ಐಎಎಫ್ ಅಧಿಕಾರಿಗಳಾದ ಟೀನಾ ದಾಬಿ ಮತ್ತು ಅವರ ಪತಿ ಡಾ.ಪ್ರದೀಪ್ ಗವಾಂಡೆ ಅವರ ಮದುವೆಯ ಬೆನ್ನಲ್ಲೆ ಟೀನಾ ದಾಬಿ ಮಾಜಿ ಪತಿ ಅಥರ್ ಅಮೀರ್ ಖಾನ್ ಕೂಡ ಮರುಮದುವೆಯಾಗಲು ಸಿದ್ಧರಾಗಿದ್ದಾರೆ. 2015ರ UPSC ಬ್ಯಾಚ್‌ನ ಎರಡನೇ ಟಾಪರ್ ಆಗಿದ್ದ ಅಥರ್ ಅಮೀರ್ ಖಾನ್ ಇತ್ತೀಚೆಗೆ ಡಾ.ಮೆಹ್ರೀನ್ ಕಾಜ್ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಇವರ ನಿಶ್ಚಿತಾರ್ಥದ ಫೋಟೋವನ್ನು ಅಮೀರ್ ಖಾನ್ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿಕೊಂಡಿದ್ದು, ಎಂಗೇಜ್ಮೆಂಟ್ ಹ್ಯಾಶ್ಟ್ಯಾಗ್ ಹಾಕಿಕೊಂಡಿದ್ದಾರೆ. ಶೀಘ್ರದಲ್ಲೇ ಡಾ.ಮೆಹ್ರೀನ್ ಕಾಜ್ ಕೂಡ ಎಂಗೇಜ್ಡ್ ಎಂದು ಹ್ಯಾಶ್ಟ್ಯಾಗ್ನೊಂದಿಗೆ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: Viral Video: ಅಲಿಗೇಟರ್ ಮೊಸಳೆಯನ್ನು ಮದುವೆಯಾದ ಮೆಕ್ಸಿಕೋ ಮೇಯರ್, ಡಾನ್ಸ್ ಮಾಡುತ್ತಾ ಮೊಸಳೆಗೆ ಕಿಸ್ ಕೊಟ್ಟ ಮೇಯರ್
ಯುಪಿಎಸ್ಸಿಯಲ್ಲಿ ಟಾಪರ್ ಆಗಿರುವ ಇವರಿಬ್ಬರು ತಮ್ಮ IAS ತರಬೇತಿಯ ಸಮಯದಲ್ಲಿ ಮಸ್ಸೂರಿಯಲ್ಲಿ ಪರಸ್ಪರ ಭೇಟಿಯಾದ ನಂತರ ಮದುವೆಯಾಗಲು ನಿರ್ಧರಿಸಿದರು. ಅದರಂತೆ ಅಥರ್ ಅಮೀರ್ ಖಾನ್ ಏಪ್ರಿಲ್ 2018ರಲ್ಲಿ ಟೀನಾ ದಾಬಿಯವರನ್ನು ವಿವಾಹವಾಗಿದ್ದರು. ಅವರ ವಿವಾಹವು ಹೆಚ್ಚು ಕಾಲ ಉಳಿಯಲಿಲ್ಲ ಮತ್ತು ಆಗಸ್ಟ್ 2021ರಲ್ಲಿ ಜೈಪುರದ ಕೌಟುಂಬಿಕ ನ್ಯಾಯಾಲಯವು ಅವರಿಗೆ ವಿಚ್ಛೇದನವನ್ನು ನೀಡಿತು.
Published On - 12:25 pm, Sun, 3 July 22