Viral Video: ಇದ್ದು ಇದು ವಿಡಿಯೋ ಅಂದ್ರೆ.. ಬಲ್ ಮಜಾ ಇದೆ ನೀವೂ ನೋಡೀ

Elephant- Girl Viral Video: ಆನೆಗಳು ಮನುಷ್ಯರ ಜೊತೆ ಪ್ರೀತಿಯಿಂದ ವರ್ತಿಸುವುದನ್ನು ನಾವು ಆಗಾಗ ನೋಡುತ್ತೇವೆ.. ಆನೆಗಳು ತಮ್ಮ ಯಜಮಾನನ ಪ್ರಾಣ ಉಳಿಸುವ, ಆನೆಗಳೊಂದಿಗೆ ಮನುಷ್ಯರೂ ಅತ್ಯಂತ ಪ್ರೀತಿಯಿಂದ ವರ್ತಿಸುವ ಮತ್ತು ಕೆಲವೊಮ್ಮೆ ಮುದ್ದಾದ ಮರಿಗಳಂತೆ ವರ್ತಿಸುವ ಆನೆ-ಮನುಷ್ಯರ ಹಲವಾರು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿರುತ್ತವೆ. ಆನೆಯೊಂದು (Elephant) ಬಾಲಕಿಯೊಂದಿಗೆ (Girl) ಆಟವಾಡುವ ವಿಡಿಯೋವೊಂದು ಇದೀಗ ಅಂತರ್ಜಾಲದಲ್ಲಿ ವೈರಲ್ ಆಗುತ್ತಿದೆ. ಅಂತರ್ಜಾಲ ವೇದಿಕೆಯಲ್ಲಿ ನೆಟಿಜನ್‌ಗಳನ್ನು ಆಕರ್ಷಿಸುತ್ತಿರುವ ಈ ವಿಡಿಯೋವನ್ನು ಇನ್‌ಸ್ಟಾಗ್ರಾಂನಲ್ಲಿ (Instagram) ಶೇರ್ ಮಾಡಲಾಗಿದೆ. ಅದಕ್ಕೆ “ಲವ್ ಲವ್ ಲವ್ ಲವ್ ಯು ಆನೇಸ್” ಎಂಬ ಪ್ರೀತಿಯ ಶೀರ್ಷಿಕೆಯನ್ನು ನೀಡಲಾಗಿದೆ. ವಿಡಿಯೋ ಈಗ ವೈರಲ್ ಆಗಿದ್ದು, 7.2 ಮಿಲಿಯನ್ ವೀಕ್ಷಣೆಗಳು ಮತ್ತು 456 ಸಾವಿರ ಲೈಕ್‌ಗಳನ್ನು ಪಡೆದಿದೆ.

ಈ ವೈರಲ್ ಕ್ಲಿಪ್‌ನಲ್ಲಿ, ಹುಡುಗಿಯೊಬ್ಬಳು ಆನೆ ಮತ್ತು ಅದರ ಮಾವುತನ ಮುಂದೆ ನಿಂತಿದ್ದಾಳೆ. ನಂತರ ಹುಡುಗಿ ಆನೆಯ ಮುಂದೆ ನಿಂತು ಸುಖಾಸುಮ್ಮನೆ ನೃತ್ಯ ಮಾಡಲು ಪ್ರಾರಂಭಿಸುತ್ತಾಳೆ. ತನ್ನ ಕೈ ಮತ್ತು ಕಾಲುಗಳನ್ನು ಅಲ್ಲಾಡಿತ್ತಾಳೆ ಮತ್ತು ಸಂತೋಷದಿಂದ ನೃತ್ಯ ಮಾಡುತ್ತಾಳೆ. ಆಶ್ಚರ್ಯವೆಂದರೆ ಆ ಬಾಲಕಿ ಡ್ಯಾನ್ಸ್ ಮಾಡಿದ್ದನ್ನು ಕಂಡು ಆನೆ ಕೂಡ ಆ ನೃತ್ಯಕ್ಕೆ ತಕ್ಕಂತೆ ಒಂದಷ್ಟು ಕಾಲು-ದೇಹ ಅಲ್ಲಾಡಿಸುತ್ತಾ… ತನ್ನ ತಲೆ ಮತ್ತು ಅಗಲವಾದ ಕಿವಿಗಳನ್ನು ಚಲಿಸುತ್ತಾ ಆ ಹುಡುಗಿಯನ್ನು ಅನುಕರಿಸಲು ಪ್ರಾರಂಭಿಸಿತು. ಆನೆ ತನ್ನ ಕಿವಿಗಳನ್ನು ಸರಿಸಿ, ತಲೆಯನ್ನು ಅತ್ತ ಕಡೆ ತಿರುಗಿಸುವುದು ಸುಂದರವಾಗಿ ಕಾಣುತ್ತಿತ್ತು. ಮನಸಿಗೆ ಮುದ ನೀಡುವಂತಿತ್ತು -Cuteness Overloaded.

ತುಂಬಾ ಮುದ್ದಾಗಿದೆ! ಮನಸಿಗೆ ಮುದ ನೀಡುತ್ತದೆ

ಆ ಕ್ಷಣವನ್ನು ನೆಟ್ಟಿಗರು ತುಂಬಾ ಇಷ್ಟಪಟ್ಟಿದ್ದಾರೆ. ತಮಗಾದ ಸಂತೋಷವನ್ನು ಕಾಮೆಂಟ್‌ಗಳ ರೂಪದಲ್ಲಿ ವ್ಯಕ್ತಪಡಿಸಿದ್ದಾರೆ. ಇದು ಅದ್ಭುತವಾಗಿದೆ! ಇದು ತುಂಬಾ ಸುಂದರವಾಗಿದೆ! ತುಂಬಾ ಮುದ್ದಾಗಿದೆ! ಮನಸಿಗೆ ಮುದ ನೀಡುತ್ತದೆ ಎಂದು Instagram ಬಳಕೆದಾರರು ಕಾಮೆಂಟ್ ಮಾಡಿದ್ದಾರೆ.

Published On - 8:31 pm, Thu, 25 August 22