Viral: ‘ಹೃದಯ, ಹಂಸ ಸರಿ, ಆದರೆ ಈ ಬಟ್ಟೆಮಂಗ ನನ್ನ ಎದೆಬಡಿತವನ್ನೇ ನಿಲ್ಲಿಸಿತ್ತಲ್ಲ!’
Creativity: ರಾತ್ರಿ ಹೊತ್ತು ಹೋಟೆಲ್ಕೋಣೆಯೊಳಗೆ ಇನ್ನೇನು ಲೈಟ್ ಆನ್ ಮಾಡಬೇಕು ಎನ್ನುವಷ್ಟರಲ್ಲಿ ಅಥವಾ ಬೆಳಗ್ಗೆ ನಿದ್ರೆಯಿಂದ ಎಚ್ಚೆತ್ತುಕೊಳ್ಳುವಲ್ಲಿ ಇಂಥದೊಂದು ಆಕೃತಿ ಮೇಲಿನಿಂದ ತೂಗಾಡುತ್ತಿದ್ದರೆ ಯಾರಿಗೂ ಭಯವಾಗುವುದಿಲ್ಲವೆ?
Hotel : ನಿಮ್ಮ ಜೇಬು ಎಷ್ಟು ದೊಡ್ಡದಿರುತ್ತದೆಯೋ ಅಷ್ಟು ಐಶಾರಾಮಿ ಹೋಟೆಲ್ಗಳು ನಿಮ್ಮನ್ನು ಹತ್ತಿರ ಸೆಳೆಯುತ್ತವೆ. ಹೆಜ್ಜೆಹೆಜ್ಜೆಗೂ ಬಗೆಬಗೆಯ ಅಚ್ಚರಿಗಳಿಂದ ಬರಮಾಡಿಕೊಳ್ಳುತ್ತವೆ. ಲಾಂಜ್, ರೂಮ್, ಒಳಾಂಗಣ ವಿನ್ಯಾಸ, ಆಹಾರ ಇತ್ಯಾದಿಗಳಿಂದ ನಿಮ್ಮನ್ನು ಮುದಗೊಳಿಸಲು ಪ್ರಯತ್ನಿಸುತ್ತವೆ. ಆಯಾ ಗ್ರಾಹಕರ ಇಚ್ಛೆ, ಆಸಕ್ತಿಗಳಿಗೆ ತಕ್ಕಂತೆ ರೂಮನ್ನು ಶೃಂಗರಿಸುತ್ತಿರುತ್ತವೆ. ಅದರಲ್ಲೂ ಜೋಡಿಯೊಂದು ಆ ಕೋಣೆಯಲ್ಲಿ ತಂಗುತ್ತದೆ ಎಂದರೆ ಮತ್ತಷ್ಟು ವಿಶೇಷ ವಿನ್ಯಾಸಗಳಿಂದ ಅದು ಶೃಂಗರಿಸಲ್ಪಟ್ಟಿರುತ್ತದೆ. ನೀವು ಸೌಂದರ್ಯ ಪ್ರಜ್ಞೆ ಉಳ್ಳವರಾಗಿದ್ದರೆ ಹೋಟೆಲ್ ಸಿಬ್ಬಂದಿಯ ಸೃಜನಶೀಲತೆಯನ್ನು ಗಮನಿಸುತ್ತೀರಿ. ಇದೀಗ ವೈರಲ್ ಆಗುತ್ತಿರುವ ಈ ಸೃಜನಶೀಲತೆಯ ಪರಮಾವಧಿಯನ್ನು ಆನಂದಿಸಿ!
Hey Hotel guys …duck, Swan, heart etc is ok …this is a little too much creativity ?
I almost had heart attack ?
— Bangdu ✨ (@AreyBangdu) June 18, 2023
ಇದನ್ನು ಪೋಸ್ಟ್ ಮಾಡಿದ ಟ್ವಿಟರ್ ಖಾತೆದಾರರು, ‘ಒಂದು ಕ್ಷಣ ನನ್ನ ಎದೆಬಡಿತವೇ ನಿಂತುಹೋಗಿತ್ತು’ ಎಂದಿದ್ದಾರೆ. ಅದಕ್ಕೆ ನೆಟ್ಟಿಗರು ಹಾಸ್ಯಮಯವಾಗಿ ಪ್ರತಿಕ್ರಿಯಿಸಿದ್ದಾರೆ. ಬಾತು, ಹಂಸ, ಹೃದಯ ಇವೆಲ್ಲವೂ ಜೋಡಿಗಳಿಗೆ. ಒಂಟಿ ಪ್ರಯಾಣಿಕರಿಗೆ ಇಂಥವೇ ಸರಿ! ಎಂದಿದ್ದಾರೆ ಒಬ್ಬರು. ನೀವು ಸಿಂಗಲ್ ಎಂದು ಪರಿಗಣಿಸಿ ಅವರು ನಿಮಗಾಗಿ ಕಾಳಜಿ ವಹಿಸುತ್ತಿದ್ದಾರೆ ಎಂದಿದ್ದಾರೆ ಮತ್ತೊಬ್ಬರು. ಇಂಥ ಕೋತಿಗಳು ಸಾಮಾನ್ಯವಾಗಿ ಹೋಟೆಲ್ಗಳಲ್ಲಿ ನೇತಾಡುತ್ತಿರುತ್ತವೆ ಎಂದು ಇನ್ನೊಬ್ಬರು ಹೇಳಿದ್ಧಾರೆ.
ಇದನ್ನೂ ಓದಿ : Viral: ಯಾರಲ್ಲಿ ಸ್ವಲ್ಪ ಇದನ್ನು ತೆರೆಯಿರಿ; ಶವಪೆಟ್ಟಿಗೆಯೊಳಗಿದ್ದ ಮಹಿಳೆ ತಟ್ಟಿದಾಗ
ಏನೇ ಆಗಲಿ, ರಾತ್ರಿ ಹೊತ್ತು ದಣಿದು ಬಂದು ಇನ್ನೇನು ಲೈಟ್ ಆನ್ ಮಾಡಬೇಕು ಎನ್ನುವ ಹೊತ್ತಿನಲ್ಲಿಯೋ ಅಥವಾ ನಿರಾಳ ನಿದ್ರೆಯಿಂದ ಎಚ್ಚೆತ್ತು ಕಣ್ಣುಬಿಡುವ ಹೊತ್ತಿಗೋ ಇಂಥದೊಂದು ಆಕೃತಿ ಮೇಲಿನಿಂದ ತೂಗಾಡುತ್ತಿದ್ದರೆ ಯಾರಿಗೂ ಭಯವಾಗುವುದಿಲ್ಲವೆ?
ನೀವೇನಂತೀರಿ?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 4:56 pm, Tue, 20 June 23
