ?

ಬ್ರಿಟಿಷ್ ಮೂಲದ ಹೊರತಾಗಿಯೂ, ಅಂಬಾಸಿಡರ್ ಅನ್ನು ಭಾರತೀಯ ಕಾರು ಎಂದು ಪರಿಗಣಿಸಲಾಗಿದೆ. ಹಿಂದಿನ ಕಾಲದಲ್ಲಿ ಅಂಬಾಸಿಡರ್​ ಕಾರು ರೋಡಿಗೆ ಬಂತೆಂದರೆ ಅದರ ಹವಾನೇ ಬೇರೆ. ಆಗಿನ ಕಾಲದಲ್ಲಿ ಕಾರುಗಳ ಸರದಾರ ಈ ಅಂಬಾಸಿಡರ್ ಕಾರ್. ಭಾರತೀಯ ಸೇನೆಯ ಸೈನ್ಯಾಧಿಕಾರಿಯಿಂದ ಹಿಡಿದು ಸರ್ಕಾರಿ ಕಚೇರಿ ಅಧಿಕಾರಿಗಳು, ಶಾಸಕರ, ಸಂಸದರು ಈ ಅಂಬಾಸಿಡರ್ ಕಾರನ್ನೇ ನೆಚ್ಚಿಕೊಂಡಿದ್ದರು. ಇದೀಗ ಹೊಸ ಹೊಸ ಬ್ರಾಂಡ್​ ಬರುತ್ತಿದ್ದಂತೆ ಈ ಹಳೆಯ ಅಂಬಾಸಿಡರ್ ಕಾರು ಧೂಳು ಹಿಡಿಯುತ್ತಿದೆ. ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಹಳೆಯ ಪಾಸ್​ಪೋರ್ಟ್​​, ಸಿನಿಮಾ ಟಿಕೇಟ್​​​​ ಮುಂತಾದ ಹಳೆಯ ಕಾಲದ ವಸ್ತುಗಳ ಅಪರೂಪದ ಫೋಟೋಗಳು ವೈರಲ್​​ ಆಗುತ್ತಿರುತ್ತವೆ. ಇದೀಗ ಅಂತದ್ದೇ ಒಂದು ಅಂದ್ರೆ 1964ರ ಕಾಲದ ಅಂಬಾಸಿಡರ್​​ ಕಾರಿನ ಬಿಲ್​ ಒಂದು ವೈರಲ್​​ ಆಗಿದೆ. ಆಗಿನ ಕಾಲದಲ್ಲಿ ಅಂಬಾಸಿಡರ್​​ ಕಾರಿನ ಬೆಲೆ ಕಂಡು ನೆಟ್ಟಿಗರು ಶಾಕ್​​ ಆಗಿದ್ದಾರೆ.

Madras Trends ಎಂಬ ಫೇಸ್​​ಬುಕ್​​ ಖಾತೆಯಲ್ಲಿ 1964ರಲ್ಲಿ ತೆಗೆದುಕೊಂಡ ಅಂಬಾಸಿಡರ್ ಕಾರಿನ ಬಿಲ್​​ ಅನ್ನು ಶೇರ್​​ ಮಾಡಲಾಗಿದೆ. ಅಕ್ಟೋಬರ್​​ 20,1964 ರಲ್ಲಿ ಈ ಕಾರು ಖರೀದಿಸಲಾಗಿದೆ. 1964ರಲ್ಲಿ ಅಂಬಾಸಿಡರ್ ಬೆಲೆ 16,495 ರೂಪಾಯಿಗಳು. ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​​ ಆಗಿ ಹಳೆಯ ಬಿಲ್​ ಇಲ್ಲಿದೆ ನೋಡಿ.

ಇದನ್ನೂ ಓದಿ: Bullet 350cc Price: 1986ರಲ್ಲಿ ಬುಲೆಟ್ 350cc ಬೆಲೆ ಎಷ್ಟಿತ್ತು ಗೊತ್ತಾ?

ವೈರಲ್​​ ಆಗಿರುವ ಬಿಲ್​ ಪ್ರಕಾರ ಕಾರಿನ ಬೆಲೆ 13,787 ರೂ. ಇದರೊಂದಿಗೆ ಸೇಲ್ಸ್​​ ಟ್ಯಾಕ್ಸ್​​​ 1493 ರೂ. ಹಾಗೂ ಸಾರಿಗೆ ಶುಲ್ಕ 897 ರೂ. ಜೊತೆಗೆ ನಂಬರ್​​ ಪ್ಲೇಟ್​​ಗೆ 7 ರೂಪಾಯಿ ಮುಂತಾದ ಶುಲ್ಕಗಳನ್ನು ಕೂಡಿಸಿ ಒಟ್ಟು 16,495 ರೂಪಾಯಿ ಕಾರನ್ನು ಮಾರಾಟ ಮಾಡಲಾಗಿದೆ.

ಇನ್ನಷ್ಟು ವೈರಲ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ