Viral Video: ವೇಟರ್​​ನಿಂದ ಇನ್​ಸ್ಟಾಗ್ರಾಂನ ಮುಖ್ಯಸ್ಥರಾಗುವ ತನಕ; ಆ್ಯಡಮ್ ಮೊಸ್ಸೇರಿಯ ವೃತ್ತಿ ಹಿನ್ನೋಟ

Instagram: ಪ್ರತೀ ಮನುಷ್ಯನೂ ತನ್ನ ಅನ್ನವನ್ನು ತಾನೇ ಗಳಿಸಿಕೊಳ್ಳಬೇಕು. ಆರಂಭದಲ್ಲಿ ಸೇರಿದ ಕೆಲಸ ಯಾವತ್ತೂ ಕನಸಿನ ಕೆಲಸ ಆಗಲು ಸಾಧ್ಯವೇ? ಅವಶ್ಯಕತೆ ಪೂರೈಸಿಕೊಳ್ಳಲು ದುಡಿಯಬೇಕು. ಇಂದು ಜಗತ್ಪ್ರಸಿದ್ಧರಾದ ಅನೇಕರು ಕೂಡ ಈ ಹಾದಿಯಲ್ಲಿಯೇ ಸಾಗಿದವರು ಇನ್ನು ಸಾಮಾನ್ಯರ ಪಾಡು? ಇದೀಗ  ಇನ್​ಸ್ಟಾಗ್ರಾಂನ ಮುಖ್ಯಸ್ಥ ಆ್ಯಡಮ್ ಮೊಸ್ಸೇರಿ (Adam Mosseri) ತಮ್ಮ ವೃತ್ತಿಜೀವನದ ಹಿನ್ನೋಟವನ್ನು ಥ್ರೆಡ್​ನಲ್ಲಿ ಹಂಚಿಕೊಂಡಿದ್ದಾರೆ. ಈ ಪೋಸ್ಟ್​ಗೆ ಸುಮಾರು 2,000 ಜನರು ಲೈಕ್ ಮಾಡಿದ್ದಾರೆ. ಸುಮಾರು 260 ಜನರು ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ : Viral Video: ಈ ಕೊಕ್ಕರೆಯಮ್ಮ ಯಾಕೆ ತನ್ನ ಮಗುವನ್ನು ಕುಕ್ಕಿ ಕುಕ್ಕಿ ಕೆಳಗೆಸೆದಳೋ?

ಆ್ಯಡಮ್ ಮೊಸ್ಸೇರಿ ತಮ್ಮ ವೃತ್ತಿಯ ಇತಿಹಾಸವನ್ನು ಥ್ರೆಡ್​ (Thread) ನಲ್ಲಿ ಪೋಸ್ಟ್ ಮಾಡಿದ್ದರ ಸಾರಾಂಶ ಇಲ್ಲಿದೆ. ಒಂದು ದಿನದ ಹಿಂದೆ ಹಂಚಿಕೊಂಡ ಈ ಪೋಸ್ಟ್ ಇದೀಗ ವೈರಲ್ ಆಗಿದೆ. ಆ್ಯಡಮ್​ ತಮ್ಮ ವೃತ್ತಿಜೀವನ ಆರಂಭಿಸಿದ್ದು​ ಹೋಟೆಲ್​ ಒಂದರಲ್ಲಿ ವೇಟರ್​ ಆಗಿ. ಆನಂತರ ಬಾರ್​ಟೆಂಡರ್ ಆದರು. ಆಮೇಲೆ ಡಿಸೈನರ್ ತದನಂತರ ಪ್ರಾಡಕ್ಟ್ ಮ್ಯಾನೇಜರ್ ಸದ್ಯ ಇನ್​ಸ್ಟಾಗ್ರಾಂನ ಮುಖ್ಯಸ್ಥರು.

ಅನೇಕರು ಈ ಪೋಸ್ಟ್​ನಿಂದ ಪ್ರಭಾವಿತರಾಗಿ ತಮ್ಮ ವೃತ್ತಿ ಇತಿಹಾಸವನ್ನು ಆ್ಯಡಮ್ ಮಾದರಿಯಲ್ಲಿ ಹಂಚಿಕೊಂಡಿದ್ದಾರೆ. ನಿಜಕ್ಕೂ ಇದು ಅತ್ಯಂತ ಆಕರ್ಷಕವಾಗಿದೆ. ನೀವು ಒಂದೊಂದೇ ಹಂತಗಳನ್ನು ಏರಿರುವ ರೀತಿ ನಿಜಕ್ಕೂ ಮೆಚ್ಚುವಂಥದ್ದು ಎಂದು ಒಬ್ಬರು ಹೇಳಿದ್ದಾರೆ. ವೇಟರ್ ಆಗಿ ವೃತ್ತಿಜೀವನ ಆರಂಭಿಸಿದವರಿಗಂತೂ ಈ ಪೋಸ್ಟ್​ ಸಾಕಷ್ಟು ಸ್ಫೂರ್ತಿ ತುಂಬಿದೆ. ತಮ್ಮ ಮುಂದಿನ ಪ್ರಯಾಣದ ಮೈಲುಗಲ್ಲುಗಳನ್ನು ಅವರು ಬರೆದುಕೊಂಡಿದ್ದಾರೆ. ಇಷ್ಟೆಲ್ಲಾ ಆದರೂ ಆ್ಯಡಮ್​ ಟ್ರೆಂಡಿಂಗ್​ನಲ್ಲಿ ಇಲ್ಲ ನೋಡಿ ಎಂದು ಒಬ್ಬರು ಹೇಳಿದ್ದಾರೆ.

ಇದನ್ನೂ ಓದಿ : Viral Video: ತ್ರೀಡಿ ಟ್ಯುಟೋರಿಯಲ್; ಈ ಕಲಾಕೃತಿ ರಚಿಸುವುದನ್ನು ತೋರಿಸಿಕೊಟ್ಟ ಮೋಹಿತ ಕಶ್ಯಪ

ಕ್ಲರ್ಕ್, ಕ್ಯಾಷಿಯರ್​, ಸಹಾಯಕ, ಸಹಾಯಕ ಸ್ಟೋರ್ ಮ್ಯಾನೇಜರ್, ಹೌಸ್ ಕ್ಲೀನರ್​, ಆಫೀಸ್​ ಮ್ಯಾನೇಜರ್, ಸದ್ಯ ಅವಳಿ ಮಕ್ಕಳ ತಾಯಿ ಎಂದು ಒಬ್ಬರು ಪ್ರತಿಕ್ರಿಯಿಸಿದ್ದಾರೆ. ಲೈಬ್ರರಿ ಬುಕ್​ ಸ್ಟ್ಯಾಕರ್​, ಕ್ಯಾಷಿಯರ್​, ವೇಟರ್, ಬಾರ್​​ಟೆಂಡರ್​, ಫೋಟೋಗ್ರಾಫರ್​, ವಿಪಿ ಡಿಜಿಟಲ್ ಸ್ಟ್ರ್ಯಾಟಜಿ, ಡಿಜಿಟಲ್​ ಏಜನ್ಸಿ ಹೆಡ್​, ಪ್ರೊಡಕ್ಟ್​ ಮ್ಯಾನೇಜ್​ಮೆಂಟ್​ ಪ್ರೊಫೆಸರ್​, ಇನ್ನೋವೇಷನ್ ಕನ್ಸಲ್ಟಂಟ್​, ಸಿಎಕ್​ ಸ್ಟ್ರಾಟಜಿ ಡೈರೆಕ್ಟರ್​. ಹೀಗೆ ಒಂದು ಹಂತಕ್ಕೆ ಬರುವ ಮುನ್ನ ತಾವು ನಿರ್ವಹಿಸಿದ ಕೆಲಸ, ಕ್ಷೇತ್ರಗಳನ್ನು ಹೆಮ್ಮೆಯಿಂದ ಹೇಳಿಕೊಂಡಿದ್ದಾರೆ.

ಇದನ್ನು ಓದಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್​ ನ್ಯೂಸ್​​ಗಾಗಿ ಕ್ಲಿಕ್ ಮಾಡಿ