20 ವರ್ಷಗಳಿಂದ ನಿರಂತರ ಸೀನು, ವ್ಯಕ್ತಿಯ ಮೂಗಿನಲ್ಲಿದ್ದ ವಸ್ತು ನೋಡಿ ಬೆಚ್ಚಿಬಿದ್ದ ವೈದ್ಯರು

ವ್ಯಕ್ತಿಯೊಬ್ಬನಿಗೆ ಕಳೆದ 20 ವರ್ಷಗಳಿಂದ ನಿರಂತರ ಸೀನು ಬರುತ್ತಿತ್ತು, ಮೂಗು ಸೋರುತ್ತಿತ್ತು. ಯಾವ ವೈದ್ಯರ ಬಳಿ ತೆರಳಿದರೂ ಪ್ರಯೋಜನವಾಗಿರಲಿಲ್ಲ. ಇತ್ತೀಚೆಗೆ ಉಸಿರುಗಟ್ಟುವಿಕೆಯನ್ನೂ ಕೂಡ ಅವರು ಎದುರಿಸುತ್ತಿದ್ದರು. ಉತ್ತರ ಚೀನಾದ ಶಾಂಕ್ಸಿ ಪ್ರದೇಶದ ಕ್ಸಿಯಾನ್‌ನ 23 ವರ್ಷದ ವ್ಯಕ್ತಿ ಇತ್ತೀಚೆಗೆ ಆತನ ನಿರಂತರ ಸೀನುವಿಕೆ ಮತ್ತು ಸ್ರವಿಸುವ ಮೂಗುಗೆ ಆಘಾತಕಾರಿ ಕಾರಣವನ್ನು ವೈದ್ಯರು ಬಹಿರಂಗಪಡಿಸಿದ್ದಾರೆ. ಅವರ ಮೂಗಿನಿಂದ 2 ಸೆಂ.ಮೀ ಉದ್ದದ ಡೈಸ್ ಹೊರತೆಗೆದಿದ್ದಾರೆ.

ಹವಾಮಾನ ಬದಲಾವಣೆಯೊಂದಿಗೆ, ಜನರು ಸಾಮಾನ್ಯವಾಗಿ ಸೀನುವಿಕೆ ಮತ್ತು ಮೂಗು ಕಟ್ಟುವಿಕೆಯಂತಹ ಸಮಸ್ಯೆಗಳಿಂದ ತೊಂದರೆಗೊಳಗಾಗುತ್ತಾರೆ. ಆದರೆ ತಿಂಗಳುಗಟ್ಟಲೆ ಈ ಕಾಯಿಲೆ ವಾಸಿಯಾಗದಿದ್ದಾಗ ಆತಂಕವಾಗುವುದು ಸಹಜ. ನಿರಂತರವಾಗಿ ಒಂದು ದಿನವೂ ಬಿಡದೆ ತಿಂಗಳಿನಿಂದ ಸೀನು ಬರುತ್ತಿತ್ತು ಆಘಾತಗೊಂಡು ಆಸ್ಪತ್ರೆಗೆ ಹೋಗಿದ್ದರು.

ಸೌತ್ ಚೀನಾ ಮಾರ್ನಿಂಗ್ ಪೋಸ್ಟ್‌ನಲ್ಲಿ ಪ್ರಕಟವಾದ ವರದಿ ಪ್ರಕಾರ, ಮೊದಲು ಮನೆಯಲ್ಲೇ ವ್ಯಕ್ತಿಗೆ ಚಿಕಿತ್ಸೆ ನೀಡಲಾಯಿತು, ಅದು ವಾಸಿಯಾಗದಿದ್ದಾಗ ವೈದ್ಯರ ಬಳಿ ಹೋದರು. ಸಮಸ್ಯೆಯನ್ನು ಕ್ಸಿಯಾನ್‌ನ ಗಾಕ್ಸಿನ್ ಆಸ್ಪತ್ರೆಯ ವೈದ್ಯರಿಗೆ ತಿಳಿಸಿದರು. ಯಾವುದೋ ಅಲರ್ಜಿಯಾಗಿರಬಹುದು ಎಂದು ವೈದ್ಯರು ಅಂದುಕೊಂಡರು. ಆದರೆ, ಮೂಗಿನ ಎಂಡೋಸ್ಕೋಪಿ ಮಾಡಿಸಿದಾಗ ಅದರಲ್ಲಿ ಏನೋ ಇಡುವುದು ಕಂಡುಬಂತು.

ಮತ್ತಷ್ಟು ಓದಿ: Viral: ಬಂಕ್‌ನಲ್ಲಿ ಡೀಸೆಲ್ ಹಣ ಕೊಡದೆ ಕಾರ್‌ ಚಾಲಕ ಪರಾರಿ, ಪೊಲೀಸ್ ಎಂಟ್ರಿ ;ಮುಂದೇನಾಯ್ತು ನೋಡಿ…

ಸಾಕಷ್ಟು ಪ್ರಯತ್ನದ ನಂತರ, ವೈದ್ಯರು ಮೂಗಿನ ಒಳಗಿನಿಂದ ಡೈಸ್ ಹೊರತೆಗೆದಿದ್ದಾರೆ. ಆದರೆ ಕಳೆದ ಹಲವು ವರ್ಷಗಳಿಂದ ಈ ಡೈಸ್ ಅವರ ಮೂಗಿನಲ್ಲಿ ಅಂಟಿಕೊಂಡಿರುವುದು ಬೆಳಕಿಗೆ ಬಂದಾಗ ಆಶ್ಚರ್ಯವಾಯಿತು. ಇಷ್ಟು ದಿನ ಒಳಗಿದ್ದ ಕಾರಣ ಅದು ಕೊಂಚ ಕರಗಿ ಹೋಗಿತ್ತು.

ತನಗೆ ಸುಮಾರು ಮೂರು-ನಾಲ್ಕು ವರ್ಷದವನಿದ್ದಾಗ, ಡೈಸ್ ಆಕಸ್ಮಿಕವಾಗಿ ಮೂಗಿನೊಳಗೆ ಹೋಗಿತ್ತು ಎಂಬುದನ್ನು ವ್ಯಕ್ತಿ ನೆನಪಿಸಿಕೊಂಡಿದ್ದಾರೆ. ಈ ಡೈಸ್ ಸುಮಾರು 20 ವರ್ಷಗಳವರೆಗೆ ಅವರ ಮೂಗಿನೊಳಗೆ ಇತ್ತು. ಅದೃಷ್ಟದ ಸಂಗತಿಯೆಂದರೆ 20 ವರ್ಷಗಳಿಂದ ಮೂಗಿನಲ್ಲಿ ಹುಣ್ಣು ಇದ್ದರೂ ಯಾವುದೇ ಗಂಭೀರ ಕಾಯಿಲೆಗೆ ತುತ್ತಾಗಿರಲಿಲ್ಲ.

ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ