Viral Video: ಫೇರೋ ನಾ ನಜರಿಯಾ; ‘ಇವರಂತೆ ಈತನಕ ಈ ಹಾಡಿಗೆ ಯಾರೂ ನರ್ತಿಸಿರಲಿಲ್ಲ’
Phero Na Najariya : ನರ್ತಕಿ ಪ್ರಾಂಜಲಿ ಶರ್ಮಾ ಇದೇ ಹಾಡಿಗೆ ಭಾವಾಭಿನಯ ಮಾಡಿದ್ದರು. ಇದೀಗ ದೀಪಿಕಾ ಸಿಂಘ್ ನರ್ತಿಸಿದ್ದಾರೆ. ಕ್ವಾಲಾ ಚಿತ್ರದ ಈ ಗೀತೆಗೆ ಮಾಂತ್ರಿಕ ಶಕ್ತಿ ಇದ್ದು, ಬೆಚ್ಚಗೆ ತನ್ನ ತೆಕ್ಕೆಯೊಳಗೆಳೆದುಕೊಂಡು ಬಿಡುತ್ತದೆ.
Updated on:Jul 01, 2023 | 10:31 AM
Cinema : 1940ರ ದಶಕದ ಕಾಲಕ್ಕೆ ಹೊಂದುವಂತೆ ‘ಕ್ವಾಲಾ’ (Qala) ಸಿನೆಮಾದ ಕಥೆಯನ್ನು ಹೆಣೆಯಲಾಗಿದೆ. ತಾನು ಗಾಯಕಿಯಾಗಬೇಕೆನ್ನುವ ಮಹತ್ವಾಕಾಂಕ್ಷೆಯುಳ್ಳ ಗಾಯಕಿಯ ಜೀವನಗಾಥೆಯನ್ನು ಇದು ನಿರೂಪಿಸುತ್ತದೆ. ಗಟ್ಟಿ ಕಥಾಹಂದರ ಮತ್ತು ಭಾವಪೂರ್ಣ ಸಂಗೀತದ ಮೂಲಕ ಇದು ಜನರ ಮನದಾಳಕ್ಕೆ ಇಳಿಯುತ್ತದೆ. ಈ ಸಿನೆಮಾದ ‘ಫೇರೋ ನಾ ನಜರಿಯಾ’ (Phero na Najariya) ಹಾಡು ಸಂಗೀತಪ್ರಿಯರ ಮನಸೂರೆಗೊಂಡಿದೆ. ಅನೇಕರು ಈ ಹಾಡಿಗೆ ಭಾವಾಭಿನಯ, ನೃತ್ಯವನ್ನು ಮಾಡಿ ರೀಲ್ಗಳನ್ನು ಮಾಡಿದ್ದಾರೆ. ಆದರೆ ಈ ಹಾಡಿಗೆ ನರ್ತಿಸಿದ ದೀಪಿಕಾ ಸಿಂಘ್ (Deepika Singh) ನರ್ತನವನ್ನು ನೆಟ್ಟಿಗರು ಬಹುವಾಗಿ ಪ್ರಶಂಸಿಸುತ್ತಿದ್ದಾರೆ. ನೋಡಿ ಈ ಕೆಳಗಿನ ವಿಡಿಯೋ.
ಈತನಕ ನಾನು ಈ ಹಾಡಿನ ಅನೇಕ ರೀಲ್ಗಳನ್ನು ನೋಡಿದ್ದೇನೆ. ಆದರೆ ಇದು ಅವೆಲ್ಲವಕ್ಕಿಂತ ಅತ್ಯಂತ ಸುಂದರವಾಗಿದೆ. ಪರಿಪೂರ್ಣತೆ ಮತ್ತು ಶುದ್ಧತೆಯಿಂದ ಕೂಡಿವೆ ಎಂದು ಒಬ್ಬರು ಪ್ರತಿಕ್ರಿಯಿಸಿದ್ದಾರೆ. ಆಹ್ ಒಡಿಶಿ ನೃತ್ಯದಲ್ಲಿ ಇದನ್ನು ಸಂಯೋಜಿಸಿದ್ದು ಅತ್ಯಂತ ಮನೋಹರವಾಗಿದೆ ಎಂದು ಮತ್ತೊಬ್ಬರು ಹೇಳಿದ್ಧಾರೆ. ಅದ್ಭುತ! ನಾನು ಪಾಕಿಸ್ತಾನದಲ್ಲಿ ಕುಳಿತು ಇದನ್ನು ನೋಡುತ್ತಿದ್ದೇನೆ. ಹೀಗೆ ಸೀರೆಯುಟ್ಟು ಮತ್ತಷ್ಟು ವಿಡಿಯೋಗಳನ್ನು ಮಾಡಿ ಎನ್ನುತ್ತಿದ್ದಾರೆ ಒಬ್ಬರು. ಸರಳವಾದದ್ದು ಉತ್ಕೃಷ್ಟವಾಗಿರುತ್ತದೆ, ಇದಕ್ಕೆ ನಿಮ್ಮ ಈ ನೃತ್ಯವನ್ನು ಉದಾಹರಿಸಬಹುದು ಎಂದು ಮಗದೊಬ್ಬರು ಹೇಳಿದ್ದಾರೆ. ಫೇರೋ ನಾ ನಜರ್ ಸೇ ನಜರಿಯಾ ಮೂಲ ಹಾಡನ್ನು ಈ ಕೆಳಗಿನ ಲಿಂಕ್ನಲ್ಲಿ ನೋಡಿ, ಕೇಳಿ… ಅರ್ಧಗಂಟೆಯ ನೀವಿರುವ ಜಗತ್ತನ್ನು ಖಂಡಿತ ಮರೆಯುತ್ತೀರಿ!
ಈ ಸಿನೆಮಾದ ನಿರ್ದೇಶಕರು ಅನ್ವಿತಾ ದತ್ ಗುಪ್ತನ್ (Anvita Dutt Guptan). ಈ ಹಾಡಿಗೆ ಸಂಗೀತ ನೀಡಿದವರು ಅಮಿತ್ ತ್ರಿವೇದಿ (Amit Trivedi). ಈ ಹಾಡಿನ ಸಾಹಿತ್ಯ ಕೌಸರ್ ಮುನೀರ್ (Kausar Munir) ಮತ್ತು ಇದನ್ನು ಹಾಡಿವರು ಸಿರೀಶಾ ಭಾಗವತಲು (Sireesha Bhagavatula). ಬಹುಶಃ ವಾರಾಂತ್ಯವನ್ನು ನೀವು ಇದೇ ಹಾಡಿನ ಗುಂಗಲ್ಲೇ ಕಳೆಯುವಿರೇನೋ.
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 10:30 am, Sat, 1 July 23
